ស្នេហាមិនគិតមានក្ររបស់ស្រីស្អាត អៀ ម៉េងលិ ប្រកាសឈានដល់ផ្លូវបំបែក ខណៈខាងប្រុសនិយាយបែបនេះ

ស្រីស្អាត អៀ ម៉េងលិ និងគូស្នេហ៍មានតួនាទីជាកងអង្គរក្ស កាលពីភ្ជាប់ស្នេហ៍បាន៤ខែមហាជនរិះគន់យ៉ាងខ្លាំងក្រោយពីព្រលយពាក្យថាស្នេហាមិនគិតមានក្រតែគូស្នេហ៍ជូន បាច់ផ្កាមានលុយរហូតដល់១ម៉ឺនដុល្លារ។ ទោះយ៉ាងណា ស្នេហាមួយនេះក៏ត្រូវខាងស្រីប្រកាសថាចែកផ្លូវគ្នាក្តែងៗលើបណ្តាញសង្គមព្រោះតែមិនចុះសម្រុងនឹងគ្នាដោយមិនមានអ្នកទី៣ជ្រែតជ្រែកឡើយ ខណៈខាងប្រុសក៏បានចូលទៅខំមិនលើការប្រកាសចែកផ្លូវគ្នារបស់ អៀ ម៉េងលិ ផងដែរ។

នៅថ្ងៃទី៣០ ខែឧសភា ឆ្នាំ២០២៣ មហាជនអ្នកតាមដានវិស័យសិល្បៈមានការចាប់អារម្មណ៍ជាខ្លាំងបន្ទាប់ពីស្រីស្អាតសាច់សខ្ចី អៀ ម៉េងលិ បានប្រកាសចែកផ្លូវគ្នាជាមួយគូស្នេហ៍ថ្មីយ៉ាងភ្ញាក់ផ្អើល ខណៈទើបភ្ជាប់ចំណងស្នេហ៍ប្រមាណ៩ខែ។ ម៉េង លិ បានសរសេរនៅលើបណ្តាញសង្គមដោយភ្ជាប់ជាមួយរូបថតគូស្នេហ៍ថា «បញ្ចប់ត្រឹមនេះ ប៉ុណ្ណឹងគ្រប់គ្រាន់ហើយ មូលហេតុមិនចុះសម្រុងគ្នា @royce hy មិនមែនមានអ្នកទី៣ទេ»។

ការប្រកាសចែកផ្លូវគ្នានេះបានធ្វើឱ្យអ្នកលេងបណ្តាញសង្គមជាច្រើនចូលទៅបញ្ចេញមតិព្រាត ខណៈអ្នកមួយចំនួនក៏បានផ្លែផ្កាដាក់ ស្រីលិ ពីរឿងស្នេហាមិនគិតមានក្រ និងអ្នកខ្លះទៀតបានបញ្ចេញមតិលើកទឹកចិត្តព្រោះស្នេហាគ្មានអ្នកណាទាញដឹងមុននោះទេ ឯអ្នកខ្លះក៏មិនជឿលើការប្រកាសចែកផ្លូវគ្នានេះដែរព្រោះឃើញអ្នកទាំងពីរទើបតែស្អិតរមួតជាមួយគ្នា និងអ្នកខ្លះថាគ្រាន់តែជាការខឹងមួយគ្រា ឬគ្រាន់តែទាញចំណាប់អារម្មណ៍ប៉ុណ្ណោះ។
បន្ទាប់ពី អៀ ម៉េងលិ ប្រកាសបែបនេះហើយ គេក៏ឃើញខាងប្រុសដែលជាគូស្នេហ៍តារាស្រីរូបនេះ មានតួនាទីជាកងអង្គរក្សផងបានចូលទៅខំមិនលើការបង្ហោះប្រកាសចែកផ្លូវគ្នាជាមួយខាងស្រីដោយលោកសរសេរទាំងការសើចថា «ប្រពន្ធងរងក់ដាស់អត់ងើប វៃបងហើយ ខឹងបងទៀត អើយស្រីលិ» ដែលឃ្លានេះអាចបញ្ជាក់ថាគ្រាន់តែជាអារម្មណ៍ខឹងរបស់ខាងស្រីប៉ុណ្ណោះ។

គួរបញ្ជាក់ផងដែរថា កាលពីខែមករា កន្លងមកនេះ អៀ ម៉េងលិ ត្រូវអ្នកលេងបណ្តាញសង្គមរិះគន់បន្ទាប់ពីនាងនិយាយថា ស្នេហានាងមិនគិតមានក្រ ទាំងដែលខាងប្រុសជូនបាច់ផ្កាមួយបាច់ខ្ទង់១ម៉ឺនដុល្លារបន្ទាប់ពីទាក់ទងគ្នា៤ខែ៕