កាលពីពេលថ្មីៗនេះ មហាសេដ្ឋីបច្ចេកវិទ្យា Elon Musk បាធ្វើអោយអ្នកគាំទ្របិសាចក្រហម Manchester United មានភាពច្របូកច្របល់ជាខ្លាំង ក្រោយពីរូបលោកប្រកាសចង់ទិញក្លិបនេះ ក្នុងតម្លៃ៤.៥ពាន់លានដុល្លារ។
បច្ចុប្បន្នអ្នកគាំទ្រ Man Utd ហាក់សម្តែងការមិនពេញចិត្តនោះទេទៅលើការគ្រប់គ្រងរបស់ត្រកូល Glazer ដោយបានបន្ទោសអ្នកទាំងពីរនេះ ដែលបានធ្វើអោយស្ថានភាពក្លិបរបស់ពួកគេទៅជាយ៉ាងនេះ។
ថ្វីបើប៉ុន្មានប្រកួតចុងក្រោយនេះ Man Utd រក្សាទម្រង់លេងល្អ ដោយឈ្នះជាប់ៗគ្នាក្តី ក៏ប៉ុន្តែអ្នកគាំទ្រនៅតែចង់បណ្តេញម្ចាស់ក្លិបចេញ ដោយចោទប្រកាន់ថាការគ្រប់គ្រងមិនមានប្រសិទ្ធភាព និងមិនបានធ្វើឱ្យក្លិបរីកចម្រើន។
តែយ៉ាងណាមិញជុំវិញរឿងទិញក្លិបនេះ អាចជាលេងសើចរបស់ Elon Musk ក៏ថាបាន ពីព្រោះកាលពីឆ្នាំមុនរូបលោកធ្លាប់បានចង់ទិញម្តងរួចមកហើយ តែក្រោយមកលោកថា គ្រាន់តែនិយាយលេងសើចទៅវិញ។
គួរបញ្ជាក់ផងដែរថា Elon Musk ជាមហាសេដ្ឋីលេខ២ពិភពលោក ដែលមានទ្រព្យដល់ទៅ១៥៧ពាន់លានដុល្លារឯណោះ៕.png)
ប្រភព៖ The Mirror
