រដ្ឋបាលស្រុកបាទី រងការរិះគន់យ៉ាងចាស់ដៃរឿងចេញសេចក្ដីណែនាំខុសអក្សរសឹងគ្រប់ឃ្លា

្នំពេញ៖ កាលពីថ្ងៃទី២០ ខែមករា ឆ្នាំ២០២៣ រដ្ឋបាលស្រុកបាទី បានចេញសេចក្ដីណែនាំស្ដីពី ការពង្រឹងការអនុវត្តវិធានការការពារសន្តិសុខសណ្ដាប់ធ្នាប់សាធារណៈក្នុងឱកាសបុណ្យចូលឆ្នាំប្រពៃណីជនជាតិចិន និងវៀតណាម។ ប៉ុន្តែអ្វីដែលគួរឱ្យសម្គាល់នោះគឺក្នុងសេចក្ដីណែនាំមានការសរសេរខុសអក្ខរាវិរុទ្ធ ឃ្លោងឃ្លា យ៉ាងច្រើនអនេក ខណៈកំហុសឆ្គងទាំងអម្បាលម៉ាននេះបានធ្វើឱ្យមហាជនរិះគន់ពីភាពកំសោចនៃការបំពេញការងាររបស់មន្រ្ដីថា អសមត្ថភាពយ៉ាងខ្លាំង។

ជាក់ស្ដែងកាលពីពេលម្សិលមិញនេះ ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន ក៏បានធ្វើការរិះគន់ផងដែរចំពោះករណីមួយនេះ ដោយលោកបានសរសេររៀបរាប់នៅលើបណ្ដាញសង្គមហ្វេសប៊ុកយ៉ាងដូច្នេះថា៖ «មិនដឹងជាពិតឬអត់ទេ តែបើសិនជាពិតមែន គឺ សែនខ្មាសអៀនណាស់ ! ( ទទួលបានពីមិត្តក្នុងហ្វេសប៊ុក )។

យ៉ាងណាមិញក្រោយពីត្រូវបាន ឯកឧត្តម ខៀវ កាញារីទ្ធ ក៏ដូចជាមហាជនរិះគន់យ៉ាងចាស់ដៃនោះ យើងក៏បានឃើញរដ្ឋបាលស្រុកបាទី ប្រញាប់ប្រញាល់ធ្វើការកែសម្រួលនូវចេញសេចក្ដីណែនាំឡើងវិញ ផងដែរ ៕