មិនត្រឹមតែស្រស់ស្អាតទាក់ចិត្តទាក់បេះដូងសាធារណជនប៉ុណ្ណោះទេប៉ុន្តែថ្មីៗនេះលោកជំទាវ យឹម ឆៃលីន បានធ្វើឱ្យអ្នកគាំទ្រមួយចំនួនភ្ញាក់ផ្អើលក្រោយពីឃើញថាលោកជំទាវប្រសប់ធ្វើម្ហូបមើលទៅមិនចាញ់ចុងភៅជំនាញប៉ុន្មាននោះទេ។

តាមរយៈវីដេអូដែលមានការបង្ហោះនៅលើបណ្តាញសង្គមលោកជំទាវ យឹម ឆៃលីន បានរៀបចំបុកល្ហុកដោយផ្ទាល់ដៃឱ្យកូនរបស់ខ្លួនដែលកំពុងតែបន្តសិក្សានៅប្រទេសអង់គ្លេស។ ដើម្បីបន្ថែមរសជាតិឱ្យកាន់តែឆ្ងាញ់មិនត្រឹមតែមានជាបុកល្ហុកប៉ុណ្ណោះទេថែមទាំងមានបាយដំណើបចំហុយនិងជើងមាន់អាំងផងដែរ។ បន្ទាប់ពីទស្សនិកជនបានឃើញលោកជំទាវ យឹម ឆៃលីន ប៉ិនប្រសប់បែបនេះហើយអ្នកលេងអ៊ីនធឺណិតបានចូលរួមបញ្ចេញមតិជាច្រើនថា «អត់ដឹងថាគាត់ពូកែចឹងសោះ, ស្អាតហើយចំណាប់ធ្វើម្ហូបទៀតបងស្រី, បានទាំងព្រម ស្អាត ឆ្លាត ពូកែ, ទាំងស្អាតនិងពូកែ ថ្លៃថ្នូរទៀតបង….»។

ក្រៅពីមុខម្ហូបបុកល្ហុក ទស្សនិកជនបានឃើញលោកជំទាវធ្វើម្ហូបជាច្រើនទៀតដូចជា សម្លម្ជូរគ្រឿងត្រកួន និង ធ្វើនំបាក់បិន ជាដើម។

ជារឿយៗលោកជំទាវ យឹម ឆៃលីន ត្រូវបានទស្សនិកជនសរសើរមិនដាច់ពីមាត់អំពីសម្រស់ដ៏ស្រស់ស្អាត ប្រកបដោយភាពថ្លៃថ្នូររៀបចំខ្លួនស្របទៅនឹងកម្មវិធី។ ក្រៅពីសម្រស់ទស្សនិកជនក៏ចាប់អារម្មណ៍ទៅនឹងគ្រឿងអលង្ការថ្លៃៗ និងកាបូបប្រណីតៗរបស់លោកជំទាវផងដែរ៕

អ្នកតាមដានវិស័យបវរកញ្ញាមួយចំនួនជ្រាបមកហើយថា ហ្វីយ៉ាតា បានបង្ហាញដំរួយវិលត្រឡប់ម្តងទៀតក្នុងវិស័យបវរកញ្ញារហូតធ្វើឱ្យអ្នកលេងបណ្តាញសង្គមថៃមួយចំនួនជ្រួលច្របល់ផងដែរ។ យ៉ាងណាមិញក្រៅពី ហ្វីយ៉ាតា នៅមានបវរកញ្ញាល្បីៗជាច្រើនទៀតដូចជា ពេជ្រ វត្តីសារ៉ាវឌ្ឍី ប៊ី សុធារី រួមទាំង ដេត ស្រីនាឌ ក៏លេចឮដំណឹងថាពួកនាងគ្រោងវិលត្រឡប់មកវិញដូចគ្នា។

ជុំវិញដំណឹងពីការចូលរួមប្រកួតក្នុងកម្មវិធីបវរកញ្ញាពីសំណាក់បវរកញ្ញាល្បីឈ្មោះ ហ្វីយ៉ាតា បវរកញ្ញាចក្រវាលកម្ពុជាឆ្នាំ២០២៥ មានគោលគំនិតមិនចង់ឱ្យនាងឬបវរកញ្ញាដទៃទៀតសម្រុកចូលរួមប្រកួតក្នុងកម្មវិធីតែមួយនោះទេ។ នៅក្នុងវីដេអូមួយបានបង្ហាញពីបវរកញ្ញាទាំង៥រូបរួមមាន ពេជ្រ វត្តីសារ៉ាវឌ្ឍី ប៊ី សុធារី អ៊ិន លក្ខិណា ហ្វីយ៉ាតា និង ដេត ស្រីនាឌ ប្រសិនជាអ្នកទាំង៥ប្រកួតនៅលើឆាកតែមួយពិតជាធ្វើឱ្យមានភាពអស្ចារ្យមិនខាន។

ទោះយ៉ាងណា ហ្វីយ៉ាតា បានចែករំលែកបន្តវីដេអូនោះដោយភ្ជាប់មកជាមួយនឹងសំណេរថា «តែចិត្តខ្ញុំ ចង់ឱ្យខ្ញុំនិងប្អូនៗចូលផ្សេងគ្នា ដើម្បីបាន support គ្នាពេញដៃពេញជើងម្ដង… ហើយបានជើងខ្លាំងចេញច្រើន Platforms កុំឱ្យពួកជិតខាងបានដៃពេក»។

គួរបញ្ជាក់ផងដែរថាទោះបីជា ហ្វី យ៉ាតា ជា Miss Universe Cambodia 2025 ហើយបានចេញទៅប្រកួតនៅលើឆាកអន្តរជាតិក្តីប៉ុន្តែបវរកញ្ញារូបនេះបង្ហើបថារូបនាងនឹងចូលរួមប្រកួតវិស័យបវរកញ្ញាម្តងទៀត។ ចំណែកឯ ដេត ស្រីនាឌ ដែលជា Miss Charm Cambodia 2025 និងបាននាំកម្ពុជាចូល TOP 20 ក៏មានគម្រោងវិលត្រឡប់មកវិញដូចគ្នា។ ចំណែក អ៊ិន លក្ខិណា Top10 Miss Cosmo 2024 ពេជ្រ វត្តីសារ៉ាវឌ្ឍី ប៊ី សុធារី ដែលសុទ្ធសឹងតែជាជើងខ្លាំងក៏លេចឮដំណឹងមកថាពួកគេមានបំណងចូលប្រកួតដូចគ្នា៕

បច្ចុប្បន្ននេះហាងឆេងមាសហក់ខ្ពស់ឡើងយ៉ាងខ្លាំងរហូតដល់ជាង៦០០ដុល្លារក្នុងមួយជី ដែលធ្វើឱ្យអ្នកដែលមានមាសប្រាកដជាញញឹមបិទមាត់មិនជិតមិនខាន។ មិនខុសគ្នាប៉ុន្មានពីសាធារណជននោះទេតារាចម្រៀង ពេជ្រ សោភា ក៏ត្រូវប៉ាន់ដូចគ្នាស្របពេលមាសឡើងថ្លៃតារាចម្រៀងរូបនេះបង្ហាញថាបានទិញមាសទុកតាំងពីឆ្នាំ២០២២។

មាស ពេជ្រ សុទ្ធតែគ្រឿងអលង្ការសម្រាប់លម្អខ្លួនប្រាណឱ្យកាន់តែស្រស់ស្អាត និងអាចជួយដោះទុក្ខធុរៈនៅពេលមានការចាំបាច់ជាពិសេសគឺមាសតែម្តងមិនថាអ្នកទិញនៅកន្លែងណានោះទេ គឺអាចទិញលក់បានយ៉ាងទូលំទូលាយ។ ដោយសារវិបត្តិសេដ្ឋកិច្ច ស្ថានភាពនយោបាយ នឹងការប្រឈមមុខនៃសម្ពាធពន្ធរវាងសហរដ្ឋអាម៉េរិក និងសហភាពអឺរ៉ុប នៅថ្ងៃទី២៨ ខែមករា ឆ្នាំ២០២៦ នេះហាងឆេងមាសបានហក់ខ្ពស់យ៉ាងខ្លាំងរហូតដល់ ៦២៣០ដុល្លារក្នុងមួយតម្លឹង។

នៅយប់ថ្ងៃទី២៧ តារាចម្រៀង ពេជ្រ សោភា បានបង្ហោះរូប៥សន្លឹកជាមួយនឹងគ្រឿងអលង្ការជាមាស ដោយភ្ជាប់មកជាមួយនឹងសំណេរថា «សរសើរខ្លួនឯង ចេះទិញមាសទុកតាំងពីឆ្នាំ២០២២»។ ការបង្ហោះនេះបានទាក់ទាញតារាចម្រៀង ឆន សុវណ្ណារាជ ចូលខម្មិនថា «គ្រប់ទឹកហើយចឹង ម៉ែវា»។ ចំណែក ឆឹម សក្កដា វិញក៏បានបញ្ចេញមតិឱ្យ ពេជ្រ សោភា ប្រមូលលក់។

ងាកមកកាន់អ្នកគាំទ្រវិញ ក៏បានជំរុញឱ្យតារាចម្រៀង ពេជ្រ សោភា លក់មាសដូចគ្នា ដោយអ្នកខ្លះថែមទាំងនិយាយថាប្រសិនបើជានាងលក់មិនដឹងចំណេញយ៉ាងណានោះទេ។

តារាចម្រៀង ពេជ្រ សោភា ត្រូវបានទស្សនិកជនសរសើរយ៉ាងខ្លាំងចំពោះរូបរាងរបស់នាងទោះបីជាវ័យជ្រេហើយក្តីប៉ុន្តែរាងរបស់នាងនៅតែស្រស់ស្អាត។ ពេជ្រ សោភា បានប្រាប់ទស្សនិកជនដែរថាការដែលរូបរាងស្អាតបែបនេះគឺនាងកំណត់របបអាហារ និងញុំាអាហារបែបសុខភាព៕

ប្រិយមិត្តមួយចំនួនអាចស្គាល់ Nick Nok ឬ Nick Mark តាមរយៈវីដេអូបែបកំប្លែងៗនៅលើបណ្តាញសង្គមឬស្គាល់ថាជាថៅកែហាងនៅខេត្តសៀមរាប ឬអាចស្គាល់តាមរយៈបទចម្រៀង «គ្មានអូនបងគ្មានក្ដីសុខ»។ ទោះជាយ៉ាងណា រឿងមួយដែលអ្នកគាំទ្រទើបតែបានដឹងនោះគឺ Nick Nok អាចធ្វើឱ្យគេសើចសប្បាយតែធាតុពិតរូបលោកគឺជាមនុស្សដែលខ្វះភាពកក់ក្តៅបំផុត។

នៅព្រឹកថ្ងៃទី២៨ ខែមករា Nick Nok បងប្រុស លីហ្វុង ស្រាប់តែចេញមកបង្ហោះសំណេរនៅលើបណ្តាញសង្គមរម្លឹកពីភាពឈឺចាប់របស់ខ្លួនថាលោកស្អប់អតីតកាល រាល់ពេលរម្លឹកម្តងៗប្រៀបដូចជាយកកាំបិតមកចាក់ដើមទ្រូងលោក។ អន់ចិត្ត ឈឺចិត្ត ជាដំបៅមិនងាយនឹងជា ជីវិតខ្វះភាពកក់ក្តៅតាំងពីតូចគឺរងារខ្លាំងណាស់។ Nick Nok បន្តថា «កូនចង់ប្រាប់ឱ្យ ដឹងខ្ញុំច្រណែនកូនគេដែលមានម៉ាក់ប៉ានៅជុំគ្នា នាំកូនគេដើរលេង ខ្ញុំច្រណែនកូនគេ ខ្ញុំគ្រាន់តែចង់ឱ្យគ្រួសារយើងនៅជុំគ្នាហេតុអ្វីវាពិបាកម្ល៉េះ? ពេលយប់ខ្ញុំឯកោ ខ្ញុំដេកយំរាល់យប់មិនឱ្យអ្នកណាដឹងទេ ខ្ញុំសង្ឃឹមថាថ្ងៃដែលខ្ញុំផុសនេះជាថ្ងៃដែលខ្ញុំយំលើកចុងក្រោយ»។

ដោយសារតែខ្វះភាពកក់ក្តៅពីឪពុកម្តាយតាំងពីតូច Nick Nok បានសន្យាថាពេលនេះលោកមានកូនហើយ ទោះបីជាមានភាពលំបាកយ៉ាងណាលោកនឹងព្យាយាមភាពកក់ក្តៅដល់កូនៗ មិនចង់ឱ្យកូនលោកទទួលអារម្មណ៍ដូចលោកពីមុននោះទេ។

សំណេរសោកសៅដែលបង្ហាញពីការឈឺចាប់ក្នុងរង្វង់គ្រួសារនេះ Nick Nok ទទួលបានការលើកទឹកចិត្តយ៉ាងច្រើនពីអ្នកគាំទ្រខ្លួន។ កាលពីកន្លងមកនេះ Nick Nok ក៏បានចេញមកនិយាយពីប្អូនស្រី និង Oppa Tony ជាជនជាតិថៃផងដែរដោយសារតែអ្នកមួយចំនួនបានដាក់សម្ពាធមកកាន់ពួកគេខ្លាំងពេក៕

អូជី ហ្គូលឌិន បានរងនូវមតិប្រតិកម្មចម្រុះពីអ្នកលេងបណ្តាញសង្គមបន្ទាប់ពីម្ចាស់ពានរូបនេះប្រកាសថាដើរចេញពីវិស័យចម្រៀងដោយសារតែទទួលបានការរើសអើងនិងការមើលងាយពីអ្នកល្បីឈ្មោះ។

មិនដឹងថានេះជាការបង្ហោះបែបលេងសើចឬជាការពិតនោះទេប៉ុន្តែវាបានក្លាយជាប្រធានបទជជែកវែកញែកក្នុងចំណោមអ្នកលេងអ៊ីនធឺណិតនៅពេល អូជី ហ្គូលឌិន ម្ចាស់ពានវ័យក្មេងបានបង្ហោះសំណេរនៅថ្ងៃទី២៧ ខែមករា ថា «ខ្ញុំលាពីចម្រៀងហើយអ្នកទាំងអស់គ្នា.!! សំណាងល្អ»។ នៅថ្ងៃទី២៨ ខែមករា អូជី ក៏បានទម្លាយពីហេតុការចាកចេញនេះដោយសារតែការរើសអើង។

អ្នកចម្រៀងរ៉េបរូបនេះបានសរសេរថា «វិស័យនេះរើសអើងគ្នាសាហាវណាស់ ភាគច្រើនអ្នកល្បីៗនិយាយមើលងាយអ្នកដែលទើបមកច្រើនណាស់ ដើរផ្លូវដូចគ្នាឱ្យតម្លៃគ្នាទៅវាយ៉ាងមិច»។ នៅក្នុងផ្នែកបញ្ចេញមតិយោបល់ អ្នកមួយចំនួនបានបង្ហាញការសោកសៅអ្នកខ្លះទៀតគិតថា អូជី Prank តែប៉ុណ្ណោះ និងមតិផ្សេងទៀតថា អាចចេញពីចម្រៀងចូលទៅកាន់វិស័យរ៉េបពេញទំហឹង។

យ៉ាងណាមិញ ការប្រកាសដើរចេញពីវិស័យចម្រៀងរបស់ អូជី អ្នកលេងបណ្តាញសង្គមខ្លះបង្ហាញចេតនាគាំទ្រឱ្យម្ចាស់ពានរូបនេះដើរចេញឱ្យងាកទៅរកស៊ីវិញ ខណៈអ្នកខ្លះទៀតថា ដក អូជី ចេញក៏មិនខាតដែរ។

គួរបញ្ជាក់ថា OG Golden កូនក្រុមរបស់ Ruthko បានក្លាយជាម្ចាស់ជ័យលាភីក្នុងកម្មវិធី Rapper Fighter កាលពីថ្ងៃទី២ កុម្ភៈ ឆ្នាំ២០២៥។ ចាប់តាំងក្លាយជាម្ចាស់ពាន ម្ចាស់ពានវ័យក្មេងរូបនេះហាក់រងនូវរឿងចម្រូងចម្រាសជាច្រើន៕