កាលពីកន្លងមកនេះតារាចម្រៀង លីម តិចម៉េង និងសមាជិក TOP4 ត្រូវបានសាធារណជនរិះគន់ចំពោះសកម្មភាពរាំតាមចង្វាក់ដែលល្បីនៅលើបណ្តាញសង្គម។ ភាពចម្រូងចម្រាសនេះ តិចម៉េង បានបកស្រាយថាគឺធ្វើតម្រូវតាម concept កម្មវិធីដែលមានការរាំសប្បាយៗនិងបានសូមអធ្យាស្រ័យក៏ដូចជាផ្ញើសារនៅចុងកម្មវិធី។ ទោះជាយ៉ាងណាមតិរិះគន់បានកើតឡើងនៅពេលមានការកាត់វីដេអូខ្លីៗ។

តាមរយៈឃ្លីបវីដេអូមួយ ម្ចាស់ពាន Cambodian Idol រដូវកាលទី៤ បាននិយាយថា «សូម្បីតែច្រៀងរាល់ថ្ងៃគិតអាក្រក់ឡើងរញ៉ៃ ឡើងឆាកកម្មវិធីគេរៀបចំឱ្យយើងបែបយុវវ័យ លេងរាំសប្បាយ បន្ទាប់មកចប់កម្មវិធីយើងអធ្យាស្រ័យបងប្អូននិងចែកជាសារចែករំលែកផ្សេងៗ។ ប៉ុន្តែធ្វើតាមកម្មវិធី តាមការងារ គេកាត់យកកន្លែងរាំដែលជាចំណុចបង្កភាពសប្បាយរីករាយដើម្បីឱ្យអ្នកមើល Relax អារម្មណ៍យកមកតែបន្តិចជេរបណ្តោយ»។

លីម តិចម៉េង ថា លោកមិនបកស្រាយទេដោយតារាចម្រៀងរូបនេះលើកដៃសំពះផង និងបានបន្តទៀតថាចំពោះបងប្អូនដែលបានជេរគិតអ្វីលើលោកគិតទៅវិភាគតាមហ្នឹងលោកមិនប្រកាន់ទេ។ តារាចម្រៀងរូបនេះថា ទម្រាំលោកចង់ប្រដាល់គុនខ្មែរមួយទៀតគឺចប់តែម្តង ទប់មិនឈ្នះមិនខាន។

គួរបញ្ជាក់ផងដែរថា កាលពីកន្លងមកនេះសាលារៀនមួយបានបង្ហាញការមិនពេញចិត្តចំពោះសកម្មភាពរបស់ក្រុម TOP4 ដែលអាចជះឥទ្ធិពលមិនល្អទៅកាន់ក្មេងៗ។ ក្រោយមកខាងសាលាបានចេញសំណេរមួយទៀត ប៉ុន្តែតារាចម្រៀង ស៊ឹម ច័ន្ទពន្លឺ និង នាង ដាវីន ហាក់ដូចជាមិនអាចទទួលយកបាននូវការបកស្រាយរបស់ខាងសាលាឡើយ ហើយវាបានក្លាយជាប្រធានបទបូកជាមួយការរិះគន់ពីមហាជនបន្ថែមទៀត។

នៅលើបណ្តាញសង្គមរបស់ លីម តិចម៉េង កាលពីដើមខែកក្កដា មកនេះលោកក៏ព្រមានblock ចំពោះគណនីបណ្តាញសង្គមណាដែលមាននិយាយបែបភ្លាវៗ ជាន់ ជេរ ប្រមាថ មើលងាយទាំងមិនដឹងក្បាល រឺ កន្ទុយ បែងចែកមិនដាច់ពីវត្ថុបំណងមកកាន់លោកផងដែរ៕

ពិធីករ វី យ៉ារ៉ូ ត្រូវបានអ្នកលេងបណ្តាញសង្គមកោតសរសើរចំពោះឥរិយាបថតារាប្រុសរូបនេះលើកដៃសំពះបង្ហាញកាយវិការសមសួនទៅកាន់ក្មេងស្រីម្នាក់ដែលយកកន្សែងត្រជាក់ជូនលោក។ អ្នកលេងបណ្តាញសង្គមបានបញ្ចេញមតិសរសើរទាំង យ៉ារ៉ូ និងក្មេងស្រីថាមានសីលធម៌ល្អហើយភាពល្អរបស់ពិធីកររូបនេះពិតជាតារាគម្រូសម្រាប់អ្នកដទៃទៀត។

ថ្មីៗនេះមានវីដេអូមួយចែករំលែកនៅលើបណ្តាញសង្គមទិកតុករយៈពេល២០វិនាទីចេញពីគណនី «នីណា» ធ្វើឱ្យមានការចាប់អារម្មណ៍យ៉ាងខ្លាំងនៃចំនួនអ្នកទស្សនារាប់ម៉ឺនដង បញ្ចេញមតិរាប់រយខម្មិនទៅលើពិធីករមានឈ្មោះបោះសំឡេងម្នាក់គឺ វី យ៉ារ៉ូ។ នៅក្នុងវីដេអូនេះគេបានឃើញ ក្មេងស្រីម្នាក់បានយកកន្សែងត្រជាក់ដើរសម្តៅទៅកាន់ យ៉ារ៉ូ ដែលកំពុងស្ថិតនៅក្នុងកម្មវិធីមួយហើយ យ៉ារ៉ូ បានលើកដៃសំពះក្មេងស្រីវិញចំពោះសន្តានចិត្តល្អខណៈក្មេងស្រីរូបនេះក៏បានលើកដៃសំពះ យ៉ារ៉ូ វិញនិងហើយពិធីកររូបនេះបានឱបក្មេងស្រីនេះផងដែរ។

អ្នកពីរបាននិយាយគ្នាបន្តិចរួចហើយ យ៉ារ៉ូ បានងាកមកនិងបានលើកដៃសំពះដែលទំនងជាម្តាយរបស់ក្មេងស្រីរូបនេះ។ មិនបង្អង់យូរឡើយ យ៉ារ៉ូ បានហែកកន្សែងត្រជាក់យកប្រើប្រាស់តែម្តង។ សកម្មភាពរបស់អ្នកទាំងពីរបានធ្វើឱ្យអ្នកប្រើប្រាស់បណ្តាញសង្គមកោតសរសើរយ៉ាងខ្លាំងចំពោឥរិយាបថអ្នកទាំងពីរមានសីលធម៌ចំពោះគ្នាទៅវិញទៅមក គោរពស្រលាញ់គ្នាក្នុងនាមឈាមខ្មែរតែមួយ។

ពួកគេបានបញ្ចេញមតិថា «សីលធម៌គាត់ល្អណាស់, គួរឱ្យស្រឡាញ់ទាំងសង , B yaro គាត់សំពះអរគុណកូនស្រី មើលទៅគួរឱ្យសរសើរណាស់ ហើយកូនស្រីនោះពិតជាល្អណាស់ សំពះទៅមក នេះហើយគេហៅថាសុជីវធម៌នៃមនុស្ស មានតម្លៃណាស់, មើលហើយ ខ្ញុំញញឹមតែម្នាក់ឯង ប្អូនប្រុស មានសីលធម៌ល្អណាស់, ល្អសែនល្អរកពាក្យនិយាយមិនត្រូវ បើសិនជាខ្ញុំជាអ្នកអង្គុយក៏រំភើបដូចគ្នាប្អូនស្រីគួរឱ្យស្រឡាញ់ណាស់ និងមតិយោបល់ជាច្រើនទៀត»។

គួរបញ្ជាក់ថា ទោះបីជា វី យ៉ារ៉ូ មមាញឹកលើការងារសិល្បៈក្តីប៉ុន្តែ ពិធីកររូបនេះបានឆ្លៀតបន្តការសិក្សាថ្នាក់អនុបណ្ឌិតតាមរយៈកម្មវិធីសិក្សាតាមអនឡាញនិងបានទៅទទួលសញ្ញាបត្រដោយផ្ទាល់នៅប្រទេសអ៊ីតាលីកាលពីចុងខែកញ្ញា ឆ្នាំ២០២៣ កន្លងមកនេះ៕

ទីបំផុតការតាំងចិត្តមោះមុតរបស់កញ្ញា ប៊ី សុធារី តែមិនមើលស្រាលដៃគូប្រកួតប្រជែងលើឆាក Miss Grand Cambodia 2024 បានសម្រេចបំណងប្រាថ្នាក្លាយជាម្ចាស់ជ័យលាភីគ្រងមកុដតម្លៃជាង១លានដុល្លារ។ ម្ចាស់ជ័យលាភីតំណាងឱ្យខេត្តកំពង់ឆ្នាំងរូបនេះនឹងត្រូវតំណាងឱ្យប្រទេសកម្ពុជាប្រកួតនៅលើឆាក Miss Grand International 2024 នាខែតុលាខាងមុខ។ នេះគឺជាលើកទី៣សម្រាប់ ប៊ី សុធារី ជាមុខមាត់ឱ្យប្រទេសកម្ពុជាក្នុងកម្មវិធីបវរកញ្ញា។

ក្រោយពីប្រកួតប្រជែងជាច្រើនខែនៅរាត្រីថ្ងៃទី១២ កក្កដាធា គឺជារាត្រីផ្តាច់ព្រ័ត្រនៃ Miss Grand Cambodia2024 ហើយក៏ជាឆ្នាំទី២ក្រោមការដឹកនាំរបស់លោកស្រី អ៊ឹម សុគន្ធា nនិងបានរកឃើញម្ចាស់ជ័យលាភីថ្មីបន្តតំណែងពី ភឹម ស្រីនោ Miss Grand Cambodia 2023 គឺបានទៅលើកញ្ញា ប៊ី សុធារី។ ឱកាសដណ្តើមជ័យលាភីនេះក្នុងវគ្គសំណួរចម្លើយ៥នាក់ចុងក្រោយរូបនាងទទួលបានសំណួរថា «ក្នុងនាមជាកូនខ្មែរតើអ្វីទៅជាកាតព្វកិច្ចសំខាន់ដែលកញ្ញាគប្បីត្រូវធ្វើដើម្បីថែរក្សានិងការពារ បេតិកភណ្ឌវប្បធម៌តាមជំនាន់របស់ជាតិប្រសិនបើកញ្ញាក្លាយជាអ្នកគ្រងមកុដនៅក្នុងរាត្រីនេះ តើកញ្ញានឹងផ្សព្វផ្សាយកម្ពុជាទៅកាន់ឆាកអន្តរជាតិយ៉ាងដូចម្តេច?»។ប៉ះចំសំណួរដ៏មានសារៈសំខាន់នេះ ប៊ី សុធារី បានឆ្លើយថា «កាតព្វកិច្ចដែលនាងត្រូវធ្វើដើម្បីថែរក្សានិងការពារសម្បត្តិបេតិកភណ្ឌតាមជំនាន់នោះគឺការបណ្តុះស្មារតីឱ្យស្រលាញ់សិល្បៈវប្បធម៌ជាតិក៏ដូចជាត្រូវហាត់រៀនយកនូវចំណេះជំនាញបន្ថែមទៀតដើម្បីយកទៅបង្ហាញយុវជនជំនាន់ក្រោយ អ្នកទាំងអស់គ្នាត្រូវចងចាំថាមានតែតម្រិះវិជ្ជាតែប៉ុណ្ណោះដែលអាចបង្ហាញទៅកាន់កូនចៅតជំនាន់បាន មានតែចំណេះវិជ្ជាតែប៉ុណ្ណោះគង់នៅជាប់ជាមួយយើងដល់ថ្ងៃស្លាប់។ ដូច្នេះហើយនៅក្នុងរាត្រីនេះនាងសូមប្តេជ្ញាថានាងនឹងប្រើប្រាស់សមត្ថភាពដែលនាងមាន ធ្វើជាអ្នកផ្សព្វផ្សាយដ៏សកម្មដើម្បីជួយលើកស្ទួយមុខមាត់ប្រទេសកម្ពុជានៅលើវេទិកាប្រកួតបវរកញ្ញាថ្នាក់ពិភពលោកដែលរូបនាងកំពុងតែឈរនៅរាត្រីនេះហើយនាងនឹងបង្កើតប្រវត្តិសាស្រ្តថ្មីមួយទៀតដើម្បីបង្ហាញទៅកាន់យុវជន យុវតីជំនាន់ក្រោយឱ្យឃើញពីភាពតស៊ូ ភាពក្លាហាន ដែលនាងហ៊ានធ្វើគ្រប់យ៉ាងដើម្បីប្រទេសជាតិក្នុងការគ្រងមកុដ Miss Grand Cambodia2024»។

ផ្តល់ចម្លើយដ៏មានអត្ថន័យគ្រប់គ្រាន់មានទាំងភាសាខ្មែរនិងភាសាអង់គ្លេសក្នុងរយៈពេល១.៣០វិនាទីនេះ ប៊ី សុធារី បានឈ្នះដៃគូប្រកួតផ្សេងទៀតគ្រងមកុដតម្លៃជាង១លានដុល្លារនឹងតំណាងប្រទេសកម្ពុជាចូលប្រកួតនៅលើឆាកអន្តរជាតិនាខែតុលាខាងមុខ។ កាលពីមុន ប៊ីសុធារី ធ្លាប់តំណាងប្រទេសកម្ពុជាប្រកួតនៅលើឆាក Miss Universe 2017 និង Miss Charm 2023។ ក្រៅពីក្លាយជា Miss Grand Cambodia 2024 ប៊ី សុធារី បានឈ្នះពានរង្វាន់ Best in swimsuit ផងដែរ ខណៈការឆ្លើយសំណួរដើម្បីមកកាន់៥នាក់ចុងក្រោយ ប៊ី សុធារី ឆ្លើយសំណួរជាភាសាអង់គ្លេសត្រូវមហាជនសរសើរថា គ្មានទាក់មួយម៉ាត់និយាយអង់គ្លេសហូរដូចទឹក។

គួរបញ្ជាក់ថា លំដាប់រងទី១បានទៅលើខេត្តស្វាយរៀង ដែលមាន រី ស្រីណេត ជាអ្នកតំណាង លំដាប់រងទី២ បានទៅលើសៀមរាបមាន ឌី បញ្ញាវិមាលា លំដាប់រងទី៣បានទៅ
រតនៈគិរី តំណាងដោយ ម៉ាច ដាវី និងលំដាប់រងទី៤បានទៅលើ បាត់ដំបង តំណាងដោយ ភូផាត់ទីយ៉ា។ ក្នុងរាត្រីផ្តាច់ព្រ័ត្រនេះក៏មានការចូលរួមពីលោក ណាវ៉ាត់ ជាអគ្គនាយក Miss Grand International Organization និង អ្នកស្រី ថេរេសា ជាអគ្គនាយករង Miss Grand International Organization រួមជាមួយកញ្ញា នីនី លីន អៀន ជាលំដាប់រងទី ១ Miss Grand International 2023 ផងដែរ៕