(ភ្នំពេញ)៖ លោក ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានដឹកនាំក្រុមការងារចុះទស្សនកិច្ចទៅកាន់សហគ្រាសកែច្នៃម្ហូបអាហារ ដ៏លេចធ្លោមួយរបស់កម្ពុជា ក្រុមហ៊ុន ក្រុមហ៊ុន ភីភីអេហ្វ យុាំមី មេនូហ្វេកឆឺរីង ឯ.ក ដែលជាសហគ្រាសកែច្នៃកសិកម្ម និងអាហារ ដែលមានទីតាំងនៅខណ្ឌសែនសុខ ដើម្បីត្រួតពិនិត្យលើស្តង់ដាគុណភាព សុវត្ថិភាព និងអនាម័យ និងបង្ហាញការគាំទ្រដល់ធុរកិច្ចក្នុងស្រុក។

នៅក្នុងដំណើរទស្សនកិច្ចទៅកាន់សហគ្រាសម្ហូបអាហារនេះ លោករដ្ឋមន្ត្រី ហែម វណ្ណឌី ក៏បានជំរុញឲ្យសហគ្រាសផលិត ត្រូវរក្សាឱ្យបាននូវស្តង់ដាខ្ពស់នៃគុណភាព សុវត្ថិភាព អនាម័យ និងការច្នៃប្រឌិតនៃផលិតផលម្ហូបអាហារកម្ពុជា ក្នុងគោលបំណងទទួលបានការទទួលស្គាល់ជាលក្ខណៈជាតិ និងអន្តរជាតិ។

លោក ហែម វណ្ណឌី បន្តថា ក្រសួងលើកទឹកចិត្តឱ្យសហគ្រាសក្រុមហ៊ុនចាប់យកនវានុវត្តន៍ និងពង្រីកទីផ្សារពិសេសរបស់ខ្លួន ដោយការផលិតម្ហូបប្រពៃណីខ្មែរ និងផលិតផលផ្សេងៗទៀត ដែលបំពេញតាមតម្រូវការ ដែលផ្តោតកាន់តែខ្លាំងលើគុណភាព សុខភាព និងបរិស្ថាន ជាពិសេសក្នុងទីផ្សារនាំចេញ។

លោករដ្ឋមន្ត្រី ហែម វណ្ណឌី ក៏បានគូសបញ្ជាក់ថា ក្រសួងត្រៀមគាំទ្រ និងសម្រួលដល់ការរីកលូតលាស់នៃវិស័យឧស្សាហកម្មចំណីអាហាររបស់កម្ពុជា ហើយបានសង្កត់ធ្ងន់លើភាពចាំបាច់នៃការទិញវត្ថុធាតុដើម ពីកសិករក្នុងស្រុក ដើម្បីរួមចំណែកដល់ការបង្កើតការងារ បង្កើនប្រាក់ចំណូល និងគាំទ្រដល់ជីវភាពរបស់កសិករ និងសហគមន៍របស់ពួកគេ។

លោកស្រី ហ៊ុក ស្រីហួរ អគ្គនាយិកា ក្រុមហ៊ុន ភីភីអេហ្វ យុាំមី មេនូហ្វេកឆឺរីង ឯ.ក បានលើកឡើងដែរថា សហគ្រាសរបស់លោកស្រីបានបង្កើតឡើងតាំងពីឆ្នាំ២០២១ ជាមួយនឹងការធានាបាននូវស្តង់ដាគុណភាព សុវត្ថិភាព និងអនាម័យ ជាចម្បងជូនអតិថិជន ហើយដែលគិតមកដល់ពេលនេះគឺមានការទទួលស្គាល់លើគុណភាព និងទទួលបានការគាំទ្រយ៉ាងច្រើនសំណាក់អតិថិជនផងដែរ។

ក្រុមហ៊ុន ក៏មានគោលបំណងពង្រឹងផលិតផលរបស់ខ្លួនឱ្យកាន់តែប្រសើរឡើង និងបង្កើនការនាំចេញទៅក្រៅប្រទេសផងដែរដោយកន្លងមកសហគ្រាសបានទទួលជោគជ័យក្នុងការនាំចេញទៅកាន់ប្រទេសកូរ៉េ និងសង្ឃឹមថា នឹងបាននាំចេញទៅកាន់ប្រទេសអូស្ត្រាលីនៅចុងឆ្នាំនេះជាមួយនឹងគំរូដែល
បានបញ្ជូនទៅសហរដ្ឋអាមេរិក នូវែលសេឡង់ និងប្រទេសដទៃទៀតរួចហើយផងដែរ។

លោកស្រី ហ៊ុក ស្រីហួរ បានបន្ថែមថា លោកស្រីបាននាំចេញផលិតផលចំនួន ៥០០គីឡូក្រាម ទៅកាន់ប្រទេសកូរ៉េខាងត្បូងរួចហើយ ហើយមានបំណងពង្រីកការនាំចេញទៅកាន់ប្រទេសចំនួន៥បន្ថែមទៀត ខណៈបច្ចុប្បន្ននេះ លោកស្រីបាននាំចេញក្រៅផ្លូវការទៅកាន់ប្រទេសចំនួន១០។ បច្ចុប្បន្ននេះសហគ្រាសរបស់លោកស្រីបានផ្តល់នូវផលិតផលជាច្រើនប្រភេទដូចជា៖ បុកត្រីឆ្អើរ បុកកន្ទុយហេស កាពិឆាបាត់ដំបង ប្រហុកអប់ក្រូចឆ្មារ ប្រហុកអង្គ្រង ប្រហុកខ្ទិះ និងប្រហុកខ្មែរឦសាន
ទំហំ១៥០ក្រាម និង៤០០ក្រាម និងមានប្រភេទសាច់ប្រឡាក់ ដូចជា សាច់គោចំណិត
សាច់គោមូល សា្លបមាន់ម្រេច ឆ្អឹងជំនីជ្រូកប្រឡាក់អំបិលម្ទេស និងមានជាច្រើនទៀត។ល។

លោកស្រី ហ៊ុក ស្រីហួរ បានបន្ថែមថា នៅថ្ងៃខាងមុខទៀតនោះសហគ្រាសលោកស្រី មានបំណងចង់នាំចេញហហ្មុក របស់ខ្មែរទៅក្រៅប្រទេស សម្រាប់ការទទួលស្គាល់ជាអន្តរជាតិ ក៏ដូចជានំបញ្ចុកខ្មែរ និងគុយទាវខ្មែរ ដោយជំរុញឱ្យមានការទទួលស្គាល់និងគាំទ្រម្ហូបខ្មែរ លើឆាកអន្តរជាតិ ខណៈដែលលោកស្រីកំពុងពិចារណាលើអាហារហាឡាល ដែលទំនងជានឹងបង្ហាញនៅឆ្នាំក្រោយ។ លោកស្រីបានបន្ថែមថា ចាប់តាំងពីឆ្នាំ ២០២៣មក លោកស្រីទទួលបានការគាំទ្រខ្លាំង ហើយផលិតផលរបស់លោកស្រីអាចរកបាននៅតាមផ្សារទំនើបតូចធំៗដូចជា អ៊ីអន ម៉ាក្រូ ជីបម៉ុង ឡាកគី និងផ្សារជាច្រើនទៀតជាង៣០០ នៅក្នុងប្រទេសកម្ពុជាផងដែរ៕
តាមរយៈផេកផ្លូវការ E&M YUMMY : www.facebook.com/emyummyfood
ឬតាមរយៈវេបសាយ: www.ppfyummy.com
ឬតាមរយៈតេទ្បេក្រាម https://t.me/+8sJuqUANfIEyMjFl
ឬតាមរយៈលេខទូរស័ព្ទ 017 268 868 / 010 268 868
ឬតាមរយៈTik Tok www.tiktok.com/@emyummycambodia

កាលពីថ្មីៗនេះ ក្រុមហ៊ុន ហ្វដ បានធ្វើការសម្ពោធជាផ្លូវការនូវរថយន្ត Ford Territory Dark Edition ស៊េរីឆ្នាំ ២០២៥ ដែលជារថយន្តដ៏ស្អាត ឆ្លាត និងទំនើបលើសគេក្នុងទីផ្សាររថយន្តថ្មីក្នុងព្រះរាជាណាចក្រកម្ពុជា។ តើអតិថិជនទាំងអស់បានដឹងឬទេថារថយន្ត Ford Territory Dark Edition មានលក្ខណៈពិសេសអ្វីខ្លះ តស់យើងមកសង្កេតមើលបច្ចេកវិទ្យាទំនើបៗទាំងអស់គ្នា!

ចំណុចពិសេសទី១ គឺការរចនារបស់រថយន្ត Ford Territory Dark Edition គឺត្រូវបានរចនាម៉ូដថ្មីប្លែកបែបស្ព័រពណ៌ខ្មៅ រួមទាំងផ្នែកខាងក្នុងនៃរថយន្ត ក៏ត្រូវបានរចនាម៉ូដប្រណិតលាយជាមួយនឹង Carbon Fiber ធំទូលាយ ប្រកបដោយផាសុខភាព បូករួមជាមួយនឹងកៅអីបែបប្រណិតរំលេចដោយថ្នេរពណ៌ទឹកក្រូចដ៏ប្រណឹត និងបំពាក់មកនូវមុខងារកៅអីត្រជាក់ផ្នែកខាងមុខ ដែលបន្ថែមនូវភាពស្ព័រនៃរថយន្តផងដែរ។

ចំណុចពិសេសទី២ សម្រាប់រថយន្ត Ford Territory Dark Edition គឺមុខងារបញ្ឆះ និងពន្លត់ពីចម្ងាយ (Remote Start/Stop) ដែលបង្កភាពងាយស្រួលដល់អតិថិជន ក្នុងតម្រូវការអោយរថយន្តដំណើរការមុននឹងចូលក្នុងរថយន្ត ដែលមុខងារមួយនេះគឺបានផ្តល់នូវផាសុកភាពដល់អតិថិជន។ សម្រាប់មុខងារនេះ អតិថិជន គ្រាន់តែចុចទៅលើប៊ូតុង Lock ចំនួន 3 ដងហើយចុចជាប់រយៈពេល 3 វិនាទីជាការស្រេច!

ចំណុចពិសេសទី៣ គឺប្រព័ន្ធថយក្រោយតាមគន្លងដើមដោយស្វ័យប្រវត្ត – Reversing ដែលជាប្រព័ន្ធពិសេសមួយសម្រាប់រថយន្ត Ford Territory Dark Edition ។ ប្រព័ន្ធនេះដំណើរក្នុងប្រវែង 50m ចុងក្រោយ ដែលបានបើកបរឆ្លងកាត់ នៅក្នុងល្បឿនក្រោម 15km/h ហើយប្រព័ន្ធនេះនឹងធ្វើការចងចាំគន្លងផ្លូវចាស់ និងថយក្រោយទៅគន្លងចាស់វិញ។

ចំណុចពិសេសទី៤ គឺ ប្រព័ន្ធបិទកញ្ចក់បង្អួច និងដំបូលដោយស្វ័យប្រវត្តនៅពេលធ្លាក់ភ្លៀង Closing Windows Sensors ដែលប្រព័ន្ធនឹងធ្វើដំណើរការនៅពេលដែលមានភ្លៀងធ្លាក់ ហើយម្ចាស់រថយន្តភ្លេចបិទកញ្ចក់រថយន្តរបស់ខ្លួន នោះប្រព័ន្ធនេះនឹងធ្វើការបិទបង្អួច និងដំបូលដោយស្វ័យប្រវត្តទាំងអស់ ដើម្បីបង្ការសម្ភារៈផ្សេងៗដែលរក្សានៅក្នុងរថយន្ត។ ប្រព័ន្ធនឹងចាប់ផ្តើមដំណើរការនៅពេលពន្លត់រថយន្តក្នុងរយៈពេល 15នាទី និងមានសេនសឺចាប់ពីសកម្មភាពទឹកភ្លៀងដែលធ្លាក់មកលើរថយន្ត។

ចំណុចពិសេសទី៥ គឺ អតិថិជននឹងពេញចិត្តជាមួយនឹងកម្លាំងម៉ាស៊ីននៃរថយន្ត Ford Territory Dark Edition ដែលម៉ាស៊ីនជំនាន់ថ្មីនេះជាប្រភេទម៉ាស៊ីនសាំង 1.5L EcoBoost ដែលអាចផលិតកម្លាំងសេះបានរហូតដល់ទៅ 163 PS និងកម្លាំងរមួលកង់រហូតដល់ទៅ 250Nm ភ្ជាប់ជាមួយប្រអប់លេខ Dual-Clutch Transmission 7 វគ្គ អេឡិចត្រូនិច E-Shifter ដែលជាប្រអប់លេខពិសេសមួយ ដែលមានតែនៅក្នុងរថយន្តស្ព័រទំនើបតែប៉ុណ្ណោះ ហើយក៏ជាប្រអប់លេខដែលចូលលេខលឿន និងរលូនផងដែរ និងផ្តល់នូវបច្ចេកវិទ្យាមួយគឺ ប្រព័ន្ធជំនួយចូលចតដោយស្វ័យប្រវត្តបែបអក្សរ (P), (T) និងប្រព័ន្ធជំនួយចាកចេញពីចំណតដោយស្វ័យប្រវត្ត បូកជាមួយនឹងប្រព័ន្ធកាមេរ៉ាសុវត្ថិភាព 360 ដឺក្រេកម្រិតខ្ពស់ជុំវិញរថយន្ត និងប្រព័ន្ធបូម Independent Suspension ទាំងខាងមុខ និងទាំងខាងក្រោយនៃរថយន្ត ដើម្បីរក្សានូវផាសុកភាពដល់អ្នកប្រើប្រាស់។

ចំណុចពិសេសទី៦ គឺ ប្រព័ន្ធ Drive Modes ដែលមានបំពាក់ក្នុងរថយន្ត Ford Territory Dark Edition រហូតដល់ 4 Modes រួមមាន Normal សម្រាប់ការប្រើប្រាស់បើកបរប្រចាំថ្ងៃ Eco សម្រាប់ ការប្រើប្រាស់ លក្ខណៈសន្សំសំចៃ Sport សម្រាប់ការបើកបរបែបស្ព័រ ដែលផ្តល់នូវសន្ទុះខ្លាំង និង Mountain សម្រាប់ការប្រើប្រាស់លើផ្លូវឧបសគ្គផ្សេងៗ ដែលបង្កភាពងាយស្រួលដល់ការបើកបរក្នុងកាលៈទេសៈផ្សេងៗរបស់អតិថិជនទាំងអស់។

មិនត្រឹមតែប៉ុណ្ណោះ រថយន្ត Ford Territory Dark Edition ក៏មានបំពាក់មកនូវប្រព័ន្ធសុវត្ថិភាព និងបច្ចេកវិទ្យាទំនើបៗចុងក្រោយ ជាច្រើនទៀតដែលបានផ្តល់នូវទំនុកចិត្តដល់ការបើកបរដូចជា៖ ប្រព័ន្ធផ្តល់សញ្ញាគ្រោះថ្នាក់ពេលមានឧបសគ្គ ឬ អ្នកថ្មើរជើងឆ្លងកាត់ និងប្រព័ន្ធចាប់ហ្វ្រាំងបន្ទាន់ដោយស្វ័យប្រវត្ត, ប្រព័ន្ធបន្ថយល្បឿន រក្សាគម្លាតសុវត្ថិភាព ឈប់ និង ទៅមុខដោយស្វ័យប្រវត្តតាមរថយន្តខាងមុខ និងតម្រង់គន្លងផ្លូវ ប្រព័ន្ធផ្តល់សញ្ញាគ្រោះថ្នាក់ពេលបើកទ្វារថយន្ត និងរួមមានប្រព័ន្ធសុវត្ថិភាពផ្សេងៗទៀតដើម្បីផ្តល់នូវទំនុកចិត្តដល់អ្នកបើកបរ។

រថយន្ត Ford Territory Dark Edition មានវត្តមាននៅទីផ្សារព្រះរាជាណាចក្រកម្ពុជាជាមួយនឹងជម្រើសពណ៌យ៉ាងច្រើនសម្បូរបែបរហូតដល់ទៅ 3 ជម្រើស៖ ពណ៌ស ពណ៌ប្រផេះ និង ពណ៌។ សម្រាប់អតិថិជនដែលមានចំណាប់អារម្មណ៍ក្នុងការបើកបរសាកល្បងទៅលើរថយន្ត Ford Territory Dark Edition សូមទំនាក់ទំនងផ្នែកលក់តាមសាខានីមួយៗ៖

 សាខាព្រះមុនីវង្ស 078 999 773
 សាខាទឹកថ្លា 095 939 939
 សាខាទូលសង្កែ 078 935 935
 សាខាជ្រោយចង្វារ 017 999 027
 សាខាភ្នំពេញថ្មី 011 255 229 ឬ 077 722 999
 សាខាបឹងបៃតង 099 999 747
 សាខាខេត្តសៀមរាប 077 666 357 ឬ 088 9 666 357
 សាខាខេត្តកំពង់ចាម 078 999 883 ឬ 088 3 999 883