កាលពីថ្ងៃទី ២០ ខែតុលា ប្រព័ន្ធផ្សព្វផ្សាយបានរាយការណ៍ថាតារាសម្តែង Han So Hee បានទិញផ្ទះពីរជាន់នៅ Arcadia Signature នៅក្នុងភូមិ Archiul ក្នុងតម្លៃ៥.២ ពាន់លានវ៉ុន ប្រហែល ៣.៨ លានដុល្លារ។ វាត្រូវបានគេបង្ហាញថានាងបានបញ្ចប់ការទូទាត់និងផ្ទេរកម្មសិទ្ធិនៅថ្ងៃទី២១ ខែសីហា។

ពីមុន Han So Hee រស់នៅក្នុង Villa De Greeum ដែលនាងបានទិញនៅឆ្នាំ ២០២១ ក្នុង ១.៤ លានដុល្លារអាម៉េរិក។ អគារ Arcadia Signature ដែល តារាសម្តែងរូបនេះទិញគឺមានត្រឹមតែ៨យូនីតដែលមានច្រកចូលឯកជន។ ផ្ទះប្រណីតដែល Han So Hee បានទិញគឺមានទំហំធំជាងគេដែលមានបន្ទប់គេងចំនួន ៤ បន្ទប់ទឹកចំនួន ៣។ តារាល្បីៗជាច្រើនទៀតរស់នៅក្នុងអគារនេះរួមមាន Park Jin Young តារាចម្រៀង Jo Sung Mo និង , Hyun Bin ជាដើម។

គួរបញ្ជាក់ផងដែរ តារាសម្តែង Han So hee បង្កឱ្យផ្ទុះរឿងអាស្រូវឡើងវិញកាលពីថ្ងៃទី១៦ តុលា ដោយនាងត្រូវបានចោទប្រកាន់ថាជាម្ចាស់គណនីមួយដែលចូលចិត្តបញ្ចេញមតិអវិជ្ជមានអំពី Hyeri ។ គណនីនេះត្រូវបានតាមដានដោយមិត្តជិតស្និទ្ធរបស់នាងនិងអ្នករចនាម៉ូតរបស់នាង ដែលធ្វើឱ្យពាក្យចចាមអារ៉ាមកាន់តែខ្លាំងឡើង។ ទោះយ៉ាងណាទីភ្នាក់ងាររបស់ Han So-hee បានបដិសេធការចោទប្រកាន់នេះ។

កាលពីមុន Han So hee បានប្រឈមមុខនឹងការរិះគន់បន្ទាប់ពីនាងទទួលស្គាល់ទំនាក់ទំនងជាមួយតារាសម្តែង Ryu Jun-yeol ដែលនាំឱ្យមានការចោទប្រកាន់ថានាងបាន ដណ្តើមតារាសម្តែងរូបនេះពីអតីតមិត្តស្រីHyeri ។ Han So-hee និង Ryu Jun-yeol បានបែកបាក់គ្នាបន្ទាប់ពីមានទំនាក់ទំនងស្នេហាជាសាធារណៈរយៈពេលពីរសប្តាហ៍ ហើយរឿងចម្រូងចម្រាសតារាស្រីទាំងពីរនៅទីបំផុតត្រូវបានបញ្ចប់ដោយការសូមទោសជាសាធារណៈ៕

ថ្មីៗនេះមានការភ្ញាក់ផ្អើលមិនតិចនោះទេសម្រាប់អ្នកតាមដានវិស័យបវរកញ្ញានៃកម្មវិធី Miss Grand International ដែលមានបេក្ខភាពប្រកាសដកខ្លួនជាបន្តបន្ទាប់ជាពិសេសរឿងក្តៅគគុកចុងក្រោយនេះគឺ Miss Grand Ukraine ត្រៀមចាត់ការកម្មវិធីនេះទៅតាមផ្លូវច្បាប់ ខណៈលោក ណាវ៉ាត់ បាននិយាយក្នុងការ Live របស់ខ្លួនថា Miss Grand Ukraine ខ្ជិល ចំណែកឯនាងវិញបានបង្ហាញរូបភាពជាច្រើនទោះបីជានាងជួបប្រទះបញ្ហាសុខភាពក៏ខាងស្ថាប័នបង្ខំនាង។

កម្មវិធីប្រកួតសម្រស់ Miss Grand International ឆ្នាំនេះគឺពោរពេញដោយភាពចម្រូងចម្រាសដែលប្រឈមនឹងធ្លាក់ចុះនៃប្រជាប្រិយភាពកម្មវិធីរបស់ខ្លួនមិនខានបន្ទាប់ពីផ្ទុះភាពចម្រូងចម្រាសជាមួយប្រទេសកម្ពុជា ហើយមានបវរកញ្ញាជាច្រើនរូបប្រកាសដកខ្លួនចេញជាបន្តបន្ទាប់។ ដើមឡើយកម្មវិធីនេះមានបេក្ខនារីចូលរួមចំនួន៧៥នាក់រួមទាំងប្រទេសកម្ពុជាប៉ុន្តែមកទល់ពេលនេះមានចំនួនតែ៦៩នាក់ប៉ុណ្ណោះ។ អ្វីដែលកាន់តែក្តៅគគុកនោះគឺរឿងចុងក្រោយនេះ ទាក់ទងនឹងកញ្ញា Kateryna Bilyk ដែលជា Miss Grand Ukraine 2024។

បវរកញ្ញារូបនេះបានចេញមកប្រកាសពីការដកខ្លួនចេញពីកម្មវិធីដោយបានទម្លាយថាកម្មវិធីប្រកួតនេះ សិទ្ធិ ឯកជនភាព និង ដើរហើរដោយគ្មានការបង្ខិតបង្ខំ បេក្ខនារីត្រូវ បំពេញការងារ ជាមួយម្ចាស់ស្ព័នស័រ ការថត និង ការងារឯកជន ដែលផ្ទុយពីការងារតំណាងជាតិ។ Miss Grand Ukraine ក៏បានទម្លាយពីកម្មវិធីដែល រំលោភទំនុកចិត្ត និង គម្រាមកំហែង មិនយកចិត្តទុកដាក់នាងទាំងនាងមានបញ្ហាសុខភាពយកថ្នាំដែលមិនដឹងប្រភពឱ្យនាងលេបរហូត នាងប្រតិកម្មដល់ថ្នាក់សន្លប់។

Kateryna បាននិយាយថាកម្មវិធីបង្ខូច និង បរិហារកេរ្តិ៍ ថាកម្មវិធីបណ្តេញនាង តែធាតុពិត នាងសុខចិត្ត រក្សាសិទ្ធិសេរីភាព និង តម្លៃជាតិខ្លួនដោយដកខ្លួនចេញហើយកម្មវិធីគម្រាមដកសិទ្ធិនាងមិនឱ្យឡើងឆាក រួមទាំង ពិន័យ ២០០០ដុល្លារ ។ លើសពីនេះទៅទៀត បវរកញ្ញារូបនេះ នឹងត្រៀមដាក់ពាក្យបណ្តឹងចំពោះស្ថាប័ន MGI ក្នុងនាមតំណាងប្រទេសអ៊ុយក្រែន។ ចំពោះអ្នកណាផ្សាយព័ត៌មានមិនពិតតាមបញ្ជាលោក ណាវ៉ាត់ នាងនឹងប្តឹងដូចគ្នា។

ហេតុការណ៍បានជំរុញឱ្យអ្នកគាំទ្រកម្ពុជាច្រើនលើកឡើងថា លោក ណាវ៉ាត់ ជួបរបស់ពិតហើយកម្មពារឃើញទាន់ហន់។ គួរបញ្ជាក់ផងដែរ បេក្ខនារី ដែលបានដកខ្លួនចេញពីកម្មវិធី MGI រួមមាន កម្ពុជា ហុងកុង កូស្តារីកា និងអ៊ុយក្រែន៕

កាលពីថ្ងៃទី១៨ ខែតុលា លោក Zhang Jizhong បានបង្ហោះនៅលើបណ្តាញសង្គមផ្ទាល់ខ្លួន នូវរូបថតដែលលោកកាន់កូនដោយបង្ហាញថាជាកូនស្រីរបស់ខ្លួនមានទម្ងន់ប្រហែល៣.៥ គីឡូក្រាម ហើយម្តាយនិងកូនលោកមានសុវត្ថិភាព។ បងប្អូនបង្កើតបីនាក់ឈ្លោះគ្នាឱបទារកទើបនឹងកើត។ អ្នកដឹកនាំរឿងរូបនេះបានសរសេរថា «ប៉ាម៉ាក់នឹងស្រលាញ់កូននាគនេះដោយថ្នមៗ ចាប់ពីពេលនេះតទៅពួកយើងនឹងក្លាយជាគ្រួសារដែលមានសមាជិកប្រាំមួយនាក់»។

ភរិយារបស់អ្នកដឹកនាំរឿងរូបនេះ បាននិយាយថា កំណើតកូនស្រីនេះគឺពិបាកជាងពេលមុន ព្រោះឥឡូវនេះអ្នកស្រីមានអាយុ ៤៣ ឆ្នាំហើយ មិនមានសុខភាពដូចពីមុនទេ។ ប៉ុន្មានថ្ងៃថ្មីៗនេះលោក Zhang Jizhong រវល់មើលថែខ្លួន និងកូនៗ។ អ្នកស្រីបានសរសេរនៅលើបណ្តាញសង្គមថា «ក្រឡេកមើលប្តីខ្ញុំឃើញថាគាត់កាន់តែពិបាកដេកលើកៅអីក្នុងមន្ទីរពេទ្យខ្ញុំដឹងថាគាត់ហត់នឿយណាស់គាត់ក្រោករាល់ព្រឹកនៅម៉ោង ៥ព្រឹកធ្វើការពេញមួយថ្ងៃ»។

អ្នកស្រី Du Xinglin បាននិយាយថា ខ្លួនអ្នកនាងសុខចិត្តមានកូនម្នាក់ទៀតនៅអាយុសែសិបឆ្នាំ ដោយសារតែទុកចិត្តប្តី និងអនុញ្ញាតឱ្យគាត់ចែករំលែកការងាររបស់គាត់។ ស្វាមីអ្នកស្រីគឺបានមើលថែនាងគ្រប់ជំហាន។ ទោះបីជាកូនទាំងបីនាក់ដំបូងរបស់នាងនៅក្មេងក៏ដោយ ប៉ុន្តែអ្នកស្រីមានអារម្មណ៍សុខស្រួលផ្លូវចិត្ត អរគុណចំពោះស្វាមីភរិយាដែលស្រលាញ់គ្នាចែករំលែកអ្វីៗគ្រប់យ៉ាងជាមួយគ្នា។ ជារឿយៗអ្នកស្រីគិតខ្លួនឯងថា «វាល្អណាស់ដែលរៀបការជាមួយអ្នកជាប្តីរបស់ខ្ញុំ» ។

គួរបញ្ជាក់ថាអ្នកទាំងពីរបានរៀបការជាមួយគ្នាបានប្រាំពីរឆ្នាំ ដោយមានកូនប្រុសច្បងមានអាយុ ៥ ឆ្នាំ ហើយកូនស្រីទីពីរមានអាយុ ៤ឆ្នាំ។ មុនពេលរៀបការភរិយាអ្នកដឹកនាំរឿងរូបនេះក៏មានកូនម្នាក់ជាមួយអតីតមិត្តប្រុសផងដែរ៕