ថ្មីៗនេះ វីដេអូមួយដែលបានដាក់បង្ហោះនៅលើបណ្តាញសង្គម និងទទួលបានការចែករំលែកជាច្រើន ដែលបង្ហាញពីទិដ្ឋភាពមុខព្រះបរមរាជវាំង ដែលជនបរទេសបានចូលរួមលេងល្បែងប្រជាប្រិយ ជាមួយនឹងប្រជាពលរដ្ឋខ្មែរយ៉ាងសប្បាយរីករាយ។

ព្រឹត្តិការណ៍សាទរកម្ពុជា បានត្រៀមរៀបចំលម្អយ៉ាងល្អប្រណិតនៅមុខព្រះបរមរាជវាំង។ យ៉ាងណា បើទោះបីមិនទាន់ដល់ថ្ងៃកម្មវីធីក្តី តែដោយសង្កេតឃើញថា ប្រជាពលរដ្ឋខ្មែរព្រមជាមួយនឹងជនបរទេសយ៉ាងច្រើនកុះករបានមកថតរូបលេងកម្សាន្ត ក៏ដូចជារីករាយជាមួយនឹងសកម្មភាពកម្សាន្តជាបន្តបន្ទាប់។ បើក្រឡេកទៅកាន់ទិដ្ឋភាពដ៏គួរឲ្យចាប់អារម្មណ៍មួយ ល្បែងប្រជាប្រិយខ្មែរជាច្រើនប្រភេទ ក៏បានបង្ហាញវត្តមាននៅទីនោះដែរ ខណៈក៏ទទួលបាននូវការគាំទ្រយ៉ាងច្រើនផុសផុល។

វីដេអូមួយដែលបានដាក់បង្ហោះបង្ហាញពីជនបរទេសមួយរូប ទឹកមុខពោរពេញដោយស្នាមញញឹម និងបានស្រែកនិយាយសំនៀងជាភាសាខ្មែរច្បាស់ៗ ក្នុងការលែងល្បែងប្រជាប្រិយខ្មែរមួយប្រភេទ «មួយកាំ ពីរកាំ សូមលេងផង»។ ល្បែងប្រជាប្រិយខ្មែរ លេងហើយតែងទទួលបានមកនូវសំណើច ភាពសប្បាយរីករាយ និងសម្លេងហ៊ោររំពងពីអ្នកទស្សនា។

ជាទូទៅ ល្បែងប្រជាប្រិយតែងលេចឡើងនៅក្នុងពិធីបុណ្យជាតិសំខាន់ៗ ដូចជា បុណ្យចូលឆ្នាំខ្មែរជាដើម ខណៈក៏បានលេចឡើងក្នុងព្រឹត្តិការណ៍ដ៏ធំលើកនេះ ក៏ទទួលបាននូវការកោតសរសើរពីមហាជន និងសំណូមពរឲ្យបន្តលេងល្បែងប្រជាប្រិយខ្មែរបែបនេះទៀត ក្នុងន័យផ្សព្វផ្សាយ និងថែរក្សាមិនឲ្យបាត់បង់នូវកេរ្តិ៍ដំណែលដ៏ល្អប្រពៃ។

សូមជម្រាបថា ព្រឹត្តិការណ៍សាទរកម្ពុជា ដែលពោរពេញទៅដោយភាពចម្រុះនិងសម្បូរបែប រំលេចទៅដោយទំនៀមទម្លាប់ប្រពៃណីខ្មែរ ផ្សារភ្ជាប់ជាមួយនឹងទំនើបកម្មនៃប្រទេសកម្ពុជា។ ព្រឹត្តិការណ៍ដ៏ធំនេះ បាននឹងត្រៀមរៀបចំឡើងយ៉ាងអធិកអធមនាថ្ងៃទី ៣១ ខែធ្នូ ឆ្នាំ ២០២៤ ព្រមជាមួយនឹងក្បួនដង្ហែរ មានអ្នកចូលរួមប្រមាណ ៣០០០នាក់ និងការសម្តែងសិល្បៈទស្សនីយភាពចម្រុះយ៉ាងច្រើនអនេក ដែលភ្ញៀវទេសចរទាំងជាតិនិងអន្តរជាតិយ៉ាងចូលរួមបានដោយសេរី៕

វិស័យទេសចរណ៍នៅកម្ពុជា ហាក់មានការរីកចម្រើនខ្លាំង ដោយបច្ចុប្បន្នមានអាកាសយានដ្ឋានធំៗ៣ កំពុងមមាញឺកទទួលភ្ញៀវទេសចរចេញចូលកម្ពុជា។

អាកាសយានដ្ឋានធំៗ៣ រួមមាន អាកាសយានដ្ឋានអន្តរជាតិភ្នំពេញ អាកាសយានដ្ឋានអន្តរជាតិសៀមរាបអង្គរថ្មី និងអាកាសយានដ្ឋានអន្តរជាតិខេត្តព្រះសីហនុ (កងកេង)។

បើក្រឡេកទៅមើលអតីតកាលអំឡុងទសវត្សរ៍ឆ្នាំ ១៩៦០ ក្រៅពីអាកាសយានដ្ឋានធំៗ៣នេះ កម្ពុជាមានព្រលានយន្តហោះរហូតដល់១២កន្លែងទៀត នៅតាមបណ្តាខេត្តដែលរួមមាន៖

• ព្រលានយន្តហោះកោះកុង
• កំពង់ចាម
• កំពង់ឆ្នាំង
• ពោធិ៍សាត់
• បាត់ដំបង
• ព្រះវិហារ
• កំពង់ធំ
• ស្ទឹងត្រែង
• មណ្ឌលគិរី
• រតនគិរី
• ក្រចេះ
• ក្រុងប៉ៃលិន

បច្ចុប្បន្ននេះ អាកាសយានដ្ឋានតារាសាគរខេត្តកោះកុង កំពុងដាក់ឱ្យដំណើរការសាកល្បងឡើងវិញ ដោយទទួលតែជើងហោះហើរក្នុងស្រុកតែប៉ុណ្ណោះ។

ដោយឡែកចំពោះ អាកាសយានដ្ឋានអន្តរជាតិភ្នំពេញ ដែលមានប្រវតិ្តដ៏ចំណាស់ នឹងត្រូវបិទនៅពាក់កណ្តាលឆ្នាំក្រោយ បន្ទាបពីអាកាសយានដ្ឋានអន្តរជាតិតេជោក្រុងតាមខ្មៅសាងសង់រួច៕

កំពង់ផែរាម ដែលស្ថិតនៅមូលដ្ឋានរាម ជាតំបន់មួយសំបូរទៅដោយកងទ័ពជើងទឹក បាននឹងកំពុងសាងសង់ផែស្ងួតដោយជំនួយឥតសំណងរបស់រដ្ឋាភិបាលចិន។

ផែនេះ ស្ថិតនៅទឹកដីខេត្តព្រះសីហនុ មានប្រវែងជិត ៧០០ម៉ែត្រ និងមានចំណតប្រើប្រាស់ប្រវែងជិត ៣០០ម៉ែត្រ លាតសន្ធឹងចេញពីដីឆ្នេរសមុទ្រក្នុងមូលដ្ឋានទ័ពរាមភាគខាងកើតចាក់ចូលទៅផ្ទៃសមុទ្រភាគខាងត្បូង ដែលត្រូវសាងសង់រួចរាល់នាពេលឆាប់ៗខាងមុខនេះ។

បើតាមប្រសាសន៍អតីតនាយករដ្ឋមន្តី្រកម្ពុជាសម្តេចតេជោ ហ៊ុនសែន បានលើកឡើងថា៖” ការសាងសង់កំពង់ផែស្ងួតនេះ ជាការអភិវឌ្ឍដើម្បីពង្រឹងសមត្ថភាព វិស័យការពារជាតិរបស់កម្ពុជា ដោយមិនមិនមែនបម្រើឱ្យទ័ពបរទេសណា មួយនោះឡើយ”។

សម្តេចក៏បានសង្កត់ធ្ងន់ដែរថា៖”បន្ទាប់ពីការសាងសង់រួចរាល់ ប្រទេសកម្ពុជានឹងអនុញ្ញាតឱ្យនាវាជប៉ុន ចូលចតនៅកំពង់ផែរាម ខេត្តព្រះសីហនុ មុនគេបង្អស់”៕

ក្នុងរយៈពេលចុងក្រោយនេះសត្វចតុបាតចំនួនពីរប្រភេទដែលទទួលបានភាពល្បីល្បាញជាងគេចុងឆ្នាំ២០២៤គឺជាសត្វជ្រូកដែលហៅថា អាសំណាង ត្រូវបានចិញ្ចឹមដោយព្រះសង្ឃនៅខេត្តសៀមរាប និងសត្វដំរី ហៅ អូនលំផាត់ ដែលកំពុងស្ថិតក្រោមការមើលថែយ៉ាងយកចិត្តទុកដាក់នៅរមណីដ្ឋានភ្នំតាម៉ៅ។ សត្វទាំងពីរប្រភេទនេះគឺធ្វើឱ្យសាធារណជនចាប់អារម្មណ៍ជាងគេនិងទទួលបានការស្រលាញ់យ៉ាងច្រើននិងមានមនុស្សមិនតិចទេដែលចង់ទៅជួបផ្ទាល់។លំផាត់ បានផ្លាស់ប្តូរវាសនារបស់ខ្លួនយ៉ាងខ្លាំងស្ទើរតែបាត់បង់ជីវិតប៉ុន្តែមានភ័ព្វសំណាងយ៉ាងខ្លាំងក្នុងជីវិតទីពីរនេះត្រូវបានជួយសង្គ្រោះថែមទាំងក្លាយជាសត្វល្បីល្បាញនៅលើបណ្តាញសង្គមមានការអាណិតស្រលាញ់ច្រើនសូម្បីបុគ្គលឈ្មោះដូចជា PeyPey Dy លីវ ជីលី លោក ប៉ែន ចំរ៉ុង និងគ្រួសារទប់ចិត្តមិនបានចំពោះភាពគួរឱ្យស្រលាញ់នាំគ្នាទៅមើល លំផាត់ ដោយផ្ទាល់។

លំផាត់ ជាកូនដំរី(ញី)មានអាយុប្រហែល ៥ខែ មានទំងន់ ១៣៨ មានរបួសជើងខាងស្តាំ (កជើងមុខ) ដោយសារអន្ទាក់ខុសច្បាប់កាលពីថ្ងៃទី១០ ខែធ្នូ។ លំផាត់ មានដើមកំណើត នៅដែនសត្វព្រៃលំផាត់ ស្ថិតក្នុងភូមិមេមុំ ឃុំរយ៉ ស្រុកកោះញែក ខេត្តមណ្ឌលគិរី។ ដោយសាររបួសធ្ងន់កូនដំរីនេះត្រូវបានយកមកថែក្សានៅឧទ្យានសួនសត្វ ព្រៃការពារ និងសួនភូតគាម ភ្នំតាម៉ៅ ។ ស្ថានភាពបច្ចុប្បន្នរបស់ អូនលំផាត់ ពេលនេះគឺមានទម្ងន់១៥០គីឡូក្រាមទទួលបានការស្រលាញ់ចូលចិត្តនិងអាណិតជាច្រើនទាំងអ្នកសិល្បៈនិងមហាជនទូទៅ។

មិនត្រឹមតែ លំផាត់ ប៉ុណ្ណោះទេដែលជាសត្វជើងបួនកំពុងល្បីល្បាញក្នុងនោះសត្វជ្រូកដែលមានឈ្មោះថា អាសំណាង វិញក៏ទទួលបានប្រជាប្រិយភាពមិនធម្មតា សូម្បី Peypey dy ក៏ថាគួរឱ្យខ្នាញ់ផងដែរ។

អាសំណាង ត្រូវបានចែកចាយនៅលើបណ្តាញសង្គមតាមរយៈព្រះសង្ឃមួយអង្គគង់នៅ វត្តព្រះពុទ្ធសិរី ហៅវត្តគ្រៀលពង ភូមិគ្រៀលពង ឃុំពពេល ស្រុកសូទ្រនិគម ខេត្តសៀមរាប។ ក្នុងវីដេអូដែលបានផ្សព្វផ្សាយ អាសំណាង ត្រូវបានមើលថែចិញ្ចឹមដោយក្តីស្រលាញ់មានកន្លែងសម្រាប់ដេក ខ្នើយនិងភួយ ថែមទាំងជាសត្វជ្រូកដែលចេះស្តាប់បង្គាប់។ វីដេអូរបស់ អាសំណាង គឺមានទស្សនិកជនចូលរួមទស្សនារាប់ម៉ឺនដងនិងលានដង ជាមួយនឹងមតិសរសើរ ជាច្រើននិងសំណូមពរឱ្យថតអាសំណាងឱ្យបានច្រើនៗផងដែរ៕