ទស្សនិកជនជនជាតិជប៉ុនបាននិយាយថាពួកគេមានអារម្មណ៍ថាត្រូវបានបញ្ឆោតដោយកម្មវិធីប្រគល់ពានរង្វាន់ ‘MAMA’ បន្ទាប់ពីបានចំណាយប្រាក់រាប់ពាន់ដើម្បីទិញសំបុត្រដោយរំពឹងថានឹងបានឃើញការសម្តែងផ្ទាល់របស់ Rosé និង Bruno Mars ។ អ្នកគាំទ្រជាច្រើនទៀតដែលមិនបានចូលរួមផ្ទាល់ក៏បានសម្តែងការខកចិត្តដូចគ្នាបន្ទាប់ពីបទ «APT» ដ៏ល្បីល្បាញទូទាំងពិភពលោក Rosé និង Bruno Mars មិនសម្តែងផ្ទាល់នៅលើឆាក MAMA 2024។

ថ្ងៃទី២ នៃកម្មវិធី MAMA Awards ឆ្នាំ២០២៤ដែលប្រារព្ធឡើងនៅ Kyocera Dome ក្នុងទីក្រុង Osaka ប្រទេសជប៉ុន បានបង្ហាញនូវក្រុមតារាល្បីៗជាច្រើនដួងក្នុងនោះ Rosé សមាជិក BLACKPINK និង Bruno Mars ក៏មានវត្តមានក្នុងកម្មវិធីនេះដូចគ្នាដែលធ្វើឱ្យទស្សនិកជនបង្ហាញអារម្មណ៍រំភើបចិត្តយ៉ាងខ្លាំង។ ទោះជាយ៉ាងណាក៏ដោយ ការរំភើបចិត្តនេះ បានប្រែក្លាយទៅជាការខកចិត្តយ៉ាងខ្លាំងនៅពេលដែលបានរកឃើញថា បទ «APT» របស់ Rosé និង Bruno Mars មិនមានការសម្តែងផ្ទាល់ក្នុងកម្មវិធីនេះដូចតារាចម្រៀងឯទៀតដែលចូលរួមដោយបទនេះត្រូវបានថតទុកជាមុន។

សម្រាប់អ្នកគាំទ្រកូរ៉េ និងអ្នកគាំទ្រផ្សេងទៀតដែលមើលព្រឹត្តិការណ៍នេះតាមអ៊ីនធឺណិត ការខ្វះខាតការសម្តែងផ្ទាល់គឺជាការខកចិត្តមួយ ប៉ុន្តែសម្រាប់អ្នកគាំទ្រជនជាតិជប៉ុនដែលបានចំណាយប្រាក់រាប់ពាន់យ៉េនដើម្បីចូលរួមព្រឹត្តិការណ៍នេះផ្ទាល់ មានអារម្មណ៍ដូចជាក្បត់។ មនុស្សជាច្រើនបានសង្ឃឹមថានឹងបានឃើញការផ្សាយបន្តផ្ទាល់ដំបូងរបស់ បទ«APT» ដោយគ្រាន់តែបានជួបជាមួយនឹងការចាក់វីដេអូនៃការសម្តែងប៉ុណ្ណោះ។

អ្នកគាំទ្រជនជាតិជប៉ុនបានចូលបណ្តាញសង្គមយ៉ាងឆាប់រហ័សដើម្បីបង្ហាញការខឹងសម្បាររបស់ពួកគេ និងចែករំលែកវីដេអូផ្ទាល់ជាក់ស្តែង។ នៅក្នុងវីដេអូនោះ អ្នកគាំទ្រមានការខកចិត្តយ៉ាងខ្លាំង ខណៈដែលពួកគេស្ងប់ស្ងាត់ភ្លាមៗ នៅពេលដែលការសម្តែងដែលបានថតទុកមុននៃ «APT» ត្រូវបានបង្ហាញនៅលើអេក្រង់ធំនៅកន្លែង៕

Diddy តារារ៉េបដ៏ល្បីតែប្រព្រឹត្តរឿងស្មោគរោគដ៏នឹកស្មានមិនដល់ដែលបច្ចុប្បន្នកំពុងដេកនៅក្នុងគុកនៅទីក្រុងញូវយ៉ក រង់ចាំការកាត់ទោសពីបទជួញដូរផ្លូវភេទ និងការចោទប្រកាន់ពីបទរំលោភសេពសន្ថវៈ ត្រូវបានគេចោទប្រកាន់ថាបានប្រើប្រាស់គ្រឿងញៀន និងវាយប្រហារបុរសដែលមានអាយុ ៣៩ ឆ្នាំនៅពេលមានការរំលោភបំពានជាក់ស្តែង។

យោងតាមពាក្យបណ្តឹងដែលដាក់នៅតុលាការសហព័ន្ធញូវយ៉ក និងទទួលបានដោយ សារព័ត៌មាន People ដើមបណ្តឹងដែលមិនស្គាល់អត្តសញ្ញាណបានអះអាងថាលោកត្រូវបានប្រើប្រាស់គ្រឿងញៀនដោយ Diddy ក្នុងអំឡុងពេលជប់លៀងនៅផ្ទះមួយក្នុងទីក្រុងញូវយ៉កក្នុងឆ្នាំ ២០២២។ដើមបណ្តឹងបានចោទប្រកាន់ថា លោកបានចូលរួមក្នុងការជួបជុំជាមួយមិត្តភក្តិ ហើយបានផឹកស្រាដែលធ្វើឱ្យបាត់បង់ការគ្រប់គ្រងលើរាងកាយរបស់ខ្លួន។

បន្ទាប់ពីដឹងខ្លួនឡើងវិញ បុរសនោះនិយាយថា គាត់បានរកឃើញខ្លួនឯងនៅក្នុង «បន្ទប់គេងងងឹត» ជាមួយនឹង «ជញ្ជាំងខ្មៅ» និងនៅលើគ្រែដែលមានក្រដាស់ខ្មៅ។ បុរសនេះបានបន្ថែមថា បន្ទាប់មកលោកបានដឹងថា Diddy គឺ «នៅលើខ្លួន» ដែលកំពុងធ្វើសកម្មភាពផ្លូវភេទ។បុរសរូបនេះនិយាយថា លោកបានវាយ Diddy ហើយរត់ទៅបន្ទប់ទឹក មុនពេលចេញពីពិធីជប់លៀង។

ពាក្យបណ្តឹងចុងក្រោយបង្អស់ គឺជាបណ្តឹងមួយក្នុងចំណោមបណ្តឹងចំនួន ៥ ដែលបានប្តឹងកាលពីទី១៩ ខែវិច្ឆិកា ដែលទើបតែបានបំភ្លឺ។

ពួកគេទាំងអស់មកពីអតិថិជនតំណាងដោយមេធាវី Tony ដែលបានប្រកាសថាលោកតំណាងឱ្យអតិថិជនជាង ១០០ ដែលនិយាយថាពួកគេជាជនរងគ្រោះនៃការប្រព្រឹត្តខុសដោយ Diddy ។ ឯកសារថ្មីផ្សេងទៀតរួមមានមួយពីបុរសម្នាក់ទៀតដែលនិយាយថា Diddy បានរំលោភលោកនៅ Miami ក្នុងឆ្នាំ ២០២២ ។

Diddy ដែលវ័យ៥៤ឆ្នាំបានបដិសេធថាមិនបានប្រព្រឹត្តិអំពើរំលោភបំពានផ្លូវភេទណាមួយឡើយ។ អតីតតារ៉េបរូបនេះបានជាប់ឃុំឃាំង បន្ទាប់ពីប្រឈមនឹងការចោទប្រកាន់កាលពីខែកញ្ញា លើការចោទប្រកាន់ពីបទជួញដូរផ្លូវភេទ ងការដឹកជញ្ជូនដើម្បីចូលរួមក្នុងអំពើពេស្យាចារ ជាមួយនឹងការកាត់ក្តីព្រហ្មទណ្ឌរបស់លោកនឹងធ្វើឡើងនៅខែឧសភា ឆ្នាំ ២០២៥៕

នៅក្នុងបទសម្ភាសន៍នៅថ្ងៃទី២១ ខែវិច្ឆិកា Angelina Jolie បាននិយាយអំពីគម្រោង Maria ដែលជាខ្សែភាពយន្តអំពីរឿងព្រេងនិទានអូប៉េរ៉ា Maria Callas សម្តែងដោយរូបនាងផ្ទាល់។ តារាហូលីវូដរូបនេះបាននិយាយថាប្រសិនបើការច្រៀងគឺជាអាទិភាពកំពូលសម្រាប់តារាចម្រៀងដ៏ល្បីល្បាញ Maria នោះសម្រាប់នាងការក្លាយជាម្តាយគឺជារឿងសំខាន់បំផុត។

Angelina Jolie បាននិយាយថា «នោះជាសុភមង្គលរបស់ខ្ញុំ។ អ្នកអាចយកអ្វីៗផ្សេងទៀតចេញពីខ្ញុំ គ្មានអ្វីសំខាន់ទេ»។ តារាសម្តែអបានអធិប្បាយថា កូនៗរបស់នាងទាំងអស់ រស់នៅក្នុងជីវិតឯកជន ជាពិសេស Shiloh ។ នាងបានបន្ថែមថា៖ «កុមារមិនកើតមកដោយភាពឯកជនទេ ដូច្នេះខ្ញុំសង្ឃឹមថាពួកគេមានវានៅពេលពួកគេធំឡើង»។ បច្ចុប្បន្ននេះ គ្មានកូនណាម្នាក់របស់តារាសម្តែងល្បីឈ្មោះរូបនេះមានបំណងចង់បន្តអាជីពសម្ដែងនោះទេ ប៉ុន្តែពួកគេបានចូលរួមជាមួយក្រុមការងារភាពយន្តហើយនាងពិតជាមានអារម្មណ៍ល្អណាស់ក្នុងការធ្វើការជាមួយកូនៗរបស់នាង។

ទាក់ទងនឹងតួនាទីនេះ តារាសម្ដែងវ័យ៤៩ឆ្នាំរូបនេះបាននិយាយថា នាងត្រូវរៀនច្រៀងអូប៉េរ៉ា ដើម្បីអាចបង្ហាញពីសោកនាដកម្មរបស់តួអង្គ។ ក្នុងអំឡុងពេលនោះ កូនៗត្រូវស្តាប់នាងហាត់ច្រៀង។ នាងបាននិយាយបែបកំប្លែងថា «ក្មេងៗទាំងអស់ត្រូវស៊ូទ្រាំនឹងការច្រៀងរបស់ខ្ញុំក្នុងថ្ងៃដំបូងនៃការហាត់ច្រៀងនៅផ្ទះរហូតដល់ពួកគេប្រសើរឡើង។ ខ្ញុំគិតថាសម្រាប់ពួកគេ វាជាសុបិនអាក្រក់ហើយ» ។

Maria គឺជាស្នាដៃមួយដែលសម្គាល់ការវិលត្រឡប់របស់ Angelina Jolie មកកាន់អេក្រង់ធំវិញបន្ទាប់ពីផ្អាកអស់រយៈពេលបីឆ្នាំដោយសារតែនាង «ត្រូវការនៅផ្ទះជាមួយកូនបន្ថែមទៀត»។ ខ្សែភាពយន្តនេះនឹងត្រូវបានចេញផ្សាយនៅក្នុងរោងកុនដែលបានជ្រើសរើសនៅសហរដ្ឋអាម៉េរិកនៅថ្ងៃទី ២៧ ខែវិច្ឆិកា ហើយនឹងមាននៅលើ Netflix នៅថ្ងៃទី ១១ ខែធ្នូ៕