ប្រទេសឥណ្ឌា៖ ហេតុការណ៍ដ៏រ.ន្ធត់ បុរសបីនាក់បានបា.ត់បង់ជីវិតនៅពេលដែលរថយន្តមួយគ្រឿងបានធ្លាក់ពីលើស្ពាន ដែលមិនទាន់សាងសង់រួចក្នុងទីក្រុង Bareilly រដ្ឋ Uttar Pradesh ប្រទេសឥណ្ឌា កាលពីថ្ងៃទី ២៤ ខែវិច្ឆិកា។
ហេតុការណ៍នេះបានកើតឡើងនៅពេលដែលជនរងគ្រោះចាកចេញពីតំបន់លំនៅដ្ឋាន Gurugram ហើយកំពុងធ្វើដំណើរទៅកាន់ Bareilly នៅពេលយប់ដើម្បីចូលរួមពិធីមង្គលការមួយ ដោយពួកគេពឹងផ្អែកទាំងស្រុងលើ Google Maps ដើម្បីទៅដល់ទីតាំងព្រឹត្តិការណ៍នោះ។

ទោះជាយ៉ាងណារថយន្តក៏បានបើកឆ្លងកាត់ស្ពាន ដែលជាស្ពានបាក់ពាក់កណ្តាល ហើយធ្លាក់ចូលទន្លេ Ramganga ដែលជាទន្លេស្ងួតពីកម្ពស់ប្រហែល ១៥ ម៉ែត្រ។ នៅព្រឹកថ្ងៃបន្ទាប់អ្នកស្រុកក៏បានប្រទះឃើញរថយន្តដែលរងការខូចខាត រួមជាមួយអ្នកស្លា.ប់ទាំងបីនាក់។ យោងតាមអាជ្ញាធរស្ពាននេះត្រូវបានគេបិទក្នុងរដូវវស្សា ព្រោះវាបាក់ពាក់កណ្តាល ប៉ុន្តែដោយសារស្ពានមិនមានរបាំង ឬផ្លាកសញ្ញាហាមយានយន្តឆ្លងកាត់ ចំពេលដែលអ្នកបើកបរពឹងផ្អែកតែ Google Maps ទើបបណ្តាលឱ្យជួបគ្រោះ.ថ្នាក់បែបនេះ។

នៅពេលដំណឹងនេះត្រូវបានសារព័ត៌មានធំៗជាច្រើនចុះផ្សាយ ក្រុមហ៊ុន Google ក៏បានផ្ញើការរំលែកទុក្ខរបស់ខ្លួនទៅកាន់ក្រុមគ្រួសារជនរងគ្រោះ ហើយបាននិយាយថា ខ្លួនកំពុងធ្វើការយ៉ាងជិតស្និទ្ធជាមួយអាជ្ញាធរដើម្បីស៊ើបអង្កេតឧបទ្ទវ.ហេតុនេះ។ គួរបញ្ជាក់ដែរថា នេះមិនមែនជាលើកទីមួយទេដែលមានគ្រោះ.ថ្នាក់ធ្ងន់.ធ្ងរបានកើតឡើងដោយសារអ្នកបើកបរដើរតាមទិសដៅ Google Maps។

នៅប្រទេសឥណ្ឌា កាលពីឆ្នាំ ២០២១ មនុស្សពីរនាក់ក៏បានបាត់បង់ជីវិតផងដែរ នៅពេលពួកគេរវល់មើល Google Maps ហើយឆ្លងកាត់ផ្លូវខុសធ្វើឱ្យធ្លាក់ពីលើស្ពានបាក់បែកមួយ ខណៈស្ពាននៅប្រទេសឥណ្ឌាភាគច្រើនក៏មិនមានរបាំង ឬផ្លាកសញ្ញាហាមឃាត់ដែរ ទើបធ្វើឱ្យមានហេតុការណ៍នេះកើតឡើងជាញឹកញាប់។ សរុបមកវិញ មូលហេតុដែលបុរសបីនាក់ខាងលើស្លា.ប់ គឺដោយសារកំហុសរបស់អាជ្ញាធរដែលមិនបានបិទរបាំង ឬផ្លាកសញ្ញាហាមឃាត់ រួមទាំងដោយសារ Google Maps ផងដែរ៕

មីកញ្ចប់ គឺជាអាហារសម្រន់ដ៏ពេញនិយមបំផុតនាពេលបច្ចុប្បន្ននេះ ដោយសារវាងាយស្រួលក្នុងការចម្អិន ក៏ដូចជាមានតម្លៃសមរម្យ ងាយស្រួលរក និងអាចរក្សាទុកបានយូរទៀតផង។ ដូច្នេះគិតត្រឹមឆ្នាំ ២០២៣ ពិភពលោកយើងបានប្រើប្រាស់មីកញ្ចប់ចំនួន ១២០ ពាន់លានកញ្ចប់ ក្នុងនោះចិនគឺជាប្រទេសដែលមានប្រជាជននិយមបរិភោគមីកញ្ចប់ច្រើនជាងគេក្នុងពិភពលោក រហូតដល់ ៤២.២០០ លានកញ្ចប់ក្នុងមួយឆ្នាំ។ នេះបើយោងតាមសារព័ត៌មានបរទេសចុះផ្សាយថា ក្រៅពីប្រទេសចិន ក៏មានប្រទេស ៩ ផ្សេងទៀតក៏ជាប់ក្នុងបញ្ជីញ៉ាំមីកញ្ចប់ច្រើនជាងគេបំផុតលើពិភពលោកផងដែរ។

ខាងក្រោមនេះគឺជាប្រទេសចំនួន ១០ ដែលញ៉ាំមីកញ្ចប់ច្រើនជាងគេបំផុតនៅលើពិភពលោក៖
១. ប្រទេសចិន មានប្រជាជននិយមបរិភោគមីកញ្ចប់ចំនួន ៤២.២០០ លានកញ្ចប់ក្នុងមួយឆ្នាំ
២. ឥណ្ឌូនេស៊ី ១៤.៥០០ លានកញ្ចប់ក្នុងមួយឆ្នាំ
៣. ឥណ្ឌា ៨.៧០០ លានកញ្ចប់ក្នុងមួយឆ្នាំ
៤. វៀតណាម ៨.១០០ លានកញ្ចប់ក្នុងមួយឆ្នាំ
៥. ប្រទេសជប៉ុន ៥.៨០០ លានកញ្ចប់ក្នុងមួយឆ្នាំ
៦. សហរដ្ឋអាមេរិក ៥.១០០ លានកញ្ចប់ក្នុងមួយឆ្នាំ
៧. ប្រទេសហ្វីលីពីន ៤.៤០០ លានកញ្ចប់ក្នុងមួយឆ្នាំ
៨. កូរ៉េខាងត្បូង ៤.០០០ លានកញ្ចប់ក្នុងមួយឆ្នាំ
៩. ប្រទេសថៃ ៤.០០០ លានកញ្ចប់ក្នុងមួយឆ្នាំ
១០. នីហ្សេរីយ៉ា ៣.០០០ លានកញ្ចប់ក្នុងមួយឆ្នាំ

គួរបញ្ជាក់ដែរថា ការញ៉ាំមីកញ្ចប់ច្រើនពេកគឺមិនល្អចំពោះសុខភាពរាងកាយរបស់យើងឡើយ។ ការស្រាវជ្រាវបានឱ្យដឹងថា សម្រាប់អ្នកដែលបរិភោគមីកញ្ចប់ ឬមីកំប៉ុងច្រើនពេកនឹងប្រឈមបញ្ហាសុខភាពធ្ងន់ធ្ងរ អាចធ្វើឱ្យស្លាប់មុនអាយុផងដែរ។ ផលប៉ះពាល់ដែលបណ្ដាលមកពីការបរិភោគមីច្រើនមានដូចជា៖ សម្ពាធឈាមឡើងខ្ពស់, ជាតិស្ករក្នុងឈាមឡើងខ្ពស់, លើសជាតិខ្លាញ់ត្រង់ចង្កេះ, កម្រិតកូឡេស្តេរ៉ុលខុសធម្មតាដែលអាចបង្កទៅជាជំងឺទឹកនោមផ្អែម គាំងបេះដូង ឬដាច់សរសៃឈាមខួរក្បាលជាដើម។ ដូច្នេះ អ្នកគួរតែទទួលទានមីកញ្ចប់ ឬមីកំប៉ុង ក្នុងបរិមាណសមល្មមបានហើយ ដើម្បីបង្ការការប្រឈមបញ្ហាសុខភាព៕

ប្រទេសចិន៖ និយតករចិនទាមទារឱ្យកែសម្រួលខ្សែភាពយន្តជាបន្តបន្ទាប់ដែលទាក់ទងអំពីម្ចាស់ក្រុមហ៊ុនធ្លាក់ក្នុងអន្លង់ស្នេហ៍បុគ្គលិក ដោយសារភាពយន្តនេះអាចប៉ះពាល់ដល់ជីវិតពិត រួមទាំងជះឥទ្ធិពលអវិជ្ជមានដល់រូបភាពជាក់ស្តែងនៃអាជីវកម្ម ធ្វើឱ្យខូចមុខមាត់អាជីវកម្មនៅក្នុងក្រសែភ្នែកសាធារណៈជន។

យោងតាមរដ្ឋបាលទូទៅនៃវិទ្យុ និងទូរទស្សន៍ចិនបានកត់សម្គាល់ឃើញថា បច្ចុប្បន្នចំនួនភាពយន្តដែលនិយាយអំពីស្នេហាក្នុងកន្លែងធ្វើការ គឺកំពុងកើនឡើងខ្លាំងឥតឈប់ឈរ ដែលភាពយន្តទាំងនេះទាក់ទាញការទស្សនាយ៉ាងច្រើនសន្ធឹកសន្ធាប់។ ខ្លឹមសារនៃខ្សែភាពយន្តទាំងនេះគឺភាគច្រើននិយាយអំពីម្ចាស់ក្រុមហ៊ុនដែលមានទ្រពសម្បត្តិស្តុកស្តម្ភ លង់ស្រឡាញ់មនុស្សសាមញ្ញធម្មតានៅកន្លែងធ្វើការ ហើយមិនធ្វើអ្វីសោះគិតពីញ៉ែញង់ឥតប្រយោជន៍ គឺជាខ្សែភាពយន្តមានលក្ខណៈស្រើបស្រាល មនោសញ្ចេតនា និងបែបកំប្លែង។

ទោះជាយ៉ាងណាអាជ្ញាធរតម្រូវឱ្យអង្គភាពផលិតមាតិកាឌីជីថល ពង្រឹងការគ្រប់គ្រងភាពយន្តទាំងនេះ ដោយកាត់បន្ថយបរិមាណ កែលម្អគុណភាព និងមិនដាក់ឈ្មោះភាពយន្តទាក់ទងនឹង “រឿងស្នេហាក្នុងកន្លែងធ្វើការ” ទៀតនោះទេ ក្នុងគោលបំណងការពារអាជីវកម្មក្នុងជីវិតពិត។ យោងតាមអាជ្ញាធរ ប្រសិនបើរឿងនេះកាន់តែកើនឡើង វានឹងអាចជះឥទ្ធិពលអវិជ្ជមានដល់រូបភាពជាក់ស្តែងនៃអាជីវកម្ម ធ្វើឱ្យខូចមុខមាត់អាជីវកម្មនៅក្នុងក្រសែភ្នែកសាធារណៈជន ដូច្នេះយើងត្រូវរឹតបន្តឹង និងទាមទារឱ្យកែសម្រួលឡើងវិញនៅខ្សែភាពយន្ត ក៏ដូចជាកាត់បន្ថយបរិមាណនៃរឿងទាំងនេះកុំឱ្យមានច្រើនហួសហេតុពេក។

ភ្នាក់ងារគ្រប់គ្រងក៏ទាមទារឱ្យមានវេទិកាវីដេអូខ្លីៗ ដើម្បីពង្រឹងការគ្រប់គ្រងផ្ទៃក្នុង កែលម្អសមត្ថភាពត្រួតពិនិត្យខ្លឹមសារឱ្យបានត្រឹមត្រូវឡើងវិញ និងលើកទឹកចិត្តដល់ភាពយន្តដែល “បង្ហាញពីទ្រព្យសម្បត្តិ និងអំណាច” ប៉ុន្តែត្រូវបង្កើតខ្លឹមសារដែល “តម្រង់ទិសទៅល្អ និងមានប្រយោជន៍ដល់សង្គម”។ អាស្រ័យហេតុនេះ អ្នកផលិតភាពយន្តខ្នាតខ្លីៗក៏ត្រូវស្រាវជ្រាវ និងស្វែងយល់អំពីអ្នកដឹកនាំក្រុមហ៊ុន សាជីវកម្ម និងដំណើរចាប់ផ្តើមអាជីវកម្មដ៏លំបាកនៃអាជីវកម្មវរជនផងដែរ៕

សហរដ្ឋអាមេរិក ៖ ក្រុមអ្នកស្រាវជ្រាវមកពី National Institute of Standards and Technology (NIST) របស់អាមេរិកបានបង្កើតប្រព័ន្ធ AI ដ៏ទំនើបបំផុត ដែលមានតួនាទីជូនដំណឹងមុនពេលកើតហេតុភ្លើងឆេះរថយន្តអគ្គិសនី ។ បច្ចេកវិទ្យានេះនឹងអាចជួយការពារគ្រោះថ្នា.ក់ ដោយសារការផ្ទុះថ្ម (lithium-ion battery) ក្នុងរថយន្ត ហើយអ្នកបើកបរអាចគេចខ្លួនទាន់ពេលវេលា ។

ចំណុចចាប់ផ្តើមរបស់ការស្រាវជ្រាវនេះ គឺអ្នកស្រាវជ្រាវម្នាក់មកពីវិទ្យាស្ថាន NIST បានឮសំឡេងប្លែកក្នុងវីដេអូផ្ទុះថ្មមុនពេលភ្លើងឆេះ ដែលសំឡេងនេះមានប្រភពពីសន្ទះសុវត្ថិភាពត្រូវបានរចនាឡើងដើម្បីបញ្ចេញសម្ពាធក្នុងថ្មរឹង ពេលប្រតិកម្មគីមីកើតឡើងនៅផ្នែកខាងក្នុង ។ ចាប់ពីពេលនោះមក អ្នកស្រាវជ្រាវក៏ចាប់ផ្តើមយកបច្ចេកវិទ្យា AI មកប្រើប្រាស់ចាប់សំឡេងដើម្បីដោះស្រាយបញ្ហា ។

មូលហេតុដែលត្រូវប្រើប្រាស់បច្ចេកវិទ្យា AI ពីព្រោះសំឡេងលើពិភពលោក មានច្រើនខុសៗគ្នា ហើយសំឡេងខ្លះស្រដៀងនឹងសំឡេងសន្ទះសុវត្ថិភាព ដូចជា ៖ សំឡេងបើកគំរបដបភេសជ្ជៈ និងកឹបក្រដាស ជាដើម ។ ហេតុនេះ ទើបអ្នកជំនាញប្រើប្រាស់ AI ដើម្បីបែងចែកសំឡេង ហើយវានឹងជូនដំណឹងជាមុនអំពីគ្រោះថ្នាក់កើតឡើង ។

សាកលវិទ្យាល័យវិទ្យាសាស្ត្រ និងបច្ចេកវិទ្យា បានសាកល្បងបំផ្ទុះថ្មក្នុងបន្ទប់ ចំនួន៣៨ដុំ និងថតសំឡេងផ្ទុះថ្មនីមួយៗ ។ បន្ទាប់មក ពួកគេក៏កែតម្រូវល្បឿន និងកម្រិតសំឡេង រហូតបង្កើតបានសំឡេងជាង១,០០០ប្រភេទ ដើម្បីឱ្យ AI ចងចាំសំឡេងបន្ទះសុវត្ថិភាពយ៉ាងត្រឹមត្រូវ ។

លទ្ធផលការសាកល្បងបង្ហាញថា Algorithm AI នឹងអាចចាប់សំឡេងបន្ទះសុវត្ថិភាពត្រឹមត្រូវរហូតដល់៩៤% ហើយមានតែសំឡេងតិចតួចប៉ុណ្ណោះ ដែលធ្វើឱ្យ AI យល់ច្រឡំ ។ ជាទូទៅ បន្ទះសុវត្ថិភាពនឹងដាច់រហែកមុនពេលថ្មរថយន្តអគ្គិសនីផ្ទុះប្រមាណ២នាទី ដែលវាជាពេលវេលាសំខាន់បំផុតសម្រាប់អ្នកបើកបររថយន្តមានពេលវេលារត់គេចខ្លួន ។

ក្រោយពីអ្នកស្រាវជ្រាវអាមេរិកបង្ហាញលទ្ធផលសាកល្បង ក៏មានមតិផ្សេងៗលើកឡើងថា តើយើងអាចការពារគ្រោះថ្នាក់ដូចម្តេច ឬវាគ្រាន់តែជាឧបករណ៍ប្រាប់ឱ្យយើងគេចខ្លួនមុនពេលផ្ទុះថ្មឆេះរថយន្តអគ្គិសនី ៕