ប្រទេសចិន៖ ថ្មីៗនេះក្រសួងធនធានធម្មជាតិរបស់ប្រទេសចិនបានប្រកាសពីការរកឃើញអណ្តូងរ៉ែមាសសំខាន់ៗនៅក្នុងតំបន់ជាច្រើន ដែលមានធនធានមាសរហូតដល់ ១៦៨ តោន។
យោងតាមការចុះផ្សាយរបស់ Global Times តំបន់ដែលរកឃើញរ៉ែមាសរួមមាន ខេត្ត Gansu តំបន់ភាគពាយ័ព្យ តំបន់ស្វយ័តម៉ុងហ្គោលី និងខេត្ត Heilongjiang ភាគឦសានប្រទេសចិន។ ក្នុងចំណោមនោះខេត្ត Gansu បានរកឃើញរ៉ែមាសដែលមានទុនបម្រុងរហូតដល់ ១០២,៤ តោន ត្រូវបានចាត់ទុកថាជារ៉ែមាសដ៏ធំបំផុត។ រីឯរ៉ែមាសនៅម៉ុងហ្គោលីមានទុនបម្រុង ៤១.៣ តោន និង Heilongjiang មាន ២៤.៣ តោន។

ក្នុងការស្វែងរកនេះ ប្រទេសចិនបានផ្តោតលើការរុករករ៉ែមាសនៅក្នុងតំបន់រុករករ៉ែសំខាន់ៗ និងមូលដ្ឋានធនធានមាសធំៗចំនួន ២៤ នៅទូទាំងប្រទេស។ តាមរយៈការរួមបញ្ចូលគ្នានៃការប្រើប្រាស់បច្ចេកទេសរុករកកម្រិតខ្ពស់នៃគំរូទស្សន៍ទាយការជីកយករ៉ែ រួមទាំងទិន្នន័យធំ គំរូធំ និងការគណនាខ្ពស់ ប្រទេសនេះបានកំណត់តំបន់គោលដៅចំនួន ៤៧ ដោយមាន ៣៥ សំណើដែលបានដាក់ស្នើ ជួយពង្រីកវិសាលភាពនៃការស្វែងរកមាស។

ក្នុងរយៈពេលប៉ុន្មានឆ្នាំកន្លងមកនេះ ប្រទេសចិនបានប្រកាសពីការរកឃើញសំខាន់ៗជាបន្តបន្ទាប់នៅក្នុងសកម្មភាពរុករករ៉ែមាស។ នៅខែវិច្ឆិកា ឆ្នាំ ២០២៤ វិទ្យាស្ថានភូគព្ភសាស្ត្រខេត្ត Hunan បានប្រកាសពីរបកគំហើញដ៏សំខាន់មួយក្នុងការរុករករ៉ែមាសនៅស្រុក Binh Giang ជាមួយនឹងការរកឃើញសរសៃរ៉ែមាសជាង ៤០ ដែលមានទុនបំរុងជាង ៣០០ តោននៅក្នុងតំបន់ស្នូលនៅជម្រៅ ២,០០០ ម៉ែត្រនៅ Van អណ្តូងរ៉ែមាស។

នេះគឺជាអណ្តូងរ៉ែមាសខ្នាតធំមួយ ដែលមានជម្រៅ ៣,០០០ ម៉ែត្រ ដោយមានទុនបំរុងប៉ាន់ស្មានជាង ១,០០០ តោន ដែលមានតម្លៃ ៦០០ ពាន់លានយន់ (ជិត ៨៣ ពាន់លានដុល្លារអាមេរិក) ប្រសិនបើគណនាតាមតម្លៃមាសបច្ចុប្បន្ន។ ដូច្នេះការរកឃើញធនធានរ៉ែបានជួយប្រទេសចិនបង្កើនទុនបម្រុងមាស tantalum កម្រ និង zircon បន្ថែមទៀត។

គួរបញ្ជាក់ដែរថា ទុនបម្រុងមាសជាតិបានដើរតួនាទីយ៉ាងសំខាន់ក្នុងការគ្រប់គ្រងវិបត្តិសេដ្ឋកិច្ច ប្រយុទ្ធប្រឆាំងនឹងអតិផរណា ស្ថេរភាពអត្រាប្តូរប្រាក់ និងគាំទ្រដល់ប្រព័ន្ធទូទាត់។ បច្ចុប្បន្នទុនបម្រុងមាសបានកើនឡើងជាង ១,២០០ តោនហើយ ដែលស្មើនឹងការរកឃើញអណ្តូងរ៉ែមាសធំៗចំនួន ៦០។ នេះបើយោងតាម Trading Economics ដែលជាទីភ្នាក់ងារទិន្នន័យសេដ្ឋកិច្ចពិភពលោក ក្នុងឆ្នាំ ២០២៤ ទុនបំរុងមាសរបស់ប្រទេសចិនបានជាប់ចំណាត់ថ្នាក់លេខ ៦ នៅលើពិភពលោកដែលមានមាសរហូតដល់ ២,២៦៤ តោន៕

អ្នកជំនាញផ្នែកចាប់ថ្នាក់មនុស្សប្រុសផិតក្ប.ត់ នៅរដ្ឋកាលីហ្វ័រញ៉ា សហរដ្ឋអាមេរិក បានចំណាយពេលអស់៣ឆ្នាំ ដើម្បីតាមដាន Profile បណ្តាញសង្គមរបស់មនុស្សប្រុសជាង៥,០០០នាក់ ហើយលទ្ធផលតាមដានបង្ហាញថា មនុស្សប្រុសធ្វើការ៤អាជីពនេះ ភាគច្រើនពុំស្មោះត្រង់ជាមួយគូស្នេហ៍ ។

កាលពីថ្ងៃទី១៩ ខែមករា ឆ្នាំ២០២៥ គេហទំព័របរទេសបានបង្ហាញលទ្ធផលការតាមដានចរឹតមនុស្សប្រុសរបស់អ្នកនាង Madeleine Smith អាយុ៣២ឆ្នាំ គឺជាអ្នកជំនាញចាប់ថ្នាក់មនុស្សផិតក្ប.ត់ ឬជំនាញការសាកល្បងភាពស្មោះត្រង់របស់បុរសជាមួយគូស្នេហ៍ ។ នាងរស់នៅទីក្រុងឡូសអេនជឺឡេស រដ្ឋកាលីហ្វ័រញ៉ា សហរដ្ឋអាមេរិក និងមានអ្នកតាមដានក្នុង TikTok រហូតដល់២លាននាក់ ។

អ្នកនាង Madeleine បញ្ជាក់ថា ខ្ញុំគ្រាន់តែមើល Profile របស់មនុស្សប្រុសមួយចំនួន គឺខ្ញុំដឹងភ្លាមថា តើម្ចាស់ Profile ជាមនុស្សបោកប្រាស់មនុស្សស្រីឬក៏អត់ ។ អ្នកនាងបើកការពិគ្រោះយោបល់សម្រាប់ស្ត្រីទាំងឡាយណាដែលសង្ស័យពីភាពស្មោះត្រង់គូស្នេហ៍របស់ខ្លួន គឺត្រូវបង់ប្រាក់ចំនួន៦៥ដុល្លារអាមេរិក សម្រាប់ការពិគ្រោះយោបល់ក្នុង១លើក ។

រយៈពេល៣ឆ្នាំមកនេះ អ្នកនាងបានតាមដានចរឹតមនុស្សប្រុសក្នុងបណ្តាញសង្គម ស្មើជាង៥,០០០នាក់ ហើយរកឃើញការក្បត់ចិត្តគូស្នេហ៍ជាច្រើនលើក ។ អ្នកនាងក៏បានចាត់ចំណាត់ថ្នាក់អាជីពរបស់មនុស្សប្រុសដែលក្បត់ចិត្តច្រើនបំផុត រួមមាន ៖

១-សមត្ថកិច្ច និងការងារផ្នែកសេវាកម្ម ៖ មនុស្សប្រុសធ្វើការជាសមត្ថកិច្ច និងការងារសេវាកម្ម តែងតែរកឱកាសក្បត់ចិត្តគូស្នេហ៍ច្រើនបំផុត ។ ក្រៅពីនេះ ក៏មានភ្នាក់ងារពន្លត់ភ្លើង, ភ្នាក់ងារសង្គ្រោះបន្ទាន់ និងកងទ័ព ក៏ជាមនុស្សពុំស្មោះត្រង់ដែរ ។

២-អ្នកចូលចិត្តហាត់ប្រាណ
៣-អ្នកជំនួញ និងភ្នាក់ងារលក់
៤-មេធាវី ។

ចំណែកអាជីពដែលក្បត់ចិត្តគូស្នេហ៍តិចបំផុត គឺគ្រូពេទ្យ ដោយសារគ្រូពេទ្យមានការងារជាច្រើនដែលត្រូវបំពេញ ប៉ុន្តែបើគ្រូពេទ្យក្បត់ចិត្តវិញ គឺពួកគេតែងតែលួចទាក់ទងជាមួយគ្រូពេទ្យធ្វើការនៅមន្ទីរពេទ្យជាមួយគ្នា ។

ការក្បត់ចិត្តភាគច្រើនរបស់មនុស្សប្រុស គឺកើតឡើងដោយសារខ្វះភាពអត់ធ្មត់ ឬពុំចេះដោះស្រាយបញ្ហារបស់ខ្លួន ។ ទោះយ៉ាងណា វាគ្រាន់តែជាការអះអាងរបស់អ្នកជំនាញផ្នែកចាប់ថ្នាក់មនុស្សប្រុសផិតក្ប.ត់ នៅរដ្ឋកាលីហ្វ័រញ៉ា ប៉ុណ្ណោះ ៕

នាពេលខាងមុខនេះសត្វអំពិលអំពែករាប់លានក្បាលនឹងបញ្ចេញពន្លឺភ្លឹបភ្លែតនៅក្នុងតំបន់មួយចំនួននៃប្រទេសម៉ាឡេស៊ី ជប៉ុន ហ្វីលីពីន ឥណ្ឌា និងអាមេរិក ដែលនឹងផ្តល់ឱ្យលោកអ្នកនូវបទពិសោធន៍ដ៏សម្បូរបែបមិនធ្លាប់មាន។ សម្រាប់ភ្ញៀវទេសចរដែលចង់ទស្សនាសត្វអំពិលអំពែកហោះហើរពេលរាត្រី អាចមកកន្លែងទាំងនេះបាន ធានាថាសប្បាយ ប្លែកអារម្មណ៍ ជាមួយទិដ្ឋភាពដ៏គួរឱ្យទាក់ទាញដូចខាងក្រោម៖

១. Kampung Kuaantan Firefly៖ មានទីតាំងនៅក្នុងស្រុក Selangor ប្រទេសម៉ាឡេស៊ី គឺជាកន្លែងដ៏ពិសេសមួយ អាចឱ្យភ្ញៀវទេសចរអង្គុយលើទូក គយគន់សត្វអំពិលអំពែកហោះជុំវិញបឹងនាពេលរាត្រី បង្កើតបានជាអារម្មណ៍ដ៏អស្ចារ្យបំផុត ប្រៀបដូចជាយើងកំពុងស្ថិតនៅក្នុងពិភពមួយដែលពោរពេញទៅដោយធម្មជាតិ និងសត្វអំពិលអំពែករាប់លានក្បាលបញ្ចេញពន្លឺភ្លឹបភ្លែតគួរជាទីចាប់អារម្មណ៍។

២.Minakami Firefly៖ គឺជាពិធីបុណ្យប្រពៃណីមួយរបស់ប្រទេសជប៉ុនដែលប្រារព្ធឡើងនៅពាក់កណ្តាលខែមិថុនា ដល់ពាក់កណ្តាលខែកក្កដា ដោយស្វាគមន៍ភ្ញៀវទេសចរគ្រប់ជាតិសាសន៍ឱ្យមកទស្សនាសត្វអំពិលអំពែកឥតគិតថ្លៃ បូករួមនឹងធម្មជាតិដ៏សម្បូរបែបបំផុត។

៣.ខេត្ត Sorsogon៖ គឺជាកន្លែងមួយដែលផ្តល់ឱ្យអ្នកនូវបទពិសោធន៍ដ៏ទាក់ទាញ និងស្រស់ស្អាតនៃសត្វអំពិលអំពែកពេញមួយឆ្នាំតែម្តង ដូច្នេះសម្រាប់ភ្ញៀវទេសចរដែលចង់ទស្សនាសត្វអំពិលអំពែកអាចមកខេត្ត Sorsogon ប្រទេសហ្វីលីពីនបាន។

៤. Purushwadi Firefly៖ Purushwadi គឺជាភូមិតូចមួយដែលមានចម្ងាយប្រហែល ៤ ម៉ោងពីទីក្រុង Mumbai ប្រទេសឥណ្ឌា មានភាពល្បីល្បាញសម្រាប់ពិធីបុណ្យផ្កាភ្លើងប្រចាំឆ្នាំដែលប្រព្រឹត្តទៅនៅសប្តាហ៍ទីបីខែឧសភាដល់សប្តាហ៍ទីបីនៃខែមិថុនា។ បុណ្យ Purushwadi នឹងមានសត្វអំពិលអំពែករាប់លានក្បាល ហោះហើរពេលរាត្រីដោយបញ្ចេញពន្លឺភ្លឹបភ្លែកៗ បានទាក់ទាញអ្នកទេសចរជុំវិញពិភពលោក។

៥.ព្រៃ Nanacamilpa៖ នៅក្នុងព្រៃ Nanacamilpa ទីក្រុងម៉ិកស៊ិក គឺមានសត្វអំពិលអំពែករាប់លានក្បាលចេញហោះហើរពេលរាត្រី ចាប់ពីពាក់កណ្តាលខែមិថុនាដល់ពាក់កណ្តាលខែសីហា បង្កើតជាកម្មវិធីពន្លឺពិសេសមួយ។ រូបរាងរបស់សត្វអំពិលអំពែករួមចំណែកទាក់ទាញទេសចរណ៍ទៅកាន់ Nanacamilpa ដោយជំរុញអ្នកស្រុកឱ្យផ្តោតលើការអភិរក្សជំនួសឱ្យការកាប់បំផ្លាញព្រៃឈើ។

៦.ឧទ្យានជាតិ Great Smoky Mountains៖ គឺជាកន្លែងពេញនិយមបំផុតសម្រាប់ការទស្សនាសត្វអំពិលអំពែកនៅពេលយប់ ដែលមានទីតាំងនៅរដ្ឋ Pennsylvania សហរដ្ឋអាមេរិក។ នៅទីនេះមានពិធីបុណ្យមួយដែលហៅថា Pennsylvania Firefly ប្រារព្ធឡើងនៅចុងខែមិថុនាជារៀងរាល់ឆ្នាំ តម្រូវឱ្យអ្នកទិញសំបុត្រ ប៉ុន្តែសំបុត្រមានកំណត់ ដូច្នេះមានតែមនុស្សមានសំណាងប៉ុណ្ណោះដែលមានឱកាសទស្សនានៅទីនេះ។ ក្រៅពីទស្សនាសត្វអំពិលអំពែកហោះហើរពេលរាត្រីដ៏ស្រស់ស្អាត លោកអ្នកក៏អាចរីករាយជាមួយនឹងតន្ត្រីផ្ទាល់ មើលការតាំងពិពណ៌ធម្មជាតិផ្សេងៗ និងស្វែងយល់បន្ថែមអំពីប្រភេទសត្វតាមរយៈបទបង្ហាញពីអ្នកជំនាញផងដែរ៕

ស្ពាន Huajiang Gorge ក្នុងខេត្ត Guizhou ប្រទេសចិន ត្រូវបានគេរំពឹងថានឹងវ៉ាដាច់ស្ពាន Beipanjiang ដែលជាស្ពានជាប់កំណត់ត្រាខ្ពស់ជាងគេបំផុតក្នុងពិភពលោកនាពេលបច្ចុប្បន្ននេះ។ ស្ពានថ្មី Huajiang Gorge មានកម្ពស់ ៦២៥ ម៉ែត្រពីលើទន្លេ Beipan និងមានប្រវែងសំខាន់ ១,៤២០ ម៉ែត្រ ខណៈស្ពាន Beipanjiang មានកម្ពស់ត្រឹមតែ ៥៦៥ ម៉ែត្រ ជាមួយនឹងប្រវែង ១,៣៤០ ម៉ែត្រប៉ុណ្ណោះ។ ដូច្នេះស្ពានថ្មី Huajiang Gorge ទំនងនឹងក្លាយជាស្ពានខ្ពស់ជាងគេលំដាប់ទីមួយរបស់ពិភពលោកនៅពេលសាងសង់រួច។

យោងតាមសារព័ត៌មានបរទេស China Daily ស្ពាន Huajiang Gorge បានឈានដល់ដំណាក់កាលដ៏សំខាន់មួយ នៅពេលដែលផ្នែកចុងក្រោយនៃដែកកេះដែលមានទម្ងន់ ២១៥ តោន ត្រូវបានលើក និងដំឡើងរួចរាល់ ដែលនេះគឺជាការបញ្ចប់រចនាសម្ព័ន្ធសំខាន់ ដោយបានដាក់គ្រឹះដ៏រឹងមាំបំផុត។ ដូច្នេះបច្ចុប្បន្នស្ពានថ្មីនេះ បានបញ្ចប់ការសាងសង់ ៨០% ហើយ ខណៈនាពេលខាងមុខក្រុមការងារនឹងផ្តោតតែលើការដំឡើងបន្ទះក្តារនៅចន្លោះធ្នឹមប៉ុណ្ណោះ ហើយវាត្រូវបានគេរំពឹងថានឹងបើកដំណើរការនៅឆមាសទីពីរនៃឆ្នាំ ២០២៥។

ស្ពានថ្មី Huajiang Gorge បានចាប់ផ្តើមសាងសង់ក្នុងឆ្នាំ ២០២២ នៅពេលសាងសង់រួចរាល់ ស្ពានថ្មីនេះត្រូវបានគេរំពឹងថានឹងវ៉ាដាច់ស្ពាន Beipanjiang របស់ខេត្តជាស្ពានដែលខ្ពស់ជាងគេលើពិភពលោក និងបង្កើតកំណត់ត្រាពិភពលោកសម្រាប់ស្ពានវែងបំផុតមួយនៅក្នុងតំបន់ភ្នំ។ លោក Chen Jianlei អនុប្រធាននាយកដ្ឋានដឹកជញ្ជូន Guizhou បាននិយាយថា “ការបញ្ចប់ស្ពាន Huajiang Gorge នឹងពង្រឹងទំនាក់ទំនងសេដ្ឋកិច្ចរវាង Guiyang, Anshun និងភាគនិរតី Qian ដោយលើកកម្ពស់សមាហរណកម្មសេដ្ឋកិច្ចក្នុងតំបន់”។

យោងតាមសារព័ត៌មានបរទេសចុះផ្សាយថា ស្ពាន Huajiang Gorge បានប្រើប្រាស់ ប្រព័ន្ធខ្សែកាបស្ទូចឆ្លាតវៃដែលត្រូវបានអភិវឌ្ឍក្នុងស្រុកដើម្បីបញ្ចប់ការលើកធ្នឹម។ ប្រព័ន្ធនេះត្រូវបានគ្រប់គ្រងដោយប្រទេសចិន និងរួមបញ្ចូលបច្ចេកវិទ្យាកំណត់ទីតាំងផ្កាយរណប Bac Dau ដែលអនុញ្ញាតឱ្យលើកយ៉ាងជាក់លាក់ដោយគ្រាន់តែចុចប៊ូតុងមួយ។ លើសពីនេះ ដំណើរការផលិតទាំងមូលបានរួមបញ្ចូលឧបករណ៍គ្រប់គ្រងឌីជីថល ដូចជាការត្រួតពិនិត្យវត្ថុធាតុដើមតាមពេលវេលាជាក់ស្តែង និងការក្លែងធ្វើនិម្មិត ដើម្បីតម្រឹមសមាសធាតុ។

អ្នកគ្រប់គ្រងគម្រោងនៃក្រុមហ៊ុន China Railway Baoji Bridge នៅតំបន់ភាគនិរតី ក៏បាននិយាយដែរថា ក្រុមការងារបានប្រើប្រាស់បច្ចេកវិទ្យាស្កែន 3D និងការក្លែងធ្វើនិម្មិត ដើម្បីរកមើលការប៉ះទង្គិចដែលអាចកើតមានរវាងសមាសធាតុនានា ដោយធានានូវភាពត្រឹមត្រូវអំឡុងពេលសាងសង់។ ដូច្នេះដោយសារបច្ចេកវិទ្យាទំនើប ស្ពាន Huajiang Gorge នឹងក្លាយជាស្ពានសុវត្តិភាពបំផុតរបស់ពិភពលោកនៅពេលសាងសង់រួច៕

ប្រទេសចិន ៖ BYD គឺជាក្រុមហ៊ុនផលិតរថយន្តអគ្គិសនីដ៏ល្បីល្បាញនៅប្រទេសចិន បានបង្ហាញកប៉ាល់មានទំហំធំបំផុតលើពិភពលោក ដែលអាចផ្ទុករថយន្តរហូតដល់៩,២០០គ្រឿង ។ កប៉ាល់ផ្ទុករថយន្តនេះមានឈ្មោះថា «BYD Shenzhen» ដែលដាក់ឈ្មោះតាមទីស្នាក់ការធំរបស់ក្រុមហ៊ុន BYD ។

កប៉ាល់នេះមានប្រវែងសរុប២១៩ម៉ែត្រ និងអាចបើកបរក្នុងល្បឿនលឿនបំផុតស្មើជាង៣៤គីឡូម៉ែត្រក្នុង១ម៉ោង ។ BYD Shenzhen គឺជាកប៉ាល់ផ្ទុករថយន្តដ៏ធំលំដាប់ទី៤ របស់ក្រុមហ៊ុន BYD ហើយនៅដើមឆ្នាំ២០២៦ ក្រុមហ៊ុនបានកំណត់គោលដៅមានកប៉ាល់ផ្ទុករថយន្ត សរុប៨គ្រឿង ដើម្បីវាយលុកទីផ្សារពិភពលោក ។

ការមានកប៉ាល់ផ្ទុករថយន្តជារបស់ខ្លួនអាចប្លែកសម្រាប់ក្រុមហ៊ុនផលិតរថយន្តផ្សេងៗ ប៉ុន្តែវាមិនប្លែកសម្រាប់ក្រុមហ៊ុន BYD ដែលល្បីល្បាញនាពេលបច្ចុប្បន្ន ។ BYD បានផលិតថ្មរថយន្តអគ្គិសនីដោយខ្លួនឯង និងមានក្រុមហ៊ុនធានារ៉ាប់រងរថយន្តអគ្គិសនីនៅប្រទេសចិន អះអាងថា កប៉ាល់ផ្ទុករថយន្តនេះពុំប៉ះពាល់បរិស្ថានទេ ព្រមទាំងបានបំពាក់ឧបករណ៍សន្សំសំចៃថាមពល ។

BYD Shenzhen គឺជាកប៉ាល់ផ្ទុករថយន្តដំបូងគេ ដែលបំពាក់ថ្មផលិតដោយ BYD ហើយក្រុមហ៊ុនពុំបានបញ្ជាក់លម្អិតពីថ្មទេ ប៉ុន្តែគេរំពឹងថា ក្រុមហ៊ុនអាចនឹងប្រើប្រាស់ថាជាថាមពលសម្រាប់ឱ្យកប៉ាល់បញ្ចេញខ្យល់ពុលតិច ។ BYD បានបង្ហាញកប៉ាល់ផ្ទុករថយន្ត ទី១ កាលពីខែមករា ឆ្នាំ២០២៤ បន្ទាប់មក ក៏បង្ហាញកប៉ាល់ផ្ទុករថយន្ត ទី២ ដែលបានបញ្ជូនរថយន្តអគ្គិសនី ចំនួន៥,០០០គ្រឿង ទៅតំបន់អឺរ៉ុប កាលពីចុងឆ្នាំ២០២៤ ។

លើសពីនេះ នៅខែមករា ឆ្នាំ២០២៥ BYD បានដំណើរការកប៉ាល់ផ្ទុករថយន្ត ទី៣ ដែលអាចផ្ទុករថយន្តបាន៧,០០០គ្រឿង ។ កាលពីឆ្នាំ២០២៤ BYD បានលក់រថយន្តចំនួន៤១៧,២០៤គ្រឿង (ស្មើជាង៤១គ្រឿង) កើនឡើង៧១.៩% បើធៀបនឹងឆ្នាំ២០២៣ ខណៈការលក់រថយន្តទូទាំងពិភពលោក កាលពីឆ្នាំ២០២៤ ស្មើនឹង៤លាន២សែន៥ម៉ឺនគ្រឿង ៕