គួរអោយសោកស្ដាយ! ព្រះតេជគុណ ជួន កក្កដា សម្រេចលាចាកសិក្ខាបទចាប់ពីពេលនេះតទៅក្រោមហេតុផលមួយ

March 19, 2025

ព្រះតេជគុណជួន កក្កដា ដែលមហាជនតែងគោរពស្រលាញ់ការទេសនា និងទង្វើជួយក្មេងកំព្រា និងកូននេនតូចៗអោយបានរៀនសូត្រនៅក្នុងវត្តប្រាសាទនាងខ្មៅនោះ បានប្រកាសដំណឹងថាព្រះអង្គនឹងលាចាកសិក្ខាបទភ្លាមៗ បណ្ដាលអោយមហាជនជាច្រើន ជាពិសេសអ្នកដែលគោរព និងគាំទ្រព្រះអង្គកន្លងមកមានការសោកស្ដាយ និងភ្ញាក់ផ្អើលជាខ្លាំង។

ដំណឹងដ៏គួរអោយភ្ញាក់ផ្អើល និងសោកស្ដាយនេះត្រូវបានបង្ហោះដោយព្រះតេជគុណ ជួន កក្កដា នៅលើផេកផ្លូវការរបស់ព្រះអង្គផ្ទាល់ នៅវេលាព្រឹក ថ្ងៃទី១៩ ខែមីនា ឆ្នាំ២០២៥។ ព្រះអង្គបានបញ្ជាក់នៅក្នុងវីដេអូជូនដំណឹងនោះថា៖ ព្រះអង្គនឹងលាចាកព្រះផ្នួសនៅវត្តប្រាសាទនាងខ្មៅ វេលាម៉ោង ៨-៩ ព្រឹក ថ្ងៃទី១៩ ខែមីនា ឆ្នាំ២០២៥តទៅ។

ក្រោយពីបានដឹងដំណឹងលាចាកសិក្ខាបទភ្លាមៗ របស់ព្រះតេជគុណ ជួន កក្កដា ពុទ្ធបរិស័ទជាច្រើនមានការចម្លែកចិត្តជាខ្លាំង ព្រោះដូចដែលបានដឹងកន្លងមកហើយថា សព្វថ្ងៃមានកូននេនតូចៗរាប់រយអង្គដែលកំពុងគង់ស្នាក់អាស្រ័យ និងសិក្សានៅវត្តប្រាសាទនាងខ្មៅ គឺទទួលបានការមើលថែពីសំណាក់ព្រះអង្គជួន កក្កដា ចុះប្រសិនបើព្រះអង្គលាចាកសិក្ខាបទដូចនេះ តើអនាគតរបស់កូននេនទាំងនេះនឹងទៅជាយ៉ាងណា?

ជាក់ស្ដែងនៅក្នុងវីដេអូជូនដំណឹងរបស់ព្រះអង្គជួន កក្កដា ព្រះអង្គបានមានសង្ឃដីកាបញ្ជាក់បន្ថែមថា៖ កាលដែលព្រះអង្គលាចាកសិក្ខាបទនេះ គឺមូលហេតុដោយសារតែព្រះអង្គអស់និស្ស័យក្នុងការប្រើប្រាស់ជីវិតជាបុព្វជិតតទៅទៀត ប៉ុន្តែមិនមែនមានន័យថាព្រះអង្គអស់និស្ស័យជាមួយព្រះពុទ្ធសាសនានោះទេ។ លើសពីនេះទៅទៀត សម្រាប់ការមើលថែទាំកូននេនដែលគង់នៅ និងសិក្សានៅប្រាសាទនាងខ្មៅទាំងឡាយ ព្រះអង្គនឹងនៅតែជួយជ្រោមជ្រែងជានិច្ច បើទោះបីក្លាយជាសមញ្ញជនទៅហើយក្ដី។ មួយវិញទៀត សម្រាប់ការលាចាកសិក្ខាបទនេះ គឺមិនមែនជាការតក់ក្រហល់នោះទេ ប៉ុន្តែព្រះអង្គជ្រើសរើសមិនជូនដំណឹងជាមុននោះទេ ព្រោះដឹងថាមានញាតិញោមជាច្រើនដែលគាំទ្រ និងស្រលាញ់ ដូច្នេះហើយព្រះអង្គក៏ចាំដល់ពេលមកដល់ចាំជម្រាបដំណឹងតែម្ដង។

សូមជម្រាបថា ព្រះអង្គជួន កក្កដា បានសាងផ្នួសតាំងពីព្រះអង្គមានវ័យ ១៣ព្រះវស្សាមកម្ល៉េះ ដែលគិតមកដល់សព្វថ្ងៃ ព្រះអង្គបានបួសរៀន អស់រយៈពេល ២៧វស្សា និងគង់នៅវត្តប្រាសាទនាង ខេត្តតាកែវបានរយៈពេល ១៣វស្សាមកហើយ។

ទន្ទឹមនឹងការសោកស្ដាយ និងភាពភ្ញាក់ផ្អើលខាងលើ មហាជនដែលជាពុទ្ធបរិស័ទនៅតែគោរពតាមការសម្រេចចិត្តរបស់ព្រះអង្គជួន កក្កដា ដោយសង្ឃឹមថាព្រះអង្គនឹងនៅតែបង្ហាញពីអំពើល្អ តាមរយៈជួយកូននេនតូចៗ និងក្មេងកំព្រា ព្រមទាំងជូនពរអោយព្រះអង្គទទួលបានសំណាងល្អក្នុងភេទជាគ្រហស្ថ និងដំណើរជីវិតតទៅមុខ៕

ធ្លាប់ឆ្ងល់អត់! ហេតុអ្វីបានជាផ្ទៃមេឃមើលទៅមានពណ៌ខៀវ?

Lee Ek

March 19, 2025

ជាទូទៅនៅពេលមេឃស្រឡះល្អ យើងតែងតែឃើញផ្ទៃមេឃមានពណ៌ខៀវ ឬពណ៌ទឹកសមុទ្រ ប៉ុន្តែតើអ្នកធ្លាប់ឆ្ងល់អត់ ហេតុអ្វីបានជាផ្ទៃមេឃមើលទៅមានពណ៌ខៀវអ៉ីចឹង? ជឿថាប្រិយមិត្តភាគច្រើនប្រាកដជាធ្លាប់បានសិក្សារួចមកហើយ នៅមេរៀនវិទ្យាសាស្ត្រអនុវត្តន៍ កាលពីថ្នាក់អនុវិទ្យាល័យ ប៉ុន្តែប្រហែលលោកអ្នកភ្លេចបាត់ទៅហើយ។ ដូច្នេះអត្ថបទនេះ យើងនឹងបកស្រាយ ដើម្បីការយល់ដឹងកាន់តែច្បាស់ និងអាចឱ្យលោកអ្នកចែកចាយបន្តទៅដល់ក្មេងៗជំនាន់ក្រោយទៀត។

យោងតាមគេហទំព័របរទេស Live Science មូលហេតុដែលផ្ទៃមេឃមានពណ៌ខៀវ គឺដោយសារការចាំងចូលនៃល្បាយពន្លឺរបស់ព្រះអាទិត្យ។ ពន្លឺរបស់ព្រះអាទិត្យត្រូវបានគេដឹងថា ជាពន្លឺដែលគេអាចញែកបានរហូតដល់ ៧ ពណ៌ដូចទៅនឹងពណ៌របស់ឥន្ទធនូដែរ។ នៅពេលពន្លឺទាំងនោះឆ្លងកាត់បរិយាកាសនៅលើភពផែនដី បរិយាកាសចាប់យកតែពណ៌បៃតង ស្វាយ លឿង និងខៀវតែប៉ុណ្ណោះ ដូច្នេះពណ៌ទាំងអស់នេះបានចាំងបញ្ចូលគ្នាបង្កើតបានជាពណ៌ខៀវស្រងាត់របស់ផ្ទៃមេឃដែលយើងតែងតែឃើញជារាល់ថ្ងៃ។

នេះមានន័យថា ផែនដីត្រូវបានគ្របដណ្តប់ដោយស្រទាប់ជាច្រើននៃបរិយាកាស ហើយស្រទាប់ទាំងនោះបានរារាំងពន្លឺពណ៌ក្រហមរបស់ព្រះអាទិត្យ មិនឱ្យចូលមកដល់ផ្ទៃដីបាន។ លើសពីនេះវាក៏ពាក់ព័ន្ធនឹងពណ៌ដែលភ្នែករបស់មនុស្សអាចមើលឃើញ គួបផ្សំនឹងការរារាំង មិនឱ្យបញ្ចេញពណ៌ផ្សេងៗទៀតនៃស្រទាប់បរិយាកាសផែនដី ពេលពន្លឺព្រះអាទិត្យជះចំផងដែរ។

សរុបសេចក្តីមក ពណ៌ខៀវស្រាល ជាពណ៌បំលែងពីធម្មជាតិ ដោយម៉ូលេគុលតូចៗនៅគ្រប់ទីកន្លែងក្នុងខ្យល់ និងបរិយាកាសផែនដី។ ម៉ូលេគុលពណ៌ខៀវត្រូវបានពង្រាយច្រើនជាងពណ៌ផ្សេងៗទៀត ដោយសារតែវាធ្វើដំណើរក្នុងរលកល្បឿនយឺត និងតូចៗ ហេតុដូច្នេះទើបយើងឃើញផ្ទៃមេឃមានពណ៌ខៀវជាប់ជានិច្ចបែបនេះ៕

មកដឹងពីអាថ៌កំបាំងនៃចង្កៀងប្រេងនៅលើភ្នំ Wudang ដែលមិនរលត់អស់រយៈពេល ៦០០ ឆ្នាំ!

Lee Ek

March 19, 2025

ភ្នំ Wudang ដែលស្ថិតនៅខេត្ត Hubei ប្រទេសចិន បានកំពុងទាក់ទាញចំណាប់អារម្មណ៍របស់អ្នកស្រាវជ្រាវ និងអ្នកធ្វើធម្មយាត្រាយ៉ាងខ្លាំង ដោយសារចង្កៀងប្រេងតូចមួយនៅខាងក្នុងទីសក្ការៈ ត្រូវបានគេនិយាយថា ឆេះអស់រយៈពេលជាង ៦០០ ឆ្នាំហើយ។ ខណៈវាមិនរលត់ទាល់តែសោះទោះបីជាមានព្យុះដ៏ខ្លាំងក្លា និងការបះបោរជាប្រវត្តិសាស្ត្រក៏ដោយ ក៏ចង្កៀងនេះនៅតែភ្លឺចែងចាំងជានិច្ច ធ្វើឱ្យមនុស្សជាច្រើនភ្ញាក់ផ្អើល និងបង្កជាចម្ងល់ថា តើមានអាថ៌កំបាំងអ្វីខ្លះដែលអនុញ្ញាតឱ្យចង្កៀងនេះឆេះជារៀងរហូត ឬតើវាពិតជាអព្ភូតហេតុអាថ៌កំបាំងដែលមនុស្សមិនអាចពន្យល់បានឬយ៉ាងណា។

យោងតាមកំណត់ត្រាប្រវត្តិសាស្ត្រភ្នំ Wudang ឬហៅថាប្រាសាទមាសត្រូវបានសាងសង់ក្នុងឆ្នាំ ១៤១៦ ក្រោមរជ្ជកាលរបស់អធិរាជ Chengzu នៃរាជវង្ស Ming ដើម្បីធ្វើជាកន្លែងសក្ការៈ និងជានិមិត្តរូបនៃអំណាចរាជវង្ស ដែលបង្ហាញពីការរួមបញ្ចូលគ្នានៃនយោបាយ និងសាសនាក្នុងរាជវង្សមីង។ ដូច្នេះនៅក្នុងរចនាសម្ព័ន្ធដ៏អស្ចារ្យទាំងមូលនេះ ចង្កៀងប្រេងកាតតូចមួយនៅពីមុខរូបសំណាកអធិរាជ Chengzu គឺជាអ្វីដែលទាក់ទាញការចាប់អារម្មណ៍បំផុត។

អ្នកស្រុកនៅទីនេះហៅវាថាជា “ចង្កៀងវេទមន្ត” ព្រោះវាតែងតែភ្លឺជានិច្ច មិនដែលរលត់សោះឡើយ។ សម្រាប់មូលហេតុដែលចង្កៀងប្រេងនៅលើភ្នំ Wudang របស់ប្រទេសចិន នៅតែឆេះអស់រយៈពេល ៦០០ ឆ្នាំគឺនៅតែជាអាថ៌កំបាំងដែលមិនទាន់មានចម្លើយពិតប្រាកដនោះទេ។ ទោះជាយ៉ាងណាយ៉ាងណាយោងតាមអ្នកវិទ្យាសាស្ត្រ និងអ្នកស្រាវជ្រាវ បានឱ្យដឹងថា៖

ដោយសាររចនាសម្ព័នរបស់ប្រាសាទមាសបានរួមចំណែកបង្កើតបរិយាកាសពិសេសដែលអនុញ្ញាតឱ្យចង្កៀងឆេះអស់រយៈពេលយូរ។ ភ្នំ Wudang ឬហៅថាប្រាសាទមាស ត្រូវបានគេសាងសង់នៅលើទីតាំងខ្ពស់ដែលមានខ្យល់ចេញចូលបានល្អ ជួយរក្សាលំនឹងភ្លើង។ ជាងនេះទៅទៀត ឯកសារមួយចំនួនក៏បានលើកឡើងផងដែរថា នៅខាងក្នុងវាំងមានប្រព័ន្ធការពារខ្យល់ពិសេស ដែលជួយការពារចង្កៀងពីឥទ្ធិពលខាងក្រៅ។ រចនាសម្ព័ន្ធនេះអាចរួមបញ្ចូលដំបូលពិសេស ឬស្រទាប់កញ្ចក់ស្តើងដែលផ្តល់ការការពារ និងផ្តល់អុកស៊ីសែនគ្រប់គ្រាន់សម្រាប់ភ្លើងបន្ត។

ប៉ុន្តែបើយោងតាមសៀវភៅ “Records of the Grand Historian” របស់ Sima Qian វិញប្រេងចង្កៀងនេះធ្វើឡើងដោយ “ក្រមួននាងមច្ឆា” ដែលជាវត្ថុរាវចម្រាញ់ចេញពីសត្វសមុទ្រដ៏អាថ៌កំបាំងមួយ។ ប្រេងនេះមានចំណុចពន្លឺទាបខ្លាំង ហើយសូម្បីតែតំណក់តូចមួយក៏អាចឆេះអស់ជាច្រើនខែផងដែរ។ ដូច្នេះមនុស្សជាច្រើនជឿថា ចង្កៀងនេះទំនងទាក់ទងទៅនឹងខាងវិញ្ញាណ ឬជំនឿអរូបិយច្រើនជាងទ្រឹស្តីវិទ្យាសាស្ត្រ៕

រ៉ាប៊ី ឆ្លើយដាច់ខាតមិនទៅរស់នៅក្រៅប្រទេសបើ Nick Taylor ស្រលាញ់នាងត្រូវរស់នៅស្រុកខ្មែរ

Lee Ek

March 19, 2025

ធ្លាប់តែមនុស្សមួយចំនួនរៀបការជាមួយជនបរទេសហើយមានបំណងចង់ទៅរស់នៅស្រុកក្រៅខុសប្លែកអីតែតារាចម្រៀង រ៉ាប៊ី បានឆ្លើយតបយ៉ាងដាច់ខាតថារស់នៅស្រុកគេមួយគឺនាងមិនទៅនៅនោះទេដោយបានបន្ថែមថាបើ Nick Taylor ស្រលាញ់នាងត្រូវរស់នៅស្រុកខ្មែរ។

ក្នុងកម្មវិធីជួបជុំអ្នកគាំទ្រលើកដំបូងរបស់ រ៉ាប៊ី នាពេលថ្មីៗនេះបានបង្កឱ្យសាធារណជនមានការចាប់អារម្មណ៍មិនតិចនោះទេជាពិសេសគឺពេលដែលកីឡាករបាល់ទាត់ពូកែថ្វីជើងជាកូនកាត់អាម៉េរិក Nick Taylor បានលត់ជង្គង់សុំតារាចម្រៀងរូបនេះរៀបការធ្វើឱ្យផ្ទុះពេញបណ្តាញសង្គមតែម្តង។ ជាមួយនឹងការចាប់អារម្មណ៍រឿងនេះទស្សនិកជនក៏បានចាប់អារម្មណ៍រឿងមួយទៀតបន្ទាប់ពីនាងបានឆ្លើយដាច់ខាតថាស្រុកគេមួយនាងមិនទៅរស់នៅ។

តាមរយៈវីដេអូដែលបានចែករំលែកនៅលើបណ្តាញសង្គម រ៉ាប៊ី បានឆ្លើយតបសំណួរជាមួយអ្នកគាំទ្រថានាងនឹងចេញបទចម្រៀងទាល់តែចាស់ទាល់តែលែងល្បី ទាល់តែថាលែងមានហ្វេនចូលស្តាប់បទនាងដរាបណានៅមាន Views នាងនឹងចេញរហូត។ ជាមួយគ្នានេះ ផេនខេត បានចោទសួរថាបើសិនជានាងទៅរស់នៅស្រុកគេនឹងចេញបទចម្រៀងទៀតឬអត់ ខណៈ រ៉ាប៊ី បានឆ្លើយតបភ្លាមៗថាស្រុកគេមួយនាងមិនទៅរស់នៅ ។

រ៉ាប៊ី បានឆ្លើយសំណួរទៀតថាបើគ្រួសារឱ្យទៅនៅខាងប្តី នាងថាបើ Nick ស្រលាញ់នាង Nick នៅខ្មែរហើយចម្លើយរបស់ រ៉ាប៊ី មួយនេះបានធ្វើឱ្យសំឡេងរបស់អ្នកគាំទ្រស្រែកកងរំពងយ៉ាងខ្លាំង។

គួរបញ្ជាក់ថា រ៉ាប៊ី និងកីឡាករបាល់ទាត់ Nick Taylor បានស្គាល់គ្នានិងចាប់ចិត្តចំពោះគ្នាទៅវិញទៅមកនៅពេលមានការសហការគ្នាថតបទ រាំញ័រ ដែលបានចេញកាលពីខែកុម្ភៈ ឆ្នាំ២០២៣។ ក្រោយមកកន្លះឆ្នាំ Nick បានសារភាពស្នេហ៍ចំពោះ រ៉ាប៊ី ហើយបានបើកឱកាសស្វែងយល់ចិត្តគ្នាទៅវិញទៅមក ខណៈកាលពីថ្ងៃ១៥ មីនា Nick បានលត់ជង្គង់សុំ រ៉ាប៊ី រៀបការ៕

តារាចម្រៀង ឃុន វុត្ថា និង ហ៊ាទី ទប់ចិត្តមិនជាប់លូកមាត់រឿងការប្រកួតកម្មវិធីបុរសឯកមួយ

Lee Ek

March 19, 2025

ថ្មីៗនេះកម្មវិធីប្រកួតសម្រស់បុរសឯកមួយត្រូវបានទស្សនិកជនជាច្រើនបញ្ចេញមតិរិះគន់និងមិនពេញចិត្តដោយសារតែបេក្ខភាពមួយចំនួនត្រូវចាត់ទុកថាមិនមានលក្ខណៈសម្បត្តិគ្រប់គ្រាន់ខណៈរឿងនេះត្រូវរងនូវការសើចចំអកពីអ្នកមួយចំនួនមកពីប្រទេសក្បែរខាងផងដែរ។ ជុំវិញរឿងនេះតារាចម្រៀង ឃុន វុត្ថា និង ហ៊ាទី ក៏បានចូលមកលូកមាត់ដូចគ្នា។

តារាចម្រៀង ឃុន វុត្ថា បានចែករំលែកចេញពីផេកវៀតណាមនៃការប្រកួតសម្រស់បុរសឯកដែលមានការទាក់ទាញយ៉ាងខ្លាំងពីអ្នកលេងបណ្តាញសង្គមប៉ុន្តែមិនមែនជារឿងល្អប៉ុន្មាននោះទេ។ លោកបាននិយាយថា «មិនមែនជាន់ពន្លិចរើសអើងអ្វីទេ តែកាលណាបេក្ខភាពប្រលងយើងមិនស្អាតធ្វើឱ្យប្រទេសជិតខាងមើលងាយយើងណាស់ ដូចឃើញជាក់ស្ដែង»។

អតីតបេក្ខជន The Voice Cambodia រដូវកាលទី១ រូបនេះបានបន្តទៀតថា «កុំព្រោះតែក្ដីស្រមៃ កុំព្រោះតែភាពជឿជាក់និងក្លាហានធ្វើឱ្យអ្នកមានវិប្បដិសារី។ ១០ឆ្នាំក្រោយគាត់និងដេកគិតហើយសួរខ្លួនឯងថា ចុមកាលនិងអញគិតអី ទៅប្រលងប្រុសស្អាត?»។

ងាកទៅកាន់តារាកំប្លែង ហ៊ាទី វិញ ក៏បានចែករំលែកពីផេកថៃ ហើយបានព្រលយពាក្យថា «តិចទៀតថៃយកទៅហើយ និងមួយប្រយោគទៀតថា ND គេអត់ឱ្យ bully compare ទេ»។

ការប្រកួតសម្រស់បុរសឯកមួយនេះទើបតែបង្កើតឡើងប៉ុណ្ណោះ ប៉ុន្តែទស្សនិកជនភាគច្រើនមិនបានសម្តែងការគាំទ្រនោះទេដោយអ្នកមួយចំនួនគិតថាមិនទាន់មានលក្ខណៈសម្បត្តិគ្រប់គ្រាន់ជាពិសេសគឺបានធ្វើឱ្យប្រទេសជិតខាងសើចចំអក ជាក់ស្តែងពេលនេះគឺប្រទេសក្បែរខាងបានយករូបភាពនិង វីដេអូនោះទៅបង្ហោះហើយទទួលបានមតិជាច្រើន៕

ចង់ដឹងអត់! តើមហាសេដ្ឋីល្បីៗរបស់ពិភពលោកកំពុងប្រើប្រាស់ស្មាតហ្វូនប្រភេទណា?

Lee Ek

March 19, 2025

ទូរស័ព្ទ ឬស្មានហ្វូនបច្ចុប្បន្ននេះគឺមានច្រើនម៉ូដ ច្រើនម៉ាកណាស់ ហើយវាក៏ជាឧបករណ៍ដ៏ពេញនិយមបំផុតទូទាំងពិភពលោកផងដែរ មិនថាប្រជាជនក្នុងប្រទេសក្រីក្រប៉ុណ្ណានោះទេ ក៏មានទូរស័ព្ទ ឬស្មាតហ្វូនប្រើប្រាស់ដែរ។ ដូច្នេះហើយតើលោកអ្នកដឹងទេថា មហាសេដ្ឋីល្បីៗរបស់ពិភពលោកដូចជា Elon Musk, Jeff Bezos, Mark Zuckerberg, Bill Gates និង Warren Buffett កំពុងប្រើស្មាតហ្វូនប្រភេទណាខ្លះ? យោងតាមការចុះផ្សាយរបស់គេហទំព័របរទេស PhoneArena បានឱ្យដឹងថា មហាសេដ្ឋីទាំង ៥ រូបនេះកំពុងប្រើប្រាស់ស្មាតហ្វូនខុសៗគ្នាដូចជា៖

១.Bill Gates៖ លោក Bill Gates ដែលជាសហស្ថាបនិកក្រុមហ៊ុន Microsoft បច្ចុប្បន្នកំពុងប្រើប្រាស់ស្មាតហ្វូនអេក្រង់បត់ Samsung Galaxy Z Fold5 ។ មហាសេដ្ឋីរូបនេះបានប្រើប្រាស់ទូរស័ព្ទ Samsung អស់ជាច្រើនឆ្នាំមកហើយ ដោយបានប្រើ Galaxy Z Fold3 និង Galaxy Z Fold4។ Bill Gates ធ្លាប់ចែករំលែកថា លោកបានចាប់អារម្មណ៍យ៉ាងខ្លាំងចំពោះបច្ចេកវិទ្យាថ្មីៗរបស់ Samsung។ ទោះជាយ៉ាងណា មតិមួយចំនួនក៏បានលើកឡើងថា មហាសេដ្ឋីរូបនេះមិនចង់ប្រើ iPhone នោះទេ ដោយសារទំនាក់ទំនងមិនល្អរវាង Microsoft និង Apple នាពេលកន្លងមក។

២.Mark Zuckerberg៖ កាលពីឆ្នាំមុន Mark Zuckerberg ត្រូវបានគេប្រទះឃើញជាញឹកញាប់ប្រើប្រាស់ Samsung Galaxy S23 Ultra ។ ប៉ុន្តែបច្ចុប្បន្នមហាសេដ្ឋីរូបនេះ កំពុងប្រើប្រាស់ Galaxy S24 Ultra វិញ។ យោងតាម PhoneArena នាយកប្រតិបត្តិរបស់ក្រុមហ៊ុន Meta ពិតជាជ្រើសរើសប្រើប្រាស់ស្មាតហ្វូន Android ជំនួសឱ្យ iPhone មែន។ មូលហេតុចម្បងគឺដោយសារតែទំនាក់ទំនងរបស់ Zuckerberg ជាមួយ Apple មានជម្លោះជាច្រើនឆ្នាំមកហើយ។

៣.Jeff Bezos៖ ស្ថាបនិក និងជានាយកប្រតិបត្តិក្រុមហ៊ុន Amazon មិនបានចែករំលែកនូវទូរស័ព្ទដែលគាត់ប្រើនោះទេ។ ទោះជាយ៉ាងណា ប្រភពលេចធ្លាយមួយចំនួនបាននិយាយថា លោក Jeff Bezos កំពុងប្រើប្រាស់ម៉ូដែលទូរស័ព្ទ Google Pixel ឬ Samsung Galaxy។ នៅឆ្នាំ ២០២០ មហាសេដ្ឋីរូបនេះបានប្រើ iPhone ប៉ុន្តែដោយសារ ទូរស័ព្ទនេះត្រូវបាន Hack តាមរយៈ WhatsApp ជាហេតុធ្វើឱ្យលោកបោះបង់ទូរស័ព្ទ iPhone ហើយប្តូរទៅប្រើទូរស័ព្ទ Android វិញ។

៤.Elon Musk៖ មហាសេដ្ឋី Elon Musk ត្រូវបានគេនិយាយថាប្រើទាំង iPhone និង Samsung Galaxy ។ នៅក្នុងការចែករំលែកថ្មីៗមួយចំនួន មហាសេដ្ឋីរូបនេះបាននិយាយថា គាត់ចូលចិត្តបទពិសោធន៍នៅលើ iPhone។ ដូច្នេះ Elon Musk ត្រូវបានគេនិយាយថាកំពុងប្រើទាំង iPhone និង Samsung Galaxy។

៥.Warren Buffett៖ Warren Buffett ដែលជាអ្នកជំនួញ និងវិនិយោគិនដ៏ល្បីល្បាញ បច្ចុប្បន្នកំពុងប្រើប្រាស់ iPhone 11 ដែលចេញលក់ក្នុងឆ្នាំ ២០១៩។ ពីមុនគាត់ប្រើទូរស័ព្ទបត់អស់ជាច្រើនឆ្នាំ បន្ទាប់មក Tim Cook បានបញ្ចុះបញ្ចូលគាត់ឱ្យប្រើ iPhone ដោយបន្តផ្ញើផលិតផលដោយឥតគិតថ្លៃឱ្យមហាសេដ្ឋីប្រើប្រាស់៕

ជំនួយការសម្តេចធិបតី ម្នាក់បាត់បង់ជីវិត អំឡុងការប្រកួតបាល់ទាត់មិត្តភាពយុវជនអន្តរក្រសួង-ស្ថាប័ន

Lee Ek

March 19, 2025

ឯកឧត្តម ស្វាយ ដូត មន្រ្តីជាន់ខ្ពស់ម្នាក់នៅទីស្តីការគណ:រដ្ឋមន្រ្តី បានគាំងបេះដូងស្លាប់ អំឡុងពេលកំពុងទាត់បាល់ជាមួយក្រុមអាជ្ញាធរសវនកម្មជាតិ នៅល្ងាចថ្ងៃទី១៨ ខែមីនា ឆ្នាំ២០២៥ ក្នុងកម្មវិធីប្រកួតបាល់ទាត់មិត្តភាពយុវជនអន្តរក្រសួង-ស្ថាប័ន។

នៅអំឡុងការប្រកួត ឯកឧត្តមត្រូវបានផ្លាស់ប្តូរចូលនៅវគ្គទី២ នាទី៥១ ដោយលេងបានតែ៧នាទីពោលនៅនាទី៥៨ឯកឧត្តមក៏បានដួលសន្លប់នៅលើទីលានតែម្តង ខណៈក្រុមគ្រូពេទ្យក៏បានចូលពិនិត្យព្យាបាលផងដែរ តែជាអកុសលឯកឧត្តមបានបាត់បង់ជីវិតទៅហើយ។

ឯកឧត្តម ស្វាយ ដូត មានអាយុ៥៦ឆ្នាំ ជាជំនួយការសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា។

សម្តេចមហាបវរធិបតី បានចាត់ទុកមរណភាពរបស់លោក ស្វាយ ដូត គឺជាការបាត់បង់មន្ត្រីដ៏ល្អឆ្នើមមួយរូប បានរួមចំណែកធ្វើពលិកម្មគ្រប់បែបយ៉ាង ប្រកបដោយឆន្ទៈ និងមនសិការមោះមុត ដើម្បីចូលរួមបម្រើជាតិ សាសនា ព្រះមហាក្សត្រ និងបម្រើឱ្យឧត្តមប្រយោជន៍មាតុភូមិ និងប្រជាជនជារៀងរហូតមក។

បច្ចុប្បន្ន សពរបស់លោក ស្វាយ ដូត ត្រូវបានតម្កល់រៀបចំពិធីបុណ្យតាមប្រពៃណីព្រះពុទ្ធសាសនា នៅគេហដ្ឋាននៅបុរីសម្បត្តិមានហេង៣ ផ្ទះលេខ១ ផ្លូវលេខ៥ ក្នុងសង្កាត់និរោធ ខណ្ឌច្បារអំពៅ រាជធានីភ្នំពេញ៕

សមាជិកសភាអាមេរិកជំរុញបង្កើតច្បាប់ហាមផ្តល់ទិដ្ឋាការឱ្យនិស្សិតចិនដោយសារបារម្ភរឿងនេះ

Lee Ek

March 19, 2025

សហរដ្ឋអាមេរិក ៖ សមាជិកសភាអាមេរិកមកពីគណបក្សសាធារណរដ្ឋបានជំរុញឱ្យបង្កើតច្បាប់ហាមនិស្សិតចិនមកសិក្សាបន្តនៅអាមេរិក ដោយសារពួកគេអាចមកធ្វើជាភ្នាក់ងារស៊ើបការណ៍សម្ងាត់ឱ្យរដ្ឋាភិបាលក្រុងប៉េកាំង ។ កន្លងមក ការិយាល័យសហព័ន្ធស៊ើបអង្កេត (FBI) បានចាប់ខ្លួននិស្សិតចិន៥នាក់ ដែលលួ.ច ថតរូបពេលកងទ័ពអាមេរិក និងតៃវ៉ាន់ កំពុងហ្វឹកហាត់បា.ញ់ គ្រាប់ពិតនៅជំរំកងទ័ព «Camp Grayling» រដ្ឋមីឈិហ្គេន ខណៈនិស្សិតចិនខ្លះទៀតលួចបញ្ជូនអាវុ.ធ ពីអាមេរិកទៅឱ្យកូរ៉េខាងជើង ។ ប៉ុន្តែមតិខ្លះថា ការលុបចោលទិដ្ឋាការនិស្សិតចិន នឹងប៉ះពាល់ដល់ការអភិវឌ្ឍបច្ចេកវិទ្យា និងផលប្រយោជន៍អាមេរិក ។

កាលពីថ្ងៃទី១៤ ខែមីនា ឆ្នាំ២០២៥ សារព័ត៌មានអាមេរិករាយការណ៍ថា លោក Riley Moore សមាជិកសភានៅរដ្ឋ West Virginia បានស្នើបង្កើតច្បាប់មួយឈ្មោះ «Stop CCP VISAs Act» ដែលច្បាប់នេះនឹងហាមនិស្សិតចិនចូលមកសិក្សាបន្តនៅអាមេរិក ឬហាមនិស្សិតចិនចូលក្នុងទីតាំងហាមឃាត់ផ្សេងៗ ។ ការជំរុញបង្កើតច្បាប់នេះ គឺមានសមាជិកសភាមកពីគណបក្សសាធារណរដ្ឋ (Republican) គាំទ្រ៥នាក់ ព្រមទាំងមានការគាំទ្រពីសមាជិកសភានៅរដ្ឋតិចសាស់ ផងដែរ ។

លោក Moore បាននិយាយកាលពីថ្ងៃទី១៤ ខែមីនា ថា ច្បាប់ដែលលោកស្នើឱ្យបង្កើតនេះ គឺជាការស្នេហាជាតិ ហើយច្បាប់នេះនឹងអាចបញ្ឈប់ការគំរាមកំហែងពីនិស្សិតចិន ដែលទទួលបានទិដ្ឋាការមកសិក្សានៅអាមេរិក ។ ពួកគេបានលួចស៊ើបការណ៍រឿងសម្ងាត់របស់រដ្ឋាភិបាលអាមេរិក ឬលួចបច្ចេកវិទ្យាដ៏ទំនើបពីអាមេរិក ។ ក្នុង១ឆ្នាំ អាមេរិកបានផ្តល់ទិដ្ឋាការឱ្យនិស្សិតចិន ជិត៣សែននាក់មករៀននៅអាមេរិក ហើយលោកសូមអំពាវនាវទៅរដ្ឋសភាទប់ស្កាត់ទង្វើរបស់ចិន ដោយលុបចោលទិដ្ឋាការនិស្សិតចិនទាំងអស់ ។

គណបក្សកុម្មុយនិស្តចិនបានប្រឆាំងជាមួយអាមេរិក ប៉ុន្តែអាមេរិកនៅតែផ្តល់ទិដ្ឋាការឱ្យនិស្សិតចិនរាប់សែននាក់ ហើយពួកគេជាភ្នាក់ងារស៊ើបការណ៍សម្ងាត់ ដែលមានរដ្ឋាភិបាលចិននៅពីក្រោយខ្នង ។ ហេតុការណ៍មួយគួរឱ្យចាប់អារម្មណ៍ គឺមាននិស្សិតចិន៥នាក់ រៀននៅសាកលវិទ្យាល័យ Michigan រដ្ឋីឈិហ្គេន បានបន្លំខ្លួនធ្វើជាអ្នកសារព័ត៌មាន និងលួចថតរូបការធ្វើសមយុទ្ធបាញ់គ្រាប់ពិតរបស់កងទ័ពអាមេរិក ជាមួយតៃវ៉ាន់ នៅជំរំកងទ័ព «Camp Grayling» ។

និស្សិតចិនទាំង៥នាក់ បានមករៀននៅអាមេរិក ដោយសារគម្រោងសហការរវាងសាកលវិទ្យាល័យ Michigan ជាមួយសាកលវិទ្យាល័យ Shanghai Jiao Tong ។ ហេតុនេះ ធ្វើឱ្យសាកលវិទ្យាល័យ Michigan ឈប់សហការជាមួយសាកលវិទ្យាល័យចិន ។ លើសពីនេះ អតីតនិស្សិតចិនផ្សេងទៀតបានលួចមករស់នៅអាមេរិកខុសច្បាប់ និងលួចបញ្ជូនអាវុធពីអាមេរិកទៅឱ្យកូរ៉េខាងជើងតាមរយៈហុងកុង ហើយត្រូវបានភ្នាក់ងារ FBI ចាប់ខ្លួនកាលពីខែសីហា ឆ្នាំ២០២១ នៅផ្ទះក្នុងរដ្ឋកាលីហ្វ័ញ៉ា ។

ចំណែកស្ថានទូតចិននៅក្រុងវ៉ាស៊ីនតោន បានចេញសេចក្តីថ្លែងការណ៍បញ្ជាក់ថា ចិនប្រឆាំងដាច់ខាតចំពោះទង្វើបែបនេះ ។ កិច្ចសហការក្នុងវិស័យអប់រំយូរមកហើយនឹងជំរុញដល់ការអភិវឌ្ឍ និងពង្រឹងសម្ត័ន្ធភាពរវាងចិន និងអាមេរិក ។ រីឯសមាគម The Asian American Scholars Forum បានរិះគន់ច្បាប់ហាមឃាត់និស្សិតចិនមករៀនបន្តនៅអាមេរិក សមាគមអះអាងថា វានឹងប៉ះពាល់ដល់អ្នកវិទ្យាសាស្ត្រអាមេរិកកាត់អាស៊ី, ប៉ះពាល់ការអភិវឌ្ឍបច្ចេកវិទ្យា និងផលប្រយោជន៍អាមេរិក ៕

កំពូលថេប្លេតហួវៃ កម្រិត Flagship ជំនាន់ថ្មី HUAWEI MatePad 12X ប្រើប្រាស់ Office ជំនួសអោយកុំព្យូទ័រ Word, Excel , PowerPoint ដំណើរការលឿនជាងមុនធ្វេរដង បំពាក់អេក្រង់គ្មានចំណាំងផ្លាត PaperMatte Display និង ស្មាតហ្វូន AI ជំនាន់ថ្មី Huawei nova 13 Series បំពាក់មុខងារ AI Selfie និង Vlog មកកាន់ប្រទេសកម្ពុជាហើយ!

Lee Ek

March 19, 2025

កាលពីថ្ងៃទី 18 មីនា ក្រុមហ៊ុនហួវៃបានសម្ពោធនូវផលិតផល Innovative Product launch ដែលមានដូចជាកំពូលថេប្លេតហួវៃកម្រិត Flagship ជំនាន់ថ្មី HUAWEI MatePad 12X , ស្មាតហ្វូន AI Huawei nova 13 Series និង នាឡិកាសុខភាព Huawei Band 10 ដោយមានការចូលរួមពី អ្នកបង្កើតមាតិការល្បីឈ្មោះ លោក Jerry Thai សិស្សឆ្នើមនិន្ឬិស A លោក ហៅ ហៀង អ្នកគំនូរ Digital អាជីពល្បីឈ្មោះកញ្ញ Lisa Mam ចូលរួមចែករំលែកនូវបទពិសោធន៍ការប្រើប្រាស់ផ្ទាល់ ។

សម្រាប់ HUAWEI MatePad 12x មានចំណុចពិសេសជាច្រើនដូចជាសម្រាប់អ្នកប្រើប្រាស់ ៖
ចំណុចពិសេសទី 1៖ ការប្រើប្រាស់ជំនួស Laptop ទៅលើការងារ Office, Word , Excel , PowerPoint ប្រើអក្សរខ្មែរជាង 400ងហ្វុន ដំណើរការដោយរលូនលឿនជាងជំនាន់មុន 60% បើក PowerPoint ទំហំ 1GB ត្រឹម 1 វិនាទី ផ្តល់ជូន ឡៃសិន៍ Office ឥតគិតថ្លៃមួយជីវិតតែម្តងដោយមិនចាំបាច់ចំណាយលុយបន្ថែមលើការទិញឡៃសិន៍បន្ថែមឡើយដោយភ្ជាប់មកជាមួយ Huawei Original Keyboard & Huawei Original Mouse ប្រើប្រាស់ជា សេត ដូច Laptop តែម្តង ដែលមានទម្ងន់ស្រាសស្រាលងាយស្រួលដាក់តាមតាមខ្លួនជាជាងស្ពាយ Laptop ដែលមានទម្ងន់ធ្ងន់ នឹង មានឆ្នំាងសាកធំផងដែរ ។
ចំណុចពិសេសទី 2៖ បំពាក់អេក្រង់គ្មានចំណាំងផ្លាត និង មិនប៉ះពាល់ដល់ភ្នែកជំនាន់ថ្មី PaperMatte Display(ភែបផឺមេតឌីសភ្លេ) ដែលមានកម្រិតពន្លឺរហូតដល់ 1000 នីត ផ្តល់កម្រិតបង្ហារហូតដល់ 2.8K ល្បឿន 144ហឺត ជាមួយការប្រើប្រាស់ដោយគ្មានចំណាំងផ្លាត សរសរ ឬ គូរូប ដូចក្រដាស់សៀវភៅ បើនិយាយពីបច្ចេកវិទ្យាអេក្រង់ Paper Matte នេះ គឺមានតែបំពាក់លើ iPad Pro ដែលមានតម្លៃខ្អង់ 2ពាន់ដុល្លា ឯនោះ !
ចំណុចពិសេសទី 3៖ RAM ធំរហូតដល់ 12GB និង បំពាក់នៅថ្មធំរហូតដល់ 10100មីលីអំពែ ចាក់វីដេអូជាប់លើអេក្រង់ជាប់បានរហូតដល់ 14 ម៉ោង ប្រើប្រើប្រាស់ធម្មតាបានរហូតដល់ 3 ឬ 4 ថ្ងៃទៅតាមការប្រើប្រាស់ ងាយស្រួលយកតាមខ្លួនមិនហត់រឿងសាកថ្ម ជាពិសេសភ្ចាប់មកឆ្នាំងសាកល្បឿនលឿនរហូតដល់ 66W មានរូបរាងប្រណិត ពណ៍ទាក់ទាញ និង ស្តើង ជាង iPad Air (អាយភែទអ៊ែរ)ទៅទៀតនឹងគឺត្រឹមតែ 5.9mm តែប៉ុណញនោះ សាកសមបំផុត សម្រាប់កាងារយកទៅខាងក្រៅ ។
ចំណុចពិសេសទី 4 ៖ ផ្តល់ជូននៅកម្មវិធីគូរគំនូរបែបឌីជីថលបែបអាចជីពគឺកម្មវិធី GoPaint (ហ្គូភែន) ឥតគិតថ្លៃមួយជីវិញ ដែលមុខងារអាជីបដូចទៅនឹងកម្មវិធីគូររូប ProCreate (ប្រូគ្រីអេត) នៅលើ iPad តែនៅលើ iPad អ្នកទំាងអស់គ្នាតម្រូវអោយទិញទើបអាចប្រើបាន បើនិយាយពីប៊ិចឆ្លាតវៃ Huawei M-Pencil ជំនាន់ទី 3 ដំណើរការដោយរលូនជាមួយច្ចេកវិទ្យា Nearlink (នៀរលីង) លឿនជាង Bluetooth 6 ដង នឹង កម្រិតសង្កត់ រហូតដល់ជាង 10000+ Pressure Level កម្រិតសង្កត់ខ្លំាងជាង Apple Pencil Pro (អេបផលផែនសលប្រូ) រហូដល់ជាងជាង 50% ។
សម្រាប់អតិថិជនអាចធ្វើការជាវនូវ Huawei MatePad 12X តម្លៃលក់ផ្លូវការ 599ដុល្លា ដោយទទួលបានកាដូជាច្រើមានតម្លៃជាង 300ដុល្លា មានដូចជា Huawei Original Smart Keyboard ប្រើបច្ចេកវិទ្យា Nearlink មានតម្លៃ $129, Huawei Original Bluetooth Mouse មានតម្លៃ $39 , ផ្តល់ជូនកម្មវិធី Office , កមវិធី GoPaint និង Huawei Notes ឥតគិតថ្លៃមួយជីវិតតែម្តង នៅការដូរ Surprise គឺថែម $1 ទទួលបាន Huawei Band 10 ដែលមានតម្លៃ $39 និង ថែមត្រឹម $50 ទទួលបាន Huawei Original M-Pencil ជំនាន់ទី 3 ដែលមានតម្លៃដើមរហូតដល់ $129 !
ក្រុមហ៊ុនក៍បាមនាំយកមកនូវ Huawei Nova 13 Series ផ្តោតលើមុខងារ AI Selfie , AI Portrait , មុខងារថតវីដេអូ Vlog កម្រិត 4K តម្លៃចាប់ពី 300ដុល្លាជាង និង Huawei Band 10 នាឡិកាសុខភាពតាមដានដំណេក និង មុខងារហែលទឹកជម្រៅ 50ម៉ែត តម្លៃចាប់ពី $39 មកកាន់ទីផ្សារប្រទេសកម្ពុជាផលដែរ ។

ឆ្មាយន្តអាចផ្តល់សេវាបម្រើដល់អតិថិជនកំពុងពេញនិយមខ្លាំងនៅជប៉ុន

Lee Ek

March 19, 2025

ប្រទេសជប៉ុន ៖ បច្ចុប្បន្ន ប្រទេសជប៉ុនខ្វះខាតកម្លាំងពលកម្មជាច្រើនផ្នែក រហូតធ្វើឱ្យក្រុមហ៊ុននានាព្យាយាមបង្កើតគោលការណ៍ថ្មីដើម្បីលើកទឹកចិត្តបុគ្គលិកឱ្យធ្វើការជាមួយក្រុមហ៊ុនយូរអង្វែង ខណៈក្រុមហ៊ុនខ្លះជួលបុគ្គលិកបរទេសមកធ្វើការ ដោយសារអត្រាកំណើតនៅជប៉ុនធ្លាក់ចុះខ្លាំងធ្វើឱ្យចំនួនមនុស្សចាស់កើនឡើង ។ នៅតាមភោជនីយដ្ឋានជាច្រើនក៏ខ្វះបុគ្គលិកដែរ ដូចជា ៖ ផ្នែករត់តុ ទើបភោជនីយទាំងនេះប្រើប្រាស់ឆ្មាយន្តរត់តុជំនួសមនុស្ស ដើម្បីកាត់បន្ថយការចំណាយដើមទុន និងដោះស្រាយបញ្ហាខ្វះកម្លាំងពលកម្ម ។

ការប្រើប្រាស់ឆ្មាយន្តលើកម្ហូបអាហារក្នុងភោជនីយដ្ឋានជប៉ុន មិនមែនជាការប្រើប្រាស់បណ្តោះអាសន្នទេ ប៉ុន្តែភោជនីយដ្ឋានទាំងនេះនឹងប្រើប្រាស់ឆ្មាយន្តយូរអង្វែង ។ វាបង្ហាញឱ្យឃើញពីការផ្លាស់ប្តូរក្នុងផ្នែកសេវាកម្មអតិថិជន ដែលយកគ្រឿងយន្តមកធ្វើការជំនួសមនុស្ស ។

ក្រុមហ៊ុនស្រាវជ្រាវ Fuji Keizai Co. សន្និដ្ឋានថា នៅឆ្នាំ២០៣០ ជប៉ុននឹងប្រើប្រាស់មនុស្សយន្តច្រើនក្នុងផ្នែកសេវាកម្មអតិថិជន ឬលើសឆ្នាំ២០២៤ រហូតដល់៣ដង ដោយសារជប៉ុនខ្វះខាតកម្លាំងពលកម្មខ្លាំង និងកំណើនពលរដ្ឋអាយុច្រើន ។ នៅឆ្នាំ២០៤០ ជប៉ុននឹងខ្វះខាតកម្លាំងពលកម្ម រហូតដល់១១លាននាក់ ជាពិសេស ផ្នែកសេវាកម្ម និងការថែទាំមនុស្សចាស់ ។

Service Robots ឬមនុស្សយន្តផ្នែកសេវាកម្ម កំពុងក្លាយជាដំណោះស្រាយបញ្ហានេះ ដោយសារវាអាចធ្វើការដដែលៗ មិនចេះនឿយហត់ ហើយវាអាចធ្វើការជាមួយមនុស្សបានល្អទៀតផង ។ មនុស្សយន្តទាំងនេះពុំបានដណ្តើមការងារមនុស្សទេ ប៉ុន្តែវាជួយបំពេញការងារដែលខ្វះខាតកម្លាំងមនុស្ស និងបង្កើនប្រសិទ្ធភាពការងារ ។

Skylark Holdings គឺជាភោជនីយដ្ឋានដ៏ធំបំផុតនៅជប៉ុន បានប្រើប្រាស់មនុស្សយន្តជាច្រើនគ្រឿងក្នុងភោជនីយដ្ឋាន គឺមានមនុស្សយន្តជាង៣,០០០គ្រឿង សម្រាប់ប្រចាំការនៅភោជនីយដ្ឋានធំ និងមនុស្សយន្តជាង២,០០០គ្រឿងទៀត ប្រចាំការនៅភោជនីយដ្ឋានទូទាំងប្រទេស ។ ការប្រើប្រាស់មនុស្សយន្តធ្វើឱ្យភោជនីយដ្ឋាននេះអាសន្សំសំចៃប្រាក់ រហូតដល់ជាង៣ម៉ឺនដុល្លារអាមេរិកក្នុង១ឆ្នាំ ។

លើសពីនេះ មនុស្សយន្តសេវាកម្ម មិនមែនសម្រាប់ប្រើប្រាស់ក្នុងភោជនីយដ្ឋានប៉ុណ្ណោះទេ ប៉ុន្តែគេបានប្រើប្រាស់វាក្នុងផ្នែកថែទាំមនុស្សចាស់ផងដែរ ស្របពេលរដ្ឋាភិបាលជប៉ុនសន្និដ្ឋានថា ជប៉ុននឹងខ្វះបុគ្គលិកថែទាំមនុស្សចាស់ រហូតដល់៥៧ម៉ឺននាក់ នៅឆ្នាំ២០៤០ ។

កន្លែងថែទាំមនុស្សចាស់ ឈ្មោះ Flos Higashi-Kojiya នៅទីក្រុងតូក្យូ បានប្រើប្រាស់មនុស្សយន្ត Hug ដើម្បីជួយមនុស្សចាស់ដែលអង្គុយលើរទេះ ឱ្យក្រោកឈរឡើងដោយគ្មានគ្រោះថ្នាក់ ហើយមនុស្សយន្តនេះត្រូវបានបំពាក់បច្ចេកវិទ្យាតាមដានការសម្រាករបស់មនុស្សចាស់ ៕

1...643644645...2,078 Page 644 of 2,078

Khmer Breaking News

គួរអោយសោកស្ដាយ! ព្រះតេជគុណ ជួន កក្កដា សម្រេចលាចាកសិក្ខាបទចាប់ពីពេលនេះតទៅក្រោមហេតុផលមួយ

ធ្លាប់ឆ្ងល់អត់! ហេតុអ្វីបានជាផ្ទៃមេឃមើលទៅមានពណ៌ខៀវ?

មកដឹងពីអាថ៌កំបាំងនៃចង្កៀងប្រេងនៅលើភ្នំ Wudang ដែលមិនរលត់អស់រយៈពេល ៦០០ ឆ្នាំ!

រ៉ាប៊ី ឆ្លើយដាច់ខាតមិនទៅរស់នៅក្រៅប្រទេសបើ Nick Taylor ស្រលាញ់នាងត្រូវរស់នៅស្រុកខ្មែរ

តារាចម្រៀង ឃុន វុត្ថា និង ហ៊ាទី ទប់ចិត្តមិនជាប់លូកមាត់រឿងការប្រកួតកម្មវិធីបុរសឯកមួយ

ចង់ដឹងអត់! តើមហាសេដ្ឋីល្បីៗរបស់ពិភពលោកកំពុងប្រើប្រាស់ស្មាតហ្វូនប្រភេទណា?

ជំនួយការសម្តេចធិបតី ម្នាក់បាត់បង់ជីវិត អំឡុងការប្រកួតបាល់ទាត់មិត្តភាពយុវជនអន្តរក្រសួង-ស្ថាប័ន

សមាជិកសភាអាមេរិកជំរុញបង្កើតច្បាប់ហាមផ្តល់ទិដ្ឋាការឱ្យនិស្សិតចិនដោយសារបារម្ភរឿងនេះ

ឆ្មាយន្តអាចផ្តល់សេវាបម្រើដល់អតិថិជនកំពុងពេញនិយមខ្លាំងនៅជប៉ុន

EVEN MORE NEWS

ក្រោមគំនាបបង្ក្រាប និងសម្ពាធពហិការ៖ តើទំនិញថៃអាចនឹងរលាយបាត់ពីទីផ្សារកម្ពុជាដែរឬទេ?

ឥរិយាបថ Won Young ជំរុញឱ្យព្រលានយន្តហោះកូរ៉េខាងត្បូងកែប្រែនិតីវិធីត្រួតពិនិត្យ

ក្រសួងអភិវឌ្ឍន៍ជនបទ កំពុងគិតគូរសាងសង់ស្ពានជីផាត

POPULAR CATEGORY