អ្នកទិញសំឡីអនាម័យចិនប្រើប្រាស់នៅប្រទេសថៃកំពុងតែបារម្ភពីការឆ្លងមេរោគ បន្ទាប់ពីមន្ត្រីជំនាញត្រួតពិនិត្យគុណភាពទំនិញ និងចំណីអាហាររកឃើញឃ្លាំងធំៗ២កន្លែងបាននាំចូលសំឡីអនាម័យពីប្រទេសចិនផលិតគ្មានស្តង់ដារ រហូតដល់ជាង១លានដុំ ខណៈអ្នកមើលការខុសត្រូវឃ្លាំងថា សំឡីអនាម័យទាំងនេះលក់ដាច់យ៉ាងខ្លាំងដោយសារតម្លៃថោក និងចែកចាយទៅកាន់ទីផ្សារនានារយៈពេល៨ខែហើយ ។ ប៉ុន្តែខាងឃ្លាំងមិនបញ្ជាក់ថា តើបានចែកចាយទៅទីផ្សារណាខ្លះ ឬចែកចាយទៅប្រទេសជិតខាងដែរឬទេ ។

តាមការចុះផ្សាយរបស់សារព័ត៌មាន Matichon ថ្ងៃទី១៨ ខែកុម្ភៈ ឆ្នាំ២០២៦ ក្រុមមន្ត្រីជំនាញត្រួតពិនិត្យគុណភាពទំនិញ និងចំណីអាហារប្រទេសថៃ បានចុះត្រួតពិនិត្យឃ្លាំង១កន្លែងនៅទីក្រុងបាងកក និង១កន្លែងទៀតនៅខេត្តសមុទ្រសាខន ដោយសារឃ្លាំងទាំង២កន្លែងលួចនាំចូលសំឡីអនាម័យពីប្រទេសចិន និងចែកចាយលើទីផ្សារដោយខុសច្បាប់ ។ បន្ទាប់មក ក៏រឹបអូសសំឡីអនាម័យពីឃ្លាំងទាំងពីរ សរុបជាង១លាន ២សែនដុំ ស្មើទឹកប្រាក់ជាង២០លានបាត (ឬជាង៦៤ម៉ឺនដុល្លារ) បន្ទាប់ពីរកឃើញថា ការផលិតគ្មានស្តង់ដារធ្វើឱ្យអ្នកប្រើប្រាស់ប្រឈមនឹងឆ្លងមេរោគ ។

មន្ត្រីជំនាញត្រួតពិនិត្យគុណភាពទំនិញ និងចំណីអាហារ បញ្ជាក់ថា ឃ្លាំងទាំង២កន្លែងបានលក់ចែកចាយសំឡីអនាម័យចិនតាមអនឡាញ ក្រុមមន្ត្រីក៏ចុះមកពិនិត្យមើលឃ្លាំងនៅតំបន់ឃុនធៀន ទីក្រុងបាងកក ។ ស្ត្រីអាយុ៣២ឆ្នាំ ជាអ្នកមើលការខុសត្រូវរៀបរាប់ថា ពេលសំឡីអនាម័យចិនមកដល់ប្រទេសថៃ ក៏បញ្ជូនចូលឃ្លាំង និងផ្ញើឱ្យអតិថិជនដែលបានកុម្ម៉ង់ទិញ គឺក្នុង១ថ្ងៃ លក់បាន៥,០០០ដុំ ហើយឃ្លាំងនេះបានបើកដំណើរអស់រយៈពេល៨ខែហើយ ។

បន្ទាប់មក ក្រុមមន្ត្រីជំនាញក៏ត្រួតពិនិត្យឃ្លាំង១កន្លែងទៀតនៅឃុំបាងណាមជឺត ស្រុកមឿង ខេត្តសមុទ្រសាខន ដែលមានបុរសម្នាក់អាយុ២៥ឆ្នាំ ជាអ្នកមើលការខុសត្រូវ ។ សំឡីអនាម័យចិននៅក្នុងឃ្លាំងនេះ ក៏ផលិតគ្មានស្តង់ដារដូចគ្នាដែរ និងបានលក់ចែកចាយទៅកាន់ទីផ្សារជាច្រើន ។

សំឡីអនាម័យចិនមានស្លាកសញ្ញាមិនត្រឹមត្រូវ ប៉ុន្តែផ្សព្វផ្សាយពាណិជ្ជកម្មពីគុណសម្បត្តិហួសពីការពិត ដូចជា ៖ អាចការពារអ្នកប្រើប្រាស់ពីការឆ្លងមេរោគផ្សេងៗ ។ មន្ត្រីជំនាញត្រួតពិនិត្យទំនិញ និងចំណីអាហារ បានស្នើឱ្យសមត្ថកិច្ចចាត់វិធានការលើឈ្មួលនាំចូលតាមផ្លូវច្បាប់ ដែលប្រឈមនឹងជាប់ពន្ធនាគារ និងពិន័យជាប្រាក់ ដោយសារចែកចាយទំនិញបង្កគ្រោះថ្នាក់ ។

ចុងក្រោយ មន្ត្រីជំនាញត្រួតពិនិត្យគុណភាពទំនិញ និងចំណីអាហារ បានដាស់តឿនទៅកាន់អ្នកប្រើប្រាស់ជាស្ត្រី ត្រូវតែត្រួតពិនិត្យស្លាកសញ្ញាឱ្យបានច្បាស់លាស់មុនពេលទិញ និងកុំទិញសំឡីអនាម័យមានតម្លៃថោកខុសធម្មតា ពីព្រោះការប្រើប្រាស់ផលិតផលគ្មានស្តង់ដារ ប្រឈមនឹងការឆ្លងមេរោគ រលាក និងកន្ទួល ៕

អំពើអសន្តិសុខជាតិ ការជួញដូរថ្នាំញៀ.ន អំពើឆបោ.កតាមអនឡាញ បានរីករាលដាលកាន់តែខ្លាំងនៅភាគខាងជើងប្រទេសថៃ តែលោកនាយករដ្ឋមន្ត្រីល្បីខាងបោកបន្លំលទ្ធផលបោះឆ្នោតមិនរវល់ឡើយ ក្រោមហេតុផលជាតិនិយម គិតយ៉ាងណាបង្កសង្គ្រា.មជាមួយខ្មែរ យកល្បី ក្រោមគោលនយោបាយជាតិនិយមជ្រុលហួសហេតុ ។ សកម្មភាពមិនអើពើ និងអស្ថេរភាពនេះ បានធ្វើឱ្យប្រទេសថៃរអិលធ្លាក់កានតែជ្រៅក្នុងរណ្តៅនៃរឿងស្អុយអាសោចដែលប្រទេសថៃមិនធ្លាប់បានជួបកន្លងមក ។ ការមិនរវល់នេះធ្វើឱ្យកិត្តិយសថៃលើឆាកអន្តរជាតិកាន់តែរងការអាម៉ាស់ខ្លាំងឡើងៗ បន្ទាប់ពីការពិតត្រូវបានលាតត្រដាង បន្ទាប់ពីនាយករដ្ឋមន្ត្រីកម្ពុជាបង្ហាញការពិត ពីការឈ្លានពានថៃមកលើកម្ពុជាលើឆាកអន្តរជាតិ ជាមួយបណ្តាញផ្សព្វផ្សាយអន្តរជាតិធំៗ ។
ចំណុចទាំងអស់ខាងលើនេះ លោកសាស្ត្រាចារ្យថៃបានលើកចំៗពីការភ័យបារម្ភ និងប្រាប់ទៅលោក Anutin Charnvirakul នាយករដ្ឋមន្ត្រីថ្មីត្រូវតែដោះស្រាយជាបន្ទាន់ ។

ថៃមានរឿងស្អុយអាសោ.ចជាច្រើនក្នុងប្រទេសរបស់ខ្លួន ដែលរដ្ឋាភិបាលមិនដោះស្រាយ និងព្យាយាមលាក់បាំង ពីព្រោះខ្លាចខូចកេរ្តិ៍ឈ្មោះ ខ្មាស់ប្រទេសជិតខាង និងបាត់បង់ទំនុកចិត្តពីវិនិយោគិនបរទេស ដូចជា ៖ ការឆបោ.កអនឡាញ ជួញដូរថ្នាំញៀ.ន ជួញដូរម.នុស្ស និងប្រព្រឹត្តបទល្មើសឆ្លងដែនកើតឡើងស្ទើរគ្រប់ខេត្ត ។ ដោយសារមើលឃើញបទល្មើសទាំងនេះកើនឡើងខ្លាំងនៅខេត្តភាគខាងជើង សាស្ត្រាចារ្យថៃប្រាប់ទៅលោក Anutin Charnvirakul ដោះស្រាយជាបន្ទាន់ ។

សាស្ត្រាចារ្យរូបនេះមើលឃើញរដ្ឋាភិបាលថៃក្រោមការដឹកនាំរបស់លោក Anutin មិនយកចិត្តទុកដាក់ដោះស្រាយបញ្ហាជាច្រើនក្នុងប្រទេសឡើយ ដូចជា ៖ ការឆបោ.កអនឡាញ ជួញដូរថ្នាំញៀ.ន ដែលកំពុងកើនឡើងខ្លាំងនៅខេត្តភាគខាងជើង ពីព្រោះរដ្ឋាភិបាលគិតតែផ្តោតលើការបែងចែកអំណាចតួនាទីគ្នា និងបំផុសបំផុលឱ្យពលរដ្ឋមានស្មារតីជាតិនិយមជ្រុលលើបញ្ហាព្រំដែនជាមួយកម្ពុជា រហូតភ្លេចដោះស្រាយបញ្ហាទាំងនេះ ។

លោក ធិទិវុទ្ធ ប៊ុនយ៉ាវង្សវិវ៉ាត់ សាស្ត្រាចារ្យសាកលវិទ្យាល័យឈៀងម៉ៃ (Chiang Mai University) បានប្រាប់ទៅលោក Anutin ប្រញាប់ដោះស្រាយបញ្ហាការឆបោកអនឡាញ ជួញដូរថ្នាំញៀននៅខេត្តភាគខាងជើងឱ្យបានឆាប់ ហើយលោកណែនាំឱ្យរដ្ឋាភិបាលបែងចែកឱ្យច្បាស់លាស់រវាងគោលនយោបាយការបរទេស និងគោលនយោបាយព្រំដែន ។ នេះបើតាមការចុះផ្សាយរបស់សារព័ត៌មាន Nation កាលពីថ្ងៃទី១៨ ខែកុម្ភៈ ឆ្នាំ២០២៦ ។

សាស្ត្រាចារ្យសាកលវិទ្យាល័យឈៀងម៉ៃ បានបង្ហោះសារថា បញ្ហាសន្តិសុខនៅតំបន់ព្រំដែនភាគខាងជើងប្រទេសថៃបច្ចុប្បន្នមានភាពស្មុគស្មាញជាងមុន ដោយសារសង្គ្រាមនៅប្រទេសជិតខាង (មីយ៉ាន់ម៉ា) ការជួញដូរថ្នាំញៀនឆ្លងព្រំដែន ឧក្រិដ្ឋកម្ម និងឆបោកអនឡាញ ហើយរដ្ឋាភិបាលថៃមិនអាចបង្ក្រាបបទល្មើសទាំងនេះដោយប្រើប្រាស់វិធានការដដែលៗនោះទេ ។

រដ្ឋាភិបាលត្រូវចាប់ផ្តើមបែងចែកឱ្យច្បាស់លាស់រវាងគោលនយោបាយការបរទេស និងគោលនយោបាយព្រំដែន ជាពិសេស គោលនយោបាយព្រំដែនគួរតែការពារផលប្រយោជន៍ប្រទេសថៃដោយផ្ទាល់ និងទប់ស្កាត់ការគំរាមកំហែងទាន់ពេលវេលា ។ លោកស្នើឱ្យរដ្ឋាភិបាលធ្វើកំណែទម្រង់ដើម្បីដោះស្រាយបញ្ហាជួញដូរថ្នាំញៀន ព្រមទាំងបង្កើនប្រសិទ្ធភាពក្នុងការងារទំនាក់ទំនងព្រំដែន ដើម្បីបើកផ្លូវឱ្យប្រទេសថៃអាចកំណត់វិធានការច្រើនចំណុច មិនចាំបាច់ប្រើប្រាស់វិធានការចាស់ ។

ចុងបញ្ចប់ សាស្ត្រាចារ្យរូបនេះសង្កត់ធ្ងន់ថា សន្តិសុខនៅព្រំដែនភាគខាងជើងពេលនេះ មិនមែនជាតួនាទីរបស់កងទ័ពតែឯងទេ វាជាតួនាទីរបស់រដ្ឋាភិបាលផងដែរ ដែលត្រូវកំណត់គោលនយោបាយផ្សេងៗពាក់ព័ន្ធនឹងការឆ្លងដែន ។

ថៃ គឺជាប្រទេសឆបោកអនឡាញ​ដ៏ធំបផុតនៅតំបន់អាស៊ីអាគ្នេយ៍ ហើយ​ការឆបោកអនឡាញបានហូរពីប្រទេសថៃទៅ​កាន់ប្រទេសជិតខាង បង្កបញ្ហាដល់ប្រទេសជិតខាងថែមទៀត ។ ប៉ុន្តែសារព័ត៌មានទាំងអស់របស់ថៃព្យាយាមលាក់បាំង​ មិនចុះផ្សាយ និង​យកបញ្ហារបស់ខ្លួនទៅ​លាបពណ៌ឱ្យប្រទេសផ្សេងទៅវិញ ។

គួរបញ្ជាក់ថា ការលើកឡើងរបស់សាស្ត្រាចារ្យសាកលវិទ្យាល័យឈៀងម៉ៃ គឺបន្ទាប់ពីលោក សុឆាតិ បាំរុងសុខ អ្នកជំនាញសន្តិសុខថៃដ៏ល្បីបានដាក់ចំៗទៅលោក Anutin និងរដ្ឋាភិបាលថ្មី កុំផ្តោតតែលើជំរុញឱ្យពលរដ្ឋមានស្មារតីជាតិនិយមជ្រុលរឿងព្រំដែនកម្ពុជា-ថៃ រហូតភ្លេចដោះស្រាយបញ្ហាអសន្តិសុខនៅបណ្តាខេត្តភាគខាងត្បូងដែលបង្កឡើងដោយក្រុមបះបោរ ដូចជា ៖ បំផ្ទុះគ្រាប់បែ.ក និងធ្វើសកម្មភាពហិង្សាគ្រប់ទីកន្លែង ដើម្បីផ្តាច់ទឹកដីភាគខាងត្បូងចេញពីប្រទេសថៃឆាប់ៗ ។

លោក សុឆាតិ បានអំពាវនាវទៅលោក Anutin ឱ្យងាកមកដោះស្រាយបញ្ហាផ្តាច់ទឹកដីនៅបណ្តាខេត្តភាគខាងត្បូងផង ពីព្រោះក្រុមបះបោរបានបង្កសកម្មភាពកាន់តែខ្លាំងនៅគ្រប់ទីកន្លែង មិនថាការដុតស្ថានីយប្រេងឥន្ធនៈ PTT ជាង១០កន្លែង និងបំផ្ទុះគ្រាប់បែកនៅទីប្រជុំជនក្នុងគោលដៅផ្តាច់ជីវិតអាជ្ញាធរ និងសមត្ថកិច្ច ។ ប្រទេសថៃនឹងបាត់បង់ទឹកដីភាគខាងត្បូងយ៉ាងពិតប្រាកដ ខណៈរដ្ឋាភិបាលរវល់តែឈ្លានពានកាន់កាប់ទឹកដីកម្ពុជា ៕

សមជាកូនថៃមែន! មានលេសថ្មីៗជានិច្ច ធ្វើយ៉ាងណាឲ្យតែបានគេចចេញពីការសួរសំណួរដែលពិបាកឆ្លើយ។ យោងតាមប្រព័ន្ធផ្សព្វផ្សាយថៃបានឲ្យដឹងថា លោក អានុទីន ឆាន់វិរ៉ាគុល នាយករដ្ឋមន្រ្តីថៃ បានធ្វើសញ្ញាកាយវិកាប្រាប់ថា «ឈឺក» សុំមិនផ្ដល់បទសម្ភាសន៍ នៅពេលអ្នកកាសែតសួរនាំអំពីវិធានការដោះស្រាយរបស់លោក ឆ្លើយតបទៅនឹងការលើកឡើងរបស់នាយករដ្ឋមន្រ្តីកម្ពុជាជាមួយបណ្ដាញសារព័ត៌មានអន្តរជាតិ។

ថ្ងៃទី១៨ ខែកុម្ភៈ អ្នកសារព័ត៌មានថៃជាច្រើននាក់ បានរង់ចាំលោក អានុទីន នៅខាងក្រៅបរិវេណអគារថៃឃូហ្វា ខណៈពេលលោកកំពុងចូលប្រជុំ ដើម្បីសួរនាំអំពីកិច្ចប្រជុំក្រុមប្រឹក្សាសន្តិភាពនៅទីក្រុងវ៉ាស៊ីនតោន និងចំណាត់ការរបស់រដ្ឋាភិបាលថៃ ជុំវិញព័ត៌មានដែលបានផ្សព្វផ្សាយថាយោធាថៃបានរឹបអូសយកទឹកដីកម្ពុជាដោយខុសច្បាប់ ដែលបង្កការលំបាកដល់ប្រជាជនកម្ពុជា។

នៅពេលបញ្ចប់ការប្រជុំ និងដើរចេញមកខាងក្រៅហើយឃើញអ្នកសារព័ត៌មានស្រែកសុំសម្ភាសន៍ នាយករដ្ឋមន្រ្តីចាំផ្ទះ អានុទីន បានធ្វើជាយកដៃបាំងពីក្រោយត្រចៀកដូចជាកំពុងផ្ទៀងស្តាប់ ប៉ុន្តែបន្តិចក្រោយមកលោក អានុទីន ក៏ស្រាប់តែក្អកហើយយកដៃចង្អុលត្រង់បំពង់ករបស់ខ្លួនដើម្បីបង្ហាញថាលោកកំពុងឈឺកមិនអាចនិយាយបានឡើយ រួចក៏ប្រញាប់ចូលឡានជិះចាកចេញពីវិមានរដ្ឋាភិបាល ដោយមិនឆ្លើយតបនឹងសំណួរអ្នកព័ត៌មានសូម្បីមួយម៉ាត់។

សកម្មភាពនេះត្រូវបានគេថតជាប់ និងយកទៅចែករំលែកព្រោងព្រាតនៅក្នុងបណ្ដាញប្រព័ន្ធផ្សព្វផ្សាយសង្គម ខណៈសារព័ត៌មានថៃខ្លះបានចុះផ្សាយដោយដាក់ចំណងជើងបែបចំអកថា «លោកនាយករដ្ឋមន្រ្តីធ្វើពុតជាឈឺក ហើយបដិសេធមិនផ្តល់បទសម្ភាសន៍ដល់ប្រព័ន្ធផ្សព្វផ្សាយទេ។»

ការណ៍នេះសបញ្ជាក់ឲ្យឃើញពីសភាពគួរឲ្យអាម៉ាសរបស់ថ្នាក់ដឹកនាំថៃ ដែលនៅពេលនេះទំនងជាកំពុងជំនុំគ្នារកនឹកហេតុផលសមស្របណាមួយដើម្បីឆ្លើយតបជាមួយនឹងអ្នកសារព័ត៌មានក្នុងស្រុក ក៏ដូចជាដើម្បីលាងខ្លួនពីការគិតអវិជ្ជមានរបស់អន្តរជាតិផងដែរ។

ជាក់ស្ដែងបើតាមការលើកឡើងរបស់លោក ស៊ីហាសាក់ ភួងកេតកែវ រដ្ឋមន្ត្រីការបរទេសថៃ បានបង្ហើបថា ពួកគេឥឡូវនេះ កំពុងពុងតាមដានយ៉ាងដិតដល់នូវសកម្មភាពរបស់ នាយករដ្ឋមន្ត្រីកម្ពុជា សម្ដេចធិបតី ហ៊ុន ម៉ាណែត ដែលកំពុងចូលរួមវេទិការធំៗមួយចំនួន និងមានការប្រាស្រ័យទាក់ទងល្អនៅលើឆាកអន្តរជាតិ។ ទាំងនេះគឺជាហានិភ័យធំមួយសម្រាប់ប្រទេសថៃ ព្រោះប្រសិនបើគ្មានការបកស្រាយដែលសមស្របឆ្លើយតបនឹងរបាយការណ៍របស់កម្ពុជាទេ ប្រទេសនេះមុខជាត្រូវស្អុ.យឈ្មោះដោយសារទង្វើខ្លួនជាមិនខាន៕

កូនស្វាជប៉ុនតូចមួយក្បាលឈ្មោះ Punch កំពុងឆក់យកបេះដូងមនុស្សរាប់លាននាក់ តាមរយៈរូបភាពឱបតុក្កតាស្វាមួយយ៉ាងណែនមិនព្រមលែង ដោយចាត់ទុកតុក្កតានោះថាជា “ម្តាយ” ជំនួសឲ្យម្តាយបង្កើតដែលបានបោះបង់វាចោលតាំងពីកើត។

ដោយសារខ្វះភាពកក់ក្តៅពីម្តាយ អ្នកមើលថែសួនសត្វបានផ្តល់តុក្កតាស្វាអ៊ូរ៉ង់អ៊ូតាំងរោមក្រាស់មួយឲ្យវា។ Punch បានភ្ជាប់និស្ស័យយ៉ាងខ្លាំងជាមួយតុក្កតានេះ វាតែងតែដើរអូសតុក្កតាទៅគ្រប់ទីកន្លែង ដេកឱបជាប់ខ្លួន និងលោតតោងខ្នងតុក្កតាភ្លាមៗនៅពេលមានអារម្មណ៍ភ័យខ្លាច ដើម្បីស្វែងរកសុវត្ថិភាព។

ទោះបីជាត្រូវបានបញ្ជូនទៅក្នុងទ្រុងធំវិញក៏ដោយ ក៏ Punch ជួបការលំបាកក្នុងការរស់នៅជាមួយស្វាដទៃដែរ ព្រោះវាធំដឹងក្តីតែជាមួយមនុស្ស និងតុក្កតា។ រូបភាពដ៏កម្សត់មួយគឺ Punch អង្គុយឯកោឱបតុក្កតានៅកណ្តាលទ្រុង ដោយប្រើវាក្លាយជាខែលការពារខ្លួននៅពេលស្វាដទៃចូលមកជិត។

យ៉ាងណាមិញ នាពេលថ្មីៗនេះ ចាប់ផ្តើមមានសញ្ញាវិជ្ជមានវិញ ដោយគេឃើញមានកូនស្វាខ្លះចូលមកលេង និងជួយបោចរោមឲ្យ Punch ដែលជាសញ្ញាមានន័យថាពួកវាទទួលយក Punch ចូលក្នុងហ្វូងហើយ។ អ្នកថែរក្សាសួនសត្វសង្ឃឹមថា នៅពេល Punch ធំដឹងក្តី និងមានទំនុកចិត្តជាងមុន វានឹងអាចលែងដៃពីម្តាយតុក្កតារបស់វា ហើយរស់នៅជាមួយហ្វូងស្វាដទៃបានយ៉ាងពិតប្រាកដ៕

មិនខ្វល់ថាចិនពេញចិត្ត ឬមិនពេញចិត្តនោះទេ សហរដ្ឋអាមេរិកនៅតែជ្នះដាក់ពង្រាយប្រព័ន្ធមីស៊ីលបច្ចេកវិទ្យាខ្ពស់បន្ថែមទៀតទៅកាន់ប្រទេសហ្វីលីពីន ដើម្បីជួយទប់ស្កាត់ការឈ្លានពាននៅតំបន់សមុទ្រចិនខាងត្បូង។ ការណ៍នេះបង្កឲ្យមានការព្រួយបារម្ភយ៉ាងខ្លាំង ថាតើនឹងមានអ្វីកើតឡើងបន្ទាប់ទៀតទៅលើប្រទេសក្នុងតំបន់អាស៊ានមួយនេះ។

យោងតាមការចេញផ្សាយរបស់ទីភ្នាក់ងារសារព័ត៌មាន AP កាលពីថ្ងៃអង្គារសប្ដាហ៍នេះបានបង្ហាញថា ទីក្រុងប៉េកាំងបានបង្ហាញការព្រួយបារម្ភម្តងហើយម្តងទៀត ចំពោះការដំឡើងប្រព័ន្ធមីស៊ីលរយៈចម្ងាយមធ្យមរបស់សហរដ្ឋអាមេរិក នៅភាគខាងជើងប្រទេសហ្វីលីពីន ខណៈដែលសហរដ្ឋអាមេរិកបកស្រាយថាអាវុធទាំងនោះមានគោលបំណងទប់ស្កាត់ការកើនឡើងរបស់ប្រទេសចិន ពីសកម្មភាពបង្កការគំរាមកំហែងដល់ស្ថិរភាពក្នុងតំបន់។

ដោយឡែក បើតាមសេចក្តីថ្លែងការណ៍រួមក្រោយកិច្ចសន្ទនាយុទ្ធសាស្រ្តទ្វេភាគីលើកទី១២ នៅទីក្រុងម៉ានីល អាម៉េរិក និងហ្វីលីពីន បានបញ្ជាក់ពីសន្ធិសញ្ញាការពារគ្នាទៅវិញទៅមក ជាពិសេសពាក់ព័ន្ធការវាយប្រហារដោយកម្លាំងប្រដាប់អាវុធ យុទ្ធហោះ និងការវាយប្រហារលើនាវាសាធារណៈនៃប្រទេសទាំងពីរនៅតំបន់ប៉ាស៊ីហ្វិក រួមទាំងសមុទ្រចិនខាងត្បូង។

សេចក្តីថ្លែងការណ៍ដដែលនេះ បានបញ្ជាក់ពីការបង្កើនការពង្រាយមីស៊ីលបំពាក់បច្ចេកវិទ្យាទំនើប និងប្រព័ន្ធគ្មានមនុស្សបើកបន្ថែមនៅហ្វីលីពីន។ មិនតែប៉ុណ្ណោះ ប្រទេសទាំងពីរ បានរិះគន់ផងដែរលើសកម្មភាពខុសច្បាប់ គំរាមកំហែង នៅក្នុងដែនទឹក ដោយគ្មានលើកឈ្មោះនៃបណ្តាប្រទេសណាមួយឡើយ។ ទោះមិនបានបញ្ចេញឈ្មោះ ប៉ុន្តែភាគីទាំងពីរ ទំនងសំដៅដល់ចិន ដែលមានទំនាស់ខ្លាំងជាមួយហ្វីលីពីននៅក្នុងសមុទ្រចិនខាងត្បូង។ កន្លងមក នាវាល្បាតចិន ធ្លាប់ប៉ះទង្គិច និងបាញ់ទឹកដាក់ទូកល្បាតរបស់ហ្វីលីពីនថែមទៀត។
ទីក្រុងប៉េកាំងបានទាមទារម្តងហើយម្តងទៀតឲ្យដកអាវុធទាំងនោះចេញ ដោយព្រមានពីការគំរាមកំហែងដល់ស្ថិរភាពក្នុងតំបន់ ប៉ុន្តែប្រធានាធិបតី Ferdinand Marcos Jr. នៅតែរក្សាជំហររឹងមាំ ដោយអះអាងពីសិទ្ធិអធិបតេយ្យភាពរបស់ទីក្រុងម៉ានីលក្នុងការការពារទឹកដីរបស់ខ្លួន។

លើសពីន ឯកអគ្គរដ្ឋទូតហ្វីលីពីនប្រចាំសហរដ្ឋអាមេរិក លោក Jose Manuel Romualdez បានបញ្ជាក់ច្បាស់ថា អាវុធដ៏ទំនើបទាំងនេះគឺសម្រាប់តែការទប់ស្កាត់ប៉ុណ្ណោះ ដោយលោកកត់សម្គាល់ថា រាល់សកម្មភាពឈ្លានពានរបស់ចិន មានតែធ្វើឲ្យទីក្រុងម៉ានីលកាន់តែប្តេជ្ញាចិត្តក្នុងការពង្រឹងឃ្លាំងអាវុធរបស់ខ្លួន។ ក្រៅពីការដាក់ពង្រាយបណ្តោះអាសន្ន ហ្វីលីពីនក៏កំពុងសិក្សាពីការទិញយកប្រព័ន្ធបាញ់បង្ហោះមីស៊ីលកម្រិតខ្ពស់ដោយខ្លួនឯង ដើម្បីធ្វើទំនើបកម្មកងទ័ពផងដែរ៕