ភ្នំពេញ – កាន់តែកក្រើក កាន់តែរំជើបរំជួល កាន់តែអស្ចារ្យមិនធ្លាប់មានជាមួយមហាព្រឹត្តិការណ៍ប្រគំតន្ត្រីលំដាប់ពិភពលោក GANZBERG SUPER IDOL- Beyond the Best ដែលជាព្រឹត្តិការណ៍ប្រគំតន្ត្រីធំបំផុតប្រចាំឆ្នាំ 2025 អមដោយឆាកតន្ត្រីស្តង់ដារអន្តរជាតិដ៏ធំសម្បើមដែលមិនធ្លាប់មាននៅប្រទេសខ្មែរ នឹងមកដល់នៅថ្ងៃសៅរ៍ ទី 29 មីនា ដ៏ខ្លីខាងមុខនេះនៅកោះពេជ្រ ចាប់ពីម៉ោង 4:០០ រសៀល – 11:០០ យប់ ដែលនឹងធ្វើឱ្យហ្វេនៗទទួលបាននូវបទពិសោធន៍រំភើបរីករាយមិនអាចបំភ្លេចបាន ក្រោមវត្តមានរបស់កំពូលតារាចម្រៀង K-POP ប្រុសស្អាត TAEYANG មកពីក្រុម BigBang!

ពីមួយរដូវកាលទៅមួយរដូវកាល ការប្រគំតន្ត្រីលំដាប់ពិភពលោក GANZBERG SUPER IDOL- Beyond the Best តែងតែនាំមកនូវភាពមហស្ចារ្យ ភាពរំជើបរំជួលជាលំដាប់ដោយសារតែវត្តមានចូលរួមសម្ដែងដោយកំពូលក្រុមតារាចម្រៀងអន្តរជាតិ ជាពិសេសក្រុម K-POP និងកំពូលតារាចម្រៀងលំដាប់ប្រទេស ជាពិសេស Rapper អមដោយឆាកតន្ត្រីដ៏ធំសម្បើមដែលត្រូវបានរៀបចំឡើងដោយក្រុមអ្នកជំនាញរួមមានវិស្វករផ្នែកសំឡេង (Sound) និងវិស្វករផ្នែកភ្លើង (Lighting) មកពីបរទេសដូចជាប្រទេសសិង្ហបុរី និងប្រទេសអូស្ត្រាលី ជាមួយស្ដង់ដារអន្តរជាតិ មិនថាប្រព័ន្ធភ្លើង LED ខ្វាត់ខ្វែង ប្រព័ន្ធសំឡេងបុកខ្លាំងហាប់ណែនអង្រួនដល់បេះដូងសុទ្ធតែស្តង់ដារអន្តរជាតិ ការរចនាឆាកទាក់ទាញមិនចាញ់នៅបរទេស ហើយសូម្បីបរវេណនៃការប្រគំតន្ត្រីទាំងមូលក៏មានលក្ខណៈស្ដង់ដាអន្តរជាតិ។

GANZBERG SUPER IDOL- Beyond the Best ពិតជាពិសេសអស្ចារ្យលើសពីការប្រគំតន្ត្រីដែលនឹងធ្វើឱ្យហ្វេនៗទទួលបាននូវភាពរំភើបរីករាយបំភ្លេចអស់ទុក្ខកង្វល់មួយគ្រា និងធានាសន្តិសុខសុវត្ថិភាពកម្រិតខ្ពស់។
កុំភ្លេចត្រៀមខ្លួនស្រែកហ៊ោ រាំ និងច្រៀងតាម Idol នៅថ្ងៃសៅរ៍ ទី 29 មីនា ដ៏ខ្លីខាងមុខនេះនៅកោះពេជ្រ ចាប់ពីម៉ោង 4:០០ រសៀល – 11:០០ យប់!
Brought to you by Beer GANZBERG
#GANZBERG #GANZBERGSuperIdol2025BeyondTheBest #Concert #GANZBERGXTAEYANG #TAEYANG #KPOP

ខេត្តកំពង់ចាម ៖ អភិបាល នៃគណៈអភិបាលខេត្តកំពង់ចាមលោក អ៊ុន ចាន់ដា បានចេញលិខិតជម្រាបជូនលោកអភិបាលស្រុកកងមាស ដើម្បីបញ្ចប់មុខតំណែងលោក ហែម គឹមសាធ មានតួនាទីជាប្រធានការិយាល័យ រដ្ឋបាល និងហិរញ្ញវត្ថុ ករណីយកប្រាក់ចំនួន៣៦០ដុល្លារ សម្រាប់ការកែតម្រូវសំបុត្រកំណើតពីប្រជាពលរដ្ឋម្នាក់ ។

តាមរយៈលិខិតជូនដំណឹង របស់អភិបាលខេត្តកំពង់ចាម បានអោយដឹងថា៖ រដ្ឋបាលទទួលបានពាក្យបណ្តឹងតាមបណ្តាញសង្គមគណនីហ្វេសបុកឈ្មោះ Chheng Sokly បានចុះផ្សាយពីឈ្មោះ ហែម គឹមសាធ ករណីយកប្រាក់ចំនួន ៣៦០ដុល្លារសហរដ្ឋអាមេរិក សម្រាប់ការកែតម្រូវសំបុត្រកំណើតប្រជាពលរដ្ឋ ឈ្មោះ ឆេង សុខលី រស់នៅភូមិអូរពពេល ឃុំខ្មៅ ស្រុកកងមាស ខេត្តកំពង់ចាម ។ រដ្ឋបាលខេត្ត បានចាត់ឱ្យក្រុមការងារ ដែលដឹកនាំដោយលោកប្រធានការិយាល័យប្រជាពលរដ្ឋខេត្ត និងប្រធានអង្គភាពច្រកចេញចូលតែមួយខេត្ត បានចុះសិក្សាស្រាវជ្រាវលើករណីខាងលើ គឺពិតជាមានករណីដូចក្នុង បណ្តាញសង្គមគណនីហ្វេសបុកឈ្មោះ Chheng Sokly ពិតប្រាកដមែន។

ដូចនេះ ដើម្បីអនុវត្តវិធានការ ទៅលើមន្ត្រីដែលអនុវត្តកំហុសឆ្គង និងការពង្រឹងការអនុវត្តតួនាទី ភារកិច្ចរបស់រដ្ឋបាលស្រុកកងមាស ឱ្យមានភាពល្អប្រសើរ រដ្ឋបាលខេត្ត សូមធ្វើការណែនាំដល់លោកអភិបាល នៃគណៈអភិបាលស្រុក កងមាស ដូចខាងក្រោម ៖

១. ត្រូវរៀបចំបែបបទបញ្ចប់មុខតំណែងលោក ហែម គឹមសាធ ពីប្រធានការិយាល័យ រដ្ឋបាល និងហិរញ្ញវត្ថុ មកជាមន្ត្រីសាលាស្រុកកងមាស ដោយមិនគិតពីទោសទណ្ឌផ្សេងៗទៀត ។
២. រដ្ឋបាលស្រុក ត្រូវតាមដាន ត្រួតពិនិត្យជាប់ជាប្រចាំលើការបំពេញតួនាទី ភារកិច្ចរបស់លោក ហែម គឹមសាធ ក្នុងករណីប្រព្រឹត្តកំហុសឆ្គងបន្តទៀត ត្រូវមានវិធានការតាម ច្បាប់ស្តីពីសហលក្ខន្តិកៈមន្ត្រីរាជការស៊ីវិល ។
៣. អភិបាលស្រុក ត្រូវខិតខំដឹកនាំរដ្ឋបាលស្រុករបស់ខ្លួន តាមលិខិតបទដ្ឋានគតិយុត្ត និងសេចក្តីណែនាំនានាឱ្យបានត្រឹមត្រូវ ។
៤. ត្រូវពង្រឹងកិច្ចការផ្តល់សេវា នៅការិយាល័យច្រកចេញចូលតែមួយ ឱ្យមានប្រសិទ្ធភាព ស្របតាមគោលការណ៍កំណត់ (ពេលវេលា និងតម្លៃសេវា) និងអាចទទួលយកបានពីប្រជាពលរដ្ឋនៅក្នុងមូលដ្ឋាន ។
៥. ត្រូវរៀបចំកិច្ចប្រជុំ និងណែនាំដល់មន្ត្រីក្រោមឱវាទ ឱ្យពង្រឹងតួនាទី និងភារកិច្ចរបស់ខ្លួនជារៀងរាល់ខែ ។
៦. ក្នុងករណី មានបាតុភាពមិនប្រក្រតីណាមួយកើតឡើង នៅរដ្ឋបាលស្រុកបន្តទៀត រដ្ឋបាលខេត្ត នឹងមានវិធានការតាមនីតិវិធី នៃច្បាប់ និងលិខិតបទដ្ឋាន ដែលបានកំណត់ ។

បន្ថែមពីនេះ លោកអភិបាលខេត្តកំពង់ចាម ក៏បានណែនាំទៅកាន់រដ្ឋបាលខេត្ត ដើម្បីបើកកិច្ចប្រជុំក្នុងការពង្រឹងតួនាទី និងភារកិច្ចរបស់មន្រ្តីក្រោមឳវាទជាប្រចាំ ជៀសវាងការប្រព្រឹត្តិខុសប្រក្រតីខុសពីលិខិតបទដ្ឋានដែលបានកំណត់។ ដោយឡែក ខាងមន្រ្តីអគ្គនាយកដ្ឋានអត្តសញ្ញាណកម្ម នៃក្រសួងមហាផ្ទៃ ក៏បានបញ្ជាក់ផងដែរថា៖ ការធ្វើ និងកែតម្រូវសំបុត្រកំណើត គឺមិនតម្រូវអោយបង់កម្រៃសេវានោះទេ៕

សូមចូលរួមរំលែកទុក្ខដ៏ក្រៀមក្រំរបស់សម្តេចតេជោ ហ៊ុន សែន ដែលបានបាត់បង់នូវបងប្រុសជាទីស្រលាញ់ គឺ អ្នកឧកញ៉ា ហ៊ុន សាន ដែលបានទទួលមរណភាព កាលពីសុក្រ ១៥រោច ខែផល្គុន ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី២៨ ខែមីនា ឆ្នាំ២០២៥ វេលាម៉ោង២និង២៧នាទីព្រឹក ក្នុងជន្មាយុ៧៨ឆ្នាំ ដោយរោគាពាធ។

សូមជម្រាបថា ឯកឧត្តមអ្នកឧកញ៉ា ឧត្តមមេត្រីវិសិដ្ឋ ហ៊ុន សាន មានឈ្មោះដើមថា ហ៊ុន ឡុងសាន កើតនៅថ្ងៃទី៦ ខែកក្កដា ឆ្នាំ១៩៤៨ ក្នុងភូមិពាមក្រៅ ឃុំពាមកោះស្នោ ស្រុកស្ទឹងត្រង់ ខេត្តកំពង់ចាម ក្នុងគ្រួសារអ្នកកសិករ ដែលមានលោកឪពុកឈ្មោះ ហ៊ុន នាង និងអ្នកម្ដាយឈ្មោះ ឌី ប៉ុក។

ក្នុងនាមជាកូនច្បង ក្នុងចំណោមបងប្អូន ៦នាក់ ឯកឧត្តម បានតស៊ូលះបង់សម្រាប់សម្ដេចតេជោ ហ៊ុន សែន និងបងប្អូនសម្ដេចដទៃទៀត អោយបានសិក្សារៀនសូត្រ មានចំណេះដឹងខ្ពង់ខ្ពស់។ ដោយឡែក កាលពីសម័យសង្រ្គាម ឯកឧត្តមក៏បានចូលរួមយ៉ាងសកម្ម ក្នុងការរួមចំណែកស្វែងរកសន្តិភាពជូនចំពោះប្រទេសជាតិ។ ដោយបញ្ញាស្មារតី និងមនសិកាស្នេហាជាតិ លោកត្រូវបានព្រះមហាក្សត្រ ប្រោសព្រះរាជប្រទាននូវគ្រឿងឥស្សរិយយសជាច្រើន តែងតាំងក្នុងមុខតំណែងធំៗជាបន្តបន្ទាប់ និងទទួលបានគោរមងារជា អ្នកឧកញ៉ា ឧត្តមមេត្រីវិសិដ្ឋ ហ៊ុន សាន កាលពីឆ្នាំ២០២៣។

ទន្ទឹមនឹងការបាត់បង់នេះ សម្ដេចតេជោ ហ៊ុន សែន បានសរសេសំណេរដ៏ក្ដុកក្ដួលមួយ ដែលបង្ហាញពីពលិកម្មរបស់ឯកឧត្តម ហ៊ុន សាន ថា៖ <<បងប្រុសម្នាក់នេះបានលះបង់ច្រើនណាស់សម្រាប់ប្អូនៗ គឺសុខចិត្តបោះបង់ចោលការសិក្សានៅអនុវិទ្យាល័យនាសម័យនោះ មកជួយពុកម៉ែធ្វើស្រែចំការដើម្បីផ្តល់ឱកាសឲ្យប្អូនៗ ពិសេសរូបខ្ញុំទទួលបានការសិក្សានៅភ្នំពេញ។បំណងធំរបស់បងទី១ គឺធ្វើ ថីផែនទីដែលពេលនេះហៅថា(មន្ត្រីសុរិយោដី)។កើត ចាស់ ឈឺ ស្លាប់ គឺជាក្រឹត្យក្រមធម្មជាតិដែលមិនអាចចៀសវាងបាន។>>

ជាមួយសមានទានទុក្ខដ៏សែនក្រៀមក្រំនេះ យើងខ្ញុំសូមបួងសួងដល់ដួងវិញ្ញាណក្ខន្ធ ឯកឧត្តអ្នកឧកញ៉ា ឧត្តមមេត្រីវិសិដ្ឋ ហ៊ុន សាន បានទៅឋានសុគតិភពជានិរន្តរ៍ កុំបីឃ្លៀងឃ្លាតឡើយ៕

ជាទូទៅអោយតែចូលដល់រដូវពិធីបុណ្យចូលឆ្នាំខ្មែរ យើងតែងឃើញគេដាក់តាំងលម្អរ រឺចងគោមផ្កាយនៅតាមផ្លូវសាធារណៈ, ខាងមុខហាង, តាមស្ថាប័ននានា និងតាមលំនៅដ្ឋានរបស់បងប្អូនប្រជាពលខ្មែរហើយ ប៉ុន្តែតើធ្លាប់ដឹងដែរ រឺទេថា តាមពិតអត្ថន័យនៃការចងព្យួរគោមនេះ មិនមែនសម្រាប់តែការតុបតែងអោយស្អាតតែប៉ុណ្ណោះទេ តែវាក៏មានរឿងរ៉ាវ និងប្រវត្តិរបស់វា ដែលចាស់ៗខ្មែរមានជំនឿតាំងពីយូរណាស់មកហើយ។

យោងតាមការរៀបរាប់របស់ អ្នកស្រីកែវ ច័ន្ទបូរណ៍ ជាអ្នកនិពន្ធខ្មែរដ៏ល្បីមួយរូប បានលើកឡើងអំពីទំនៀមទម្លាប់នៃការចង់ព្យូរគោមផ្កាយរបស់ប្រជាជនខ្មែរថា មិនមែនទើបតែមានក្នុងពេលថ្មីៗមកនេះទេ ជំនឿគោមផ្កាយនេះ មាននៅក្នុងការនិយាយតៗគ្នារបស់មនុស្សជំនាន់ដើម ហើយក៏មានការធ្វើវាឡើងយូរមហើយដែរ។ ដូច្នេះថ្ងៃនេះយើងមកដឹងពីប្រវត្តិត្រួសៗ និងជំនឿមួយចំនួនទាក់ទងនឹងគោមផ្កាយនេះដូចខាងក្រោម៖

១- ថ្ងៃប្រារព្ធចូលឆ្នាំខ្មែរ ស្តិតនៅរដូវក្តៅហើយស្ងួតបំផុត ពិបាកដើរលេងពេលថ្ងៃ ជាពិសេសពេលថ្ងៃត្រង់និងរសៀល ទើបគេបង្កើតប្រពៃណីព្យួរគោម បំភ្លឺសម្រាប់ធ្វើបុណ្យពេលយប់ អោយមនុស្សបានមើលផ្លូវ នឹងបានដើរលេងសប្បាយ ជុំគ្នា ត្រជាក់ត្រជុំរមនា ទាល់ៗភ្លឺ ដោយមិនមានអសន្តិសុខ។ (នៅសម័យសង្គមខ្មែរ មានអសន្តិសុខ ចាប់តាំងពីឆ្នាំ១៩៧០មក គេបានបិទចរាចរពេលយប់ ទើបយើងពុំសូវបានឃើញ គេមានតាំងភ្លើង ដូចជំនាន់មានសន្តិភាព ហើយក៏បវេណី នៃការចងគោម ដើម្បីប្រារព្ធបុណ្យ នៅពេលយប់ ក៍បានបាត់រូបបន្តិចម្តងៗ ពីកម្ពុជា។

២- ដើម្បីលំអលំនៅឋាន អោយមានសោភ៌ណភាពចិញ្ចាចចញ្ចែង ប្រកបដោយមង្គល គួរជាទីរមនាដួងចិត្ត ប៉ុន្តែ យើងបានឃើញ ការប្រារព្វប្រពៃណីចងគោមនេះ នៅមានសល់ នៅក្នុងសង្គមខ្មែរ ដែលរស់នៅ ប្រទេសថៃ និង ប្រទេសលាវ រហូតដល់ប្រទេសថៃ និង ប្រទេសលាវ ទាំងមូល បានស្វាគមន៍ទទួលយក មោទនភាពនេះ ពេញផ្ទៃប្រទេស ដោយមិនប្រកែកតវ៉ា ថែមទាំងជម្រុញអោយជនជាតិរបស់គេ បង្កើតរចនាបថថែមថ្មីៗ ដើម្បីជាការប្រារព្ធសប្បាយទាំងអស់គ្នាថែមទៀតផង)។

៣- ដើម្បីជាសក្ខីភាពពរជ័យទេវតាប្រស់ព្រំ ពីលើមេឃ មកលើជីវិតមនុស្សលើដី អោយប្រជាពលរដ្ឋគ្រប់គ្នា បានទទួលនូវរាសីជោគជតា ល្អពណ្ណរាយរុងរឿង ក្នុងឱកាសពេលបុណ្យនេះ។

៤- ដើម្បីជាពន្លឺប្រកាស ដាស់ហៅព្រលឹងដូនតា អោយមកចូលរួមប្រារព្ធបុណ្យចូលឆ្នាំជាមួយកូនចៅ ជួបជុំគ្នា ហើយអោយមកប្រស់ព្រំកូនចៅ អោយបានរស់នៅត្រជាក់ត្រជុំ ចាកផុត ពីភាពរាំងស្ងួត ក្រីក្រ ខ្វះខាត យល់តែភាពសំបូរសប្បាយ ត្រកុំត្រកាលជានិច្ច។

សរុបមកតាមន័យនេះ គេចង់សំដៅថា កាលដើមឡើយប្រទេសយើងនៅមិនទាន់មានភ្លើងអគ្គិសនីប្រើប្រាស់នោះឡើយ ដូចនេះនៅពេលយប់ឡើងក្នុងរដូវបុណ្យទាននឹងងងឹតសូន្យឈឹង ដោយបារម្ភពីបញ្ហាអសន្តិសុខ អញ្ចឹងហើយទើបចាស់ៗចងព្យួរគោមទាំងនេះឡើងដើម្បីបំភ្លឺតាមផ្លូវ និងមុខគេហដ្ឋាន។ ដោយឡែក ក៏មានមួយផ្នែកទៀតគឺពាក់ព័ន្ធនឹងការទទួលយកពរជ័យ ពីទេវតាឆ្នាំថ្មីផងដែរ៕