ពិធីបុកល័ក្ខក្នុងពិធីមង្គលការរបស់ ពេជ្រ ពិសី និង ឆាយ បានបង្កឱ្យមានមតិប្រតិកម្មយ៉ាងខ្លាំងជុំវិញការយកសាសនាឥស្លាមយកមកលេងសើចនៅក្នុងកម្មវិធី។ ក្រោយមានបងប្អូនខ្មែរឥស្លាមប្រតិកម្មលោក ដួង សុខគា បានចេញមុខសូមទោសមហាជនជាសាធារណៈ ចំណែកអ្នកនាង ខាត់ សុឃីម បានចេញមកនិយាយជាកណ្តាលនិងស្នើឱ្យក្រសួងវប្បធម៌កែចំណុចប្តូរតួអង្គឥស្លាមចេញប៉ុន្តែអ្នកទាំងពីរហាក់ទទួលបានមតិចម្រុះ។

បន្ទាប់ពីកម្មវិធីបុកល័ក្ខទទួលបាននូវការវាយប្រហារសរុបរួមទាំងអស់ដោយសារតែមានតួអង្គឥស្លាមនៅថ្ងៃទី២២ ខែធ្នូ អ្នកនាង ខាត់ សុឃីម បានបង្ហោះថា «ក្នុងនាមខ្ញុំជាសិល្បៈការិនីបែបបុរាណមួយរូបសូមអធ្យាស្រ័យដល់បងប្អូនខ្មែរចាម (សាសនាឥស្លាម) ទាំងអស់ដែលរស់នៅក្នុងប្រទេសកម្ពុជា កំពុងមានប្រតិ្តកម្មចំពោះកម្មពិធី ទំនៀមទំលាប់ប្រពៃណី បុកល័ក្ខ ខ្មែរ សូមបងប្អូនមេត្តាបន្ធូរភាពតានតឹងបន្តិច។ ជាទូទៅគ្រប់ក្រុមភ្លេងបុរាណប្រពៃណីខ្មែរ ក្នុងពិធីបុកល័ក្ខតែងតែមានតួអង្គ ជនជាតិចាម (សាសនាឥស្លាម) ចូលរួមសម្តែងយូរលង់ណាស់មកហើយប៉ុន្តែដោយសារសម័យកាលមុនពុំមានការផ្សព្វផ្សាយទូរលំទូលាយដូចសម័យនេះ។ជាក់ស្តែងយើងខ្ញុំដែលជាអ្នករក្សាទំរង់ទំនៀមទំលាប់ មិនហ៊ានលេងខុសពីទម្រង់ដើមនោះទេព្រោះចេះរៀនតពីគ្រូជំនាន់មុនបែបណា គឺលេងតាមបែបនោះ មិនមានចិត្ត ម៉ាកងាយសាសនា ឬ ជនជាតិណានោះទេ»។

តារាពហុជំនាញរូបនេះបានបន្តទៀតថា «ក្នុងខណៈពេលនេះនាងខ្ញុំ ខាត់ សុឃីម សូមសំណូមពរដល់ ក្រសួងវប្បវធម៌ និង វិចិត្រសិល្បៈ មេត្តាជួយរកដំណោះស្រាយកណ្តាលមួយ សមស្របដើម្បីកុំឱ្យបងប្អូនជនជាតិចាម (សាសនាឥស្លាម) មានអារម្មណ៍អាក់អន់ចិត្ត បែបនេះបន្តទៅទៀត។ សូមអធ្យាស្រ័យ នាងខ្ញុំសូមជូនជាយោបល់តិចតួច បើសិនជាថ្នាក់នាំក្រសួងអនុញ្ញាតប្តូរពីបងប្អូនជនជាតិចាម (សាសនាឥស្លាម) ចែវទូក មកជា ជនជាតិខ្មែរ ចែវទូកវិញក៏ល្អដែរ ដោយរក្សាទំរង់បែបបទដដែល យើងខ្ញុំអាចប្រតិបត្តិតាមការសម្រេចចិត្តរបស់ថ្នាក់ដឹកនាំ ក្រសួងជានិច្ច។ ជាចុងក្រោយ បើសិនមានពាក្យលើសលស់ ខ្ពស់ទាប ត្រង់ណា សូមមេត្តាថ្នាក់ដឹកនាំ ក៏ដូចជាបងប្អូនជនរួមជាតិទាំងអស់ អធ្យាស្រ័យដល់រូបនាងខ្ញុំផង»។

ទោះយ៉ាងណា សំណេររបស់អ្នកនាង ខាត់ សុឃីម ទទួលបាននូវមតិយ៉ាងខ្លាំងក្លាពីបងប្អូនខ្មែរឥស្លាមហើយអ្វីដែលពួកគេបានលើកឡើងស្រដៀងៗគ្នាគឺមិនមែនមិនចង់ឱ្យមានសាសនាឥស្លាមនៅក្នុងពិធីបុកល័ក្ខខ្មែរនោះទេប៉ុន្តែនោះគឺកាយវិការមិនសមរម្យយកព្រះអល់ឡោះជាម្ចាស់ និងការថ្វាយបង្គំបែបលេងសើច។ ពាក្យសម្តីដែលរងនូវមតិប្រតិកម្មអ្នកនាង ខាត់ សុឃីម ក៏បានចេញវីដេអូបញ្ជាក់ថែមទៀតផង។

ងាកមកកាន់លោក ដួង សុខគា បានចេញមុខសូមទោសជាសាធារណៈចំពោះការលេងរបស់ក្រុមខ្លួនដែលប៉ះពាល់អារម្មណ៍យ៉ាងខ្លាំងដល់បងប្អូនខ្មែឥស្លាម។ លោកបាននិយាយថា «ចេញវីដេអូនេះដើម្បីគោរពសូមទោសបងប្អូនខ្មែរ ឥស្លាមទាំងអស់ដែលខ្ញុំមានការធ្វេសប្រហែសសម្តែងបុកល័ក្តបង្កឱ្យប៉ះពាល់បងប្អូនខ្មែរឥស្លាម។ ខ្ញុំពិតជាទទួលស្គាល់ថាខ្ញុំមានកំហុសពិតប្រាកដមែន។ ជាមួយគ្នានេះខ្ញុំក៏សូមជម្រាបជូនថា ខ្ញុំមិនមានចេតនាណាមួយប្រមាថឬចង់ឲ្យប៉ះពាល់ដល់បងប្អូនខ្មែរឥស្លាមឡើយ។ ខ្ញុំតែងតែគោរពស្រលាញ់បងប្អូនតែនេះជាការឆោតល្ងង់របស់ខ្ញុំ។ជាថ្មីម្តងទៀតសូមបងប្អូនខ្មែរឥស្លាមទាំងអស់ លោកមេត្តាលើកលែងដល់ខ្ញុំបាទផង។ ខ្ញុំសូមសន្យាថាខ្ញុំនឹងកែប្រែ ហើយមិនឱ្យមានបញ្ហាកើតមានទៀតឡើយ»។

ការសូមទោសរបស់លោក ដួង សុខគា គឺទទួលបានមតិចម្រុះពីសាធារណជន។ បងប្អូនខ្មែរឪឥស្លាមមួយចំនួនក៏ព្រមទទួលយកប៉ុន្តែមានមតិមួយចំនួនទៀតចោទប្រកាន់លោក ដួង សុខគា ថាប្រព្រឹត្តកំហុសដដែលៗមិនឃើញមានការកែប្រែឡើយ៕

បន្ទាប់ពីខកខានសាងស្នាដៃជាមួយគ្នាជាច្រើនឆ្នាំពេលនេះតារាចម្រៀង នេន ទុំ ត្រៀមបញ្ចេញស្នាដៃថ្មីជាមួយតារាចម្រៀងជើងចាស់ ណូយ វ៉ាន់ណេត ក្នុងឆ្នាំ២០២៦។ កាលពីឆ្នាំ២០១៩ អ្នកទាំងពីរបានសហការគ្នាប្រកបដោយភាពជោគជ័យយ៉ាងត្រចេះត្រចង់។

កាលពីពេលថ្មីៗនេះ នេន ទុំ បានប្រកាសស្វែងរកលោក ណូយ វ៉ាន់ណេត តាមរយៈបណ្តាញសង្គមបន្ទាប់ពីលោកទាក់ទងមិនមានការឆ្លើយតបមិនថាតាមសារអេឡិចត្រូនិច ឬតាមទូរសព្ទនោះទេ។ ទោះយ៉ាងណា នៅថ្ងៃទី២១ ខែកុម្ភៈ នេន ទុំ បានបង្ហើបថាលោកបានជួយនឹងលោក ណូយ វ៉ាន់ណេត ហើយដោយឱ្យទស្សនិកជនរង់ចាំអ៊ុតមើលស្នាដៃថ្មីអ្នកទាំងពីរ។

ក្នុងឆ្នាំ២០១៩ តារារ៉េប នេន ទុំ និងលោក ណូយ វ៉ាន់ណេត បានចេញបទចម្រៀងរួមគ្នាមានចំណងជើងថា «កំលោះចាស់ប៉ះកំលោះស្ទាវ» ដោយទទួលបានសន្ទុះគាំទ្រយ៉ាងខ្លាំង។ មកទល់នឹងពេលនេះបទនេះមានអ្នកចូលស្តាប់លើស១៣លានដងនៅលើឆាណែលយូធូបរបស់ នេន ទុំ ផ្ទាល់ហើយក៏ជាបទចម្រៀងដែលល្បីមានអ្នកស្តាប់ច្រើនបំផុតនៅលើឆាណែលរបស់លោកផងដែរ។ ក្រៅពីបទពេញនិយមនេះ តារាចម្រៀងទាំងពីរដួងក៏បានសហការគ្នាតាមរយៈបទផ្សេងទៀតដូចជា «ឈូករ័ត្នកំពត» ។

គួរឱ្យដឹងថា តារាចម្រៀង នេន ទុំ បានបញ្ចេញស្នាដៃជាមួយនឹងសិល្បករជើងចាស់ដូចជា លោក ណូយ វ៉ាន់ណេត និងលោក ព្រហ្ម ម៉ាញ លោក ហួរ ឡាវី រួមទាំងអ្នកនាង ខាត់ សុឃីម ជាដើមហើយសុទ្ធសឹងតែទទួលបានការចាប់អារម្មណ៍ពីសាធារណជន៕

ថ្មីៗនេះអ្នកគាំទ្រវិស័យបវរកញ្ញាមានការចាប់អារម្មណ៍យ៉ាងខ្លាំងបន្ទាប់ពីទទួលដំណឹងជាផ្លូវការថា Thae Su Nyein ក្លាយជា Miss Cosmo Myanmar 2026 ដែលត្រៀមតំណាងប្រទេសរបស់ខ្លួនប្រកួតនៅលើឆាកអន្តរជាតិ។ នេះនាំឱ្យអ្នកគាំទ្រជាច្រើនចង់ឱ្យអ្នកកាន់កាប់កម្មវិធីនេះក្នុងប្រទេសកម្ពុជាតែងតាំង ប៊ី សុធារី ជា Miss Cosmo Cambodia 2026 នឹងអាចចូលរួមប្រកួតនៅលើឆាកអន្តរជាតិខណៈនឹងធ្វើឱ្យ ណាវ៉ាត់ ស្លរឈាមមិនខាន។

ក្នុងឆ្នាំ២០២៣ កម្មវិធី Miss Grand International បានផ្ទុះនូវរឿងរសើបជាខ្លាំងចំពោះប្រទេសថៃនិងខ្មែរ រួមទាំងបវរកញ្ញាមីយ៉ាន់ម៉ាទៀតផង។ នៅពេលនោះ Thae Su Nyein បានជាប់លំដាប់រងទី២ នៃកម្មវិធីប្រកួតនេះប៉ុន្តែនាងសុខចិត្តគ្រវែងចោលដោយមិនស្តាយស្រណោះដោយសង្ស័យថាកម្មវិធីគ្មានតម្លាភាព។ ក្រោយមកស្ថាប័ន MGI ក៏បានប្រកាសដកតំណែង Thae ដូចគ្នា។

បន្ទាប់ពីរឿងរ៉ាវចម្រូងចម្រាសនេះបានបញ្ចប់ពេលនេះអ្នកគាំទ្រវិស័យបវរកញ្ញាផ្ទុះការភ្ញាក់ផ្អើលបន្ទាប់ពីកម្មវិធី Miss Cosmo បានប្រកាសថា Thae Su Nyein ត្រូវបានតែងតាំងជា Miss Cosmo Myanmar 2026។ នេះមានន័យថារូបនាងមានឱកាសម្តងទៀតក្នុងការកសាងមុខមាត់សម្រាប់ខ្លួនឯងនិងតំណាងប្រទេសមីយ៉ាន់ម៉ាដើម្បីប្រកួតយកជ័យជម្នះជូនអ្នកគាំទ្រ។

ស្របពេលមានការប្រកាសនេះអ្នកគាំទ្រក្នុងស្រុកជាច្រើនបានជំរុញឱ្យ ND ក្នុងប្រទេសកម្ពុជាតែងតាំងបវរកញ្ញា ប៊ី សុធារី ជា Miss Cosmo Cambodia 2026 នោះនឹងធ្វើឱ្យ ណាវ៉ាត់ ស្លរឈាមមិនខានពីព្រោះបវរកញ្ញាទាំងពីររូបធ្លាប់មានបញ្ហាជាមួយនឹង ណាវ៉ាត់ រួមទាំងកម្មវិធីថ្មី Miss Cosmo នេះផងនៅពេលបវរកញ្ញាមានឥទ្ធិពលទាំងពីររូបដែលមានភាពស៊ីចង្វាក់គ្នានេះបានចូលរួមប្រកួតជាមួយគ្នាពិតមែនពិតជាកក្រើកកម្មវិធីមិនខាន។

លើសពីនេះទៅទៀតអ្នកគាំទ្រគិតថាការតែងតាំង ប៊ី សុធារី គឺជាជម្រើសល្អមួយដោយមិនចាំបាច់ហ្វឹកហាត់ច្រើនពីព្រោះនាងមានដើមទុនស្រាប់ហើយ ជាពិសេសមានអ្នកគាំទ្រទាំងក្នុងនិងក្រៅប្រទេស។ ទោះយ៉ាងណា ផេកផ្លូវការរបស់ Miss Cosmo Cambodia ពុំទាន់ប្រកាសជាផ្លូវការថាបវរកញ្ញារូបណានឹងក្លាយជាម្ចាស់មកុដនិងលំដាប់រងនៃឆ្នាំ២០២៦ នេះនៅឡើយទេ៕

បន្ទាប់ពីវិលចូលសិល្បៈ ប៊ុត សីហា នៅមិនទាន់អាចរកកម្រៃបានច្រើននោះទេដោយធ្លាប់ត្អូញត្អែរថាតម្លៃខ្លួនលោកបានតិចខ្លាំង។ យ៉ាងណាមិញ ប៊ុត សីហា ស្រាប់តែប្រកាសថាលោកទទួលប្រម៉ូតផលិតផលមិនអាចដេកដាច់បាយនិងស្នើកុំឱ្យបន្ទាបថោកហួសពេក។ ជាមួយនឹងការតាំងចិត្តវិលជាថ្មីនេះ ប៊ុត សីហា ធានាអះអាងថាមិនលើកដៃសុំមហាជនឬទម្លាក់កុងរបស់ខ្លួនឡើយ។

នៅថ្ងៃទី២១ ខែកុម្ភៈ នេះ ប៊ុត សីហា បានបង្ហោះសំណេរនៅលើបណ្តាញសង្គមហ្វេកប៊ុកថា «ខ្ញុំប៊ុត សីហា សូមប្រកាសទទួលផ្សព្វផ្សាយគ្រប់ផលិតផល ខ្ញុំអត់អាចនៅដេកដាច់បាយបានទេ តែសូមផ្តល់តម្លៃការងារឱ្យខ្ញុំគ្រាន់នឹងរស់ផង កុំបន្ទាបឱ្យខ្ញុំថោកហួសពេក សុំបានទេ?»។

មុននឹងបង្ហោះសារបែបនេះ ប៊ុត សីហា បានបញ្ចេញសំណេរមួយថា «ខ្ញុំគួរងើបពីចំណុចណា? ប្រាប់ផងបានទេ?»។ ក្នុងការបង្ហោះនេះមានមនុស្សជាច្រើនបានផ្តល់ជាយោបល់ជាច្រើនប៉ុន្តែ សីហា ហាក់ឆ្លើយតបផ្ទុយនឹងការឱ្យយោបល់ពីទស្សនិកជននិងចាត់ទុកថាជាន់លោកដល់បាត។ មានមតិយោបល់មួយបានសរសេរណែនាំ សីហា ថា «សីហាត្រូវទទួលយកទាំងការងារតូចទាំងការងារធំ ទទួលយកហើយហាមដាច់ខាតលុបចោលការងាររបស់គេ។ ថ្ងៃសៅរ៍ ថ្ងៃអាទិត្យ សីហា អត់មានកន្លែងច្រៀងគួរតែមកមុខវាំង ដើម្បីឱ្យអ្នកធ្វើវីដេអូប្លុក ថតហើយនិងសម្ភាសន៍សីហាឱ្យបានច្រើនបន្តិច ពេលនោះសីហានឹងមានមនុស្សទទួលស្គាល់ច្រើនឡើងមកវិញហើយគំនិតតិចតួចតែប៉ុណ្ណោះ»។ យោបល់នេះ សីហា បានរុញច្រានដោយឆ្លើយតបវិញថា «បងមិនជាន់ខ្ញុំឱ្យកប់នឹងដីតែម្តងទៅ»។

ដ្បិតថាការងារសិល្បៈបច្ចុប្បន្នពុំសូវមានទីផ្សារនិងទទួលបានតម្លៃខ្លួនទាបខុសដាច់ពីមុន ប៊ុត សីហា បានបញ្ជាក់ថាលោកនឹងមិនសុំជំនួញពីមហាជនដាច់ខាត។ លោកបានសរសេរថា « បើខ្ញុំទម្លាក់កុង សុំពុកម៉ែបងប្អូន 1$/2$ ច្បាស់ណាស់ ខ្ញុំនឹងបានលុយច្រើនមួយពេល តែខ្ញុំនៅតែឈរលើពាក្យដាច់ខាតមិនសុំជំនួយឡើយ សុំត្រឹមមានការងារជាប្រចាំដោយប្រើរូបភាពនិងសម្លេងខ្ញុំបានហើយ»៕