ប្រទេសថៃ ៖ សារព័ត៌មានថៃរាយការណ៍ថា ពលរដ្ឋរស់នៅស្រុកបរក្លឿ ខេត្តណាន ប្រទេសថៃ បានភ្ញាក់ផ្អើលនាំគ្នាមកមើលហ្វូងត្រីជាច្រើនក្បាលហែលពពាក់ពពូនគ្នាឡើងមកលើផ្ទៃទឹកខុសប្លែកពីធម្មតា ហើយអ្នកឃើញហេតុការណ៍បានហៅហ្វូងត្រីទាំងនេះថា «ត្រីសាម៉ុនស្រុកថៃ» ។ ការបង្ហាញខ្លួនរបស់ហ្វូងត្រីពាសពេញផ្ទៃទឹកធ្វើឱ្យពលរដ្ឋក្នុងតំបន់បារម្ភអាចជាប្រផ្នូលមានគ្រោះធម្មជាតិកើតឡើង ប៉ុន្តែអ្នកជំនាញជលផលថា ពួកវាហែលមកលើផ្ទៃទឹកដើម្បីទម្លាក់ព.ង ប៉ុណ្ណោះ ។

កាលពីថ្ងៃទី១ ខែមេសា ឆ្នាំ២០២៥ អ្នកលេងហ្វេសប៊ុកម្នាក់បានបង្ហោះរូបភាពបាតុភូតធម្មជាតិដ៏គួរឱ្យភ្ញាក់ផ្អើល ស្ថិតនៅភូមិផាសុក ឃុំភូហ្វា ស្រុកបរក្លឿ ខេត្តណាន ហើយធ្វើឱ្យពលរដ្ឋនៅក្នុងតំបន់ភ្ញាក់ផ្អើលតាមៗគ្នា ដែលបានឃើញហ្វូងត្រីហែលមកទម្លាក់ពងលើផ្ទៃទឹកក្នុងពេលតែមួយ ។ ត្រីទាំងនេះមានលក្ខណៈស្រដៀងនឹងត្រីសាម៉ុននៅក្រៅប្រទេស ហើយរូបភាពត្រីធ្វើឱ្យផ្ទុះការចាប់អារម្មណ៍យ៉ាងខ្លាំងក្នុងបណ្តាញសង្គម ។

ត្រីជាច្រើនក្បាលបានសម្រុកហែលមកលើផ្ទៃទឹក ស្របពេលនៅខេត្តណាន ដល់រដូវត្រីពង ។ ត្រីទាំងឡាយតែងតែហែលមកពងនៅតំបន់មានទឹកស្អាត និងមានអុកស៊ីសែនខ្ពស់ ។ ការពពាក់ពពូនគ្នាជាច្រើនក្បាលរបស់ហ្វូងត្រី បានបង្កើតជារូបភាពដ៏ស្រស់ស្អាត និងប្លែកភ្នែក ។

ពលរដ្ឋម្នាក់រស់នៅឃុំភូហ្វា និយាយថា ហ្វូងត្រីហែលសម្រុកហែលមកលើផ្ទៃទឹកបែបនេះ បានកើតឡើងជារៀងរាល់ឆ្នាំនៅរដូវត្រីពង ប៉ុន្តែនៅឆ្នាំ២០២៥ ខុសពីឆ្នាំមុនៗ គឺមានត្រីច្រើនជាងឆ្នាំ២០២៤ ទើបធ្វើឱ្យមហាជនចាប់អារម្មណ៍ និងសន្និដ្ឋានខុសៗគ្នា ។ ក្រៅពីនេះ ក៏មានភ្ញៀវទេសចរមកមើលហ្វូងត្រីបង្ហាញខ្លួនតាមធម្មជាតិផងដែរ ។

ដោយឡែក បើតាមអ្នកជំនាញជលផល គឺត្រីប្រមូលផ្តុំគ្នាជាច្រើនក្បាលបែបនេះបង្ហាញពីភាពសម្បូរបែបរបស់ប្រភពទឹកក្នុងតំបន់ ហើយពលរដ្ឋគួរតែជួយគ្នាអភិរក្សពូជត្រីឱ្យនៅគង់វង្សដើម្បីធ្វើជាប្រភពអាហារ ។ បើនៅទីនេះសម្បូរត្រី អាជ្ញាធរមូលដ្ឋានគួរតែបង្កើតជាតំបន់ទេសចរណ៍ធម្មជាតិដ៏សំខាន់របស់ខេត្តណាន នាថ្ងៃអនាគត ។

ចំណែកមន្ត្រីមកពីស្ថាប័នពាក់ព័ន្ធបានចុះមកត្រួតពិនិត្យហ្វូងត្រី និងប្រមូលព័ត៌មានការបង្ហាញខ្លួនរបស់ត្រីទាំងនេះដើម្បីយកទៅស្រាវជ្រាវ ព្រមទាំងបង្កើតគម្រោងអភិរក្សធនធានធម្មជាតិក្នុងតំបន់ប្រកបដោយនិរន្តរភាព ៕

ប្រទេសថៃ ៖ មន្ទីរពេទ្យប៉ូលិសថៃប្រកាសថា ហេតុការណ៍គ្រោះរញ្ជួយដីកាលពីថ្ងៃទី២៨ ខែមីនា ឆ្នាំ២០២៥ បានធ្វើឱ្យអគារកំពុងសាងសង់នៅតំបន់ចាក់តុចាក់ ទីក្រុងបាងកក បាក់រលំបណ្តាលឱ្យមនុស្សស្លា.ប់ រងរបួស និងបង្កការខូចខាតទ្រព្យសម្បត្តិយ៉ាងច្រើន ។ ហេតុនេះ ដើម្បីផ្តល់ភាពងាយស្រួលក្រោយរញ្ជួយដី មន្ទីរពេទ្យសូមឱ្យសាច់ញាតិរបស់ជនរងគ្រោះដោយសារអគាររលំ ទៅពិនិត្យ DNA និងទាក់ទងសុំមើលរូបភាពបងប្អូនដែលបាត់ខ្លួន នៅវិទ្យាស្ថាន Forensic Medicine ព្រមទាំងត្រៀមអត្តសញ្ញាណប័ណ្ណ ឬឯកសារសំខាន់ៗដើម្បីផ្ទៀងផ្ទាត់អត្តសញ្ញាណ ។

Royal Thai Police បានបង្កើតមជ្ឈមណ្ឌលដើម្បីផ្ទៀងផ្ទាត់អត្តសញ្ញាណជនរងគ្រោះដោយសាររញ្ជួយដី នៅអគារវិទ្យាស្ថាន Forensic Medicine ជាន់ទី៣ ស្ថិតនៅផ្លូវអាំងរីឌូណាំងឃ្វែង តំបន់បាថុមវ៉ាន់ ទីក្រុងបាងកក ។ មជ្ឈមណ្ឌលនេះធ្វើការជារៀងរាល់ថ្ងៃ ចាប់ពីម៉ោង៨និង៣០នាទីព្រឹក រហូតដល់ម៉ោង៨យប់ ហើយអាចសាកសួរព័ត៌មានរយៈពេល២៤ម៉ោង តាមរយៈទូរស័ព្ទលេខ ៖ 0-2207-6108 ។

មន្ទីរពេទ្យប៉ូលិសថៃបញ្ជាក់ថា វិទ្យាស្ថាន Forensic Medicine នឹងធ្វើការបែប One Stop Service ដើម្បីផ្តល់ភាពងាយស្រួលដល់សាច់ញាតិជនរងគ្រោះ ក្នុងការធ្វើឯកសារ និងទំនាក់ទំនងទទួលសាកសព ។ មន្ទីរពេទ្យប៉ូលិសបានស្នើឱ្យមន្ត្រីមកពីស្ថាប័នពាក់ព័ន្ធបង្កើតទីតាំងទំនាក់ទំនងជាមួយសាច់ញាតិជនរងគ្រោះ នៅអគារជាន់ទី៣ ព្រមទាំងសហការជាមួយគ្រូពេទ្យពិសោធន៍អត្តសញ្ញាណសាកសពដើម្បីទទួលបានលទ្ធផលឆាប់រហ័សបំផុត មុនពេលមន្ទីរពេទ្យប្រគល់សាកសពឱ្យក្រុមគ្រួសារយកទៅធ្វើបុណ្យ ។

ដោយឡែក អគ្គនាយកនៃអគ្គនាយកដ្ឋានបង្ការ និងកាត់បន្ថយគ្រោះមហន្តរាយ លោក ផាសាកន ប៊ុនយ៉ាឡាក បានបូកសរុបការខូចខាតទាំងអស់នៅប្រទេសថៃ គឺខេត្តចំនួន១៨ រួមទាំងទីក្រុងបាងកក បានរងផលប៉ះពាល់ដោយសាររញ្ជួយដី កាលពីថ្ងៃទី២៨ ខែមីនា កន្លងមក ។ ក្រៅពីនេះ វត្ត ចំនួន៤៨, មន្ទីរពេទ្យ ចំនួន ៧៦, អគារ ចំនួន ៨, សាលារៀន ចំនួន ២៣ និងអគាររដ្ឋាភិបាល ចំនួន១៨ បានរងផលប៉ះពាល់ដោយសាររញ្ជួយដី ជាពិសេស អគារនៅទីក្រុងបាងកក ។

ខេត្តរបស់ថៃ ចំនួន១៨ ដែលរងឥទ្ធិពលរញ្ជួយដីពីប្រទេសមីយ៉ាន់ម៉ា រួមមាន ៖ ខេត្តឈៀងម៉ៃ, ឈៀងរ៉ៃ, ផាកយ៉ៅ, ឡាំភូន, ឡាំប៉ាង, មេហុងសន, ព្រេ, ណាន, ពេជ្រឆាប៊ូន, ពិស្នុលោក, សុខោទ័យ, អាងថង, អយុធ្យា, ប៉ាថុមថានី, នុនថាក់បុរី, សមុទ្រប្រាកាន, សមុទ្រសាខាន និងឆ័យណាត ៕

ប្រទេសថៃ ៖ តាមការចុះផ្សាយរបស់សារព័ត៌មានថៃ Khaosod កាលពីថ្ងៃទី២ ខែមេសា ឆ្នាំ២០២៥ ឱ្យដឹងថា កូនម្ចាស់អគារ Sathorn Unique Tower បានច្រានចោលព័ត៌មានថា អគារនេះលក់ដាច់ហើយ ក្នុងតម្លៃ៤,០០០លានបាត ក្រោយប្រកាសលក់ត្រឹមតែ៣ថ្ងៃ ដោយកូនម្ចាស់អគារបញ្ជាក់ថា វាជាព័ត៌មានក្លែងក្លាយ ។ អគារនេះពុំបានលក់ឡើយ ពីព្រោះអគារមានជម្លោះ និងការប្តឹងផ្តល់ជាច្រើនករណី ។

នាពេលថ្មីៗនេះ ហ្វេសប៊ុករបស់ស្ត្រីជាឈ្មួញកណ្តាលអចលនទ្រព្យម្នាក់បានប្រកាសលក់អគារ Sathorn Unique Tower កម្ពស់៤៩ជាន់ ស្ថិតនៅផ្លូវចារឺនគ្រុង ទីក្រុងបាងកក ហើយក្រោយពីឈ្មួញកណ្តាលអចលនទ្រព្យប្រកាសលក់អគាររួចមក ក៏មានព័ត៌មានថា នៅដើមខែមេសា ឆ្នាំ២០២៤ អគារនេះលក់ដាច់ហើយ ។ ឈ្មួញកណ្តាលអចលនទ្រព្យសរសេរថា ៖ «អគារ Sathorn Unique Tower លក់ដាច់ហើយក្នុងតម្លៃ៤,០០០លានបាត… សូមអរគុណអតិថិជនជាច្រើននាក់ដែលចាប់អារម្មណ៍» ។

ក្រោយការផ្សព្វផ្សាយព័ត៌មានលក់អគារដាច់ លោក តាមផូត តរសុវណ្ណ ដែលមានគណនីហ្វេសប៊ុកឈ្មោះ «Tampote Torsuwan» បានសរសេរក្នុងបណ្តាញសង្គមថា ៖ «ថ្ងៃនេះ (ថ្ងៃទី២ ខែមេសា) មានការហៅទូរស័ព្ទចូល រហូតចង់ឆេះទូរស័ព្ទ តាំងពីមានព័ត៌មានរឿងលក់អគារមក ។ ឪពុករបស់ខ្ញុំ (ឈ្មោះ រាំងសាន់ តរសុវណ្ណ) ពុំមែនជា អ្នកប្រកាសលក់អគារទេ» ។

អគារនេះមានជម្លោះ និងមានការប្តឹងផ្តល់ជាច្រើនករណី ដូចជា ៖ ការក្លែងបន្លំផ្លូវច្បាប់, ការរឹបអូសទ្រព្យសម្បត្តិឯកជន និងករណីជាច្រើនទៀត ហើយឪពុក-ម្តាយខ្ញុំ បានតស៊ូនឹងរឿងរ៉ាវជាច្រើនអស់រយៈពេលជាង៣០ឆ្នាំហើយ បច្ចុប្បន្ន អគារនេះគ្មានអ្នកទិញ ហើយត្រូវទុកចោលដោយសារតែមនុស្សមួយក្រុម ។ ឪពុក-ម្តាយខ្ញុំ នៅតែតស៊ូរឿងក្តីរហូតមកដល់ពេលនេះ ហើយខ្ញុំជឿជាក់ថា ពួកគាត់នឹងតស៊ូក្តីបន្តទៀត ដរាបណាពួកគាត់នៅមានជីវិត ។

ការប្រកាសលក់អគារ Sathorn Unique Tower ពុំមែនឪពុកខ្ញុំជាអ្នកប្រកាសលក់ទេ ហើយគាត់ពុំបានទំនាក់ទំនងជាមួយអ្នកណាម្នាក់ពាក់ព័ន្ធនឹងអគារនេះដែរ ។ រយៈពេលចុងក្រោយនេះ ឪពុកខ្ញុំសុខភាពពុំសូវល្អ ហើយគាត់សម្រាកច្រើន ។ ដូច្នេះ សូមពិចារណាផងក្នុងការជឿជាក់លើការផ្សាយព័ត៌មាន បើបញ្ហាអគារនេះបញ្ចប់ មិនមែនវាឈរដូចវិមាន អស់រយៈពេល៣០ឆ្នាំទេ ។ នេះបើតាមការលើកឡើងរបស់កូនម្ចាស់អគារ ។

គួរបញ្ជាក់ថា ក្នុងបណ្តាញសង្គមថៃបានផ្សព្វផ្សាយថា អគារ Sathorn Unique Tower កម្ពស់៤៩ជាន់ មានទីតាំងនៅផ្លូវចារឺនគ្រុង សង្កាត់យ៉ានណាវ៉ា ខណ្ឌសាថន ទីក្រុងបាងកក បានលក់ដាច់ក្នុងតម្លៃ៤,០០០លានបាត ក្រោយពីប្រកាសលក់ត្រឹមតែ៣ថ្ងៃប៉ុណ្ណោះ ៕

ប្រទេសមីយ៉ាន់ម៉ាបច្ចុប្បន្នស្ថិតក្នុងស្ថានភាពលំបាកជាងគេបំផុតក្នុងចំណោមបណ្ដារប្រទេសនៅអាស៊ាន ខណៈពេលដែលប្រទេសអាស៊ានផ្សេងទៀតកំពុងមានការប្រកួតប្រជែងលើគ្រប់វិស័យ មីយ៉ាន់ម៉ាបែរជាកំពុងដោះស្រាយជាមួយនឹងវិបត្តិធ្ងន់ធ្ងរដែលធ្វើឱ្យក្លាយជាប្រទេសមួយ ដែលមិនមានស្ថិរភាព និងប្រជាជនមានភាពលំបាកខ្លាំងបំផុតនៅក្នុងតំបន់។

ផលប៉ះពាល់ដែលប្រជាជនមីយ៉ាន់ម៉ា កំពុងជួបប្រទះ និងទទួលរង គឺមានទាំងការអន់ថយនៃសេដ្ឋកិច្ច សង្រ្គា..មស៊ីវិល របបដឹកនាំដែលផ្ដាច់ការ ជំងឺរាតត្បាត និងគ្រោះធម្មជាតិផ្សេងៗ។ អស់រយៈពេលជាង៥ឆ្នាំមកហើយ មិនឃើញថាវាមានការធូរស្បើយទាល់តែសោះ។ ទាំងនេះគឺជាបញ្ហា និងវិបត្តិប្រឈមដែលមីយ៉ាន់ម៉ាបានជួបប្រទះចាប់តាំងពីឆ្នាំ ២០២០មក៖

១. កូវីត១៩ ឆ្នាំ២០២០៖ ការរីករាលដាលនៃជំងឺនេះ គឺមានៅជុំវិញពិភពលោក រួមទាំងកម្ពុជាផងដែរ ប៉ុន្តែសម្រាប់ប្រទេសមីយ៉ាន់ម៉ា វិបត្តិកូវិត១៩ បានក្លាយជាចំណុចផ្ដើមដែលធ្វើអោយប្រទេសនេះ បាត់បង់លំនឹងផ្នែកសេដ្ឋកិច្ច ព្រមទាំងបានឆ..ក់យកអាយុជីវិតប្រជាជនអស់ជិត ២ម៉ឺននាក់ផងដែរ។

២. រដ្ឋប្រហារយោធារ ឆ្នាំ២០២១៖ ការផ្ដួលរលំរបបដឹកនាំរបស់លោកស្រី Aung San Suu Kyi និងគណបក្សរបស់គាត់ នៅថ្ងៃទី 1 ខែកុម្ភៈ ឆ្នាំ 2021 ដោយលោក Min Aung Hlaing ។ ការដួលរលំនៃរដ្ឋាភិបាលចាស់នេះ បានធ្វើឱ្យប្រទេសមីយ៉ាន់ម៉ាធ្លាក់ចូលទៅក្នុងភាពវឹកវរផ្នែកនយោបាយ ការដួលរលំសេដ្ឋកិច្ច និងសង្គ្រា..មស៊ីវិល។

៣. សង្រ្គា..មស៊ីវិល ៖ ការលេចឡើងនៃសង្រ្គា..មស៊ីវិល បានធ្វើអោយស្ថានភាពសេដ្ឋកិច្ចរបស់មីយ៉ាន់ម៉ា កាន់តែដុនដាប។ មុខរបររកស៊ីជាច្រើនត្រូវបានក្ស័យធន់ចាប់តាំងពីកើតមាននូវវិបត្តិកូវីត១៩មក មិនតែប៉ុណ្ណោះបញ្ហានេះ ក៏បណ្ដាលអោយប្រជាជនស៊ីលិលជាង ១៧,០០០នាក់ត្រូវបានស្លា..ប់ និងប្រហែលជាង២លាននាក់ទៀត ត្រូវជម្លៀសខ្លួនចេញពីលំនៅដ្ឋាន ព្រោះភូមិជាច្រើនត្រូវបានដុតបំ..ផ្លាញដោយកងយោធារ។

៤. ព្យុះ Cyclone Mocha ឆ្នាំ២០២៣៖ ការវាយប្រហារដោយព្យុះកំ..ណាច Cyclone Mocha បានប៉ះពាល់ទៅដល់ផ្ទះប្រជាជនជិត២០ម៉ឺនផ្ទះ បានសម្លា..ប់មនុស្សអស់ប្រមាណ ៤០០នាក់ និងបាត់ខ្លួនអស់ជាច្រើនទៀត។

៥. គ្រោះទឹកជំនន់ ឆ្នាំ២០២៤៖ ការកើតមាននូវគ្រោះធម្មជាតិបានមកជាបន្ទបន្ទាប់ ដែលគ្រោះទឹកជំនន់នេះបានបង្ករអោយមនុស្សចំនួន ២២៦នាក់បានស្លា..ប់ និងបំ..ផ្លាញហេដ្ឋារចនាសម្ព័ន្ធជាច្រើន។

៦. គ្រោះរញ្ជួយដី ឆ្នាំ២០២៥៖ គ្រោះធម្មជាតិដ៏រ..ន្ធត់នេះបានធ្វើអោយប្រទេសនេះ កាន់តែធ្លាក់ក្នុងសភាពទ្រុឌទ្រោមខ្លាំង មកទល់បច្ចុប្បន្នតួរលេខនៃអ្នកដែលបានបា.ត់..បង់ជីវិតបានកើនដល់២ពាន់អ្នក ហើយគេសន្និដ្ឋានថាចំនួននេះនឹងមានការកើនឡើងជាបន្តបន្ទាប់ទៀត៕