ទន្ទឹមនឹងអ្នកគាំទ្រឃើញសកម្មភាពល្អៗនិងចុះសម្រុងគ្នារវាង យូហៃ និង រ៉េត ស៊ូហ្សាណា រួមទាំង នរិទ្ធ ផង ពេលនេះតារាចម្រៀងស្រស់សោភា ហ្សាណា បានបញ្ជាក់ថាអ្នកទាំងបីនឹងមានជា Short Film ។ ទន្ទឹមនឹងការប្រកាសដំណឹងនេះអ្នកលេងបណ្តាញសង្គមបានចូលទៅខម្មិនថាកែវភ្នែកដែល យូហៃ សម្លឹងទៅ ហ្សាណា គឺពោរពេញដោយក្តីស្រលាញ់។
ប្រិយមិត្តមួយចំនួនជ្រាបមកហើយថាតារារ៉េប យូហៃ និង រ៉េត ស៊ូហ្សាណា បានធ្វើឱ្យអ្នកគាំទ្រជាច្រើន Ship អ្នកទាំងពីរជាគូស្នេហ៍បន្ទាប់ពីឃើញភាពស្និទ្ធស្នាលរបស់អ្នកទាំងពីរខណៈបានសហការគ្នាជាលើកដំបូងទៅលើបទចម្រៀង 2AM ហើយទទួលបានការគាំទ្រយ៉ាងច្រើនពីទស្សនិកជនទាំងចម្រៀងនិងទំនាក់ទំនងរបស់អ្នកទាំងពីរ។
នាពេលថ្មីៗនេះទៀតសោតក្នុងពេលសន្និសីទកាសែតពីផលិតកម្មបារមីសហការគ្នាជាមួយផ្លូវការជាមួយនឹងក្រុមហ៊ុនអន្តរជាតិ Empire ដើម្បីនាំសិល្បករខ្មែរទៅកាន់ឆាកអន្តរជាតិ។ ជាមួយគ្នានេះ រ៉េត ស៊ូហ្សាណា ក៏បានបង្ហើបពីគម្រោងថ្មីរបស់ខ្លួនផងដែរ។ តារាចម្រៀងរូបនេះបាននិយាយថា «សម្រាប់ Short Film របស់នាងគឺមានភ្ញៀវកិត្តិយសពិសេសដែលមានចម្រៀងជា EP ដែលមានសិល្បករចូលរួមគឺ នរិទ្ធ រួមទាំងយូហៃ នឹងចូលរួមក្នុងគម្រោង Short Film ផងដែរ។
យ៉ាងណាមិញជាមួយនឹងការបង្ហើបរបស់ រ៉េត ស៊ូហ្សាណា ទៅកាន់ទស្សនិកជនថានឹងគម្រោងចេញជា Short Film នាពេលខាងមុខ អ្នកគាំទ្របែរជាមានការចាប់អារម្មណ៍កែវភ្នែកដែល យូហៃ សម្លឹង ទៅកាន់ ហ្សាណា ដែលកំពុងនិយាយពីគម្រោងរបស់នាង។ អ្នកលេងបណ្តាញសង្គមទិកតុកបានចូលទៅខម្មិនថា « The look of love ,កែវភ្នែកបញ្ជាក់ពីក្ដីស្នេហាពេញទំហឹង, សម្លឹងដល់ហើយ, Eye never lie , ញញឹមម្នាក់ឯងទៀតហើយ, Yuhai : អនាគតកូនក្រមុំរបស់បងពូកែណាស់ រួមទាំងមតិយោបល់ជាច្រើនទៀតដែលបង្ហាញថាកែវភ្នែក យូហៃ សម្លឹងទៅ ហ្សាណា គឺពោរពេញដោយក្តីស្រលាញ់»។
គួរបញ្ជាក់ផងដែរថា ការ Ship របស់អ្នកគាំទ្ររវាង រ៉េត ស៊ូហ្សាណា និង យូហៃ កើតមានជាយូរមកហើយ ប៉ុន្តែសាមីខ្លួនទាំងទ្វេមិនទាន់បានចេញមកបញ្ជាក់ឱ្យច្បាស់លាស់នោះឡើយថាត្រឹមតែជាទំនាក់ទំនងមិត្តរួមការងារឬលើសពីនេះ៕
