ការដឹងគុណរបស់តារាចម្រៀងរ៉េប វណ្ណដា ទៅកាន់លោកតា គង់ ណៃ បានធ្វើឱ្យទស្សនិក ជនជាច្រើនក្តុកក្តួលនិងរលីងរលោងទឹកភ្នែកតាម។ មិនត្រឹមតែរូបភាពនេះប៉ុណ្ណោះទេ នៅពេល វណ្ណដា បង្ហាញថាភរិយាលោកតាគង់ ណៃ ក៏បានចូលរួមកម្មវិធីនេះក៏ធ្វើឱ្យ អ្នកគាំទ្របង្ហាញអារម្មណ៍រំភើបចិត្តដូចគ្នា។

មនុស្សមួយចំនួនបានគិតថា ការប្រគំតន្រ្តីរបស់តារាចម្រៀងរ៉េប វណ្ណដា គឺលើសពីការ ប្រគំតន្រ្តីទៅទៀត។ ទោះបីជាដំណើរមួយចំនួននៅមានចន្លោះខ្វះខាត និងការពន្យារពេល សម្តែងអស់រយៈពេលជាយូរ ប៉ុន្តែវាបាននាំមកនូវបទពិសោធន៍ដែលមិនអាចបំភ្លេចបាន។ មិនត្រឹមតែផ្តល់ភាពសប្បាយរីករាយប៉ុន្តែការប្រគំតន្រ្តីនេះបានផ្សារភ្ជាប់នូវមនោសញ្ចេតនាជាច្រើនដល់អ្នកចូលរួម។

រូបភាពទី១ ដែលធ្វើឱ្យទស្សនិកជនរលីងរលោងទឹកភ្នែកនោះគឺនៅពេល វណ្ណដា បានបង្ហាញពីភ្ញៀវពិសេសចូលរួមគឺជាវត្តមានរបស់លោកយាយ តាត់ ឆេន ភរិយាលោកតា គង់ ណៃ។ ក្នុងនោះ វណ្ណដា បាននិយាយថាលោកមានការនឹក រលឹកលោកយាយ ខ្លាំង មែនទែននៅពេលទំនេរពីការងារលោកនឹងទៅលេងលោកយាយម្តងទៀត។ ជាមួយនឹង សំឡេងហ៊ោរបស់ទស្សនិកជនរួមទាំងពាក្យសម្តីរបស់ វណ្ណដា បានជំរុញឱ្យលោកយាយ ឆេន រលីងលោងទឹកភ្នែក ខណៈទស្សនិកជនជាច្រើនបានរំភើបចិត្តចំពោះរូបភាពនេះ ណាស់។

អ្វីដែលធ្វើឱ្យទស្សនិកជនចូលរួម រួមទាំងមហាជនខ្មែរជាច្រើនទៀតទស្សនាតាមបណ្តាញ សង្គមរលីងរលោងទឹកភ្នែក នោះគឺមុនពេល សម្តែងបទ Time To Rise វណ្ណដា បានចូល ទៅអុជធូបលោកតាគង់ ណៃ ហើយលោកនៅតែគោរពកន្លែងដែលលោកតា គង់ ណៃ ធ្លាប់អង្គុយសម្តែងបទនេះជាមួយ គ្នាជាមួយនឹងចាប៉ីដងវែងដែលគ្មានវត្តមាន លោកតា គង់ ណៃ ។ ការបកស្រាយរបស់ វណ្ណដា ទៀតសោតគឺពោរពេញដោយមនោសញ្ចេតនាធ្វើ ឱ្យទស្សនិកជនដឹងពីជម្រៅ ចិត្តរបស់តារារ៉េប រូបនេះថាលោកមានការនឹករលឹកទៅដល់ ព្រឹទ្ធាចារ្យ គង់ ណៃ យ៉ាងខ្លាំង។

ឃើញរូបភាពទាំងនេះហើយ ទស្សនិកជនមួយចំនួនគឺបានបង្ហាញក្តីរំជួលចិត្ត អ្នកខ្លះក៏រលីងរលោងតាមព្រោះជាទិដ្ឋភាពដ៏មានមនោសញ្ចេតនានិងការដឹងគុណរបស់ វណ្ណដា ទៅកាន់លោកតា គង់ ណៃ នៅតែមានជានិច្ចចំពោះលោក៕

ពិធីការិនីដ៏ស្រស់សោភា ហ៊ិន ច័ន្ទនីរ័ត្ន និងស្វាមី បានរៀបចំកម្មវិធីជប់លៀងមួយប្រកាស ពីកូនដំបូងរបស់អ្នកទាំងពីរគឺជាកូនប្រុស។ ទោះយ៉ាងណា អ្វីដែលមិននឹកស្មានដល់មុន នឹងការពរពោះនេះ ហ៊ិន ច័ន្ទនីរ័ត្ន បានយល់សប្តិហើយកើតឡើងដូចពិតៗស្តាប់ហើយ ឡើងព្រឺសម្បុរ។

នៅយប់ថ្ងៃទី១៨ អ្នកនាង ហ៊ិន ច័ន្ទនីរ័ត្ន និងស្វាមីលោក ឌី ពេជ្រ បានរៀបចំកម្មវិធីមួយ ព្រមទាំងមានការ live នៅលើបណ្តាញសង្គមផងដែរក្នុងការទស្សន៍ទាយពីភេទកូនក្នុងផ្ទៃ របស់នាង។ ជាមួយនឹងលទ្ធផលជាកូនប្រុសស្វាមីរបស់ពិធីការិនីរូបនេះបានបង្ហាញ អារម្មណ៍រំភើបចិត្តយ៉ាងខ្លាំងពីព្រោះលោកមានបំណងចង់បានកូនប្រុស។ អ្វីដែលអ្នកមួយ ចំនួនអាចមិនបានដឹងនោះ ហ៊ិន ច័ន្ទនីរ័ត្ន បានទម្លាយពីការយល់សប្តិរបស់ខ្លួន ហើយការ យល់សប្តិនោះបានក្លាយជាការពិត។

ពិធិការិនីឆ្នើមរូបនេះបាននិយាយរៀបរាប់ ការយល់សប្តិដឹងថាកូនឬអ្នកណាសុំមកនៅគឺជាការពិតមែន មិនមែនជាការនិយាយតៗគ្នា។ ហ៊ិន ច័ន្ទនីរ័ត្ន បានទម្លាយថា នាងយល់សប្តិឃើញមនុស្សប្រុសម្នាក់សុំចូលនៅ ហើយនាងភ្ញាក់កណ្តាលយប់ឡើង ឡើងភ័យដោយសារតែបើកទ្វារឱ្យគេចូលផ្ទះទាំងមិនស្គាល់ ហើយភ្ញាក់ឡើងនាងបានប្រាប់ស្វាមីតែម្តងហើយពេលនោះមិនទាន់គិតថាមានកូននោះទេ។
អ្នកនាង បន្តទៀតថាក្រោយមកមានអារម្មណ៍ថាប្លែកហើយបានដឹងថាការយល់សប្តិនោះគឺគេឱ្យដឹងហើយជាមនុស្សប្រុស ហើយពេលនេះក្លាយជាការពិតមែនគឺនាងទទួលបានកូនប្រុស។

គួរបញ្ជាក់ផងដែរថា ហ៊ិន ច័ន្ទនីរ័ត្ន និងស្វាមី បានបង្ហាញថាមានផ្ទៃពោះជាសាធារណៈកាលពីថ្ងៃទី៥ ខែកុម្ភៈ ឆ្នាំ២០២៥ ខណៈអ្នកទាំងពីរបានដឹកដៃគ្នាចូលរោងការកាលពីខែធ្នូ ឆ្នាំ២០២៣៕

មនុស្សរាប់ម៉ឺននាក់ប្រមូលផ្តុំគ្នានៅឯពហុកីឡដ្ឋានជាតិអូឡាំពិកនៅក្នុងការប្រគំតន្រ្តីរបស់តារាចម្រៀងរ៉េប វណ្ណដា មានឈ្មោះថា «ត្រីវិស័យសុវណ្ណភូមិ» បានជំរុញឱ្យកំពូលតារា ចម្រៀង ឱក សុគន្ធកញ្ញា បានបង្ហាញអារម្មណ៍មោទភាពចំពោះ វណ្ណដា។ មហាជន បានពោលសរសើរអ្នកនាង ឱក សុគន្ធកញ្ញា ថាជារៀមច្បងគំរូក្នុងវិស័យសិល្បៈតែងតែ ត្រេកអរនៅពេលអ្នកជំនាន់ក្រោយសាងស្នាដៃ។

នៅរាត្រីថ្ងៃទី១៧ ខែឧសភា ឆ្នាំ២០២៥ គឺជាថ្ងៃប្រវត្តិសាស្រ្តសម្រាប់តារាចម្រៀងរ៉េប វណ្ណដា ដែលបានរៀបចំការប្រគំតន្រ្តីដ៏ធំរបស់ខ្លួនបន្ទាប់ពីទម្លាក់អាល់ប៊ុមទី៣របស់ខ្លួន។ លើសពីការប្រគំតន្រ្តី វណ្ណដា បាននាំឱ្យទស្សនិកជនដែលចូលរួមមានទាំងការសប្បាយ រំភើបរីករាយ ការលើកទឹកចិត្ត ទឹកភ្នែករលីងរលោង រួមទាំងវប្បធម៌របស់ខ្មែរ។

ទោះបីជាមិនបានទៅចូលរួមដោយផ្ទាល់ក្នុងការប្រគំតន្រ្តីក្តីប៉ុន្តែគេបានឃើញតារាចម្រៀង ឱក សុគន្ធកញ្ញា បានចែករំលែកទិដ្ឋភាពការប្រគំតន្រ្តីរបស់ វណ្ណដា ដែលមានមនុស្សចូលរួមយ៉ាងច្រើនកុះករនេះពោរពេញដោយអារម្មណ៍មានមោទនភាព។

អ្នកនាង ឱក សុគន្ធកញ្ញា បានសរសេរនៅលើបណ្តាញសង្គមថា «ពិតជាធ្វើបានល្អណាស់ រំភើបដល់ពេលនេះមិនទាន់បាត់ អបអរសាទរអ្នកទាំងអស់គ្នា… really proud of you guys»។

បន្ទាប់ពីររៀមច្បងក្នុងអាជីពបង្ហាញអារម្មណ៍នេះអ្នកគាំទ្រជាច្រើនបានកោតសរសើរតារាចម្រៀង ឱក សុគន្ធកញ្ញា ថានាងគឺជារៀមច្បងគំរូតែងតែកោតសរសើរស្នាដៃដល់សិស្សប្អូន អ្នកជំនាន់ក្រោយ។ លើសពីការសរសើរទស្សនិកជនជាច្រើនរំពឹងចង់ឃើញតារាចម្រៀងរូបនេះនិង វណ្ណដា បានចេញបទចម្រៀងរួមគ្នាផងដែរ៕

ភ្នំពេញ ថ្ងៃទី១៨ ខែឧសភា- ត្រៀម!! ហ្វេនៗ K-POP! លើកនេះដឹងតែកក្រើកមេឃ រញ្ជួយធរណីទៀតហើយ! អ្វីដែលហ្វេនៗ K-POP នៅខ្មែរ ធ្លាប់ស្រមៃ និងទន្ទឹងរង់ចាំយ៉ាងអន្ទះសាជាយូរមកហើយនោះ នឹងក្លាយជាការពិតឆាប់ៗនេះហើយ! ត្រៀម HYPE ត្រៀមហ៊ោ ត្រៀមរាំសប្បាយតាមកំពូល Idol ដែលជាក្រុមតារាចម្រៀងដ៏ល្បីរន្ទឺក្នុងវិស័យ K-POP របស់កូរ៉េ ហើយឬនៅ? តើមានអ្វីអស្ចារ្យស្វាគមន៍ឆ្នាំ 2025 នេះមែនទេ?

មែនហើយ! ឥឡូវច្បាស់ការមែនទែនហើយ គឺលើកនេះក្រុមហ៊ុន GANZBERG លេងឈុតធំដ៏គួរឱ្យភ្ញាក់ផ្អើលដែលនឹងនាំកំពូលតារាចម្រៀងស្រី K-POP ដ៏ល្បីរន្ទឺ 2NE1 ទាំងមូលមកសម្ដែងក្នុងមហាព្រឹត្តិការប្រគំតន្ត្រីអន្តរជាតិខ្នាតយក្សលំដាប់ពិភពលោក “GANZBERG SUPER IDOL– I am the best” នៅកោះពេជ្រ ថ្ងៃទី 5 ខែកក្កដា ឆ្នាំ 2025 ដ៏ខ្លីខាងមុខនេះ។

ក្រុមតារាចម្រៀងស្រី 2NE1 ដែលមានសមាជិក 4 រូបរួមមាន CL, Park Bom, Sandara Park និង Minzy មានឈ្មោះបោះសំឡេងល្បឺរន្ទឺពាសពេញពិភពលោក ជាពិសេសនៅអាស៊ី រួមទាំងនៅខ្មែរ យើងផង ដែលអ្នកស្នេហាវិស័យតន្ត្រី K-POP ណាក៏ស្គាល់រូបក្រុមស្រីស្អាតនេះច្បាស់តាមរយៈបទដ៏ល្បីល្បាញ “Fire” ហើយបទល្បីៗរបស់ក្រុមនេះមានជាច្រើនទៀតរួមមានបទ “Come Back Home” បទ “Lonely” បទ “I Don’t Care” បទ “Ugly” បទ “Can’t Nobody” បទ “Go Away” បទ “Clap Your Hands” និងបទ “Do You Love Me” ផងដែរ។

ច្បាស់ណាស់ លើកនេះនឹងកាន់តែកក្រើកជាងលើកណាៗទាំងអស់ ព្រោះនេះជាលើកទី1 ហើយក្នុងប្រវត្តិសាស្ត្រដែល 2NE1 មានឱកាសមកសម្ដែងទាំងក្រុមនៅស្រុកខ្មែរ អមដោយឆាកតន្ត្រីខ្នាតអន្តរជាតិដ៏ធំអស្ចារ្យដែលបំពាក់ប្រព័ន្ធភ្លើង LED ធំៗត្រជាក់ភ្នែក និងប្រព័ន្ធសំឡេងបុកខ្លាំង ដែលនឹងធ្វើឱ្យព្រឹត្តិការណ៍នេះកាន់តែរំជើបរំជួលមិនធ្លាប់មាន។

សូមកុំភ្លេចណ៎ា! ត្រៀមខ្លួនស្វាគមន៍កំពូល Idol របស់យើងក្នុងមហាព្រឹត្តការណ៍ការប្រគំតន្ត្រីលំដាប់ពិភពលោក “GANZBERG SUPER IDOL– I am the best” នៅកោះពេជ្រ ថ្ងៃទី 5 ខែកក្កដា ឆ្នាំ 2025 ដ៏ខ្លីខាងមុខនេះ ហើយសំបុត្រចូលរួមទស្សនានឹងមានលក់ក្នុងពេលឆាប់ៗនេះ!

ឧបត្ថម្ភគាំទ្រជាពិសេសផ្ដាច់មុខដោយ GANZBERG ឆ្ងាញ់លើសពីស្រាបៀធម្មតា GANZBERG Snow Cool Like That សហការឧបត្ថម្ភដោយ ភេសជ្ជៈ Boostrong ភេសជ្ជៈ iDOL និង ទឹកផ្លែឈើ Freshy.

Brought to you by GANZBERG

#GANZBERG #GANZBERGSuperIdol2025IamTheBest #Concert #GANZBERGX2NE1 #2NE1 #KPOP