ទំនាក់ទំនងរវាងតារាសម្តែងហូលីវូដ Brad Pitt និង Ines de Ramon មានការរីកចម្រើន កាន់តែខ្លាំង ខណៈអ្នកទាំងពីរបានបង្ហាញសកម្មភាពជាសាធារណៈជាមួយគ្នាកាន់តែ ច្រើន។ យ៉ាងណាមិញតារាប្រុសរូបនេះត្រូវបានគេនិយាយថាលោកគ្មានចេតនាចង់រៀប ការម្តងទៀតនោះទេ។

Brad Pitt កំពុងមានសុភមង្គលក្នុងជីវិតជាមួយមិត្តស្រីរបស់លោកមានឈ្មោះ Ines de Ramon ដែលជាអ្នករចនាគ្រឿងអលង្ការកើតក្នុងឆ្នាំ១៩៩២។ យោងតាមប្រព័ន្ធ ផ្សព្វផ្សាយអន្តរជាតិបានឱ្យដឹងថា អ្នកទាំងពីរកំពុងរស់នៅជាមួយគ្នានៅក្នុងវីឡាមួយ ក្នុងទីក្រុង Los Angeles ។ ទោះបីជាយ៉ាងណាក៏ដោយ Brad Pitt មិនមានគម្រោងរៀបការនោះទេ បន្ទាប់ពីរៀបការបែកបាក់ជាមួយ Angelina Jolie ។

សារព័ត៌មានបានដកស្រង់សម្តីអ្នកស្និទ្ធស្នាលនឹងតារាសម្តែងរូបនេះដោយបញ្ជាក់ថា «Brad Pitt ធ្លាប់និយាយថាលោកនឹងមិនរៀបការម្តងទៀតទេ»។ មិត្តស្រីថ្មីរបស់ Brad Pitt ត្រូវបានគេចាត់ទុកថាជាមនុស្សវិជ្ជមាន និងសុភាពដែលជួយ Brad Pitt ជំនះព្យុះជាច្រើន។នាងក៏ជាហេតុផលមួយដែលធ្វើឱ្យតារាសម្តែងវ័យ៦២ឆ្នាំរូបនេះសម្រេចចិត្តបញ្ចប់ការលែងលះរយៈពេល ៨ ឆ្នាំជាមួយ Angelina នៅចុងឆ្នាំ ២០២៤ ។

ថ្មីៗនេះ Brad Pitt បានបង្ហាញមុខជាសាធារណៈជាមួយមិត្តស្រី នៅក្នុងកម្មវិធីនានា ជាពិសេសក្នុងអំឡុងពេលផ្សព្វផ្សាយរឿងថ្មី F1។ អ្នកទាំងពីរមិនស្ទាក់ស្ទើរក្នុងការបង្ហាញភាពស្និទ្ធស្នាលនៅមុខកាមេរ៉ា ចាប់ពីកាន់ដៃគ្នាទៅឱបយ៉ាងស្និទ្ធស្នាល។

ទោះជាយ៉ាងណា លោកមិនបានគេចផុតពីបញ្ហាផ្ទាល់ខ្លួនឡើយ។ ការតស៊ូផ្លូវច្បាប់ជាមួយ អតីតភរិយាលើអចលនទ្រព្យនៅតែតានតឹង ខណៈដែលទំនាក់ទំនងជាមួយកូនៗ មិនមានសញ្ញាណាមួយប្រសើរឡើងនោះទេ។ ទោះជាយ៉ាងណាក៏ដោយ យោងតាមប្រព័ន្ធផ្សព្វផ្សាយអន្តរជាតិបានឱ្យដឹងថាតារាសម្តែង Brad Pitt នៅតែសង្ឃឹមថានឹងផ្សះផ្សាជាមួយកូនៗរបស់លោក ហើយបញ្ជាក់ថាទ្រព្យសម្បត្តិនៅ Miraval នឹងជាកម្មសិទ្ធិរបស់ពួកគេ(កូនៗ) នាពេលអនាគត៕

តារាចម្រៀងនិងសម្តែង Hyeri ត្រូវបានប្រព័ន្ធផ្សព្វផ្សាយកូរ៉េរាយការណ៍ថាកំពុងមានទំនាក់ទំនងជាមួយនឹង Woo Tae ដែលជា Dancer ។

ប្រភពបានឱ្យដឹងថាពួកគេបានជួបគ្នាដំបូងពេលថតរឿង «Victory» ដែលសម្តែងដោយ Hyeri ។ ការថតបានចាប់ផ្ដើមក្នុងឆ្នាំ២០២៣ ហើយភាពយន្តនេះបានបាក់បញ្ចាំងនៅឆ្នាំ ២០២៤។ ក្នុងរឿងនេះ Hyeri បានបង្ហាញខ្លួនក្នុងនាមជាអ្នក ក្លឹបលើកទឹកចិត្ត។ នាងបានសម្តែងក្បាច់រាំដូចជា «Why Are You Calling» និងបទ «Look Back at Me» ហើយអ្នកដែលបង្រៀនក្បាច់រាំទាំងនេះគឺ Woo Tae។

អ្នកខាងក្នុងដែលស្គាល់អ្នកទាំងពីរច្បាស់បាននិយាយថា «រឿងនេះត្រូវបានថតនៅ Geoje, Gyeongnam ហើយពួកគេបានជួបគ្នាជាលើកដំបូងនៅពេលកំពុងហាត់ក្បាច់រាំនៅទី នោះ។បន្ទាប់មក អ្នកទាំងពីរបានបន្តណាត់ជួបគ្នានៅទីក្រុងសេអ៊ូល ហើយតែងតែបង្ហាញភាពស្និទ្ធស្នាលរបស់ពួកគេ។ ពួកគេមិនបានប្រាប់អ្នកណានៅជុំវិញខ្លួនជាយូរមកហើយ ប៉ុន្តែពួកគេបានទាក់ទងគ្នាជិតមួយឆ្នាំហើយ»។ប្រភពមួយទៀតក៏បាននិយាយដែរថា៖ «ដោយសារទំនាក់ទំនងនេះជាទំនាក់ទំនងដែលប្រយ័ត្នប្រយែង អ្នកទាំងពីរតែងតែគិតគូរនិងរាប់អានគ្នាយ៉ាងទន់ភ្លន់ ចេះជួយជ្រោមជ្រែងគ្នាក្នុងគ្រាលំបាកទើបស្រឡាញ់គ្នាខ្លាំង»។

បន្ទាប់ពីមានរបាយការណ៍នេះផ្សព្វផ្សាយពីទំនាក់ទំនងរបស់ Hyeri និង Woo Tae អ្នកតំណាងម្នាក់ដែលជាទីភ្នាក់ងាររបស់ Hyeri បានបញ្ជាក់ទៅកាន់ប្រភពមួយថា « «ដោយសាររឿងនេះទាក់ទងនឹងជីវិតឯកជនរបស់តារាសម្តែង វាពិបាកក្នុងការផ្ទៀងផ្ទាត់»

Hyeri បានបង្ហាញខ្លួនជាលើកដំបូងក្នុងឆ្នាំ២០១០ ក្នុងនាមជាសមាជិកនៃក្រុម Girl’s Day ។ ក្រោយមកនាងបានផ្លាស់ប្តូរចូលវិស័យសម្តែងវិញហើយបានលេចមុខក្នុងរឿងភាគ និងភាពយន្តជាច្រើនទៀត។ Woo Tae គឺជាអ្នករាំដែលមានឯកទេសខាងក្បាច់រាំ ហើយទទួលបានការទទួលស្គាល់តាមរយៈការបង្ហាញខ្លួនរបស់លោកក្នុងកម្មវិធី Street Man Fighter»ក្នុងឆ្នាំ២០២២។

មុនពេលមានទំនាក់ទំនងជាមួយ Woo Tae Hyeri មានទំនាក់ទំនងជាមួយតារាសម្ដែង Ryu Jun Yeol រយៈពេល៧-៨ ឆ្នាំហើយបានប្រកាសចែកផ្លូវគ្នាកាលពីខែវិច្ឆិកា ឆ្នាំ២០២៣។ កាលពីខែមីនា កន្លងទៅ រឿងរ៉ាវស្នេហារបស់ Ryu Jun Yeol និង Hyeri កាន់តែមានភាពរកាំរកូសឡើងវិញ នៅពេលដែល Ryu Jun Yeol បានសារភាពថា មានទំនាក់ទំនងស្នេហាថ្មីជាមួយតារាសម្តែង Han So Hee ៕

ថ្មីៗនេះទស្សនិកជនជាអ្នកតាមដានវិស័យបវរកញ្ញាជ្រាបមកហើយថា ឈុំ ចាន់ដារ៉ា មិនអាចបើកទ្វារប្រទេសកម្ពុជាចូល TOP នៅក្នុងការប្រកួត Miss Supranational 2025 បាននោះ។ ជាមួយគ្នានេះអ្នកគាំទ្ររបស់ ដារ៉ា ក៏ជំរុញឱ្យនាងវិលត្រឡប់មកវិស័យ បវរកញ្ញាម្តងទៀត ប៉ុន្តែ ដារ៉ា បានបដិសេធហើយបានព្រលយពាក្យមួយចំនួន ដែលធ្វើឱ្យទស្សនិកជនមានការសង្ស័យចំពោះពាក្យសម្តីនាង។

នៅលើបណ្តាញសង្គមទិកតុកមានវីដេអូមួយរបស់ កញ្ញា ឈុំ ចាន់ដារ៉ា Miss Supranational Cambodia 2025 បាននិយាយជាមួយអ្នកគាំទ្ររបស់ខ្លួនហើយត្រូវបានចែករំលែកបន្ត។ ក្នុងវីដេអូខ្លីនេះ អ្នកគាំទ្រមួយចំនួនបានជំរុញឱ្យ ដារ៉ា វិលត្រឡប់មកវិស័យបវរកញ្ញាម្តងទៀតបន្ទាប់ពីលើកនេះបរាជ័យ។

ឈុំ ចាន់ដារ៉ា បាននិយាយបដិសេធដោយកុំឱ្យអ្នកគាំទ្ររំពឹងថានាងវិលត្រឡប់មកម្តងទៀតអី។ Miss Supranational Cambodia 2025 ថានាងរាងឆ្អែតចិត្តដែរខណៈ ស៊ាងហ៊ុយ បានបន្ទរថាឆ្អែត៧យប់៧ថ្ងៃ។ ពាក្យសម្តីរបស់ ដារ៉ា បានធ្វើឱ្យទស្សនិកជនមានការអាណិតអាសូរទៅកាន់ ដារ៉ា ទន្ទឹងរង់ចាំប្រកួតអស់រយៈពេល២ឆ្នាំ ខិតខំប្រឹងប្រែងយ៉ាងខ្លាំងប៉ុន្តែខាងកម្មវិធីនៅតែមើលមិនឃើញពីប្រទេសកម្ពុជា។

ពាក្យសម្តីរបស់ ដារ៉ា ដែលនិយាយថា ឆ្អែតចិត្តនេះក៏បានធ្វើឱ្យទស្សនិកជនមួយចំនួនមានមន្ទិលសង្ស័យអំពីលទ្ធផលនៅក្នុងការប្រកួត Miss Supranational 2025 ដែលកម្ពុជាមិនអាចចូល TOP នៅក្នុងប្រកួតនេះបានទោះបីជា ដារ៉ា ខំប្រឹងខ្លាំងយ៉ាងណា។ អ្នកខ្លះក៏បង្ហាញថាបេក្ខភាពខ្លះគេមិនសូវជាខំប្រឹងនោះទេប៉ុន្តែចូល TOP បានយ៉ាងងាយស្រួល។

ក្រោយពីមិនអាចនាំកម្ពុជាបើកទ្វារចូល TOP បានក្នុងឆ្នាំនេះ ឈុំ ចាន់ដារ៉ា បានពោលពាក្យសូមទោសមកកាន់អ្នកគាំទ្រភ្លាមៗកាលពីថ្ងៃផ្តាច់ព័ត្រ Miss Supranational 2025 ពីព្រោះឆ្នាំនេះអ្នកគាំទ្រមានសង្ឃឹមខ្ពស់ណាស់ដែលកម្ពុជាអាច TOP បាន។ ដារ៉ា បានតាំងចិត្តមោះមុតចំនួន២ឆ្នាំមកហើយក្នុងការប្រកួតកម្មវិធីនេះបន្ទាប់ពីនាងមិនអាចចេញទៅប្រកួតបានកាលពីឆ្នាំ២០២៤ដោយសារតែបញ្ហាវីសារប៉ុន្តែគ្រប់យ៉ាងត្រូវខកបំណង៕