ប្រសិនបើសុបិនឃើញត្រី មនុស្សភាគច្រើនតែងតែទទួលបានលាភសំណាង លុយកាក់ ឬទ្រព្យសម្បត្តិហូរចូល ប៉ុន្តែការសុបិនឃើញត្រីអាចមានអត្ថន័យខុសៗគ្នា និងអាស្រ័យលើការសុបិនផងដែរ ថាតើសុបិនឃើញត្រីប៉ុន្មានក្បាល ឬត្រីប្រភេទអ្វី? ហេតុនេះ អត្ថន័យល្អ ឬអាក្រ.ក់ ត្រូវតែពិចារណាពីលក្ខណៈការសុបិន ។

ជាទូទៅ ការសុបិនឃើញត្រីភាគច្រើនមានអត្ថន័យល្អ ដូចជា ៖ ទទួលបានលាភ ទ្រព្យសម្បត្តិ ការងារជោគជ័យ ជួបគូស្រករ និងត្រូវធ្វើដំណើរ ប៉ុន្តែការសុបិនឃើញត្រី គឺចង់ប្រាប់ឱ្យយើងប្រយ័ត្នខ្លួន មិនថាប្រយ័ត្នរឿងលុយកាក់ ឬមានមនុស្សនាំរឿងក្តៅក្រហាយមកឱ្យ ។

ខាងក្រោមនេះ គឺជាអត្ថន័យនៃការសុបិនឃើញត្រី ៖

-ត្រី១ក្បាល ឬ២ក្បាល ៖ គឺជាសុបិនល្អ នឹងទទួលបានលាភ ឬរបស់អ្វីមួយ ឬជោគជ័យក្នុងតួនាទីការងារ ។ តាមជំនឿខ្លះ បើបុរសមានប្រពន្ធ ហើយសុបិនឃើញត្រី១ក្បាល នឹងទទួលបានប្រពន្ធថ្មី ប៉ុន្តែបើស្ត្រីមានផ្ទៃពោះសុបិនវិញ នឹងទទួលបានទារិកាគួរឱ្យស្រឡាញ់ ឬមានលាភពីការផ្សងសំណាង ឬលាភដោយសារកេរ្តិ៍ឈ្មោះ
-ត្រីច្រើន តែមិនបានចាប់ ៖ ត្រូវប្រឹងប្រឺងធ្វើអ្វីមួយនឿយហត់មុននឹងទទួលបានជោគជ័យ យើងនឹងពេញចិត្តលទ្ធផលចុងក្រោយ និងកុំបោះបង់ការព្យាយាម ។ តាមជំនឿខ្លះថា នឹងក្តៅក្រហាយចិត្ត ឬមានគ្រោះថ្នាក់ចំពោះខ្លួនឯង សាច់ញាតិ ឪពុក-ម្តាយ ឬធ្វើដំណើរផ្លូវឆ្ងាយបន្ទាន់
-ត្រីធំច្រើនក្បាល ៖ បើនៅលីវ នឹងទទួលបានជួបគូស្រករដែលពេញចិត្ត ព្រមទាំងទទួលបានលាភ ទ្រព្យសម្បត្តិ ឬរបស់អ្វីមួយដែលចូលចិត្តខ្លាំង
-ត្រីរូបរាងស្អាត ៖ នឹងធ្វើដំណើរទៅរកលាភទៅកន្លែងមិនធ្លាប់ទៅ ឬទទួលបានលាភពីការធ្វើដំណើរ ប៉ុន្តែត្រូងប្រុងប្រយ័ត្នចំពោះមនុស្សអាយុតិចជាង នឹងនាំបញ្ហាក្តៅក្រហាយមកឱ្យ
-ត្រីហែលទឹក ៖ នឹងទទួលដំណឹងល្អទាំងការងារ លុយកាក់ និងទទួលបានចំណេញពីការលក់ដូរ ។ រីឯការប្រកបការងារអ្វី ក៏ដំណើរការរលូន គ្មានឧបសគ្គ
-ត្រីពណ៌មាស ៖ ទទួលបានលាភពីការផ្សងសំណង រីឯអ្នកលក់ដូរនឹងទទួលបានប្រាក់ចំណេញច្រើន អាជីវកម្មរីកចម្រើន ដែលការសុបិនបែបនេះបង្ហាញពីភាពសម្បូរបែប

-ត្រីអណ្តែង ៖ បានធ្វើដំណើរផ្លូវឆ្ងាយ ឬទទួលបលាភពីការធ្វើដំណើរ ឬមានមនុស្សយកវត្ថុមានតម្លៃមកឱ្យ ឬជួបមនុស្សថ្មីៗ
-ត្រីរ៉ស់ ៖ បើមិនទាន់មានគូស្រករ នឹងបានជួបមនុស្សជាទីស្រឡាញ់ដែលខុសវ័យគ្នា ប៉ុន្តែត្រូវប្រយ័ត្នលុយកាក់
-ចាប់ត្រី ៖ មនុស្សនៅលីវនឹងសប្បាយចិត្តក្នុងរឿងស្នេហា ពីព្រោះបានជួបមនុស្សពេញចិត្ត ថែមទាំងទទួលបានលាភ ។ វាជាសុបិនល្អបង្ហាញពីរឿងល្អៗចូលមកក្នុងជីវិត ខណៈតួនាទីការងារ ក៏ល្អប្រសើរ
-ស្ទួចត្រី ៖ ទទួលបានលាភពីការផ្សងសំណង ឬមានលាភតិចតួច
-មនុស្សស្ទួចត្រី ៖ អ្វីដែលកំពុងតែគិត ឬកំពុងធ្វើ នឹងទទួលបានជោគជ័យតាមចិត្តប្រាថ្នា រីឯអ្នកលក់ដូរវិញ នឹងលក់ដាច់
-ត្រីលោតលើទឹក ៖ ពាក់ព័ន្ធនឹងតួនាទីការងារ នឹងបានឡើងតំណែង
-ត្រីពណ៌មាសងាប់ ៖ នឹងខកបំណង អ្វីកំពុងតែគិត ឬបម្រុងធ្វើ អាចនឹងមិនបានធ្វើ
-ឆ្អឹងត្រី ៖ បើកំពុងធ្វើអ្វីមួយអាចជួបឧបសគ្គ ប៉ុន្តែចុងក្រោយ អាចឆ្លងកាត់ឧបសគ្គ ។

អត្ថន័យនៃការសុបិនឃើញត្រីទាំងនេះ គឺជាជំនឿតាមចាស់ៗ ហើយការជឿ ឬមិនជឿ អាស្រ័យលើខ្លួនយើង ប៉ុន្តែអ្នកសុបិនឃើញត្រីភាគច្រើននិយាយដូចៗគ្នាថា ពួកគេច្រើនតែជួបរឿងល្អៗ ទាំងទទួលបានលាភ ឬលុយកាក់ ។ ចុះការសុបិនឃើញត្រីរបស់លោកអ្នកវិញ ទទួលបានលាភ ឬក៏ជួបរឿងស៊យ?

លោក Kevin Smith ជាអ្នកផលិតមាតិកាជនជនបរទេស ដែលតែងចុះទៅផ្ដិតយករូបភាព និងវីដេអូអំពីសកម្មភាពឈ្លានពានរបស់ទាហានថៃនៅតាមព្រំដែន បានបង្ហោះវីដេអូមួយដែលបង្ហាញពីការផ្ទុះអាវុ.ធរបស់ទាហានថៃក្នុងអំឡុងពេលលោកចុះយកព័ត៌មានត្រង់ចំណុចដែលពួកគេព័ទ្ធបន្លាលួសនៅច្រកអូរស្មាច់ ខេត្តឧត្តរមានជ័យ។ ក្រោយហេតុការណ៍នេះភាគីថៃមិនត្រឹមតែមិនទទួលស្គាល់ថាវាជាការពិតនោះទេ តែថែមទាំងចោ.ទកម្ពុជាថាបានបា.ញ់គំរាមខ្លួន ចំនួន១១គ្រាប់ទៅវិញ។

យោងតាមវីដេអូដែលបានបង្ហោះនៅលើផេក Kevin Smith KH នៅថ្ងៃទី១៣ ខែឧសភា ឆ្នាំ២០២៦ ដែលមានទាំងរូបភាពនិងលាន់លឺសម្លេងកាំភ្លើងពិតៗ លោក Kevin បានឲ្យដឹងថា យោធាថៃបានបា.ញ់ចំនួន ៤ គ្រាប់ នៅតំបន់ព្រំដែនអូរស្មាច់ ជាទីតាំងដែលថៃកំពុងកាន់កាប់ដោយខុសច្បាប់លើដែនដីកម្ពុជា។ ប៉ុន្តែភាគីថៃបានអះអាងថា មានការបាញ់តែ ២ គ្រាប់ប៉ុណ្ណោះ។ ភស្តុតាងបង្ហាញផ្ទុយពីការអះអាងនោះ។ នេះគឺជាឯកសារពេញលេញអំពីអ្វីដែលបានកើតឡើង។

លោក Kevin បានគូសបញ្ជាក់ថា គ្មានការញុះញង់ទេ! ខ្ញុំគ្រាន់តែទៅតំបន់នោះដើម្បីធ្វើការរាយការណ៍ប៉ុណ្ណោះ។ ខ្ញុំមិនបានចូលទៅជិតទីតាំងព្រំដែនខុសច្បាប់ដែលថៃអះអាងនោះទេ។ ខ្ញុំមិនបានបង្កបញ្ហា ឬបង្កការគំរាមកំហែងសន្តិសុខណាមួយឡើយ។ ប្រសិនបើការធ្វើសារព័ត៌មានដោយសន្តិវិធី និងការរាយការណ៍ធម្មតា ត្រូវបានឆ្លើយតបដោយការបាញ់កាំភ្លើង នោះវាមិនមែនជាកង្វល់សម្រាប់ប្រទេសកម្ពុជាតែប៉ុណ្ណោះទេ ប៉ុន្តែជាសារព្រមានដល់ពិភពលោកទាំងមូល។

បន្ទាប់ពីលោកបានបង្ហោះវីដេអូបង្ហាញពីការបា.ញ់គំរាមរបស់ទាហានថៃបានបន្តិច សារព័ត៌មានថៃបានចាប់ផ្ដើមផ្សាយព័ត៌មានបំភ្លៃថាកងកម្លាំងកម្ពុជាបានបា.ញ់ចំនួន ១១គ្រាប់ នៅច្រកអូស្មាច់។ អ្នកនាំពាក្យក្រសួងការពារជាតិកម្ពុជាបដិសេធចោលទាំងស្រុង គឺចាត់ទុកថាជាព័ត៌មានមិនពិត ជាការមួលបង្កាច់ធ្ងន់ធ្ងរ។

ការផ្សព្វផ្សាយនេះ ក៏ត្រូវបានមើលឃើញផងដែរថា គឺជាការបង្កើតព្រឹត្តិការណ៍បំភាន់ ដើម្បីបិទបាំងរឿងពិតមួយផ្សេងទៀត ដែលភាគីថៃធ្លាប់ប្រើជាញឹកញាប់មកហើយកន្លងមក ព្រោះតាមការពិត គឺកងកម្លាំងយោធាថៃទៅវិញទេ ដែលបានបាញ់កាំភ្លើងគំរាមចំនួន ៤គ្រាប់ នៅក្បែរលោក Kevin Smith (ជនជាតិអង់គ្លេស និងជាអ្នកផលិតមាតិកា) ខណៈពេលដែលលោកកំពុងថតវីដេអូបង្ហាញពីសកម្មភាពរំកិលរបងបន្លាលួសចូលដីខ្មែរដោយខុសច្បាប់របស់យោធាថៃ៕

ធ្លាប់តែខ្លាចថានឹងត្រូវប្រជាជនខ្មែរស្អ.ប់ និងរើសអើងដោយសារខ្លួនជាជនជាតិថៃ ប៉ុន្តែអ្វីៗខុសឆ្ងាយពីការគិត! នារីជនជនជាតិថៃម្នាក់បានចែករំលែកពីអារម្មណ៍ និងបទពិសោធពិតដែលនាងបានជួបប្រទះក្នុងការរស់នៅប្រទេសកម្ពុជាអស់រយៈពេល ១១ឆ្នាំ ប្រាប់ទៅកាន់ប្រជាជនថៃរបស់ខ្លួននិងមនុស្សទាំងអស់នៅជុំវិញពិភពលោកឲ្យដឹងហើយឈប់យល់ខុសលើកម្ពុជា។

យោងតាមវីដេអូឃ្លីបដែលបង្ហោះនៅលើផេករបស់នាងដែលមានឈ្មោះថា «Nacha in Cambodia» នារីជនជាតិថៃរូបនេះបានរៀបរាប់ថា៖ មុនពេលមកប្រទេសកម្ពុជានាងធ្លាប់គិតថា នៅទីនេះពិបាករស់នៅ មិនសូវមានកន្លែងល្អ កន្លែងស្អាត ប៉ុន្តែនៅពេលនាងបានមករស់នៅប្រទេសកម្ពុជាដោយផ្ទាល់ទើបដឹងថា នៅទីនេះបានផ្ដល់ឱកាសការងារល្អៗ បានជួបមនុស្សល្អៗ និងមានកន្លែងដើរលេងស្អាតៗជាច្រើន។

នាងបានចែករំលែកពីបទពិសោធរបស់នាងបន្ថែមទៀតថា កាលពីមុននាងមិនហ៊ានប្រាប់គេឡើយថាខ្លួនគឺជាជនជាតិថៃ ព្រោះនាងខ្លាចថានឹងមានគេរើសអើង ខ្លាចគេមិនទទួលស្វាគមន៍ និងខ្លាចត្រូវគេនិយាយមិនល្អដាក់ធ្វើបាបផ្លូវចិត្ត ប៉ុន្តែបន្ទាប់ពីបើកចិត្តហ៊ានប្រាប់គេថាខ្លួនគឺជាជនជាតិថៃ គ្រប់យ៉ាងគឺមិនអាក្រ.ក់ដូចអ្វីដែលនាងធ្លាប់គិតឡើយ។

តាមសម្ដីរបស់ Nacha បើទោះបីជាមានមនុស្សមួយចំនួនមិនទទួលយកនាងក្នុងនាមជាជនជាតិថៃ ប៉ុន្តែនាងយល់ថា ផលអវិជ្ជមាននេះគឺគ្រាន់តែជាចំណុចតូចមួយប៉ុណ្ណោះ បើធៀបទៅនឹងមនុស្សជាច្រើនផ្សេងទៀតដែលបើកចិត្តទូលាយចំពោះនាង។ Nacha បាននិយាយអរគុណប្រជាជនកម្ពុជាដោយស្មោះត្រង់ថា «អរគុណដែលធ្វើឲ្យកូនថៃម្នាក់នេះ មានអារម្មណ៍កក់ក្ដៅនៅកម្ពុជា»។ នៅក្នុងឃ្លីបវីដេអូមួយទៀតនាងក៏បានបញ្ជាក់ផងដែរថា អ្វីដែលដែលគ្រប់គ្នាបានឃើញពីសំបកក្រៅ មិនប្រាកដថាជាការពិតទាំងអស់ទេ។ សម្រាប់នាងកម្ពុជាគឺជា «ផ្ទះទី២» ដែលនាងស្រឡាញ់។

ទន្ទឹមនឹងការចែករំលែករបស់ Nacha ក៏មានបងប្អូនខ្មែរជាច្រើនបានចូលខម្មិនជាមួយពាក្យពេចន៍ល្អៗ ដោយលើកទឹកចិត្តនាង និងជនជាតិថៃដទៃដែលរស់នៅកម្ពុជាកុំមានការភ័យខ្លាច ឬព្រួយបារម្ភអ្វីប្រសិនបើពួកគេគ្រាន់តែជាមនុស្សស្លូតត្រង់ធម្មតាដែលមករស់នៅ និងធ្វើការរកស៊ីចិញ្ចឹមជីវិតនោះ។ ជនជាតិណាក៏មានល្អ និងអាក្រ.ក់ ដូច្នេះដរាបណាពួកគេមិនបានបង្កបញ្ហាអ្វី ពួកគេនឹងនៅតែទទួលបានការស្វាគមន៍ជានិច្ចពីប្រជាជនកម្ពុជា។

តាមរយៈវីដេអូរបស់ Nacha ដូចខាងលើនេះផងដែរ បងប្អូនខ្មែរជាច្រើនក៏បានសំណូមពរទៅកាន់ប្រជាជនថៃដែលរស់នៅប្រទេសថៃ ឲ្យផ្ដល់ការគោរពនិងឲ្យតម្លៃសម្រាប់ជនជាតិខ្មែរដែលកំពុងរស់នៅលើទឹកដីថៃវិញដូចគ្នា ព្រោះថាបញ្ហារវាងរដ្ឋាភិបាលនិងរដ្ឋាភិបាលពុំគួរត្រូវបានលើកឡើងជាហេតុផលក្នុងការប្រព្រឹត្តទង្វើរើសអើងជាតិសាសន៍ឡើយ៕