បន្ទាប់ពីឃ្លាតឆ្ងាយពីរង្វង់សិល្បៈនិងរស់នៅក្រៅប្រទេសជាមួយនឹង លាវ វេងហួរ ជាស្វាមីដែលស្រលាញ់ថ្នាក់ថ្នមគ្រប់វិនាទី រឿន ណាត បានយល់កាន់តែច្បាស់ពីជីវិតដែលរស់នៅមានក្តីសុខពិតប្រាកដមិនមែនជាជីវិតរស់នៅក្នុងភាពល្បីល្បាញ។

កាលពីពេលថ្មីៗនេះ រឿន ណាត បានបង្ហាញនៅលើបណ្តាញសង្គមអំពីកាដូដ៏ធំបំផុតរបស់ខ្លួនក្នុងខួបកំណើតឆ្នាំនេះគឺជា លាវ វេងហួរ ។ អតីតបវរកញ្ញាចក្រវាលកម្ពុជាឆ្នាំ២០១៨ បានសរសេរនៅថ្ងៃទី ២ កញ្ញា ថា «ខួបកំណើតឆ្នាំនេះអូនមិនបានសុំអ្វីពីព្រះជាម្ចាស់ទេព្រោះព្រះបានប្រគល់កាដូរដ៏ធំបំផុតក្នុងជីវិតអូនរួចហើយគឺបង»។ នៅថ្ងៃទី២ កញ្ញា រឿន ណាត ក៏បានបង្ហាញពីក្តីសុខពិតប្រាកដក្នុងឆាកជីវិតគឺការរស់នៅសាមញ្ញជាមួយនឹងស្វាមី។

រឿន ណាត បានសរសេរថា «ពេលនេះគឺយកកាន់តែច្បាស់ថា ជីវិតដែលមានតែក្តីសុខ និងភាពរីករាយបំផុត គឺ មិនមែនជាជីវិតដែលរស់នៅក្នុងភាពល្បីល្បាញនោះទេ តែជាជីវិតដែលរស់នៅដោយភាពសាមញ្ញៗ ជាមួយលុយប៉ុន្មានលានដុល្លារក្នុងកុងធនាគារជាមួយប្តីគឺគ្រប់គ្រាន់ហើយ»។

ឃើញ រឿន ណាត កំពុងមានក្តីសុខជាមួយនឹង លាវ វេងហួរ លើទឹកដីសហរដ្ឋអាម៉េរិកបែបនេះអ្នកគាំទ្រក៏សប្បាយចិត្តដូចគ្នាទោះបីជាពេលនេះអ្នកទាំងពីរឃ្លាតឆ្ងាយពីវិស័យសិល្បៈក្តី។ មិនត្រឹមតែមានស្វាមីយល់ចិត្ត ស្រលាញ់ស្ទើរលេបប៉ុណ្ណោះទេ រឿន ណាត ក៏ជួបម្តាយក្មេកប្រកបដោយមេត្តាធម៌ ស្រលាញ់កូនប្រសារដូចគ្នា ដោយ រឿន ណាត បានបង្ហាញថាម្តាយក្មេករបស់នាងបានបាញ់លុយឱ្យជាកាដូក្នុងថ្ងៃខួបកំណើត សម្រាប់ការយកទៅទិញកាបូបប្រ៊េនៗដោយខ្លួនឯង។

គួរបញ្ជាក់ផងដែរថា រឿន ណាត បានបង្ហាញជារឿយៗនៅលើបណ្តាញសង្គមសរសើរពី លាង វេងហួរ ដែលស្រលាញ់ថ្នាក់ថ្នម យល់ចិត្តនាងគ្រប់ពេលមិនធ្វើឱ្យនាងពិបាកចិត្តឡើយ មានសេចក្តីសុខពេញទី៕

ថ្មីៗនេះអ្នកប្រើប្រាស់បណ្តាញសង្គមមានការវែកញែកយ៉ាងខ្លាំងទៅកាន់លោក គឹម សីហា ដែលនឹករលឹកប្រពន្ធខ្លាំងពេកដល់ថ្នាក់ហិតខោក្នុងរបស់ គង់ ចាន់ស្រីមុំ ហើយបង្ហោះនៅលើអ៊ីនធឺណិត។ ក្រោយពីវីដេអូនេះផ្ទុះពេញបណ្តាញសង្គមអ្នកមួយចំនួនបានកើតការសង្ស័យទៅលើស្ថានភាពផ្លូវចិត្តរបស់លោកដែលហាក់ខុសប្លែកពីមុន។

លោកគឹម សីហា និង គង់ ចាន់ស្រីមុំ គឺជាគូស្នេហ៍ក្នុងរង្វង់សិល្បៈដែលទទួលបានការចាប់អារម្មណ៍ពីមហាជន ទាំងប្រវត្តិស្នេហា ក៏ដូចជាជីវិតហាយសូក្នុងការរស់នៅរបស់អ្នកទាំងពីរ។ ចាប់តាំងពីចាប់ដៃកសាងគ្រួសារជាមួយគ្នាមកលោក គឹម សីហា មិនសូវជាផ្តោតលើអាជីពសិល្បៈនោះទេ ដោយលោកផ្តោតទៅលើការគ្រប់គ្រងជំនួញចំណែកឯ គង់ ចាន់ស្រីមុំ នៅបំរើអាជីពសិល្បៈដដែលរួមជាមួយនឹងមុខជំនួញផ្ទាល់ខ្លួនដូចគ្នា។

យ៉ាងណាមិញ រយៈពេលចុងក្រោយនេះដូចប្រិយមិត្តជ្រាបមកហើយថា គង់ ចាន់ស្រីមុំ បង្ហាញភាពសិទ្ធិស្នាលជាមួយនឹងស្រ្តីម្នាក់ដែលបង្កឱ្យមហាជនរំពឹងទុកជាច្រើនប៉ុន្តែយ៉ាងណាលោក គឹម សីហា បានបង្ហាញថាភាពស្និទ្ធស្នាលរបស់អ្នកទាំងពីរលោកក៏នៅជាមួយ ហើយពេលខ្លះលោកថែមទាំងជាអ្នកថតរូបឱ្យទៀត។ ទោះជាយ៉ាងនេះក្តី វីដេអូថ្មីមួយត្រូវបានអ្នកលេងបណ្តាញសង្គមបញ្ចេញមតិរិះគន់ចាស់ដៃទៅកាន់លោក គឹម សីហា ដែលបង្ហាញឥរិយាបថហួសប្រមាណហើយមានការចែកចាយនៅលើប្រព័ន្ធផ្សព្វផ្សាយសង្គម។

វីដេអូដែលទាញការប្រតិកម្មយ៉ាងផុសផុលនោះគឺលោក គឹម សីហា បានហិតខោក្នុងភរិយារបស់ខ្លួនគឺ គង់ ចាន់ស្រីមុំ ។ ក្នុងវីដេអូនោះលោកបាននិយាយថាបន្ទាប់ពីជូនភរិយាឡើងយន្តហោះទៅចិន ហើយពេលត្រឡប់មកផ្ទះវិញចូលបន្ទប់ទឹកគឺបាត់ម្ចាស់ហើយគឺឃើញតែខោក្នុងជាហេតុធ្វើឱ្យនឹកដល់ម្ចាស់។ មិនត្រឹមតែប៉ុណ្ណោះ គឹម សីហា បានហិតខោក្នុងនោះថែមទាំងសរសើរថាក្រអូបឈ្ងុយថែមទៀតដែលខោក្នុងនេះ គង់ ចាន់ស្រីមុំ បន្សល់ទុកឱ្យមុនពេលចេញទៅប្រទេសចិន។

ក្រោយពីវីដេអូនេះបានចាយចែកពេញអ៊ីនធឺណិត មានមនុស្សជាច្រើនបានរិះគន់លោក គឹម សីហា ខណៈអ្នកខ្លះទៀតគឺបានបង្ហាញការព្រួយបារម្ភចំពោះសុខភាពផ្លូវចិត្តរបស់លោក។

គួរឱ្យដឹងថា កន្លងមកនេះលោក គឹម សីហា ក៏បានបង្ហោះវីដេអូនៅលើទិកតុកបង្ហាញអារម្មណ៍សោកសៅមានទុក្ខព្រួយសកម្មភាពហាក់ខុសប្លែកពីមុន។ យ៉ាងណាលោកបានចេញមកបញ្ជាក់ថានោះគ្រាន់តែជាការលេងទិកតុកធ្វើតាម Trend ប៉ុណ្ណោះព្រោះលោកទើបតែចាប់ផ្តើមលេងទិកតុក៕

ប្រិយមិត្តមួយចំនួនជ្រាបមកហើយ ប៉ីប៉ី ឌី និង អ្នកវិភាគឯករាជ្យ មានបញ្ហាចម្រូងចម្រាសគ្នានៅលើបណ្តាញសង្គមបន្ទាប់ពីមានការវាយតម្លៃកុន ៥.៦/១០និងមានការចោទប្រកាន់ថាការវាយតម្លៃនេះខុសថ្ងៃដែលតេស្ត screen ចំនួន៧/១០ ក្រោមហេតុផលដោយសារតែការពហិការមិនចាក់បញ្ចាំងក្នុងរោងកុនដែលមានប្រភពមកពីថៃ។ អ្នកវិភាគឯករាជ្យ បានចេញមកអះអាងថានោះគឺជាការលាបពណ៌ដែលផលិតករស្អប់សេចក្តីពិត ហើយថាផលិតកររូបនេះទេវតានឹងបារ៉ាមុខ។

នៅថ្ងៃទី៣ ខែកញ្ញា ផេក Stephen Row : អ្នកវិភាគឯករាជ្យ បានបង្ហោះសំណេរយ៉ាងក្តៅគគុកថា «ពេលដែលខ្ញុំមានកូនខ្ញុំនឹងប្រាប់កូនខ្ញុំថា..កូនដឹងទេ? កាលជំនាន់ប៉ា ធ្វើការកាន់ផេកឱ្យឥស្សរជន និង រោងចក្រក្នុងស្រុក មានផលិតករខ្មែរដ៏ថោកទាប១រូប ស្អប់សេចក្តីពិត ប្រឌិតរឿងថាប៉ាមើលកុន គាត់ថ្ងៃ Censorship (ក្រសួងហៅថ្ងៃនេះថា ថ្ងៃ តេស្ត screen) ហើយរង្វាយតម្លៃថា 7/10* ! ។ គួរឱ្យអស់សំណើចបំផុត ក្នុងជីវិតជាអ្នកវិភាគកុនរយ:ពេល១០ឆ្នាំពេលកាលបរិច្ឆេទ និង ម៉ោង គាត់និយាយនោះ គឺជាពេលខ្ញុំ មើលថែម្តាយខ្ញុំ នៅខេត្ត (ស្ត្រីចំណាស់ម្នាក់ដែលមិនដឹងអី តែផលិតករឡាយជេរថាមី) ហើយនរណាក៏ដឹង.. ថា ២ឆ្នាំហើយដែលខ្ញុំនៅខេត្តកំពង់ឆ្នាំងបណ្តើរតែឆ្កែដើរតាមសួន (យូរៗឡើងមកម្តង ប្រជុំ គេផ្តាច់ភ្លើងក៏មាន លោកបន្ថែមថា «មិនទទូលយកការពិតមិនគប្បី លាបពណ៌សាសន៍ខ្លួនឯង ផលិតកររូបនេះទេវតានឹង ប៉ារ៉ាសមុខ! still 5.6/10»។

គួរឱ្យដឹងថា ការចេញមកអះអាងរបស់ អ្នកវិភាគឯករាជ្យ ថាខ្លួនត្រូវបានគេលាបពណ៌នេះ ដោយសារតែកាលពីល្ងាចថ្ងៃទី៣០ ខែសីហា ឆ្នាំ២០២៥ ចាងហ្វាយផលិតកម្ម ហ្វីម ខនណើរ ប៉ីប៉ី ឌី បានចេញវីដេអូមួយបន្ទាប់ពីលោកបានវាយតម្លៃកុនខ្មែរនេះទទួលបានពិន្ទុវាយតម្លៃ៥.៦/១០ ខណៈបានវាយតម្លៃកុនមួយផ្សេងទៀតរបស់ឥណ្ឌូនេស៊ីបានចំនួន ៦/១០។ ក្នុងវីដេអូនោះដែរ ប៉ីប៉ី ឌី បានបញ្ជាក់ថាខ្លួនលោកទទួលយកការរិះគន់ទាំងអស់ប៉ុន្តែការ Rate ដែលគ្មានក្បាលគ្មានកន្ទុយមិនបញ្ជាក់ពីចំណុចខ្វះខាតហើយមានការប្រៀបធៀបជាមួយនឹងកុនផ្សេងលោកទទួលយកមិនបាន។

ប៉ីប៉ី ឌី ក៏បានចោទប្រកាន់ទៅកាន់អ្នកវិភាគឯករាជ្យថា ការ Rate នេះគឺស្ថិតនៅខាង Team រោងកុនថៃ ព្រោះលោកចាំយ៉ាងច្បាស់ថាថ្ងៃដែលខ្លួនយកទៅបញ្ចាំងសាកល្បងគឺមានការ Rate ៧/១០ ប៉ុន្តែក្រោយពេលពហិការមិនយកកុនទៅបញ្ចាំងបែរជាមានការ Rate ៥.៦/១០៕