ផ្នែកខ្លះនៃរ៉ុកកែត Long March 5B-Y4 ដែលអ្នកវិទ្យាសាស្ត្រព្រួយបារម្ភពីបំណែករបស់វា​ រហូតបានធ្វើឱ្យប្រទេសមួយចំនួនមានការប្រុងប្រយ័ត្ន ជាពិសេសប្រទេសថៃបានព្រមានពីខេត្តចំនួន១១ពីភាគរយដែលវាអាចធ្លាក់ចំ ប៉ុន្តែពេលនេះវាបានធ្លាក់ហើយនៅកណ្តាលមហាសមុទ្រប៉ាស៊ីហ្វិក វេលាម៉ោងប្រហែល ១៧ និង០១នាទី។

នាថ្ងៃទី០៥ ខែវិច្ឆិកា ឆ្នាំ២០២២ នេះ ទីភ្នាក់ងារអភិវឌ្ឍន៍បច្ចេកវិទ្យាអវកាស និងភូមិសាស្ត្រ (អង្គការសាធារណៈ) ឬ GISTDA រាយការណ៍ថា ផ្អែកលើការវិភាគថ្មីៗនេះដោយប្រព័ន្ធ ZIRCON របស់ GISTDA ត្រូវបានគេប៉ាន់ស្មានថាទីតាំងបំណែកគ្រាប់រ៉ុកកែត Long March 5B-Y4 របស់ចិនបានធ្លាក់ចូលទៅក្នុងមហាសមុទ្រប៉ាស៊ីហ្វិករួចហើយ នៅម៉ោងប្រហែល ១៧:00 ល្ងាចម្សិលមិញនេះ។

ក្នុងនោះ ដោយផ្នែករ៉ុក្កែតខ្លះបានឆេះក្នុងបរិយាកាស មុននឹងធ្លាក់ចូលទៅក្នុងមហាសមុទ្រ ខណៈមេបញ្ជាការដ្ឋានអវកាសអាមេរិក បញ្ជាក់ពីការធ្លាក់នៃគ្រាប់រ៉ុកកែត ” Long March 5B-Y4នៅកណ្តាលមហាសមុទ្រប៉ាស៊ីហ្វិកនៅម៉ោង ១៧:០១ ល្ងាច ។

គួរបញ្ជាក់ថាប្រតិបត្តិការរបស់ Long March 5B-Y4 របស់ក្រុមហ៊ុនអវកាសចិនលើកនេះ ធ្វើឡើងនៅថ្ងៃចន្ទ ទី៣១ ខែតុលា ឆ្នាំ២០២២ កន្លងទៅ ដើម្បីនាំយកម៉ូឌុល Mengtian ទៅកាន់ស្ថានីយ៍អវកាស Tiankong ដោយមានគោលបំណងលើកទឹកចិត្តឱ្យអវកាសយានិកធ្វើការពិសោធន៍វិទ្យាសាស្ត្រ និងស្រាវជ្រាវក្នុងលំហ ដូចជាការពិសោធន៍រូបវិទ្យា វត្ថុវិទ្យា បច្ចេកវិទ្យាអវកាស និងអ្វីៗជាច្រើនទៀត៕ ប្រភព៖ Sanook

ចក្រភពអង់គ្លេស ៖ យន្តហោះដ៏ធំបំផុតមួយរបស់ពិភពលោក Airbus Beluga XL5 ត្រូវបានរន្ទះបាញ់ពេលកំពុងហោះចេញពីអាកាសយានដ្ឋាន Hawarden ក្នុងទីក្រុង Flintshire រដ្ឋ North Wales ប្រទេសអងគ្លេសកាលពីថ្ងៃអង្គារកន្លងទៅ។

យោងតាមសារព័ត៌មាន North Wales Live បានឱ្យ កាលពីថ្ងៃទី​០១ ខែវិច្ឆិកា ​ឆ្នាំ២០២២ យន្តហោះដ៏ធំបំផុតមួយរបស់ពិភពលោក Airbus Beluga XL5 ត្រូវបានរន្ទះបាញ់ពេលកំពុងហោះចេញពីអាកាសយានដ្ឋាន Hawarden នៅវេលាម៉ោង ១៣ និង០០នាទី ​ថ្ងៃត្រង់ ក្នុងទីក្រុង Flintshire រដ្ឋ North Wales ប្រទេសអងគ្លេស ខណៈកំពុងឆ្ពោះទៅកាន់ទីក្រុង Hamburg ប្រទេសអាល្លឺម៉ង់។

ទាក់ទងនឹងហេតុការខាងលើអ្នកនាំពាក្យរបស់ក្រុមហ៊ុន Airbus បានប្រាប់ស្ថានីយទូរទស្សន៍ FOX ថា “នេះគឺជាព្រឹត្តិការណ៍ធម្មតាមួយនៅក្នុងអាកាសចរណ៍ ហើយយន្តហោះបានបន្តធ្វើដំណើរទៅកាន់ទីក្រុង Hamburg តាមការគ្រោងទុកដោយជោគជ័យ។

អង្គភាពព័ត៌មានក្នុងស្រុកបានរាយការណ៍ថាខណៈយន្តហោះ Airbus Beluga XL5 ប្រជាពលរដ្ឋបានរាយការណ៍ថាបានឮសំឡេងនៃការផ្ទុះដ៏ធំមួយ និងមានពន្លឺពណ៌សភ្លឺចំយន្តហោះ។ បន្ថែមពីនោះអ្នកស្រុកក៏បានរាយការណ៍ពីបញ្ហាជាមួយនឹងសញ្ញាទូរទស្សន៍ និងការភ្ជាប់អ៊ីនធឺណិតរបស់ពួកគេត្រូវបានកាត់ផ្ដាច់បន្ទាប់ពីមានរន្ទះបាញ់ផងដែរ។

គួរបញ្ជាក់ថាយន្តហោះដែលមានរាងដូចត្រីបាឡែន Airbus Beluga XL5 ប្រើសម្រាប់ដឹកជញ្ជូនផ្នែកខ្លះនៃយន្តហោះផ្សេងទៀតជុំវិញពិភពលោក បានបន្តចុះចតដោយសុវត្ថិភាពក្នុងប្រទេសអាល្លឺម៉ង់ដោយសុវត្តិភាព ស្របតាមនីតិវិធីប្រតិបត្តិការស្តង់ដារ ហើយយន្តហោះនឹងត្រូវបានត្រួតពិនិត្យមុនពេលហោះហើរបន្ទាប់របស់វា”៕ ប្រភព៖ fox5atlanta

សុខភាព៖ ជំងឺធ្លាក់ទឹកចិត្ត គឺជាជំងឺវិកលចរិកដែលប៉ះពាល់ដល់មនុស្សមួយចំនួនតូច ហើយអត្រាមរណៈរបស់យុវជនគឺខ្ពស់ជាងការគិត។ ក្នុងនោះផ្នែកមួយនៃជំងឺនេះគឺបណ្តាលមកពីការពិតដែលថាពួកគេស្ថិតក្នុងស្ថានភាព  នៃការធ្លាក់ទឹកចិត្ត  ដោយសារការគិតច្រើនពេក និងមិនបានទទួលបានការព្យាបាលត្រឹមត្រូវ និងទាន់ពេលវេលា។

ដូច្នេះយើងមកដឹងបន្ថែមពីជំងឺនេះទាំងអស់គ្នា

អ្នកដែលទទួលរងពីជំងឺធ្លាក់ទឹកចិត្ត វានឹងមានការផ្លាស់ប្តូរ សំខាន់ៗ នូវអារម្មណ៍ គំនិត អាកប្បកិរិយានិងរោគសញ្ញារាងកាយ ដែលអាចសង្កេតមើលអាការប្រែប្រួល ដូចខាងក្រោម៖

១. អារម្មណ៍ប្រែប្រួល  

វានឹងក្លាយជាទុក្ខព្រួយ ធ្លាក់ទឹកចិត្ត ងាយបាក់ទឹកចិត្ត យំច្រើន សូម្បីតែរឿងតូចតាច ដែលវាហាក់ដូចជាមានភាពរសើបខ្លាំងណាស់ សម្រាប់មនុស្សមួយចំនួនអាចមានអារម្មណ៍ធុញទ្រាន់នឹងអ្វីៗទាំងអស់ អ្វីដែលពួកគេធ្លាប់ និងរឿងដែលធ្លាប់ធ្វើឱ្យេពួកគេសប្បាយចិត្ត ឬ មានភាពសុខស្រួល។ អ្នកខ្លះមានអារម្មណ៍ ធុញទ្រាន់ទាំងស្រុង តាំងពីការភ្ញាក់ពីគេងពេលព្រឹក មនុស្សមួយចំនួនអាចឆាប់ខឹង និងមានអារម្មណ៍ឆែវឆាវ។

២. ការគិតបានផ្លាស់ប្តូរ

អ្វីគ្រប់យ៉ាងមើលទៅអាក្រក់ ក្រឡេកមើលជីវិតអតីតកាល ឃើញតែកំហុស និង បរាជ័យ របស់ខ្លួនគ្មានផ្លូវចេញ មិនអាចមើលឃើញពីអនាគត មានអារម្មណ៍បាក់ទឹកចិត្ត និងអស់សង្ឃឹមជាមួយជីវិត មនុស្សខ្លះក្លាយទៅជាមានអារម្មណ៍គ្មានសុវត្តិភាព ស្ទាក់ស្ទើរចំពោះការសម្រេចចិត្តណាមួយ មាន អារម្មណ៍ ថាគ្មានសមត្ថភាព គ្មានតម្លៃជាបន្ទុកដល់អ្នកដទៃហើយដោយសារអារម្មណ៍ទាំងនេះវាអាចនឹងធ្វើឱ្យអ្នកគិតអំពីសេចក្តីស្លាប់ជាញឹកញាប់។ ដំបូងអ្នកប្រហែលជាគិតតែពីការចង់ទៅឱ្យឆ្ងាយ ពីស្ថានភាពបច្ចុប្បន្ន ប៉ុន្តែក្រោយមកចាប់ផ្ដើមគិតថាចង់ស្លាប់ នៅពេលដែលអារម្មណ៍សោកសៅ ឬអស់សង្ឃឹមកើនឡើង។

៣. ការផ្តោតអារម្មណ៍ ការចងចាំចុះខ្សោយ ងាយភ្លេច ជាពិសេសជាមួយនឹងអ្វីដែលបានធ្វើថ្មីៗ

អ្នកងាយនឹងភ្លេច សូម្បីតែរឿងទើបតែធ្វើថ្មីៗ អ្នកមិនអាចចាំបាន ចិត្តតែងតែវង្វេងជាញឹកញាប់ ហើយអ្នកមិនអាចធ្វើអ្វីបានយូរទេ ដោយសារខ្វះការផ្តោតអារម្មណ៍។

៤.ទំនាក់ទំនងជាមួយអ្នកជុំវិញខ្លួនបានផ្លាស់ប្តូរ     

អ្នកដែលមានជំងឺនេះមានទំនោរទៅរកភាពល្ហិតល្ហៃជាងមុន មិនសប្បាយចិត្តដូចពីមុនទេ  កម្រនិយាយជាមួយនរណាម្នាក់ណាស់ មនុស្សមួយចំនួនប្រហែលជាមានស្មារតីទាប ប៉ះទង្គិចខ្លាំង មនុស្សមួយចំនួនអាចឆាប់ខឹងញឹកញាប់ជាងពីមុន ហើយមនុស្សជុំវិញខ្លួនជារឿយៗមិនយល់ពីមូលហេតុដែលអ្នកផ្លាស់ប្តូរនោះទេ។

៥. រោគសញ្ញាផ្លូវចិត្ត  

អ្នកដែលមានរោគសញ្ញានៃជំងឺធ្លាក់ទឹកចិត្តរួចហើយ ក៏នឹងត្រូវបានរកឃើញថាមានរោគសញ្ញានៃជំងឺវិកលចរិករួមទាំងការវង្វេង ឬ ភ្លេចភ្លាំងផងដែរ ហើយការវង្វេងនោះក៏មានជាលក្ខណៈច្រឡំថា មាននរណាម្នាក់កំពុងសម្លុត ឬចេតនាអាក្រក់លើខ្លួនឯង ដូចជាឮសំឡេងមនុស្សកំពុងនិយាយទាំងមិនមែនជាការពិត។ ទោះជាយ៉ាងណាក៏ដោយ រោគសញ្ញាទាំងនេះជាធម្មតាគ្រាន់តែជាបណ្តោះអាសន្នប៉ុណ្ណោះ នៅពេលព្យាបាល អារម្មណ៍សោកសៅនឹងប្រសើរឡើង រោគសញ្ញាផ្លូវចិត្តច្រើនតែធូរស្រាល ពេលព្យាបាលបានត្រឹមត្រូវ៕ ប្រភព៖ Sanook

បរទេស៖ តារាបង្ហាញម៉ូតលំដាប់ពិភពលោកម្នាក់នេះបានធ្វើឱ្យមហាជនចាប់អារម្មណ៍ជាខ្លាំងជាមួយនឹងសម្រស់ដ៏ស្រស់ស្អាត និងប្លែកភ្នែកដោយសារតែនាងមានជំងឺហ្សែន អាល់ប៊ីន (Albinism) ឬ ខ្មែរយើងនិយមហៅថាជំងឺផឿកតាំងពីកំណើរ។ ដោយសារតែសុខភាពចុះខ្សោយម្ដាយឪពុកនាងបោះបងនាងចោលតាំងពីនៅទារករហូតមានគេធានាយកទៅចិញ្ចឹម និងបានតស៊ូរហូតក្លាយជាតារាម៉ូដែល។

“Xue Li” ក្មេងស្រីអាយុ ១៧ ឆ្នាំនេះ ឈ្មោះរបស់នាងបានមកពី “Xue” មានន័យថាព្រិល និង “Li” មានន័យថាស្រស់ស្អាត នាងកើតមកមានជម្ងឺអាល់ប៊ីន (Albinism) ឬផឿក ដោយស្បែកនិងសក់ពណ៌សស្លេក រាងកាយរបស់នាងខ្សោយ ហេតុនេះហើយបានជាឪពុកម្ដាយរបស់នាងទុកនាងចោលនៅកុមារកំព្រាតាំងពីតូចក្មេង។ ប៉ុន្តែជាសំណាងល្អពេលនាងមានអាយុ៣ឆ្នាំ មានគ្រួសារដ៏សប្បុរសបាន យកនាងមកចិញ្ចឹម ហើយនាំនាងទៅប្រទេសហូឡង់ជាមួយគ្នា។

លុះដល់អាយុ ១១ ឆ្នាំ Xue Li បានចូលប្រឡូកក្នុងវិស័យម៉ូដែលដោយចៃដន្យ នៅពេលនោះជាមួយនឹងរូបរាងប្លែក ធ្វើឱ្យភ្នែករបស់អ្នករចនាម៉ូតចូលចិត្ត ដូច្នេះហើយគេបានបញ្ចុះបញ្ចូលនាងឱ្យចូលប្រឡូកក្នុងវិស័យបង្ហាញម៉ូដនេះ។

បន្ទាប់មក Xue Li បានក្លាយជាតារាម៉ូដែល រហូតមានមនុស្សជាច្រើនចង់ធ្វើការជាមួយ ហើយនាងត្រូវបានគេថតរូបឱ្យទស្សនាវដ្ដីដ៏ល្បីលើពិភពលោកដូចជា Vogue។

ទោះជាយ៉ាងណាដោយសារតែជំងឺអាល់ប៊ីន (Albinism) ធ្វើឱ្យ Xue Li មានបញ្ហាភ្នែក នាងអាចមើលឃើញត្រឹមតែ ៨-១០ ភាគរយប៉ុណ្ណោះ ដូច្នេះភ្នែករបស់នាងងាយនឹងចាញ់ពន្លឺខ្លាំងណាស់។ គ្រប់ពេលថតរូប អ្នកគ្រប់គ្រោង និងអ្នកថតរូបត្រូវតែប្រុងប្រយ័ត្នបន្ថែមជាមួយនឹងពន្លឺកាមេរ៉ា  ដូច្នេះហើយពួកគេតែងតែ បង្កើតនូវរូបភាពរបស់នាងភាគច្រើន តែងតែបិទភ្នែក។

ដំបូងឡើយ Xue Li មើលតែងតែគិត និងមានគំនិតមួយថាជំងឺអាល់ប៊ីន (Albinism) វាជាបិសាច ធ្វើឲ្យ នាងមានអារម្មណ៍សោកសៅយ៉ាងខ្លាំង ប៉ុន្តែវាមិនដូចជាអ្វីដែលនាងគិតកន្លងមកនោះទេ ព្រោះនេះជាអ្វីដែលព្រះប្រទានឱ្យ។

យ៉ាងណាមិញហេតុផលមួយក្នុងចំណោមហេតុផលដែល Xue នៅតែធ្វើការនៅក្នុងឧស្សាហកម្មម៉ូដែល ដោយសារតែនាងចង់លើកកម្ពស់ការយល់ដឹងអំពីជំងឺអាល់ប៊ីន(Albinism) ហើយចង់ផ្សព្វផ្សាយគំនិតនោះ ដល់ជនពិការផ្នែកពណ៌សម្បុរ ឬ មនុស្សដែលមានពណ៌មិនធម្មតា អាចចូលរួមក្នុងសង្គមដោយអារម្មណ៍បើកចំហផងដែរ។

ក្នុងនោះ Xue Li បានលើកឡើងថា៖

“ខ្ញុំចង់ឱ្យអ្នកផ្សេងទៀតដែលមានជំងឺអាល់ប៊ីន(Albinism) អ្នកពិការភាព ឬទម្រង់នៃភាពខុសគ្នាណាមួយ ទទួលស្គាល់ថាពួកគេអាចទទួលបាននូវភាពជោគជ័យ ខ្ញុំចង់ក្លាយជាអ្វី ឬចង់ធ្វើអ្វីដែលខ្ញុំចង់បាន ដូចខ្ញុំដែរ ខ្ញុំចូលចិត្តលេងកីឡា និងឡើងភ្នំ ហើយខ្ញុំក៏អាចធ្វើវាបានដែរ អ្នកផ្សេងទៀតអាចនិយាយថាអ្នកមិនអាចធ្វើរឿងទាំងនោះបានទេ ប៉ុន្តែតាមពិតអ្នកអាចធ្វើបាន សូមអ្នកសាកល្បងធ្វើវា”៕ ប្រភព៖ entertain

អន្តរជាតិ៖ សហរដ្ឋអាមេរិក បានព្រមានថានឹងកំទេចរបបដឹកនាំកូរេខាងជើងចោល បើសិនជាហ៊ានប្រើអាវុធនុយក្លេអ៊ែរ បាញ់ដាក់លើសហរដ្ឋអាមេរិកនិងប្រទេសសម្ព័ន្ធមិត្ត។ ការព្រមាននេះ បានធ្វើដោយរដ្ឋមន្ត្រីក្រសួងការពារជាតិអាមេរិកលោក ឡូយ អូស្ទីន (Lloyd Austin) គ្រាដែលភាពតានតឹងក្នុងដែនឧបទ្វីបកូរេកាន់តែកើនឡើងជាលំដាប់ ដោយសារតែកូរេខាងជើងបានខឹងនឹងការធ្វើសម យុទ្ធយោធារវាងសហរដ្ឋអាមេរិកនិងកូរេខាងត្បូង។

កូរ៉េខាងជើងបានបាញ់គ្រាប់កាំភ្លើងធំប្រមាណ៨០គ្រាប់បន្ថែមទៀត ចូលទៅក្នុងតំបន់ព្រំដែនសមុទ្ទទាំងកណ្តាលយប់ ខណៈដែលរដ្ឋមន្ត្រីក្រសួងការពារជាតិអាមេរិកនិងរដ្ឋមន្ត្រីការ ពារជាតិកូរេខាងត្បូងបានប្តេជ្ញាចិត្តបង្ហាញការប្រឈមមុខរបស់ខ្លួនក្នុងស្ថានភាពដែលកូរេខាង ជើងបានបាញ់មីស៊ីលនិងបាញ់កាំភ្លើងធំគម្រាមកំហែង។ ការបាញ់កាំភ្លើងធំជាង៨០គ្រាប់នេះ បានធ្វើឡើងទន្ទឹមនឹងសហរដ្ឋអាមេរិក បានព្រមានថា គេនឹងកំទេចរបបដឹកនាំកូរេខាងជើងចោល បើសិនជាហ៊ានប្រើ អាវុធនុយក្លេអ៊ែ័របាញ់ដាក់ លើសហរដ្ឋអាមេរិកនិងប្រទេសសម្ព័ន្ធមិត្ត។

កូរេខាងជើងបានទាមទារឱ្យសហរដ្ឋអាមេរិកនិងកូរេខាងត្បូង ត្រូវបញ្ឈប់ការធ្វើសមយុទ្ធយោធា ដែលការទាមទារនោះបានធ្វើឡើងតាមរយៈការបាញ់គំរាមគ្រាប់មីស៊ីលបាលីស្ទីក និងគ្រាប់កាំភ្លើងត្បាល់ជាច្រើនដាក់ចូលមកក្នុងតំបន់ដែនសមុទ្ទ ប៉ុន្តែសហរដ្ឋអាមេរិកនិងកូរ៉េខាងត្បូង ធ្វើមិនដឹងមិនឮនិងមិនព្រមបញ្ឈប់ការធ្វើសមយុទ្ធយោធារបស់ខ្លួននោះឡើយ។ សមយុទ្ធយោធារវាងសហរដ្ឋ អាមេរិកនិងកូរេខាងត្បូងដែលមុននេះ ត្រៀមគ្រោងនឹងបញ្ចប់ នៅថ្ងៃសុក្រទី៤វិច្ឆិកាទៅហើយនេះ ត្រូវបានបន្តធ្វើទៅមុខបន្ថែមទៀត ដែលទង្វើនេះបានបញ្ឆេះកំហឹងកូរេខាងជើងកាន់តែខ្លាំង។ លើសពីនោះរដ្ឋមន្ត្រីការពារជាតិអាមេរិកលោក ឡូយ អូស្ទីន​ (Lloyd Austin) និងរដ្ឋមន្ត្រីការពារជាតិកូរេខាងត្បូងលោក លី ជុងស៊ុប (Lee Jong-sup) ក៏ជួបគ្នា នៅក្រសួងការពារជាតិអាមេរិកក្នុងរដ្ឋធានីវ៉ាស្ហ៊ីនតោន ដោយរដ្ឋមន្ត្រីការពារជាតិនៃប្រទេសទាំង២ បានប្តេជ្ញាចិត្តក្នុងការត្រូវបន្តប្រឈមមុខចំពោះការធ្វើតេស្តមីស៊ីលរបស់កូរ៉េខាងជើង ថែមទៀតបើទោះបីជាមានសម្តីព្រមាននិងការបាញ់គំរាម។

រដ្ឋមន្ត្រីការពារជាតិអាមេរិកបានថ្លែងប្តេជ្ញាការពារកូរេខាងត្បូងនិងថ្កោល ទោសប្រទេសកូរ៉េខាងជើង។ លោក ឡូយ អូស្ទីន​​ (Lloyd Austin) បានថ្លែងប្រាប់ទៅរដ្ឋមន្ត្រីការពារជាតិកូរេខាងត្បូងថាសហរដ្ឋអាមេរិក ប្តេជ្ញាការពារកូរេខាងត្បូង និងធានាប្រាកដថានឹងមិនមានប្រទេសណាដែលនឹងអាចប៉ះលើ កូរេខាងត្បូងបានឡើយ។ លោកបានថ្លែងថាសហរដ្ឋអាមេរិកនឹងប្តេជ្ញាប្រឆាំងផងដែរចំពោះ ប្រទេសណាដែលហ៊ានប្រើឧបករណ៍នុយក្លេអ៊ែ័រ។

កូរ៉េខាងជើងបានបាញ់មីស៊ីលជាច្រើនគ្រាប់ចូលទៅក្នុងសមុទ្រកាលពីថ្ងៃព្រហស្បតិ៍ រួមទាំង មីស៊ីលផ្លោងអន្តរទ្វីប ICBM ដែលគេសង្ស័យថាជាគ្រាប់ខូច។ ទោះបីជាមានការបាញ់និងការ គំរាមរបស់កូរេខាងជើង សមយុទ្ធឈ្មោះ វីជីលែន ស្ទម (Vigilant Storm) ដែលបានចាប់ផ្តើមតាំងពីថ្ងៃទី៣១ តុលានៅតែបន្ត និងកាន់តែបន្ថែមថ្ងៃ។ សមយុទ្ធ វីជីលែន ស្ទម (Vigilant Storm) បានចួលរួមដោយយន្តហោះ ២៤០គ្រឿង និងបុគ្គលិកយោធាច្រើនពាន់នាក់ដោយប្រទេសទាំង២ និងសមយុទ្ធនេះ ត្រូវគេ ចាត់ទុកថាជាសមយុទ្ធបង្ហាញនូវកម្លាំងដ៏ធំបង្អស់មួយមិនធ្លាប់មាន ដែលការបង្ហាញនូវកម្លាំង នេះហើយ បានធ្វើឱ្យកូរេខាងជើងកាន់តែផ្ទុះកើនឡើងនូវកំហឹង។

ក្រោយមានសេចក្តី រាយការណ៍បង្ហាញថាសមយុទ្ធយោធារវាងសហរដ្ឋអាមេរិកនឹងមិនទាន់បញ្ឈប់ ហើយថែមទាំងបន្តដោយមិនបញ្ចប់តាមគម្រោងដាក់ចេញនៅថ្ងៃសុក្រនោះ កូរ៉េខាង ជើងបានបាញ់គ្រាប់ កាំភ្លើងត្បាល់ប្រមាណជាង៨០គ្រាប់ដាក់ចូលក្នុងដែនសមុទ្ទថែមទៀត។ កូរ៉េខាងត្បូង បានប្រញាប់ចេញសារព្រមានទៅកូរេខាងជើងវិញ ជុំវិញការបន្តបាញ់កាំភ្លើងត្បាល់ ចុងក្រោយនេះ។

នៅក្នុងកិច្ចប្រជុំក្នុងមន្ទីរបញ្ចកោណនាទីក្រុងវ៉ាស៊ីនតោន រដ្ឋមន្ត្រីការពារជាតិអាមេរិក លោក ឡូយ អូស្ទីន (Lloyd Austin) និងរដ្ឋមន្ត្រីការពារជាតិកូរ៉េខាងត្បូង លោក លី ជុងស៊ុប (Lee Jong-sup) បានសន្យាស្វែងរក វិធានការថ្មី ដើម្បីបង្ហាញពី “ការប្តេជ្ញាចិត្ត និងសមត្ថភាព” របស់សម្ព័ន្ធមិត្ត បន្ទាប់ពីការបង្ក ហេតុពីកូរ៉េខាងជើងម្តងហើយម្តងទៀតមិនចេះចប់។ កូរ៉េខាងត្បូង និងសហរដ្ឋអាមេរិកនៅបាននិយាយសង្ស័យផងដែរថាកូរ៉េខាងជើង អាចនឹងបញ្ចប់ការរៀបចំបច្ចេកទេសដើម្បីការត្រៀមសាកល្បងអាវុធនុយក្លេអ៊ែររបស់ខ្លួនហើយនាពេលនេះ និងការសាកល្បងអាវុធនុយក្លេអ៊ែ័ររបស់កូរេខាងជើងនឹងអាចធ្វើនាពេលខាងមុខ នេះក្នុងថ្ងៃណាមួយជាមិនខាន។ កូរ៉េខាងជើងក្នុ្ងងសប្តាហ៍នេះ បានថ្កោលទោសយ៉ាងខ្លាំងក្លាចំពោះ ការធ្វើសមយុទ្ធយោធា របស់សហរដ្ឋអាមេរិកនិងក្រុមសម្ព័ន្ធមិត្ត។ កូរ៉េខាងជើងបានទាមទារម្តងហើយម្តងទៀតឱ្យសហរដ្ឋអាមេរិកនិងក្រុមសម្ព័ន្ធមិត្តត្រូវបញ្ឈប់ នូវការធ្វើសមយុទ្ធដែលក្រុងព្យុងយ៉ាងចាត់ទុក ថាសមយុទ្ធនោះគឺការបង្កហេតុផ្នែកយោធា និងការចង់ឈ្លានពានមកលើកូរេខាងជើង។ កូរ៉េខាងជើង បានព្រមានថា គេនឹងមិនអាចអត់ ឱនបានឡើយ” ចំពោះការធ្វើសមយុទ្ធយោធារបស់សហរដ្ឋអាមេរិកជាមួយ នឹងកូរ៉េខាងត្បូងនោះ។ រដ្ឋាភិបាលក្រុងព្យុងយ៉ាងបាន ចេញសេចក្តីថ្លែងការណ៍បញ្ជាក់ថាបើសិនជាសហរដ្ឋ អាមេរិកចចេសបន្តក្នុងការបង្កហេតុយោធា, កូរេខាងជើងនឹងចាត់វិធានការបន្តនូវឥទ្ធិពល យោធារបស់ខ្លួនជាបន្ថែមដើម្បីធ្វើការប្រឆាំងតបត។ ប៉ុន្តែទោះបីមានសម្តីព្រមាននិងការបាញ់ មីស៊ីលបង្ហាញឥទ្ធិពលយ៉ាងណាក្តី, សហរដ្ឋអាមេរិកនិងកូរេខាងត្បូង ស្រាប់តែបន្តពន្យាពេល ធ្វើសមយុទ្ធបន្ថែមទៀត។

មន្ត្រីជាន់ខ្ពស់របស់កូរេខាងជើង លោក ប៉ាក ជុងឆន (Pak Jong Chon) លេខាធិការនៃគណៈកម្មាធិការ កណ្តាលនៃគណបក្សពលករដែលកំពុងកាន់អំណាចក្នុងប្រទេសកូរ៉េខាងជើងបានចាត់ទុក ការសម្រេចចិត្តបន្តធ្វើសមយុទ្ធយោធារបស់សហរដ្ឋអាមេរិកនិងកូរេខាងត្បូងនេះ ថាជា «ការសម្រេចចិត្តដ៏គ្រោះថ្នាក់បំផុត» និងថាការសម្រេចចិត្តនេះ កំពុង “រុញ” ស្ថានភាពដើរចេញ ពីការគ្រប់គ្រងរបស់វាហើយ។ លោក ប៉ាក ជុងឆន (Pak Jong Chon) បានថ្លែងថា “សហរដ្ឋអាមេរិក និងកូរ៉េខាងត្បូងគង់នឹងដឹងថា ពួកគេ បានធ្វើកំហុសដ៏អាក្រក់មួយដែលមិនអាចវិលត្រឡប់វិញបានឡើយ”។

ក្រុមអ្នកការទូតបាននិយាយថា សហរដ្ឋអាមេរិក បានស្នើឱ្យក្រុមប្រឹក្សាសន្តិសុខអង្គការសហ ប្រជាជាតិធ្វើការកោះប្រជុំជាសាធារណៈមួយលើប្រទេសកូរ៉េខាងជើង នៅថ្ងៃសុក្រនេះ ដែល សំណើនេះបានគាំទ្រដោយសមាជិកក្រុមប្រឹក្សាផ្សេងទៀតដូចជាចក្រភពអង់គ្លេស បារាំង អាល់បានី អៀរឡង់ និងប្រទេសន័រវែស។ កូរ៉េខាងជើង ត្រូវបានក្រុមប្រឹក្សាសន្តិសុខអង្គការសហប្រជាជាតិ ហាមឃាត់ជាយូរមកហើយ ដោយមិនឱ្យមានការសាកល្បងនុយក្លេអ៊ែរ និងការបាញ់មីស៊ីលបាលីស្ទីកឡើយ។ ក្រុមប្រឹ ក្សាសន្តិសុខថែមទាំងបានពង្រឹងការដាក់ទណ្ឌកម្មជាច្រើនថែមទៀតលើក្រុងព្យុងយ៉ាងក្នុង រយៈពេលជាច្រើនឆ្នាំមកហើយនេះ ដើម្បីព្យាយាមកាត់ផ្តាច់មូលនិធិទាំងអស់ ដើម្បីមិនឱ្យ កូរេខាងជើងអាចមានលទ្ធភាពធ្វើកម្មវិធីអាវុធទាំងនោះបានឡើយ។ ទោះបីជាយ៉ាងណាក៏ដោយ ក្នុងរយៈពេលប៉ុន្មានឆ្នាំថ្មីៗនេះ ក្រុមប្រឹក្សាសន្តិសុខដែលមានសមាជិក ១៥ប្រទេស ត្រូវបានបែកខ្ញែកគ្នាជុំវិញការរកដំណោះស្រាយដល់កូរេខាងជើងនោះ។ ក្រោយមកនៅក្នុងខែឧសភា ប្រទេសចិន និងរុស្ស៊ី បានបោះឆ្នោតប្រឆាំងលើការជំរុញ ដែលដឹកនាំដោយសហ រដ្ឋអាមេរិក ដើម្បីរកការដាក់ទណ្ឌកម្មបន្ថែមទៀតរបស់អង្គការសហប្រជាជាតិ ចំពោះការ បាញ់មីស៊ីលរបស់កូរ៉េខាងជើង។

រដ្ឋបាលអាមេរិកលោក ចូ បៃដិន បានថ្លែងថា ទោះជាយ៉ាងណាក៏ដោយសហរដ្ឋអាមេរិកនៅតែ បើកទ្វារច្រកការទូតរបស់ខ្លួនជានិច្ច ប៉ុន្តែបញ្ជាក់ថានៅចំពោះមុខពេលនេះ គ្មានការជជែក ចរចាឡើយក្រៅពីការរៀបចំយុទ្ធសាស្ត្រដើម្បីទប់ទល់។

រដ្ឋមន្ត្រីការពារជាតិអាមេរិក លោក ឡូយ អូស្ទីន​ (Lloyd Austin) បានបោះសម្តីព្រមានដល់កូរេខាងជើងកាល ពីថ្ងៃទី៣ ខែវិច្ឆិកា ថា បើសិនណាជារដ្ឋាភិបាលក្រុងព្យុងយ៉ាងហ៊ានតែប្រើអាវុធនុយក្លេអ៊ែរ បាញ់ប្រហារដាក់មកលើសហរដ្ឋអាមេរិកឬក្រុមសម្ព័ន្ធមិត្ត នោះគឺជាពេលវេលានៃទីបញ្ចប់នៃរបបដឹកនាំរបស់លោក គីមជុង អ៊ុន​ ៕