ប្រទេសថៃ៖ CHAN Nature Cafe ជាហាងកាហ្វេ ដ៏ស្រស់ស្អាតដ៏ពេញនិយមបំផុតមួយ នៅក្នុងខេត្ត កាន ចាន់បុរី(Kanchanaburi) នៃប្រទេសថៃ ជាធម្មតាទីនេះមានភាពល្បីល្បាញដោយសារបរិយាកាសដ៏ស្រស់ស្អាតរបស់វា ដែលព័ទ្ធជុំវិញដោយភ្នំ និងមានវាលផ្កាដ៏ស្រស់ស្អាតនៅទីនោះ ប៉ុន្តែក្នុងឱកាសបុណ្យឆ្លងឆ្នាំនេះ CHAN Nature Cafe មានអ្វីពិសេសបន្ថែមទៀតសម្រាបឱ្យបងប្អូនអ្នកទេសចរទៅកម្សាន្តដោយរីករាយ។

CHAN Nature Cafe ទីតាំងកម្សាន្តដ៏ទាក់ទាញនៅក្នុង ឃុំកាំងសៀន ស្រុកមឿង ខេត្តកានចាន់បូរី នៃប្រទេសថៃ។ ពិតណាស់ភ្ញៀវទេសចរតែងតែមកកម្សាន្តនៅទីនេះមិនចេះដាច់ជាមួយនឹងការមកទទួលយកនូវបទពិសោធនៃធម្មជាតិ ស្រស់ថ្លា ជាពិសេសមកអង្គុយញ៉ាំការហ្វេគយគន់នូវវាលផ្កាចម្រុះពណ៌ដ៏ស្រស់ស្អាត ហាក់ដូចជាឋានសួគ៌ក្រោមមេឃ។

ប៉ុន្តែអ្វីដែលកាន់តែពិសេសជាងនេះទៅទៀតនៅក្នុងឱកាសបុណ្យ ឆ្លងឆ្នាំនេះ CHAN Nature Cafe មានអ្វីដែលពិសេសបន្ថែមទៀតសម្រានឱ្យបងប្អូនអ្នកទេសចរមកកម្សាន្តដោយរីករាយ និងប្លែកអារម្មណ៍ដោយសារតែ ហាងកាហ្វេនេះបានរៀបចំនូវដើមណូអែល ដោយអ្នកនឹងបានឃើញការតុបតែងបែប Santa, Snowman និងបុណ្យណូអែលយ៉ាងពេញទំហឹង។

ក្នុងនោះរួមជាមួយនឹងផ្លូវរូងក្រោមដីផ្កា សាគូរ៉ាពណ៌ផ្កាឈូកដ៏រ៉ូមែនទិកសម្រាប់ភ្ញៀវទេសចរមកទស្សនា ក៏ដូចជាមានការតាំងបង្ហាញពន្លឺចម្រុះពណ៌នាពេលរាត្រី ដែលមានឈ្មោះថា LIGHT OF NATURE ដែលនឹងតុបតែងជ្រលងភ្នំនៃតំបន់នេះជាមួយនឹង ផ្ការីកស្គុះស្គាយ អមដោយភ្លើងពណ៌ដ៏អស្ចារ្យនាពេលរាត្រី។

គួរបញ្ជាក់ថាព្រឹត្តិការណ៍នេះនឹងចាប់ផ្តើមពីថ្ងៃនេះ ដល់ថ្ងៃទី ២ ខែមករា ឆ្នាំ២០២៣  ដូច្នេះអ្នកអាចរីករាយជាមួយបរិយាកាសបុណ្យណូអែលជារៀងរាល់ថ្ងៃ ពេញមួយខែ។

តោះអ្នកណាខ្លះដែលកំពុងស្វែងរក កន្លែងដ៏ទាក់ទាញសម្រាបទេសចរណ៍នៅប្រទេសថៃ ក្នុងឱកាសឆ្លងឆ្នាំដ៏រីករាយនេះ សូមកុំមើលរំលងហាងកាហ្វេ CHAN Nature Cafe ដែលមានការតុបតែងបុណ្យណូអែលយ៉ាងអស្ចារ្យក្នុងការរង់ចាំលោកអ្នកមកសម្រាន្ត៕ ប្រភព៖ Sanook

អត្ថបទដោយ៖ យិត ម៉ានិល

កាលពីពេលអ្នកវិទ្យាសាស្ត្រ បានរកឃើញវីរុសថ្មីៗចំនួន១៣ មានអាយុកាលជាង ៤៨,៥០០ឆ្នាំ នៅក្រោមបឹងទឹកកកដែលគេហៅថា Permafrost ។

វីរុសនេះបានរស់ឡើងវិញ និង កំណត់លក្ខណៈនៃមេរោគថ្មីចំនួន១៣ ដែលគេហៅថា «Zombie Viruses» អ្នកវិទ្យាសាស្រ្តអឺរ៉ុបមកពីប្រទេសរុស្ស៊ី អាល្លឺម៉ង់ និង បារាំង បានសង្កេតឃើញថា វីរុសនេះនៅតែអាចឆ្លង ទោះបីជាវាកប់ជាប់ក្រោមស្រទាប់ដីកកអស់រយៈពេលរាប់ពាន់ក៏ដោយ។

បច្ចុប្បន្ននេះអ្នកវិទ្យាសាស្រ្តកំពុងតែស្ដែងការព្រួយបារម្ភជាខ្លាំងពាក់ព័ន្ធនឹងបញ្ហានេះ ដោយសង្កត់ធ្ងន់ថា ប្រសិនបើផែនដីក្ដៅខ្លាំងផ្ទាំងទឹកកកអាចនឹងរលាយ ហើយមេរោគនេះអាចនឹងលេចចេញហើយឆ្លងរាតត្បាតដល់មនុស្ស សត្វ ក្នុងសកលលោកទាំងមូល។

តែយ៉ាងណាមិញ លោកយាយពិការភ្នែក Baba Vanga បានទាយទុកមុនរួចហើយថា នៅឆ្នាំ ២០២២ នេះ អ្នកវិទ្យាសាស្ត្រនឹងរកឃើញវីរុស Zombie។ លោកយាយបានសង្កត់ធ្ងន់ថែមទៀតថា វីរុស Zombie​ កាចសាហាវជាងគេ គឹនៅតំបន់ ស៊ីបេរី៕

ប្រភព៖ India Times

បរទេស៖ មានការបំផ្ទុះគ្រាប់បែកលើសាលាសាសនានៅភាគខាងជើងអាហ្វហ្គានីស្ថាន ដែលបានបណ្តាលឱ្យមនុស្សយ៉ាងហោចណាស់ ១៧ នាក់បានស្លាប់ និងរាប់សិបនាក់ទៀតបានរងរបួស ដែលភាគច្រើនជាសិស្សស្ថិតក្នុងអាយុចន្លោះពី ៩ ទៅ ១៥ឆ្នាំ ។

នាថ្ងៃទី១ ខែធ្នូ ឆ្នាំ២០២២ របាយការណ៍ពីសារព័ត៌មាន BBC បានឱ្យដឹងថា មានការបំផ្ទុះគ្រាប់បែកមួយបានកើតឡើងនៅ Eibach ក្នុងខេត្ត Samankan នៅភាគខាងជើង ប្រទេសអាហ្វហ្គានីស្ថាន។

ការវាយប្រហារនេះស្ថិតនៅក្នុងសាលារៀនបង្រៀនសាសនាមួយកន្លែង ដែលវាបានបណ្ដាលឱ្យមនុស្សយ៉ាងតិចណាស់ ១៧នាក់បានស្លាប់ និង ២៦នាក់រងរបួសស្ថិតក្នុងស្ថានភាពធ្ងន់ធ្ងរ។

បើយោងតាម វេជ្ជបណ្ឌិតនៅមន្ទីរពេទ្យក្នុងស្រុក បានបញ្ជាក់ថាស្ទើរតែទាំងអស់នៃជនរងគ្រោះភាគច្រើនជាកុមារសិស្សសាលាដែលមានអាយុចន្លោះពី ៩ ទៅ ១៥ឆ្នាំ។

ទោះជាយ៉ាងណាអ្នកនាំពាក្យក្រសួងមហាផ្ទៃ អាហ្វហ្គានីស្ថានលោក Abdul Nafi Takhur បាននិយាយបន្ថែមថា កងកម្លាំងសន្តិសុខតាលីបង់កំពុងស៊ើបអង្កេតលើរឿងនេះ និងបានសន្យាថានឹងកំណត់មុខ សញ្ញាជនដៃដល់ និង នាំខ្លួនមកកាត់ទោសតាមផ្លូវច្បាប់ ខណៈពេលដែលមកទល់ពេលនេះ នៅមិនទាន់មានក្រុមណាអះអាងថាអ្នកនៅពីក្រោយការវាយប្រហារ ដោយគ្រាប់បែកនេះជាអ្នកណានៅឡើយទេ។

គួររំលឹកថា អាហ្វហ្គានីស្ថានបានប្រឈមមុខនឹងការ វាយប្រហារដោយគ្រាប់បែករាប់សិបលើកមកហើយ ចាប់តាំងពីក្រុមតាលីបង់បានឡើងកាន់អំណាចកាលពីខែសីហាឆ្នាំមុន ដោយការវាយប្រហារភាគច្រើន ដោយក្រុម ISIS-K ដែលជាសាខារបស់ក្រុមសកម្មប្រយុទ្ធរដ្ឋឥស្លាម ធ្លាប់បានអះអាងទទួលខុសត្រូវកន្លងមក៕ ប្រភព៖ Thairath

អត្ថបទដោយ៖ យិត ម៉ានិល

ប្រទេសបារាំង៖ នំបុ័ង Baguettes របស់ប្រទេសបារាំងមួយនេះត្រូវបានគេធ្វើការចុះក្នុងអង្គកាយូណេស្កូ(UNESCO) ដោយដាក់បញ្ជូលជាបេតិកភណ្ឌវប្បធម៌អរូបី ព្រោះនំបុ័ងនេះមានសារៈសំខាន់ខ្លាំងចំពោះវប្បធម៌អាហារបារាំង ហើយបច្ចុប្បន្នក៏កំពុងពេញនិយមនៅទូទាំងពិភពលោកផងដែរ។

ទីភ្នាក់ងារ ព័ត៌មាន BBC បានរាយការណ៍ថាកាលពីថ្ងៃទី ៣០ ខែវិច្ឆិកា ឆ្នាំ២០២២ អង្គការយូណេស្កូ ប្រកាសជាផ្លូវការ អំពីនំប៉័ងរបស់បារាំង “Baguette” ត្រូវបានការពារនៅក្នុងបញ្ជីនៃ “បេតិកភណ្ឌវប្បធម៌អរូបី” ចាប់តាំងពីនំបុ័ង Baguette គឺជានំបុ័ងដែលត្រូវបានបង្កើតឡើង ដោយប្រាជ្ញាក្នុងការធ្វើម្ហូប ព្រមទាំងជាឧត្តមភាព ក្នុងសិល្បៈនៃការដុតនំតាមស្ដង់ដាចំនួន ៨០ សង់ទីម៉ែត្រ និង ២៥០ ក្រាមនៃនំមួយដើម ដែលវាជាវេទមន្តនិងភាពល្អឥតខ្ចោះនៃរបៀបធ្វើនំបុ័ងរបស់បារាំង ក៏ដូចជាវប្បធម៌អស់រយៈពេលជាង ១០០ ឆ្នាំមកហើយ។

ជាមួយគ្នានោះលោក Audrey Azolay អគ្គនាយកអង្គកាយូណេស្កូ បានមានប្រសាសន៍ថា Baguetteមានសារៈសំខាន់ខ្លាំងណាស់ចំពោះវប្បធម៌ម្ហូបអាហាររបស់បារាំង បច្ចុប្បន្ននេះប្រទេសបារាំងផលិតបានជាង ១៦ លាននៃនំបុ័ង Baguetteនេះក្នុងមួយថ្ងៃ ដែលវាគឺជាធាតុផ្សំដ៏សំខាន់នៅក្នុងរចនាសម្ព័ន្ធអាហាររបស់បារាំង និងជានិមិត្តសញ្ញានៃការចែករំលែក និងភាពរីករាយ បន្ថែមពីនោះ Baguette គឺជានំប៉័ងដែលមនុស្សទូទាំងពិភពលោកចូលចិត្តផងដែរ។

យ៉ាងណាមិញហេតុផលខាងលើនេះហើយដែលជាមូលហេតុក្នុងការសម្រេចដាក់នំប៉័ងរបស់បារាំង “Baguette” បញ្ជូលជាបេតិកភណ្ឌវប្បធម៌អរូបី ក្នុងអង្គការយូណេស្កូ៕ ប្រភព៖ ​Thairath

អត្ថបទដោយ៖ យិត ម៉ានិល

អន្តរជាតិ៖ អាជ្ញាធរនៅទីក្រុងក្វាងចូវ របស់ប្រទេសចិនបានបន្ធូរបន្ថយការរឹតត្បិតជំងឺ COVID-19 មួយថ្ងៃបន្ទាប់ពីបាតុករនៅក្នុងទីក្រុងភាគខាងត្បូងបានប៉ះទង្គិចជាមួយប៉ូលិសចំពេលមានការតវ៉ាប្រឆាំងនឹងវិធានការតឹងរ៉ឹងរបស់ទីក្រុងប៉េកាំងដើម្បីគ្រប់គ្រងការរាតត្បាតនៃមេរោគឆ្លង។

ប្រទេសចិនបានដាក់ការរឹតបន្តឹងការធ្វើដំណើរ ហើយបានធ្វើការធ្វើតេស្តទ្រង់ទ្រាយធំដែលជាផ្នែកមួយនៃគោលនយោបាយ “សូន្យ-COVID” របស់ខ្លួនដែលកំពុងបង្កើតកំហឹងកើនឡើង។ ការដាក់កំហិតលើកូវីដត្រូវបានបន្ធូរបន្ថយនៅក្នុងផ្នែកភាគច្រើននៃពិភពលោក។

បាតុកម្មដែលបានរីករាលដាលកាលពីចុងសប្តាហ៍ទៅកាន់ទីក្រុងសៀងហៃ ទីក្រុងប៉េកាំង និងកន្លែងផ្សេងទៀតបានក្លាយទៅជាការបង្ហាញពីការផ្គើនជាសាធារណៈដែលមិនធ្លាប់មានពីមុនមកចាប់តាំងពីប្រធានាធិបតី ស៊ី ជីនពីង (Xi Jinping) ឡើងកាន់អំណាចក្នុងឆ្នាំ២០១២ ។

ទីក្រុង Chongqing ភាគនិរតីនឹងអនុញ្ញាតឱ្យទំនាក់ទំនងជិតស្និទ្ធរបស់មនុស្សដែលមានជំងឺ COVID-19 ដែលបំពេញលក្ខខណ្ឌមួយចំនួន ឱ្យនៅដាច់ដោយឡែកពីគេនៅផ្ទះ។

ប៉ុន្តែជាមួយនឹងចំនួនកំណត់ត្រានៃករណីនៅទូទាំងប្រទេស ហាក់ដូចជាមានក្តីសង្ឃឹមតិចតួចនៃការផ្លាស់ប្តូរដ៏សំខាន់នៅក្នុងគោលនយោបាយ “សូន្យ-COVID” ដែលប្រធានាធិបតីស៊ី បាននិយាយថាបានជួយសង្គ្រោះជីវិត ៕