ភ្នំពេញ៖ លោក គង់ វិបុល រដ្ឋមន្ដ្រីប្រតិភូអមនាយករដ្ឋមន្ដ្រី និងជាប្រតិភូរាជរដ្ឋាភិបាល ទទួលបន្ទុកជាអគ្គនាយក នៃអគ្គនាយកដ្ឋានពន្ធដារ បានលើកឡើងថា ទោះបីជាស្ថិតក្នុងស្ថានភាពកូវីដ-១៩ ក៏អគ្គនាយកដ្ឋានពន្ធដារ នៅតែអាចសម្រេចបាន ការប្រមូលចំណូលពន្ធលើសផែនការ ដែលតម្រូវដោយច្បាប់។

ការលើកឡើងបែបនេះ ធ្វើឡើងក្នុងឱកាសដែល លោក គង់ វិបុល ជួបពិភាក្សាជាមួយលោកស្រី Anette Landen ប្រធាននាយកដ្ឋានគ្រប់គ្រងអ្នកជាប់ពន្ធធំ នៃទីភ្នាក់ងារពន្ធដារស៊ុយអែត ព្រមទាំងជំនាញការ STA នៅអគ្គនាយកដ្ឋានពន្ធដារ នៅថ្ងៃទី០២ ខែធ្នូ ឆ្នាំ២០២២។

លោក គង់ វិបុល បានបញ្ជាក់ថា «ទោះបីជាស្ថិតក្នុងស្ថានភាពនៃការរីករាលដាលនៃកូវីដ-១៩ ក៏ដោយ ក៏អគ្គនាយកដ្ឋានពន្ធដារ នៅតែអាចសម្រេចបានការប្រមូលចំណូលពន្ធ លើសផែនការដែលតម្រូវ ដោយច្បាប់ ដោយសារតែមានការធ្វើទំនើបកម្មនៃរដ្ឋបាលសារពើពន្ធ ដូចជា ប្រព័ន្ធ E-Filing និង E-Document Submission System ជាដើម»។

ទន្ទឹមនេះ លោកស្រី Anette Landen ក៏បានជម្រាបជូនលោករដ្ឋមន្ត្រី ប្រតិភូអមនាយករដ្ឋមន្ត្រីវិញផងដែរថា ស្ថានភាពនៃការធ្វើអាជីវកម្មនៅក្នុងប្រទេសស៊ុយអែត ពុំសូវទទួលរងផលប៉ះពាល់ខ្លាំងដោយសារ ការរីករាលដាលនៃកូវីដ-១៩ នេះទេ ពីព្រោះតែពុំមានការបិទខ្ទប់ទាំងស្រុង។ ហេតុនេះការប្រមូលចំណូលពន្ធ ក៏ពុំសូវទទួលរងផលប៉ះពាល់ខ្លាំងផងដែរ។

លោក គង់ វិបុល ក៏បានលើកឡើងផងដែរថា ជោគជ័យរបស់អគ្គនាយកដ្ឋានពន្ធដារ ក្នុងការសម្រេចបានការប្រមូលចំណូលលើសផែនការ មួយផ្នែក គឺបានមកពីការចូលរួមចំណែករបស់ STA តាមរយៈសមិទ្ធិផលនានា ដែលសម្រេចបាននៅក្រោមគម្រោងកិច្ចសហប្រតិបត្តិការរវាងអគ្គនាយកដ្ឋានពន្ធដារនិង STA នេះ។

លោកថា ជាក់ស្ដែង សមិទ្ធិផលដ៏សំខាន់មួយ ដែលសម្រេចបាននៅក្រោមគម្រោងកិច្ចសហប្រតិបត្តិការនេះ គឺការធ្វើឲ្យប្រសើរឡើងនូវសេវាអ្នកជាប់ពន្ធ ដោយមានការបង្កើតនូវមជ្ឈមណ្ឌល ផ្តល់សេវាពិគ្រោះយោបល់តាមទូរស័ព្ទ (Call-Center)នៅក្នុងឆ្នាំ២០១៨។

លោករដ្ឋមន្ត្រីប្រតិភូអមនាយករដ្ឋមន្ត្រី បានបន្ថែមថា ស្ថិតិនៃការសាកសួរព័ត៌មានតាមរយៈ Call-Center នេះមាននិន្នាការធ្លាក់ចុះពីមួយឆ្នាំទៅមួយឆ្នាំ ដែលនេះជាការបញ្ជាក់ឲ្យឃើញថា អ្នកជាប់ពន្ធមានការ យល់ដឹងច្រើនជាងមុនពីកាតព្វកិច្ចបង់ពន្ធរបស់ខ្លួន ដើម្បីជំរុញការសិក្សាបន្ថែមទៀត អំពីបច្ចេកវិទ្យា និងបញ្ហាពាក់ព័ន្ធពន្ធផ្សេងៗ។

លោកបានស្នើឲ្យមានដំណើរទស្សនកិច្ចសិក្សា របស់គណៈប្រតិភូអគ្គនាយកដ្ឋានពន្ធដារ ដែលដឹកនាំដោយលោករដ្ឋមន្ត្រីប្រតិភូអមនាយករដ្ឋមន្ត្រី ផ្ទាល់ទៅកាន់ STA នៅឆ្នាំ២០២៣។ ជាការឆ្លើយតប លោកស្រី Anette Landen បានទទួលយកសំណើនេះ ដើម្បីជម្រាបជូនលោកសី Katrin Westling Palm អគ្គនាយកនៃ STA តាមការស្នើសុំរបស់ លោករដ្ឋមន្ត្រីប្រតិភូអមនាយករដ្ឋមន្ត្រី៕

លើកទី១ហើយបានស្គាល់លុយក្លែងក្លាយ ចុឹងតើបានចេះញាក់ភ្នែកឆ្វេងមានរឿងអី សូមញាតិញោមអ្នកលក់អ្នកទិញប្រុងប្រយ័ត្ន ព្រមទាំងករុណាគុណម្ចាស់ផង។
បងស្រីម្នាក់គាត់បានប្រគេនបច្ច័យចូលកសាង ប៉ះចំលុយក្លែងក្លាយ គាត់ថាចូលកសាង 30$ ប្រគេន 20$ =50$ ហើយគាត់សួរអាត្មាថាតេជគុណមានលុយអាប់អត់ ? អាត្មាថាអត់មានទេញោម ឃើញគាត់អង្វរថាពិបាកកាណាចង់ចូលបច្ច័យ ករុណាចង់ចូលបុណ្យកសាង ហើយអាត្មាក៏មិនអស់ចិត្តក៏យកបច្ច័យ 20មុឺនសម្រាប់ទុកថ្លៃឈ្នួលជាងអាប់អោយ គាត់បានយក20មុឺនដែលអាប់ហើយទុកក្នុងកាបូបគាត់ ហើយគាត់ប្រគេន 50$ ហើយថែម 50$ ទាំងអស់ 100$ លុយក្លែងក្លាយទាំងអស់ អាត្មាមានអារម្មណ៍ថាគាត់បោក តែមានអីមើលទៅលុយក្លែងក្លាយមែន ចុឹងសូមទូលប្រគេនជូនដំណឹងតាមបណ្តាលវត្តគួរតែប្រុងប្រយ័ត្ន បងប្អូនប្រុសស្រី កុំឲ្យដូចករុណាអាត្មាភាព ជូនពបងស្រី សូមយកបច្ច័យនិងប្រកបរបរធ្វើដើមទុនរកសុីមានបាន។

ភ្នំពេញ៖ ខ្លោងទ្វារដ៏មានមហិទ្ធិឫទ្ធិមួយ ដែលបានបន្សល់តាំងពីមុនជំនាន់អាណានិគមនិយមបារាំង បច្ចុប្បន្នមានទីតាំងស្ថិតនៅក្នុងភូមិដំណាក់ហ្លួង សង្កាត់វត្តគរ ក្រុងបាត់ដំបង តាមដងផ្លូវជាតិឆ្ពោះទៅខេត្តប៉ៃលិន។

ខ្លោងទ្វារនេះ ត្រូវបានប្រជាពលរដ្ឋ និងអាជ្ញាធរខេត្តរក្សាទុកនៅលើទ្រូងផ្លូវតែម្ដង ដោយមិនហ៊ានប៉ះពាល់ឡើយ ខណៈដែលផ្លូវមួយខ្សែនេះត្រូវបានពង្រីកធ្វើជាផ្លូវភ្លោះ ដោយសារតែខ្លោងទ្វារនេះមានបារមី និងមហិទ្ធិឫទ្ធិពូកែស័ក្ដិសិទ្ធិខ្លាំងពេក។

តាមការរៀបរាប់ពីចាស់ព្រឹទ្ធាចារ្យ ដែលរស់នៅក្នុងភូមិខាងលើនេះបាននិយាយថា ខ្លោងទ្វារដ៏ចាស់មួយនេះគឺបានបន្សល់មកតាំងពីសម័យអាណានិគមនិយមបារាំងមកម្ល៉េះ ព្រោះកាលពីដើមទីតាំងនេះគឺជាដំណាក់របស់ក្សត្រមួយព្រះអង្គ ហើយនៅម្ខាងថ្នល់ទល់មុខនឹងដំណាក់នេះគឺមានស្រះទឹកមួយយ៉ាងធំ ដែលមានឈ្មោះថា«ដំណាក់ហ្លួង»។

ក្រោយមកដោយសារតែមានការផ្លាស់ប្តូរទីតាំងដំណាក់របស់ក្សត្រក្រោយៗ ទើបទីតាំងខាងលើនេះបានកែប្រែទៅជាមន្ទីរពេទ្យព២ (មន្ទីរពេទ្យយោធា) ដោយការសាងសង់ត្រូវបានធ្វើរបងថ្មី ហើយបានតភ្ជាប់ជាមួយនឹងខ្លោងទ្វារនោះតែម្ដង ប៉ុន្តែដោយគ្រាន់តែមិនបានបើកទ្វារដែកនោះឲ្យដំណើរការនោះទេ ដោយបានបិទចោលរហូត ហើយមន្ទីរពេទ្យត្រូវធ្វើខ្លោងទ្វារថ្មីសម្រាប់ឲ្យបុគ្គលិក និងអ្នកជំងឺចេញចូល។

ដោយឡែកស្រះដ៏ធំដែលមានឈ្មោះថាស្រះដំណាក់ហ្លួងក៏ត្រូវបានចាក់ដីលុបជាបណ្តើរៗ ព្រមទាំងបានប្រែក្លាយទៅជាភូមិដំណាក់ហ្លួងរហូតមកទល់នឹងសព្វថ្ងៃនេះ។ នៅក្នុងអំឡុងឆ្នាំ២០១៥នេះ អាជ្ញាធរខេត្តបានកំណត់ពង្រីកផ្លូវនេះធ្វើជាផ្លូវភ្លោះដោយតម្រូវឲ្យមន្ទីរសាធារណការចាត់ចែងការងារពង្រីកផ្លូវឲ្យធំទូលាយ ប៉ុន្តែការពង្រីកនេះបានប៉ះពាល់ដល់របងមន្ទីរពេទ្យនេះទាំងស្រុង ទើបខាងមន្ទីរពេទ្យបានរំកិលរបងថយក្រោយតាមការសំណូមពរពីអាជ្ញាធរខេត្ត ដោយឡែកខ្លោងទ្វារដែលត្រូវបានគេ ចាត់ទុកថាមានបារមីខ្លាំងពូកែនោះ គឺមិនមាននរណាម្នាក់ហ៊ានទៅវាយរំលាយចោលនោះទេ។

បច្ចុប្បន្នខ្លោងទ្វារដ៏មានមហិទ្ធិឫទ្ធិនេះត្រូវបានប្រជាពលលរដ្ឋ និងអាជ្ញាធរចាត់ចែងរៀបចំជាចិញ្ចើមផ្លូវព័ទ្ធជុំវិញ ដោយសុខចិត្តទុកផ្លូវនៅត្រង់នេះមានសភាពតូចចង្អៀតដដែល ហើយបានរៀបការ៉ូឡាយ៉ាងស្អាត ព្រមទាំងមានដាក់ជាកន្លែងដុតធូបទៀន និងព្រះភូមិបន្ថែមទៀតសម្រាប់ឲ្យអ្នកមកពីទីជិតទីឆ្ងាយអាចចូលបន់ស្រន់បាន៕

ភ្នំពេញ៖ អង្គភាពប្រឆាំងអំពើពុករលួយ ACU នាថ្ងៃទី៥ ធ្នូ នេះបានបញ្ជាក់ថា រកឃើញបេក្ខជនប្រឡង សញ្ញាបត្រមធ្យមសិក្សាទុតិយភូមិ (បាក់ឌុប) ម្នាក់ ឈ្មោះ វ៉ាន់ សុខឿន ភេទស្រី ក្នុងខេត្តឧត្តរមានជ័យ កើតជំងឺកូវីដ-១៩ ត្រូវបានដាក់ឱ្យនៅបន្ទប់ ប្រឡងដាច់ដោយឡែក ។

ប្រភពបញ្ជាក់ថា លោកប្រធានមន្ទីរ អប់រំ យុវជន និងកីឡា ខេត្តឧត្តរមានជ័យ បានយកទូសម្លាប់មេរោគ ពីមន្ទីរ អ.យ.ក. មកដាក់នៅបន្ទប់ពិសេស ដើម្បីសម្លាប់មេរោគលើសន្លឹកកិច្ចការរបស់ បេក្ខជនដែលវិជ្ជមានកូវីដ១៩ ដោយមានខាងសុខាភិបាលបានពិនិត្យ និងឯកភាព។

សូមបញ្ជាក់ថា ប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) ឆ្នាំ២០២២នេះ ចាប់ផ្ដើមដំណើរការសម័យប្រឡង រយៈពេល ២ថ្ងៃ ចាប់ពីថ្ងៃទី៥-៦ ខែធ្នូ ឆ្នាំ២០២២ ដោយមានបេក្ខជនប្រឡងចំនួន១២៨ ១៣៤នាក់ ក្នុងនោះ ស្រីចំនួន ៦៨ ៧៧១នាក់ ព្រមទាំងមានមណ្ឌលប្រឡង ចំនួន ២២១មណ្ឌល ស្មើនឹងចំនួន ៥ ១៧៤បន្ទប់ និងមានការចូលរួមដោយគណៈមេប្រយោគ និងគណៈកម្មការនានា ក្នុងដំណើរនោះប្រឡង ចំនួន ២៧ ៧៥៣ នាក់៕

ឧត្តរមានជ័យ៖ ដំណើរការប្រឡងមធ្យមសិក្សាទុតិយភូមិ សម័យប្រឡង ៥ ធ្នូ ២០២២ នៅទូទាំងប្រទេសបានចាប់ផ្តើមជាមួយនឹងបរិយាកាសស្ងប់ស្ងាត់ និងរបៀបរៀបរយល្អ​។ ក្នុងនោះផងដែលយោងតាមការបង្ហោះរបស់ អង្គភាព​ប្រឆាំង​អំពើ​ពុករលួយ បានឱ្យដឹងថា បេក្ខជន​ប្រឡងបាក់ឌុប​ម្នាក់នៅខេត្ត​ឧត្តរមានជ័យ​ ​​ត្រូវ​បាន​ដាក់អោយនៅបន្ទប់ប្រឡងដាច់ដោយឡែក ក៏ព្រោះតែបេក្ខជនរូបនេះមាន​​វិជ្ជមានកូវីដ​ ​១៩​។

អង្គភាព​ប្រឆាំង​អំពើ​ពុករលួយ បានឱ្យដឹងថា ៖ «ថ្ងៃ​ទី០៥/១២/២០២២ បេក្ខជន​ឈ្មោះ​ វ៉ាន់​ សុខឿន​ (ស)​ បន្ទប់​:​១១​ លេខតុ:២៦១​ វិជ្ជមានកូវីដ​១៩។ គាត់​ត្រូវ​បាន​ដាក់អោយនៅបន្ទប់ប្រឡងដាច់ដោយឡែក។ លោកប្រធាន​មន្ទីរ​ អប់រំ​ យុវជន​ និងកីឡា​ ខេត្តឧត្តរមានជ័យ​ បានយកទូសម្លាប់មេរោគ ពីមន្ទីរ អ.យ.ក.​ មកដាក់នៅបន្ទប់ពិសេស ដេីម្បីសម្លាប់មេរោគលេីសន្លឹកកិច្ចការរបស់បេក្ខជនដែលវិជ្ជមានកូវីដ១៩​ ដោយមានខាងសុខាភិបាលបានពិនិត្យនិងឯកភាព។»៕