រាជធានីភ្នំពេញ ថ្ងៃសុក្រ ៩កើត ខែមិគសិរ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២ ខែធ្នូ ឆ្នាំ២០២២ បរធនបាលកិច្ចហិរញ្ញវត្ថុ អេស៊ីលីដា ហ្វាយណាន់ហ្សល់ ត្រាស់ ដែលជាភាគហ៊ុនិកធំជាងគេរបស់ធនាគារ អេស៊ីលីដា បានប្រកាសជាផ្លូវការនៅថ្ងៃនេះថា និយ័តករពាក់ព័ន្ធ និងក្រសួងពាណិជ្ជកម្មបានអនុម័ត និងចុះបញ្ជីការវិនិយោគរបស់អេស៊ីលីដា ហ្វាយណាន់ហ្សល់ ត្រាស់ នៅវិទ្យាស្ថាន ពាណិជ្ជសាស្ត្រ អេស៊ីលីដា ដើម្បីកាន់កាប់ភាគហ៊ុនចំនួន ៦.០៤៧.០៤៦ភាគហ៊ុន ស្មើនឹង ២៣,៣៩១០% នៃភាគហ៊ុនសរុបរបស់ វិទ្យាស្ថាន ពាណិជ្ជសាស្ត្រ អេស៊ីលីដា ដែលជាក្រុមហ៊ុនបុត្រសម្ព័ន្ធរបស់ ធនាគារ អេស៊ីលីដា។

បណ្ឌិត អ៊ិន ចាន់នី ប្រធានក្រុមប្រឹក្សាបរធនបាល អេស៊ីលីដា ហ្វាយណាន់ហ្សល់ ត្រាស់ បានមានប្រសាសន៍ថា ការវិនិយោគរបស់ អេស៊ីលីដា ហ្វាយណាន់ហ្សល់ ត្រាស់ នៅ វិទ្យាស្ថាន ពាណិជ្ជសាស្រ្ត អេស៊ីលីដា គឺមានសក្តានុពលពាណិជ្ជកម្មខ្លាំងរយៈពេលវែង ដូចគ្នានឹងការវិនិយោគនៅក្នុងវិស័យផ្សេងៗ ដែរ។ មិនតែប៉ុណ្ណោះ វិទ្យាស្ថាន ពាណិជ្ជសាស្រ្ត អេស៊ីលីដា អាចឆ្លើយតបគ្រប់តម្រូវការ សម្រាប់ធុរកិច្ចជនគ្រប់វិស័យ ក្នុងការធ្វើពាណិជ្ជកម្មទាំងក្នុង និងក្រៅប្រទេស ។

បណ្ឌិត ផុន ណារិន នាយក វិទ្យាស្ថាន ពាណិជ្ជសាស្ត្រ អេស៊ីលីដា បានមានប្រសាសន៍ថា វិទ្យាស្ថាន ពាណិជ្ជសាស្ត្រ អេស៊ីលីដា កាន់កាប់អគារផ្ទាល់ខ្លួន មានលក្ខណៈស្តង់ដារ និងធំទូលាយ “ជាថ្នាលអប់រំដើម្បីភាពជោគជ័យក្នុងអាជីព” មានមោទនភាពយ៉ាងក្រៃលែង ដែលមានធនាគារ អេស៊ីលីដា ភីអិលស៊ី ជាក្រុមហ៊ុនមេ បានវិនិយោគក្នុងវិស័យអប់រំកម្រិតឧត្តមសិក្សា ដោយឈរលើបទពិសោធន៍ជោគជ័យរបស់ ធនាគារ អេស៊ីលីដា ភីអិលស៊ី នូវក្រមសីលធម៌ និងជំនាញវិជ្ជាជីវៈ ស្របតាមអនុសាសន៍របស់ បណ្ឌិត អ៊ិន ចាន់នី “ការហ្វឹកហ្វឺនជាកត្តាអាទិភាពទី១ ដើមទុនជាកត្តាអាទិភាពបន្ទាប់”។ អេស៊ីលីដា ហ្វាយណាន់ហ្សល់ ត្រាស់ ដែលជាភាគហ៊ុនស្ថាបនិកដ៏មានសក្តានុពលធំមួយ តាំងពីចាប់ផ្តើមបង្កើត អេស៊ីលីដា និងបានរួមចំណែកបង្កើតភាពជោគជ័យជាច្រើនដល់ ធនាគារ អេស៊ីលីដា ភីអិលស៊ី បច្ចុប្បន្ន បានក្លាយជាភាគហ៊ុនិករបស់ វិទ្យាស្ថាន ពាណិជ្ជសាស្ត្រ អេស៊ីលីដា។ អេស៊ីលីដា ហ្វាយណាន់ហ្សល់ ត្រាស់ នឹងគាំទ្រដល់វិទ្យាស្ថាននៅក្នុងអភិបាលកិច្ចសាជីវកម្ម ដើម្បីកសាងកេរ្តិ៍ឈ្មោះឱ្យកាន់តែរឹងមាំ ពង្រឹងសមត្ថភាពសាស្រ្តាចារ្យ និងនិស្សិត តាមរយៈការដឹកនាំដោយផ្ទាល់ ពីតំណាងរបស់ខ្លួននៅក្នុងក្រុមប្រឹក្សាភិបាលរបស់ វិទ្យាស្ថាន ពាណិជ្ជសាស្ត្រ អេស៊ីលីដា និងគាំទ្រដល់ វិទ្យាស្ថាន ពាណិជ្ជសាស្ត្រ អេស៊ីលីដា ដើម្បីសម្រេចបាននូវចក្ខុវិស័យ និងបេសកកម្មរបស់ខ្លួន នៅក្នុងរយៈពេលដ៏ខ្លីខាងមុខនេះ។

អំពីវិទ្យាស្ថាន ពាណិជ្ជសាស្ត្រ អេស៊ីលីដា

វិទ្យាស្ថាន ពាណិជ្ជសាស្ត្រ អេស៊ីលីដា គឺជាក្រុមហ៊ុនបុត្រសម្ព័ន្ធរបស់ ធនាគារ អេស៊ីលីដា ភីអិលស៊ី ត្រូវបានបង្កើតឡើងក្រោមច្បាប់ នៃព្រះរាជាណាចក្រកម្ពុជា ក្នុងការផ្តល់សេវាកម្មអប់រំឧត្តមសិក្សា ថ្នាក់បរិញ្ញាបត្ររង ថ្នាក់បរិញ្ញាបត្រ និងថ្នាក់បរិញ្ញាបត្រជាន់ខ្ពស់ ជូនដល់និស្សិត និងការបណ្តុះបណ្តាលវិជ្ជាជីវៈក្នុងវិស័យធនាគារ និងហិរញ្ញវត្ថុ ជូនសិក្ខាកាមជាតិ និងអន្តរជាតិ។ គិតត្រឹមដំណាច់ខែវិច្ឆិកា ឆ្នាំ២០២២នេះ វិទ្យាស្ថាន ពាណិជ្ជសាស្ត្រ អេស៊ីលីដា មាននិស្សិតសរុបចំនួន ២.៣៥៧នាក់ កំពុងសិក្សា និងនិស្សិតសរុបចំនួន ៧៨៣នាក់ បានបញ្ចប់ការសិក្សាដោយជោគជ័យ។ ទន្ទឹមនឹងនេះ វិទ្យាស្ថាន ពាណិជ្ជសាស្ត្រ អេស៊ីលីដា បានផ្តល់ការអប់រំបណ្តុះបណ្តាលវិជ្ជាជីវៈដល់កម្មករនិយោជិតធនាគារ អេស៊ីលីដា និងក្រុមហ៊ុនបុត្រសម្ព័ន្ធ សរុបចំនួន៧២.៩៩៨វគ្គ និងមានសិក្ខាកាមសរុបចំនួន ៨៣៤.៥៥៦នាក់ ហើយសិក្ខាកាមសរុបចំនួន ១៩.៦៥៥នាក់ មកពីស្ថាប័នខាងក្រៅ ទាំងក្នុង និងក្រៅប្រទេស បានចូលរួមវគ្គបណ្តុះបណ្តាលវិជ្ជាជីវៈក្នុងវិស័យធនាគារ និងហិរញ្ញវត្ថុ នៅ វិទ្យាស្ថាន ពាណិជ្ជសាស្ត្រ អេស៊ីលីដា។

​​​​​​​​​ភ្នំពេញ៖ បើគិតដល់ពេលនេះ 1Byte បានដំណើរការនៅក្នុងប្រទេសកម្ពុជាបានមួយឆ្នាំហើយ ហើយក៏ទទួលបានជោគជ័យហួសពីការរំពឹងទុក។ សូមអរគុណដល់អតិថិជនទាំងអស់ដែលតែងតែគាំទ្រ និងមានទំនុកចិត្តក្នុងការប្រើប្រាស់សេវាកម្មរបស់ 1Byte ក្នុងរយៈពេលមួយឆ្នាំកន្លងមកនេះ។

1Byte ជាក្រុមហ៊ុនផ្តល់សេវាកម្ម Cloud Computing និង Web Hosting ឈានមុខគេនៅប្រទេសកម្ពុជាមានផ្តល់ជូននូវសេវាកម្មដ៏ល្អបំផុតលំដាប់ពិភពលោកជាច្រើនដូចជា Cloud Server, Cloud Hosting, Shared Hosting, Domain, SMS Brandname, AWS partner និង DCMA Ignored Hosting ជាដើមជាមួយនឹងតម្លៃដ៏សមរម្យជាទីបំផុត។

កាន់តែពិសេសមុនដាច់ឆ្នាំចាស់ឈានចូលឆ្នាំថ្មី1Byteមានអ្វីពិសេសៗជាច្រើនជាកាដូជូនដល់អតិថិជនជាទីស្រលាញ់របស់ខ្លួនដូចជា៖

• ការបង្វិលកងដើម្បីមានឱកាសទទួលបានរង្វាន់ជាទឹកប្រាក់ចាប់ពី $1 ដល់ $200 ដើម្បីអបអរការប្រកួតបាល់ទាល់ WorldCup2022 ក៏ដូចជាការដឹងគុណដល់អតិថិជនចាស់និងលើកទឹកចិត្តអតិថិជនថ្មីឱ្យងាកមកប្រើប្រាស់សេវាកម្មរបស់1Byte។ ចុចទីនេះដើម្បីទទួលបានព័ត៌មានលម្អិត៖ https://bit.ly/3GV2hZw
• ផ្តល់ជូននូវការប្រើប្រាស់ CLOUD SERVER, CLOUD HOSTING និងសេវាកម្ម SHARED HOSTING ដោយមិនគិតថ្លៃរយៈពេល 30ថ្ងៃ សម្រាប់ World Cup 2022 and Christmas 2022 ។ ចុចទីនេះដើម្បីទទួលបានព័ត៌មានលម្អិត៖ https://bit.ly/3it6Lfw
• ទទួលបានDomainនិងការប្រើប្រាស់FREEចំនួន2ខែពេញដោយគ្រាន់តែធ្វើការចុះ​ ឈ្មោះ​ប្រើសេវាHostingក្នុងអំឡុងពេល World Cup 2022 and Christmas 2022’s​ Mega Sale! ចុចទីនេះដើម្បីទទួលបានព័ត៌មានលម្អិត៖ https://bit.ly/3VnSH5B

បន្ថែមលើសពីនេះ1Byteបានរៀបចំកម្មវិធីចែករង្វាន់ជាមួកសុវត្ថិភាព,អាវភ្លៀងនិងខិត្តប័ណ្ណនៅតាមបណ្តាមហាវិទ្យាល័យមួយចំនួនដើម្បីផ្សព្វផ្សាយពីសេវាកម្មរបស់ខ្លួនក៏ដូចជាផ្តល់ឱកាសការងារពេញម៉ោងនិងក្រៅម៉ោងជូនដល់និស្សិតៗដែលមានចំណាប់អារម្មណ៍ក្នុងការមកបម្រើការងារជាមួយ1Byteក្នុងនាមជាអ្នកហាត់ការនៅផ្នែកITឬបម្រើការងារក្នុងផ្នែកទីផ្សារ ផ្នែកលក់តាមអនឡាញឬលក់ដោយផ្ទាល់។

បុគ្គលិកទាំងអស់របស់1Byteតែងទទួលបាននូវការផ្តល់តម្លៃការលើកទឹកចិត្តការផ្តល់ជូននូវផលប្រយោជន៍នានានិងការបណ្តុះបណ្តាលជាហូរហែសំដៅធ្វើយ៉ាងណាឱ្យបុគ្គលិកទាំងអស់រីករាយនឹងបរិយាកាសការងារស្រលាញ់ការងារ ហើយសមត្ថភាពការងារក៏កាន់តែកើនឡើងដើម្បីអាចផ្តល់ជូននូវសេវាកាន់តែល្អប្រសើរជូនអតិថិជន។

1Byteប្តេជ្ញាថានឹងរឹតតែបង្កើនគុណភាពសេវាកម្មរបស់ខ្លួនហើយសង្ឃឹមថាអតិថិជនចាស់នឹងនៅតែបន្តគាំទ្រនិងប្រើប្រាស់សេវាកម្មរបស់ខ្លួនព្រមទាំងអាចទទួលបានអតិថិជនថ្មីកាន់តែច្រើនឡើងៗនៅក្នុងឆ្នាំថ្មីខាងមុខ។សូមអរគុណឆ្នាំចាស់និងស្វាគមន៍ឆ្នាំថ្មី!សូមឱ្យអ្វីៗកាន់តែល្អប្រសើរ!

1Byteនឹងបន្តធ្វើជាដៃគូដ៏ល្អរបស់អតិថិជនទាំងអស់ដើម្បីការរីកចម្រើនក្នុងអាជីវកម្ម និងការងាររួមគ្នា!

ទំនាក់ទំនងយើងខ្ញុំតាមរយៈ៖

លេខទូរសព្ទ៖ +855 88 468 8888

អ៊ីុមែល៖ support@1byte.com

អាស័យដ្ឋានក្រុមហ៊ុន៖ F14 អគារ Keystone មហាវិថីព្រះនរោត្តម សង្កាត់ទន្លេបាសាក់ ខណ្ឌចម្ការមន រាជធានីភ្នំពេញ

ស្វែងយល់បន្ថែមពីយើងខ្ញុំតាមរយៈ៖

វេបសាយ៖ https://1byte.com/

ហ្វេសប៊ុកផេក៖ https://www.facebook.com/1bytecom

Twitter: https://twitter.com/1bytecom

យូធូប៖ www.youtube.com/c/1Bytecom

តេឡេក្រាម៖ https://t.me/onebytecom

Instagram: www.instagram.com/1bytecom/ 

ភ្នំពេញ៖ ធនាគារអេស៊ីដា ដែលជាធនាគារពាណិជ្ជធំជាងគេមួយនៅកម្ពុជា បានចុះព្រមព្រៀងជាមួយនិយ័តករមូលបត្រកម្ពុជា ស្តីពីការប្រើប្រាស់សេវាទូទាត់ប្រាក់ តាមប្រព័ន្ធអេឡិចត្រូនិកសម្រាប់ការបង់ថ្លៃសេវាស្នើសុំលេខអត្តសញ្ញាណ វិនិយោគិនតាមអនឡាញ ដើម្បីជំរុញ និងបង្កើន ឱកាសបន្ថែមដល់គ្រប់វិនិយោគិនទាំងអស់ទាំងក្នុង និងក្រៅប្រទេស ដែលចាប់អារម្មណ៍វិនិយោគ ក្នុងផ្សារមូលបត្រនៅកម្ពុជា​។​

ថ្លែងក្នុងពិធីចុះកិច្ចព្រមព្រៀងនាថ្ងៃទី៧ ខែធ្នូ ឆ្នាំ២០២២នេះ លោកស្រី ម៉ារ អមរា ប្រធាននាយកប្រតិបត្តិស្តីទី ធនាគារ អេស៊ីលីដា ភីអិលស៊ី​ បានថ្លែងថា ​តាមរយៈកិច្ចព្រមព្រៀងនេះ វិនិយោគិនដែលមានបំណងចាប់ផ្ដើមការវិនិយោគ នៅក្នុងផ្សារមូលបត្រកម្ពុជា អាចបង់ថ្លៃសេវាស្នើសុំលេខអត្តសញ្ញាណវិនិយោគិនតាមរយៈ ACLEDA Mobile និងប្រព័ន្ធ X-Pay និងប័ណ្ណអន្តរជាតិមានដូចជា VISA, Master Card, Diners, JCB, និង UPI Card។

លោកស្រីបន្តថា «ដោយការវិនិយោគវិស័យមូលបត្រ ក្នុងផ្សារមូលបត្រកម្ពុជា មានកំណើនគួរឱ្យកត់សម្គាល់ ហើយដើម្បីបង្កើនទំនុកចិត្ត និងបង្កភាពងាយស្រួលដល់វិនិយោគិន ក្នុងការបង់ថ្លៃសេវាស្នើសុំលេខអត្តសញ្ញាណវិនិយោគិន ដូច្នេះធនាគារ អេស៊ីលីដា និង និយ័តករមូលបត្រកម្ពុជា ឯកភាពគ្នាឈានដល់ការចុះហត្ថលេខាលើកិច្ចព្រមព្រៀង ស្តីពីការប្រើប្រាស់ សេវាទូទាត់ប្រាក់តាមប្រព័ន្ធអេឡិចត្រូនិក សម្រាប់ការបង់ថ្លៃសេវាស្នើសុំលេខអត្តសញ្ញាណវិនិយោគិន តាមអនឡាញ»។

លោកស្របន្ថែមថា ​ធនាគារ អេស៊ីលីដា តែងតែយកចិត្តទុកដាក់ក្នុងការបម្រើអតិថិជន ដោយបានធ្វើពិពិធកម្មផលិតផល-សេវាកម្មធនាគារ និងហិរញ្ញវត្ថុយ៉ាងសម្បូរបែប ក៏ដូចជាការអភិវឌ្ឍប្រព័ន្ធធនាគារអេឡិចត្រូនិក និងប្រព័ន្ធបច្ចេកវិទ្យាហិរញ្ញវត្ថុឌីជីថល ដើម្បីបំពេញតម្រូវការរបស់អតិថិជន និងចូលរួមចំណែកអភិវឌ្ឍទីផ្សារមូលបត្រកម្ពុជា ឱ្យកាន់តែសកម្ម និងរស់រវើក។

​
លោក ស៊ូ សុជាតិ ប្រតិភូរាជរដ្ឋាភិបាលទទួលបន្ទុក ជាអគ្គនាយកនៃនិយ័តករមូលបត្រកម្ពុជា ​ការចុះ MOU ​រវាងនិយ័តករមូលបត្រកម្ពុជា និងធនាគារ អេស៊ីលីដា នាពេលនេះ នឹងជំរុញឱ្យការផ្តល់លេខអត្តសញ្ញាណ​វិនិយោគិន កាន់តែលឿន និងជំរុញឱកាសវិនិយោគិន ដែលចង់វិនិយោគក្នុងផ្សារមូលបត្រ បានកាន់តែឆាប់រហ័ស និងទាក់ទាញវិនិយោគិនពីក្រៅប្រទេសផងដែរ។ ចំណែកអត្តសញ្ញាណវិនិយោគ គណៈកម្មការមូលបត្រកម្ពុជានឹងផ្តល់ជូនទៅតាមអនឡាញផងដែរ។

​លោកបន្តថា «ការងារនេះនឹងជំរុញ និងបង្កើន ឱកាសដល់គ្រប់វិនិយោគិនទាំងអស់ ជាពិសេសអ្នកនៅតាមបណ្តាខេត្តទាំងអស់ នៅក្នុងប្រទេសកម្ពុជា និងពីក្រៅប្រទេស ឱ្យមកវិនិយោគនៅក្នុងផ្សារមូលបត្រ»៕