ប្រទេសថៃ ៖ មជ្ឈមណ្ឌលស្រាវជ្រាវសេដ្ឋកិច្ច និងអាជីវកម្មអង់គ្លេស បានបង្ហាញពីសេដ្ឋកិច្ចពិភពលោក ក្នុងនោះក៏បានវិភាគពីសេដ្ឋកិច្ចថៃនៅឆ្នាំ២០២៧ថា នឹងរីកលូតលាស់លំដាប់ទី២៤ក្នុងពិភពលោក ។

មជ្ឈមណ្ឌលស្រាវជ្រាវសេដ្ឋកិច្ច និងអាជីវកម្មអង់គ្លេស Centre for Economics and Business Research (CEBR) បានធ្វើការវិភាគសេដ្ឋកិច្ចជាច្រើនប្រទេសក្នុងពិភពលោក ។ កាលពីថ្ងៃទី២៦ ខែធ្នូ កន្លងមក របាយការណ៍នោះចង្អុលបង្ហាញថា នៅឆ្នាំ២០២៧ សេដ្ឋកិច្ចថៃនឹងរីកលូតលាស់ស្ថិតនៅលេខរៀងទី២៤ ក្នុងពិភពលោក ។

របាយការណ៍របស់ CEBR បាននិយាយពីការអភិវឌ្ឍសេដ្ឋកិច្ចថៃតាំងពីឆ្នាំ១៩៨៦ រហូតដល់ឆ្នាំ២០១៩ បានរីកចម្រើនរហូតមក ខណៈអត្រាប្រជាជនក្រីក្រ ពីមុនស្មើដល់៦៧% ធ្លាក់ចុះមកត្រឹម៦,២%ប៉ុណ្ណោះ តែការរាលដាលនៃជំងឺកូវីត-១៩ ធ្វើឱ្យរំខានដល់ការលូតលាស់សេដ្ឋកិច្ចប្រទេសនេះ ។ របាយការណ៍ថា សេដ្ឋកិច្ចថៃក្នុងឆ្នាំ២០២២ លូតលាស់ត្រឹមតែ២,៨%ប៉ុណ្ណោះ ហើយសេដ្ឋកិច្ចថៃនឹងត្រឡប់មកលូតលាស់ដូចមុនពេលផ្ទុះកូវីត នៅក្នុងឆ្នាំ២០២៣ ។

ទោះយ៉ាងណា ការវិភាគនេះបានលើកឡើងពីរឿងកម្លាំងពលកម្មផ្នែកកសិកម្មមានចំណូលទាប សេដ្ឋកិច្ចក្រៅប្រព័ន្ធ ដែលស្មើនឹង៤៦,២% របស់ GDP ថៃ ។ ដូច្នេះ បើគ្មានការផ្លាស់ប្តូរផ្នែកទាំងនេះទេ នឹងធ្វើឱ្យប៉ះពាល់ដល់សេដ្ឋកិច្ចថៃរយៈពេលយូរអង្វែង ។CEBR បានវិភាគពីសេដ្ឋកិច្ចថៃនឹងលូតលាស់ជាមធ្យមប្រមាណ៣,៤%ក្នុងពេល៥ឆ្នាំ ហើយនៅឆ្នាំ២០២៨-២០៣៧ សេដ្ឋកិច្ចថៃនឹងលូតលាស់ជាមធ្យមក្នុង១ឆ្នាំ៣% ខណៈឆ្នាំ២០២៧ សេដ្ឋកិច្ចថៃនឹងលូតលាស់ក្នុងលំដាប់ទី២៤របស់ពិភពលោក ។

ទិន្នន័យសេដ្ឋកិច្ចគួរឱ្យចាប់អារម្មណ៍ពីរបាយការណ៍ CEBR ៖
១-CEBR ថា នៅឆ្នាំ២០៣២ សេដ្ឋកិច្ចវៀតណាមនឹងស្ថិតនៅលំដាប់ទី២៨របស់ពិភពលោក និងជាប្រទេសមានប្រាក់ចំណូលខ្ពស់ក្នុងឆ្នាំ២០៤៥ ។
២-សេដ្ឋកិច្ចចិននឹងលូតលាស់ជាងសហរដ្ឋអាមេរិកក្នុងឆ្នាំ២០៣៦ ។
៣-សេដ្ឋកិច្ចឥណ្ឌានឹងស្ថិតនៅលំដាប់ទី៣ របស់ពិភពលោកក្នុងឆ្នាំ២០៣២ ។
៤-សេដ្ឋកិច្ចកម្ពុជានឹងស្មើប្រមាណ១០០.០០០លានដុល្លារអាមេរិកក្នុងឆ្នាំ២០៣៧ ។
៥-GDP សិង្ហបុរីនឹងលូតលាស់រយៈពេល៥ឆ្នាំ បន្ទាប់មក ជាមធ្យមក្នុង១ឆ្នាំស្មើ២,៣% ហើយបន្ទាប់ពីឆ្នាំ២០២៨ នឹងលូតលាស់ជាមធ្យមក្នុង១ឆ្នាំ២,៤% ។ នៅឆ្នាំ២០៣៧ សេដ្ឋកិច្ចសិង្ហបុរីនឹងស្ថិតក្នុងលំដាប់ទី៣៩របស់ពិភលោក ៕

ប្រភព ៖ mgronline

ចូលចិត្ត​ដើរលេង​នៅ​ប្រទេស​ក្រៅ​មែន​ទេ? ពិបាក​ក្នុង​ការ​ ទំនាក់ទំនង​ជាមួយ​ជនជាតិ​គេ​មែន​ទេ? ទាំង​នេះ​លែង​ជា​ការ​បារម្ភ​ទៀត​ហើយ​ បើ​អ្នក​បាន​ត្រៀម​ខ្លួន​រួច​ជា​ស្រេច​មុន​នឹង​ទៅ​កន្លែង​ណា​មួយ ឬ​បាន​ស្រាវជ្រាវ​ថា​កន្លែង​នោះ​និយាយ​ភាសា​អ្វី នោះ​ការ​ធ្វើ​ដំណើរ​របស់​អ្នក​នឹង​កាន់​តែ​​មាន​ភាព​ងាយ​ស្រួល ព្រម​ទាំង​សប្បាយ​រីករាយ​ជាក់​ជា​មិន​ខាន។

+ទូរសព្ទ​ស្មាតហ្វូន

ពិត​ណាស់​ទូរសព្ទ​ស្មាត​ហ្វូន ជា​មិត្ត​សំខាន់​សម្រាប់​មនុស្ស​គ្រប់​គ្នា​ នា​សម័យ​បច្ចុប្បន្ន​នេះ ហើយ​ទូរសព្ទ ក៏​ជា​ជំនួយ​យ៉ាង​ពិសេស​ពេល​អ្នក​ធ្វើ​ដំណើរ​ទៅ​ប្រទេស​ក្រៅ​ផង​ដែរ។ អ្នក​អាច ដោត​ឡួត App ភាសា​ដែល​អ្នក​នឹង​ទៅ​លេង ព្រោះ​ថា​សម័យ​ជឿន​លឿន​នេះ បើ​ទោះ​បី​ជា​អ្នក​មិន​ចេះ​ភាសា​ក៏​អាច​ទំនាក់ទំនង​ទៅ​គេ​បាន​យ៉ាង​ងាយ​ស្រួល ដោយ​គ្រាន់​តែ​ប្រើ​ប្រាស់​ទូរសព្ទ​ស្មាតហ្វូន​ប៉ុណ្ណោះ។

+សៀវភៅ​ទេសចរណ៍

បើ​ទោះ​បី​ជា​បច្ចុប្បន្ន​ ស្មាតហ្វូន ងាយ​ស្រួល​ក៏​ដោយ​តែ​យ៉ាង​ណា​គួរ​ត្រៀម​សៀវភៅ​សន្ទនា​ទុក​មួយ​ ព្រោះ​ពេល​ខ្លះ​ ស្មាតហ្វូន​របស់​អ្នក​អាច​នឹង​អស់​ថ្ម ហើយ​បើ​សិន​ជា​អ្នក​ទិញ​សៀវភៅ ក៏​អាច​អោយ​អ្នក​អាច​រៀន​ភាសា​គេ​បាន​ពេល​ធ្វើ​ដំណើរ ទាំង​នេះ​គឺ​ចំណេញ​បាន​ទាំង​សង​ខាង។

+ភាសា​កាយ​វិការ

កុំ​មើល​ស្រាល​ភាសា​កាយវិការ​។ មិន​ថា​អ្នក​ចង្អុល​ម្រាមដៃ ឬ គ្រវីក្បាល​ អ្នក​ដ៏​ទៃ​អាច​នឹង​យល់​ថា​អ្នក​នឹង​ចង់​បាន​អ្វី។ ដូច​នេះ​បើ​អ្នក​មិន​ដឹង​ថា​និយាយ​ពាក្យ​យ៉ាងម៉េច អ្នក​គ្រាន់​តែ​ញញឹម​ហើយ​ចង្អុល​ប្រាប់​ពី​ទិសដៅ ឬ​របស់​អ្វី​មួយ​ដែល​អ្នក​ចង់​បាន៕

ខេត្តបន្ទាយមានជ័យ៖ អគារកាស៊ីណូហ្គ្រេនដាយអឺមេន ស៊ីធី ដែលត្រូវបានអគ្គិភ័យឆាបឆេះបង្កឱ្យមានមនុស្សស្លាប់ និងរបួសជាច្រើននាក់នោះ ពេលនេះអាជ្ញាធរ និងក្រុមហ៊ុនបានសម្រេចចិត្តបើកប្រតិបត្តិការរុះរើហើយ ខណៈថ្ងៃដំបូង ក្រុមហ៊ុនម៉ៅការរុះរើ បានរកឃើញកេសដែកដាក់លុយចំនួន៧ ខណៈលុយទាំងនោះនៅល្អដូចដើមទាំងស្រុ។

លោក លី សារី និងលោក ង៉ោ ម៉េងជ្រួនអភិបាលរងខេត្តបន្ទាយមានជ័យ រួមជាមួយមេបញ្ជាការកងពលតូចថ្មើរជើងលេខ៥១, កងកម្លាំងចម្រុះទាំងបី រួមជាមួយក្រុមហ៊ុនម៉ៅការរុះរើ និងម្ចាស់ក្រុមហ៊ុនកាស៊ីណូ បានពិនិត្យទីតាំងកាស៊ីណូផ្ទាល់ ដើម្បីធ្វើការរុះរើសំណង់អគារ ដែលរងការខូចខាត ដោយអគ្គិភ័យកាលពីយប់ថ្ងៃទី២៨ធ្នូ ឆ្នាំ២០២២កន្លងទៅ។ លោក លី សារី បានឱ្យដឹងថា៖ ក្រោយត្រូវអគ្គិភ័យឆាបឆេះ អគារកាស៊ីណូហ្គ្រេនដាយអឺមេន ស៊ីធី នៅក្រុងប៉ោយប៉ែត រយៈពេល២យប់ គឺចាប់ថ្ងៃទី២៨-២៩ ខែធ្នូ ឆ្នាំ២០២២ ទើបអាជ្ញាធរគ្រប់គ្រងស្ថានការបាន ខណៈកម្លាំងចម្រុះកម្ពុជា-ថៃ បានចុះអន្តរាគមន៍ និងជួយសង្គ្រោះអ្នករងរបួសធ្ងន់-ស្រាលចំនួន៥៧នាក់ ត្រូវបានបញ្ជូនទៅសង្គ្រោះប្រទេសថៃ៤៦នាក់ និងសង្គ្រោះនៅមន្ទីរពេទ្យបង្អែកក្រុងប៉ោយប៉ែត១១នាក់ និងបានបន្តរុករកអ្នកបាត់ខ្លួនក្នុងអគារកាស៊ីណូរយៈពេល២ថ្ងៃដូចគ្នា គឺចាប់ពីថ្ងៃទី២៩-៣០ ខែធ្នូ ឆ្នាំ២០២២ ដោយបានបិទបញ្ចប់នៅយប់ថ្ងៃទី៣០ និងរកឃើញអ្នកស្លាប់ចំនួន២៦សព ក្នុងនោះសពដែលមិនស្គាល់អត្តសញ្ញាមានចំនួន៦សព ឆេះអស់៤អគារខូចខាតទាំងស្រុងអស់៣អគារ។

ចំណែក លោក ង៉ោ ម៉េងជ្រួន បានបញ្ជាក់ឱ្យដឹងជាថ្មីម្ដងទៀតថា អគ្គិភ័យ បានឆាបឆេះអគារកាស៊ីណូអស់៤អគារ ខូចខាតទាំងស្រុង៣អគារ មាន២អគារជារបស់ក្រុមហ៊ុនកាស៊ីណូហ្ក្រេនដាយអឹមិនស៊ីធី និង១អគារជារបស់ក្រុមហ៊ុនកាស៊ីណូប៉ោយប៉ែតរីសត។ អាជ្ញាធរ និងភាគីពាក់ព័ន្ធខាងលើ បានសម្រេចគ្នា ឱ្យមានការរុះរើអគារកស៊ីណូដែលត្រូវភ្លើងឆេះនោះ នៅថ្ងៃទី២ ខែមករា ឆ្នាំ២០២៣ ដើម្បីបង្ការកុំឱ្យអគារកាស៊ីណូប៉ោយប៉ែតរីសត ដែលកំពុងមានសភាពទ្រុឌទ្រោមដោយសារភ្លើង និងរកកល់រលំទៅហើយនោះ ឱ្យក្រុមហ៊ុនម៉ៅការរុះរើចុះធ្វើការងារទាញទម្លាក់សំណង់អគារដែលភ្លើងបានឆេះឱ្យធ្លាក់ចុះមកក្រោម។

លោកអភិបាលរងខេត្ត បញ្ជាក់បន្ថែមថា ពេលនេះ ក្រុមហ៊ុនម៉ៅការរុះរើ បានបែងចែកជា២ក្រុមដោយ១ក្រុមផ្នែករុះរើអគារសំណង់អគ្គិភ័យឆាបឆេះ និង២ក្រុមដឹកជញ្ជូនកាកសំណល់បន្សល់ពីអគ្គិភ័យឆាបឆេះ។ មកដល់ពេលនេះ អាជ្ញាធរ និងក្រុមអ្នកជំនាញពាក់ព័ន្ធទាំងអស់ បានបាំងស័ង្កសីហ៊ុមព័ទ្ធបរិវេណជុំវិញអគារ និងបានបិទផ្លូវចាប់ពីរង្វង់មូលព្រះនរាយណ៍ ដល់ផ្លូវច្រកឆ្លងព្រំដែនកម្ពុជា-ថៃ ដោយមិនអនុញ្ញាតឱ្យមានមនុស្សដើរឆ្លងកាត់ ឬទៅក្បែរនោះឡើយ ដើម្បីការពារសុវត្ថិភាពដល់ប្រជាពលរដ្ឋ។

បើយោងតាមប្រភពព័ត៌មានពីមន្ត្រីសមត្ថកិច្ចប្រចាំការនៅទីនោះ បានឱ្យដឹងថា ការរុករករយៈពេលត្រឹមកន្លះថ្ងៃទី០២ មករា អាជ្ញាធរបានរកឃើញកេសដែកធំៗចំនួន៧កេស ដែលបានដាក់លុយ និងទ្រព្យសម្បត្តិផ្សេងៗរបស់អគារកាស៊ីណូនៅផ្នែកខាងជើងផ្លូវ និងនៅអគារកាស៊ីណូផ្នែកខាងត្បូងផ្លូវរបស់ក្រុមហ៊ុនកាស៊ីណូហ្គ្រេនដាយអឹមេនស៊ីធី មិនទាន់បានរុះរើនៅឡើយ…៕