បរទេស៖ ក្រុមហ៊ុន Baidu Inc របស់ប្រទេសចិនទទួលបានអាជ្ញាប័ណ្ណសាកល្បងតាក់ស៊ីគ្មានមនុស្សបើកបរនៅទីក្រុងប៉េកាំង ដោយបានបញ្ជាក់កាលពីសប្តាហ៍មុនថាខ្លួនបានទទួលអាជ្ញាប័ណ្ណសម្រាប់ការធ្វើតេស្តលើផ្លូវនៃរថយន្តដែលបើកបរដោយខ្លួនឯងនៅទីក្រុង ខណៈតាក់ស៊ីគ្មានអ្នកបើកបរចំនួន ២០០ ផ្សេងទៀតនឹងត្រូវបញ្ចូលទៅក្នុងបណ្តាញរបស់ខ្លួននៅទូទាំងប្រទេសចិននៅឆ្នាំនេះ។
នាថ្ងៃទី ៣ ខែមករា ឆ្នាំ២០២៣ សារព័ត៌មានរ៉យទ័របានរបាយការណ៍ពីទីក្រុងប៉េកាំងនៃប្រទេសចិន ដោយបានលើកឡើងថា ក្រុមហ៊ុនផលិតរថយន្តដ៏ទំនើប Baidu Inc បាននឹងកំពុងផ្តោតទៅលើបច្ចេកវិទ្យាយានយន្តស្វយ័តក្នុងរយៈពេល ៥ ឆ្នាំកន្លងមកនេះខណៈដែលខ្លួនកំពុងស្វែងរកការធ្វើពិសោធកម្ម។
ក្នុងនោះក្រុមហ៊ុនបានបញ្ជាក់ថាខ្លួនបានទទួលអាជ្ញាប័ណ្ណសម្រាប់ការធ្វើតេស្តផ្លូវនៃរថយន្តដែលបើកបរដោយខ្លួនឯងនៅទីក្រុង ខណៈតាក់ស៊ីគ្មានអ្នកបើកបរចំនួន ២០០ ផ្សេងទៀតនឹងត្រូវបញ្ចូលទៅក្នុងបណ្តាញរបស់ខ្លួននៅទូទាំងប្រទេសចិននៅឆ្នាំនេះ។
យ៉ាងណាមិញការជំរុញឱ្យមានដំណើរការនេះឡើង របស់ក្រុមហ៊ុន Baidu Inc កើតឡើងខណៈក្រុមហ៊ុននៅក្រៅប្រទេសចិន បានដកខ្លួនចេញពីកាលវិភាគដាក់ឱ្យដំណើរការនៃយានជំនិះស្វ័យប្រវត្តិ ពេញលេញ កាលពីប៉ុន្មានឆ្នាំមុន ដោយសារតែការស៊ើបអង្កេត និងផ្ដោតលើបញ្ហាជាមួយរថយន្តបើកបរដោយខ្លួនឯង របស់ក្រុមហ៊ុនអាមេរិកដូចជា Tesla និង Cruise របស់ Elon Musk ជាដើម៕ ប្រភព៖ dailynews
