ភ្នំពេញ៖ ជំងឺឆ្កែឆ្កួតដែលបណ្តាលមកពីឆ្កែខាំ គឺជាជំងឺរលាកខួរក្បាលនិងខួរឆ្អឹងខ្នង ដែលបណ្តាលមកពីវីរុសឈ្មោះ Lyssavirus (នៅក្នុងក្រុម Rhabdoviridae) ក៏ជាជំងឺមួយធ្ងន់ធ្ងរ ហើយបណ្តាលឲ្យអ្នកជំងឺស្លាប់១០០% នៅពេលចេញរោគសញ្ញា។នេះបើយោងតាមប្រភពពីមន្ទីរពេទ្យកាល់ម៉ែត្រ។

តាមរបាយការណ៍របស់អង្គការសុខភាពពិភពលោកនៅឆ្នាំ២០១៧ នៅលើពិភពលោកជំងឺឆ្កែឆ្កួត ដែលបណ្តាលមកពីឆ្កែខាំ ស្លាប់ប្រហែល ៥៩០០០នាក់ក្នុងមួយឆ្នាំ ជាពិសេសនៅក្នុងតំបន់អាស៊ីនិងអាហ្រ្វិក។

ក) មូលហេតុ និងការចម្លង៖
– ការចម្លងវីរុសជំងឺឆ្កែឆ្កួតពីសត្វមកមនុស្ស ដោយសារការខាំ (morsure), ខ្វាច (griffure), លិឍលើដំបៅឬរបួស (léchage) ដែល៩៩%តាមរយៈសត្វឆ្កែដែលមានផ្ទុកវីរុសឆ្កែឆ្កួត
– ការចម្លងវីរុសជំងឺឆ្កែឆ្កួតពីមនុស្សមកមនុស្សគឺជាករណីមួយកម្រមាន។ តែអាចឆ្លងពីម្តាយមកកូននៅ ពេលមានផ្ទៃពោះ។

ខ) រោគសញ្ញានិងការបង្ករោគ៖
១) ការបង្ករោគ (Période d’incubation)៖ ចាប់ពីពេលឆ្កែខាំរហូតដល់ពេលចេញរោគសញ្ញា មានការប្រែប្រួលពី៧ថ្ងៃរហូតដល់លើសពី១ឆ្នាំ។ តែជាមធ្យមប្រហែលពី១៥ថ្ងៃដល់៦០ថ្ងៃ។
២) រោគសញ្ញា (Symptômes)៖
– រោគសញ្ញាដំបូង (Période prodromique) មានរយៈពេលពី២ថ្ងៃទៅ១០ថ្ងៃ៖
• មានការឈឺចុកចាប់នៅកន្លែងខាំបែបរមាស់ ក្តៅ ឬស្ពឹក
• ជួនមានក្តៅខ្លួន ជួនអត់មានក្តៅខ្លួន
• អត់ឃ្លានចំណីអាហារ ចង្អោរ ក្អួត រាគ
• ឈឺក្បាល វិលមុខ តប់ប្រមល់ក្នុងខ្លួន ដេកមិនលក់ យល់សប្តិ វង្វេងៗ

– រោគសញ្ញាដំណាក់កាលបន្ទាប់មកទៀត (Période d’état) គឺជាដំណាក់កាលដែលរលាកខួរក្បាលនិងខួរឆ្អឹងខ្នងដែលមានរោគសញ្ញាដូចតទៅ៖
• អ្នកជំងឺគ្រប់គ្រងខ្លួនឯងលែងបាន
• អ្នកជំងឺនៅមិនស្ងៀមមានចលនារហូត (Hyperactivité)
• រោគសញ្ញាពិសេសរបស់ជំងឺឆ្កែឆ្កួតគឺ៖ ខ្លាចទឹក (hydrophobie) និងខ្លាចខ្យល់ (aérophobie)
• ចេញទឹកមាត់ច្រើន (Hypersalivation) ចេញញើសច្រើន ចេញនោមអត់ដឹងខ្លួន
• ពិបាកលេបចំណីអាហារ (Dysphagie)
• មានប្រកាច់ (convulsions) រហូតដល់សន្លប់(Coma)
• ការស្លាប់ជាមធ្យម៥ ថ្ងៃក្រោយពីចេញរោគសញ្ញាណាមួយខាងលើនេះ

គ) ការព្យាបាលក្រោយពីឆ្កែខាំ៖
– ក្រោយពីឆ្កែខាំភ្លាមត្រូវលាងសម្អាតមុខរបួសដោយទឹកនិងសាប៊ូយ៉ាងតិចបំផុតក៏១៥នាទីដែរ បន្ទាប់មកលាងសម្អាតជាមួយទឹកថ្នាំសម្លាប់មេរោគដូចជា អាល់កុល ឬអ៊ីយ៉ូត
– មិនត្រូវដេររបួសដែលឆ្កែខាំ
– ចាក់វ៉ាក់សាំងការពារតេតាណូស
– ព្យាបាលដោយថ្នាំផ្សះ (បើចាំបាច់)
– ការចាក់វ៉ាក់សាំងប្រឆាំងនឹងជំងឺឆ្កែឆ្កួត (យកល្អត្រូវធ្វើក្នុង២៤ម៉ោងក្រោយពី ឆ្កែខាំឬប៉ះពាល់ជាមួយសត្វដែលយើងសង្ស័យថាមានផ្ទុកមេរោគឆ្កែឆ្កួត)
– ជួបប្រឹក្សាយោបល់ជាមួយវេជ្ជេបណ្ឌិតដែលនៅជិតអ្នក

ឃ) វិធានការការពារ៖
– ការការពារជំងឺឆ្កែឆ្កួតគឺផ្អែកលើការចាក់ថ្នាំបង្ការ
– ចាក់វ៉ាក់សាំងការពារប្រឆាំងវីរុសឆ្កែឆ្កូត ចំពោះសត្វដែលយើងចិញ្ចឹម(ឆ្កែ ឆ្មា ជាដើម)ឲ្យបានទៀងទាត់
– ចាក់វ៉ាក់សាំងការពារមុន ចំពោះអ្នកដែលមានហានិភ័យខ្ពស់ចំពោះជំងឺឆ្កែឆ្កួតដូចជា៖ពេទ្យសត្វ បុគ្គលិក មន្ទីរពិសោធន៏ឯកទេស អ្នករស់ជាមួយសត្វ
– ជៀសវាងកុំឲ្យឆ្កែ ឬ ឆ្មាខាំ ឬលិឍលើរបួសឬដំបៅ។
– ចាក់វ៉ាក់សាំងការពារក្រោយពីឆ្កែខាំ(Prophylaxie post-expositionnelle)។

ប្រសិនបើលោកអ្នកមានឆ្កែខាំ ឬ សត្វដែលចិញ្ចឹមកូនដោយទឹកដោះ ហើយស៊ីសាច់ជាអាហារខាំ សូមមកពិគ្រោះយោបល់ជាមួយវេជ្ជបណ្ឌិតឯកទេសនៅមន្ទីរពេទ្យកាល់ម៉ែត៕

ចូលដល់ខែកុម្ភៈពេលណា បេះដូងកក់ក្តៅគ្រប់ពេល ពីព្រោះចូលដល់ថ្ងៃValentine (១៤ កុម្ភៈ) ដែលពោរពេញទៅដោយការបង្ហាញក្តីស្រឡាញ់ និងបំណងល្អដល់គ្នាទៅវិញទៅមក ហើយមនុស្សជាច្រើនបាបចាប់ផ្តើមស្វែងរកកាដូជំនួសបេះដូង ដើម្បីផ្តល់ទៅកាន់មនុស្សពិសេសរបស់ខ្លួន ។

តើគួរផ្តល់កាដូអ្វីក្នុងថ្ងៃក្តីស្រឡាញ់ ?
១-ផ្កា ៖ ជាកាដូសម្រាប់ថ្ងៃក្តីស្រឡាញ់ដ៏សែនពិសេស ហើយផ្កា និងពណ៌នីមួយៗមានអត្ថន័យខុសៗគ្នា ។
-កុលាបក្រហម ៖ តំណាងក្តីស្រឡាញ់ និងបំណងល្អ
-កុលាបស ៖ តំណាងក្តីបរិសុទ្ធ និងជាមនុស្សមានស្នេហ៍
-ទុលីបក្រហម ៖ តំណាងក្តីស្រឡាញ់ ដែលនឹងព្រមរួមសុខរួមទុក្ខជាមួយគ្នា
-ផ្កា violet ៖ តំណាងឱ្យការផ្តល់ក្តីស្រឡាញ់ត្រឡប់មកវិញ
លើសពីនេះ ការបង្ហាញក្តីស្រឡាញ់ មិនបានកំណត់ថាត្រូវតែឱ្យផ្កាទាំងនេះទេ អ្នកខ្លះបានយកផ្កាព្រៃ ឬវត្ថុផ្សេងៗមករួមគ្នាធ្វើជាកាដូ ក៏អាចប្រាប់ពីក្តីស្រឡាញ់បានដែរ ។

២-សូកូឡា ៖ ការផ្តល់សូកូឡាក្នុងថ្ងៃក្តីស្រឡាញ់ គឺចាប់ផ្តើមពីគូស្នេហ៍ដែលស្រឡាញ់គ្នាបែបលួចលាក់ក្នុងសម័យបុរាណ ព្រោះខ្លាចអំណាចព្រះចៅអធិរាជ ដូច្នេះ ពួកគេធ្វើបានត្រឹមតែផ្ញើសូកូឡាឱ្យគ្នាជាអំណោយជំនួសពាក្យក្នុងចិត្ត ។ ក្នុងសម័យនោះ សូកូឡាជារបស់ពិបាករក និងមានតម្លៃថ្លៃ ហេតុនេះ វាបានក្លាយជាកាដូមានគុណតម្លៃសមនឹងគូស្នេហ៍ ហើយក៏ក្លាយជាទម្លាប់ផ្តល់សូកូឡាដល់មនុស្សពិសេសរហូតមក ។ ម្យ៉ាងទៀត សូកូឡាជាភេសជ្ជៈក្តៅដែលជនជាតិម៉ាយ៉ាប្រើសម្រាប់រំលឹកដល់ថ្ងៃក្តីស្រឡាញ់ និងជារបស់សំខាន់ក្នុងពិធីរៀបអាពាហ៍ពិពាហ៍របស់ជនជាតិម៉ាយ៉ា ។

៣-គ្រឿងអលង្ការ ៖ គ្រឿងអលង្ការស្អាតៗជាគូជាមួយមនុស្សស្រី ហើយការផ្តល់គ្រឿងអលង្ការ គឺជាការសរសើរ និងផ្តល់កិត្តិយស មិនថាចិញ្ចៀន ខ្សែករ កងដៃ បើវាត្រូវបានរចនាឡើងបែបសាមញ្ញនោះ គេចាត់ទុកជាកាដូសម្រាប់ថ្ងៃក្តីស្រឡាញ់ ខណៈគ្រឿងអលង្ការអាចនៅជាប់ខ្លួនរាល់ថ្ងៃ ។ ចំណែកស្រីៗក៏អាចប្រគល់របស់ប្រើប្រាស់ឱ្យទៅបុរសបានដូចគ្នាដែរ មិនថានាឡិកាថ្លៃៗ វ៉ែនតាការពារពន្លឺថ្ងៃ និងកាបូបលុយ ខណៈវាជាកាដូដែលងាយស្រួលរកទិញ ។

៤-ទឹកអប់ ៖ អ្នកណាថា ហាមទិញទឹកអប់ឱ្យគ្នាជាកាដូ ការប្រគល់កាដូទឹកអប់កាន់តែបង្ហាញពីការយកចិត្តទុកដាក់ និងចាប់អារម្មណ៍លើនរណាម្នាក់ជាពិសេស ព្រោះទឹកអប់នីមួយៗមានលក្ខណៈរបស់វា ។ លើសពីនេះ ទឹកអប់ប្រាប់ពីការនឹករលឹក ព្រោះក្លិនផ្សេងៗធ្វើឱ្យយើងមានមន្តស្នេហ៍ និងអារម្មណ៍ល្អជានិច្ច ។ យើងអាចស្វែងរកទិញទឹកអប់ប្រគល់ជូនអ្នកពិសេស ថាគេចូលចិត្តក្លិនអ្វី ឬអាចជ្រើសរើសក្លិនស្រាលៗដែលប្រើប្រាស់បានទាំងបុរស និងស្ត្រី ។

៥-ផ្ញើនំ និងម្ហូបអាហារ ៖ សម្រាប់អ្នករវល់នឹងការងាររហូតគ្មានពេលណាត់គ្នាញ៉ាំបាយក្នុងថ្ងៃក្តីស្រឡាញ់ អាចសាកល្បងផ្ញើជានំខេក, នំ cookies រួមទាំងមុខម្ហូបដែលមនុស្សពិសេសចូលចិត្ត ។ ការផ្ញើនំ ឬម្ហូបអាហារ វាបានប្រាប់ពីអារម្មណ៍យកចិត្តទុកដាក់ហើយ ក៏បានបង្ហាញពីការមើលថែគ្នាដោយប្រយោល ដែលចង់ឱ្យមនុស្សពិសេសរបស់យើងបានបរិភោគឆ្អែតជាមួយចំណូលចិត្តរបស់ពួកគេ ៕

ប្រភព ៖ springnews

សាសនានរកឬ Illuminati ត្រូវបានគេដឹងថា ជាសាសនាអាថ៌កំបាំង និងគួរឱ្យខ្លាច ហើយក៏មិនមានអ្នកណាអាចដឹងពីវាច្បាស់ឡើយ ។ ប៉ុន្តែសម្រាប់ជនដែលជាសាសនិក ជឿថាសាសនានេះ អាចជួយឱ្យ មនុស្សទទួលបានភាពល្បីល្បាញ និងក្លាយទៅជាអ្នកមាន ព្រមទាំងជួយសម្រេចបំណងប្រាថ្នាំតាមចិត្តចង់របស់ពួកគេ។

ជាក់ស្តែងតារា ឬបុគ្គលល្បីមួយចំនួនដូចជា៖ Donald Trump, Beyoncé, Jay Z ឬ LeBron James ជាដើម សុទ្ធសឹងតែកាន់សាសនានេះ។

សាសនានរកឬ Illuminati ត្រូវបានចាប់កំណើតដំបូងនៅក្នុងស.វ ទី១៧ នៅថ្ងៃទី១ខែឧសភា ឆ្នាំ១៧៧៦ ដោយលោក Adam Weishaupt សាស្ត្រាចារ្យច្បាប់នៅសាកលវិទ្យាល័យ Ingolstadt បានបង្កើតសាសនានេះ ដាក់ឈ្មោះថា Order of the Illuminati (ធ្វើតាមបញ្ជារបស់ Illuminati)។

នៅគ្រានោះ Illuminati គ្រាន់តែជាអង្គការសម្ងាត់មួយដែលត្រូវបានបង្កើតឡើងដើម្បីប្រឆាំងនឹងឥទ្ធិពលសាសនាលើសង្គម និងការរំលោភបំពានអំណាចដោយរដ្ឋាភិបាលប៉ុណ្ណោះ។ ក្រោយមកវាក៏បានក្លាយជាសាសនាមួយ ដែលសមាជិកប្រមាណជា២៥០០នាក់។

លុះដល់ចុងស.វទី១៨  សាសនានេះបានផ្ទុះខ្លាំងដល់សហរដ្ឋអាមេរិក ដោយវាបានជួយឱ្យមនុស្សសមនូវបំណងប្រាថ្នា ​ជាមាសប្រាក់ ភាពមានបាន ​កេរ្តិ៍ឈ្មោះ ​ភាពល្បីល្បាញ និងអំណាច។ តែក្រោយមកវាក៏បានសាបបន្តិចម្តងវិញ នៅពេលដែលមានការបែកធ្លាយថាចូលសាសនានេះ នឹងត្រូវបានគេខាបយកព្រលឹងទៅឋាននរក។

ក៏ប៉ុន្តែនាពេលបច្ចុប្បន្នសាសនានេះ​ នៅតែមានមនុស្សមួយចំនួនងប់ងល់ និងជឿលើសាសនានេះ ដែលវាបានបង្កជាក្តីបារម្ភមួយដល់ពិភពលោក។ តែយ៉ាងណាមិញ មិនមែនមនុស្សទាំងអស់សុទ្ធតែអាចចូលសាសនានេះបាននោះទេ ដោយអ្នកទាំងនោះត្រូវបានជ្រើសរើស ឬក៏ជាមនុស្សជិតស្និទ្ធរបស់សមាជិកសាសនានោះទើបមានសិទ្ធចូលទៅកាន់ការៀបចំពិធី ឬបូជាផ្សេងៗ។

គួរបញ្ជាក់ផងដែរថា អ្នកកាន់សាសនានេះងប់ងល់ ​ពេលខ្លះថែមទាំងហ៊ានធ្វើអ្វីជាច្រើនដែលនឹកស្មានមិនដល់ដើម្បីបញ្ជាក់ពីភាពស្មោះត្រង់ និងចិត្តបរិសុទ្ធចំពោះសាសនាដូចជា៖ ត្រូវហ៊ានផឹកឈាមស្រស់ សម្លាប់សត្វ ថែមទាំងអាចឈានរហូតដល់សម្លាប់មនុស្សជាដើម៕

ព្រៃឈើដើរតួរយ៉ាងសំខាន់សម្រាប់ទ្រទ្រង់ជីវិតសត្វ និងមនុស្សលើពិភពលោក ព្រោះវាមានអត្ថប្រយោជន៍យ៉ាងសំខានក្នុងការបង្កើតទឹកភ្លៀង អុកស៊ីហ្សែន នឹងជាជម្រកសព្វសត្វ ក៏ដូចជាការពារគ្រោះធម្មជាតិផ្សេងៗដែលកើតមានមកលើផែនដី។

តើអ្នកទាំងអស់គ្នាដឹងឬអត់ព្រៃត្រូពិចអ្វីដែលធំជាងគេបំផុតលើលោក?

ព្រៃដ៏ធំបំផុតរបស់ពិភពលោក អាម៉ាហ្សូន ត្រូវបានគេដឹងថាវាជាព្រៃទឹកភ្លៀងធំជាងគេរបស់ពិភពលោកហើយលាតសន្ធឹងលើ ប្រទេស ចំនួនប្រាំបួនជា សរុបដែលគ្របដណ្ដប់ ៤០ភាគរយ នៃអាមេរិក ខាងត្បូង ។

ជាមួយនឹងទំហំដ៏ធំ ៦,៧០០,០០០គីឡូម៉ែត្រការ៉េ ជាប់ប្រទេសប្រេស៊ីល ,ប៉េរូ, កូឡុំប៊ី, វ៉េណេស៊ុយអេឡា, អេក្វាឌ័រ, បូលីវី, ហ្គីយ៉ាណា, ស៊ូរីណាម និងហ្គីយ៉ាណាដែលគ្រប់គ្រងដោយប្រទេសបារាំង។

អាម៉ាហ្សូនតំណាងឱ្យជាងពាក់កណ្តាលនៃព្រៃទឹកភ្លៀងដែលនៅសេសសល់របស់ភពផែនដី ហើយជាជម្រកនៃដើមឈើប្រមាណ ៣៩០ ពាន់លានដែលបែងចែកជា១៦,០០០ ប្រភេទ។

ទោះជាយ៉ាងណាក៏ដោយ វាស្ថិតនៅក្រោមការគំរាមកំហែងឥតឈប់ឈរពីការធ្វើកសិកម្មទ្រង់ទ្រាយធំ និងការចិញ្ចឹមសត្វ ការអភិវឌ្ឍន៍ ការកាប់ឈើ ការជីកយករ៉ែ និងការប្រែប្រួលអាកាសធាតុ៕

ប្រភព៖ RainForest