ភ្នំពេញ៖ លោកឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ បានលើកឡើងនៅក្នុងសន្និសីទសារព័ត៌មាន នាទីស្តីការគណៈរដ្ឋមន្រ្តី នាព្រឹកថ្ងៃទី០៥ ខែមករា ឆ្នាំ២០២៣ថា មុននឹងកាត់បន្ថយឈ្មួញកណ្តាលក្រសួងក៏ត្រូវតែត្រួតពិនិត្យឱ្យបានច្បាស់លាស់ផងដែរថា តើឈ្មួញកណ្តាលប្រភេទណាដែលមានប្រយោជន៍ក្នុងសង្វាក់ផលិតកម្ម និងឈ្មួញកណ្តាលប្រភេទណាដែលមិនមានប្រយោជន៍នៅក្នុងសង្វាក់ផលិតកម្ម។ ការលើកឡើងរបស់រដ្ឋមន្រ្តីក្រសួងកសិកម្មខាងលើនេះ គឺធ្វើឡើងស្របពេលដែលមានមតិមួយចំនួនបានលើកឡើងដោយចង់ឱ្យក្រសួងលុបបំបាត់ឈ្មួញកណ្តាលចេញ។

ទន្ទឹមនឹងការលើកឡើងខាងលើនេះលោករដ្ឋមន្រ្តីក្រសួងកសិកម្មបានបញ្ជាក់ដែរថា ការកាត់ចេញនូវឈ្មួញកណ្តាលដែលមិនមានប្រយោជន៍នេះ គឺជាចំណុចមួយដែលសំខាន់ណាស់ ក្នុងការកាត់បន្ថយចំណាយនិងរៀបចំខ្សែសង្វាក់ផលិតកម្មឱ្យមានប្រសិទ្ធិភាព ហើយការកាត់បន្ថយនេះទៀតសោតគឺទាក់ទងទៅនឹងបញ្ហាព័ត៌មានមួយចំនួននិងបញ្ហាអាជ្ញាបណ្ណដែលគ្មានសកម្មភាព។ លោកបន្តថា នៅ​ពេល​ខាងមុខនេះក្រសួងកសិកម្មនិងសហការជាមួយក្រសួងសេដ្ឋកិច្ចនិងហិរញ្ញវត្ថុក៏នឹងរៀបចំនូវប្រព័ន្ធព័ត៌មានវិទ្យាឬAPP មួយដើម្បីភ្ជាប់រវាងអ្នកលក់និងអ្នកទិញ។

ទាក់ទងទៅនឹងការលើកឡើងរបស់លោកឌិត ទីណា ពាក់ព័ន្ធទៅនឹងការកាត់បន្ថយឈ្មួញកណ្តាលដែលមិនមានប្រយោជន៍នៅក្នុងខ្សែសង្វាក់ផលិតកម្មនេះដែរ លោកថេង សាវឿន ប្រធានសមាគមសម្ព័ន្ធកសិករកម្ពុជាបានបញ្ជាក់តាមរយៈវិទ្យុវាយោនារសៀលថ្ងៃទី០៥ ខែមករាថា លោកគាំទ្រ ចំពោះការដាក់ចេញនូវទស្សនទានថ្មីរបស់ក្រសួងកសិកម្មនេះ ព្រោះលោកសង្កេតឃើញថា កត្តាឈ្មួញកណ្តាលនេះហើយ ដែលបណ្តាលឱ្យមានបញ្ហាឥតឈប់ឈរ ដោយបានកេងចំណេញផលប្រយោជន៍ ទម្លាក់ថ្លៃផលិតផលកសិករ។ ទន្ទឹមនឹងនេះលោកក៏បានស្នើឱ្យក្រសួងកសិកម្មបង្កើតនូវយន្តការតាមដានពីឈ្មួញកណ្តាលបន្ថែមផងដែរ។

សូមជម្រាបថា នៅក្នុងសន្និសីទសារព័ត៌មានស្តីពី«ទស្សនទាន ក្នុងវិស័យកសិកម្មនៅកម្ពុជា»នេះដែរលោកឌិត ទីណា ក៏បានរំលេចដែរថា ការសម្លឹងមើលវិស័យកសិកម្មទាំងមូលក្នុងខ្សែសង្វាក់ផលិតកម្ម គឺមិនផ្តោតតែទៅលើអ្នកផលិតទេ ព្រោះកសិករត្រូវពឹងផ្អែកលើតួអង្គសំខាន់ៗមួយចំនួនទៀតដូចជា៖អ្នកនាំចូលវត្ថុធាតុដើម, អាជីវករ,អ្នកកែច្នៃនិងអ្នកប្រើប្រាស់។ លោកបន្ថែមថា ក្រសួងចង់បានការរីកចម្រើនព្រមគ្នា សម្រាប់តួអង្គទាំងអស់នៅក្នុងខ្សែសង្វាក់ផលិតកម្ម ហើយការដែលទុកចោល ឬមិនផ្តល់សារៈសំខាន់ដល់តួអង្គណាមួយ នឹងនាំឱ្យខ្សែសង្វាក់ផលិតកម្មទាំងមូលជាប់គាំងនិងជួបបញ្ហា ៕

ភ្នំពេញ៖ ភ្លៀងរលឹមក្នុងកម្រិតពីខ្សោយទៅមធ្យមបានធ្លាក់រាយប៉ាយមិនស្មើលើគ្រប់បណ្តាខេត្តនៅប៉ែកខាងកើតទន្លេមេគង្គហើយបន្តមកលើរាជធានីភ្នំពេញនិងបណ្តាខេត្តនៅប៉ែកខាងលិចទន្លេមេគង្គជាមួយនឹងធាតុអាកាសត្រជាក់ស្រឹបហើយភ្លៀងរលឹមបែបនេះអាចកើតមានរាល់ថ្ងៃរហូតទៅដល់ថ្ងៃទី១១ខែមករាតែភ្លៀងធ្លាក់មិនព្រមពេលជាមួយគ្នាទេ ម្តងធ្លាក់ខាងនេះម្តងទៅធ្លាក់ខាងនោះ។

លោកចាន់ យុត្ថា អ្នកនាំពាក្យនិងជារដ្ឋលេខាធិការក្រសួងធនធានទឹកនិងឧតុនិយមបានប្រាប់ឱ្យរស្មីកម្ពុជាដឹងនៅថ្ងៃទី៦ខែមករាឆ្នាំ២០២២ថា ភ្លៀងរលឹមដោយ សារឥទ្ធិពលសម្ពាធទាបរុញមកពីសមុទ្រចិនខាងត្បូងបានធ្លាក់រាយប៉ាយនៅគ្រប់ខេត្តប៉ែកខាងកើតទន្លេមេគង្គនិងបន្តដល់រាជធានីភ្នំពេញនិងខេត្តនៅប៉ែកខាងលិចទន្លេមេគង្គនៅព្រឹកថ្ងៃទី៦ខែមករានេះ តែអាចនឹងមិនបានទៅដល់តំបន់ទំនាបកណ្តាលភាគពាយព្យទេ គឺត្រឹមបឹងទន្លេសាបនិងតំបន់តំបន់ខ្ពងរាបភាគឦសាននិងភាគខាងជើងក្នុងកម្រិតពីតិចទៅមធ្យម។

អ្នកនាំពាក្យក្រសួងជំនាញខាងលើបាននិយាយឱ្យដឹងទៀតថាភ្លៀងរំលឹមធ្លាក់រាយប៉ាយមិនស្មើជាមួយនឹងអាកាសធាតុត្រជាក់ស្រឹបនេះ បន្តកើតមានរាល់ថ្ងៃរហូត ដល់ថ្ងៃទី១១ខែមករា តែមានបរិមាណមិនច្រើនទេ។នៅថ្ងៃទី៥និងទី៦ខែមករាភ្លៀងរលឹមបានធ្លាក់ដោយកន្លែងនៅក្នុងខេត្តមណ្ឌកគិរី ត្បូងឃ្មុំ ក្រចេះ កំពង់ធំ ស្វាយរៀង ព្រៃវែង កណ្តាល តាកែវ រាជធានីភ្នំពេញហើយនៅថ្ងៃនេះ(៦មករា)និងថ្ងៃបន្ទាប់បរិមាណទឹកភ្លៀងធ្លាក់អាចកើនឡើងជាពិសេសនៅអំឡុងថ្ងៃទី៩និងទី១០ខែមករា ដោយសារឥទ្ធិពល សម្ពាធទាបថ្មីរុញដើរមកពីសមុទ្រប៉ាស៊ីហ្វិកចូលដល់សមុទ្រចិនខាងត្បូងចំភាគកណ្តាលប្រទេសវៀតណាម។

ក្រសួងធនធានទឹកនិងឧតុនិយមកាលពីថ្ងៃទី៣ខែមករាឆ្នាំ២០២៣ បានជូនដំណឹងស្តីពីការព្យាករស្ថានភាពធាតុអាកាស សម្រាប់ពីថ្ងៃទី៤ដល់ថ្ងៃ១០ខែមករាថាព្រះរាជាណាចក្រកម្ពុជាចាប់ពីថ្ងៃទី៤ដល់ថ្ងៃទី៧ខែមករាទទួលឥទ្ធិពលពីជ្រលងសម្ពាធទាបសកម្មរុញមកពីភាគខាងក្រោម(ត្បូង)នៃសមុទ្រចិនខាងត្បូង ពីថ្ងៃទី៨ដល់ថ្ងៃទី១០ខែមករាទទួលឥទ្ធិពលពីទ្រនុងសម្ពាធខ្ពស់ពីប្រទេសចិននិងខ្យល់មូសុងឦសានក្នុងកម្រិតពីខ្សោយទៅមធ្យម។

នៅក្នុងសេចក្តីជូនដំណឹងបានសរសេរទៀតថាស្ថានភាពអាកាសធាតុបែបខាងលើធ្វើឲ្យតំបន់ទំនាបកណ្តាលមានសីតុណ្ហភាពអប្បបរមាពី២១ទៅ២៤អង្សាសេ សីតុណ្ណភាពអតិបរមាមានពី២៨ទៅ៣០អង្សាសេ។នៅអំឡុងពីថ្ងៃទី៥ដល់ថ្ងៃទី៧ខែមករា អាចមានភ្លៀងធ្លាក់នៅក្នុងកម្រិតខ្សោយទៅមធ្យមដោយអន្លើ។
សម្រាប់តំបន់ខ្ពង់រាបមានសីតុណ្ហភាពអប្បបរមាពី១៨ទៅ២១អង្សាសេ សីតុណ្ហភាពអតិបរមាមានពី២៨ទៅ៣០អង្សាសេ។នៅអំឡុងពីថ្ងៃទី៥ដល់ថ្ងៃទី៧ ខែមករា អាចមានភ្លៀងធ្លាក់ក្នុងកម្រិតខ្សោយទៅមធ្យមដោយអន្លើ។

នៅតំបន់មាត់សមុទ្រមានសីតុណ្ហភាពអប្បបរមាពី២២ទៅ២៤អអ្សាសេ សីតុណ្ណភាពអតិបរមាមានពី២៨ទៅ៣០អង្សាសេ។នៅអំឡុងពីថ្ងៃទី៥ដល់ថ្ងៃទី៧ខែមករា អាចមានភ្លៀងធ្លាក់នៅក្នុងកម្រិតខ្សោយទៅមធ្យមដោយអន្លើនិងអាចមានខ្យល់បក់ពីបង្គួរទៅខ្លាំង។ឯនៅលើផ្ទៃសមុទ្រក៏នឹងកើតមានរលកសមុទ្រពីមធ្យមទៅបង្គួរផងដែរ ៕

ដោយគុណភាពអប់រំនៅទីក្រុងភ្នំពេញមានការប្រសើរជាងនៅតាមខេត្ត ដូចនេះហើយទើបប្អូនៗសិស្សានុសិស្សជាច្រើនសម្រេចចិត្តចាកចេញពីស្រុកកំណើតមករស់នៅទីក្រុងដែលសម្បូរដោយការជឿនលឿន។ ខាងក្រោមនេះជាចំណុចដែលដែលប្អូនៗគួរដឹងមុននឹងមកបន្ដការសិក្សា៖

ចរាចរណ៍៖ នៅទីក្រុងមានឡាននិងផ្លូវខ្វែងខ្វាត់ជាច្រើន ដូចនេះហើយមុនធ្វើដំណើរទៅណាមកណាគប្បីសួរនាំគេជាមុនសិន។ ចរាចរណ៍ឡាន ម៉ូតូមានការចង្អៀត និងស្ទះរាល់ពេលដែលម៉ោងសំខាន់។ ពេលធ្វើដំណើរគឺត្រូវប្រុងប្រយត្ន័គ្រប់ជំហាន។

ស្វែងរកផ្ទះស្នាក់នៅ៖ វាជាគំនិតមួយដ៏ល្អប្រសិនបើអ្នកមកជាមួយជាមួយមិត្តភក្ដិអ្នក។ អ្នកអាចជួលបន្ទប់មួយតម្លៃប្រហែល$50ទៅ$100ក្នុងមួយខែ ដោយចែកគ្នាចេញជាមួយមិត្តរួមបន្ទប់របស់អ្នក អ្នកក៏អាចសន្សំលុយច្រើនគួរសមដែរ។ ប៉ុន្តែប្រសិនបើអ្នកមករស់នៅភ្នំពេញម្នាក់ឯងវិញ ចូរកុំភ័យអី មានអង្គការដែលរង់ចាំអ្នកដែរ  អ្នកអាចនៅទីនោះបានដោយឥតគិតថ្លៃហើយពេលមានអង្គការខ្លះទៀតឧបត្តមទាំងថ្លៃការសិក្សាជូនអ្នកថែមទៀតផង។

ជ្រើសរើសជំនាញឱ្យបានត្រូវ៖ នេះគឺជាការសម្រេចមួយដ៏ធំបំផុតក្នុងជីវិតរបស់អ្នក។ ប្រសិនបើអ្នកជ្រើសរើសខុស អ្នកនឹងដឹងថាវាពិបាកប៉ុនណានៅថ្ងៃក្រោយនិងជីវិតអស់ន័យទៀតហើយ។ វិធីមួយនោះគឺចូលថ្នាក់តម្រង់ទិសដែលសាកលវិទ្យាល័យនីមួយផ្ដល់ជូន បន្ទាប់មកអ្នកអាចប្រៀបធៀបនិងរើសយកមួយណាដែលអ្នកចូលចិត្ត៕

មនុស្ស​ស្រលាញ់​គ្នា ​បើ​ម្ខាង​ទៀត​នៅ​សុខៗ​គេ​ក៏​ឈប់​ទាក់​ទង​មក​អ្នក ​ប្រាកដ​ជា​ធ្វើ​ឲ្យ​អ្នក​មាន​រសាប់រសល់​ចង់​ដឹង​ហេតុ​ផល​ពី​ការ​​បង្ហាញ​ចរិត​ប្លែក​ៗ​នេះ​មិន​ខាន។ ​យ៉ាង​ណា​ក្តី ​កុំ​ធ្វើរឿង​ទាំង​នេះ ​ព្រោះ​នាំ​តែ​អស់​តម្លៃ​ប៉ុណ្ណោះ។

១ កុំ​ផ្ញើរ​សារ​​​ទៅ​គេ​​ច្រើន​ដង

ប្រសិន​បើ​មនុស្ស​អ្នក​ស្រលាញ់ នៅ​សុខ​ៗ​គេ​ក៏​ឈប់​​ទាក់​ទង​មក​អ្នក ​កុំ​ផ្ញើរសារ​​ទៅ​គេ​រញ៉េរញ៉ៃ​គេ​អី​។ ​កុំ​សួរ​គេ​ថា ​ហេតុអ្វី​គេ​មិន​ឆ្លើយ​តប ព្រោះ​មាន​តែ​ធ្វើ​ឲ្យ​គេ​មាន​អារម្មណ៍​មិន​ស្រួល​ចិត្ត។ ​បើ​សិន​គាត់​ចង់​ទាក់​ទង​មក​អ្នក ​គាត់​ច្បាស់​ជា​រក​វិធី​​មិន​ខាន។ ​តែ​​បើ​គេ​មិន​ចង់​តប​សារ​ហើយ ទោះ​អ្នក​ផ្ញើរ​សារ​មួយ​ពាន់​សារ​ទៅ​គេ ​ក៏​គេ​មិន​តប​វិញ​ដែរ។ ហេតុ​នេះ ​បើ​នៅសុខ​ៗ​គេ​ក៏​ប្រែ ​អ្នក​មិន​បាច់​រំខាន​គេ​ទៀត​ទេ។

២ ​មិន​បាច់​ស្តី​បន្ទោស​ម្នាក់​ទៀត​ឡើយ

ការ​បន្ត​នៅ​ស្រលាញ់​មនុស្ស​​ដែល​គេ​​លែង​ចាប់​អារម្មណ៍​អ្នក​ទៀត ​មាន​តែ​ធ្វើ​ឲ្យ​ខ្លួន​ឯង​ឈឺ​ចាប់។ ​ត្រូវ​ចាំ​ថា ​មនុស្ស​ដែល​ស្រលាញ់​អ្នក​ពិត គេ​គ្មាន​ថ្ងៃ​ចាក​ចោល​អ្នក​ឡើយ។ ម្យ៉ាង​ទៀត អ្នក​ក៏​មិន​បាច់​ត្រូវ​ទៅ​ស្តី​បន្ទោស​គេ ​ឬ​ក៏​ខ្លួន​ឯង​ដែរ ។

៣ ​​ឈប់​រំខាន​គេ​ទៀត ​រៀន​ប្រឈម​ដោយ​ស្ងាត់​ស្ងៀម

សុភាសិត​មួយ​និយាយ​ថា “​រឿង​ដែល​លំបាក​បំ​ផុត​នោះ ​គឺ​ការ​រក្សា​ក្តីស្រលាញ់​ឲ្យ​នៅ​ស្ថិត​ស្ថេរ”។ សម្រាប់​មនុស្ស​​ដែលស្រលាញ់​អ្នក​ខ្លាំង គេ​មិន​ងាយ​និយាយ​ពាក្យ​ថា “បែកគ្នា​ទៅ​” នោះទេ ហើយ​ត្រឹម​ពាក្យ​ថា​រវល់​ក៏​មិន​អាច​ជា​លេស​ដើម្បី​បំបែក​ស្នេហា​ដែរ។ មិន​ថាហេតុ​ផល​អ្វី​ក៏​ដោយ ​បើ​ពេល​គេ​ឈប់​ទាក់​ទង​មក​អ្នក ​សូម​កុំ​រំខាន​​គេ​ទៀត ។ ​រៀន​រម្ងាប់​អារម្មណ៍ ​កុំ​ធ្វើ​ខ្លួន​ឲ្យ​​អស់​តម្លៃ​ដោយសារ​តែ​មនុស្ស​ដែល​គេ​​លែង​ស្រលាញ់​អ្នក​ទៀត៕

សាក​រើស​កាត​មួយ​ដើម្បី​ដឹង​ថា ​តើ​ឆ្នាំ​២០២៣​នេះ ​​នឹង​មាន​រឿង​អ្វី​កើត​ឡើង​សម្រាប់​អ្នក។

កាត A

​កាត​នេះ​បង្ហាញ​ថា ​ក្នុង​ឆ្នាំ​ថ្មី​អ្នក​នឹង​មាន​ឱកាស​កាន់​តែ​ច្រើន​ដើម្បី​រៀន​សូត្រ និង​អភិវឌ្ឍ​ជាង​មុន​​ក្នុង​វិស័យ​ការងារ។ ​នៅ​ចំណុច​នេះ ​អ្នក​នឹង​ដឹង​ថា​ ការ​សិក្សា​ទៀង​ទាត់​នឹង​ជួយ​អ្នក​បាន​ច្រើន។ ដូច្នេះ​ហើយ​ ​ក្នុង​ឆ្នាំ​២០២៣ ​អ្នក​ត្រូវ​ប្រឹង​​ប្រែង​ធ្វើ​ការ។

​កាត B

​ក្នុង​ឆ្នាំ​២០២៣ អ្នក​​នឹង​មាន​ឱកាស​ព្យាបាល​របួស​ផ្លូវ​ចិត្ត​។ ​កាល​ពី​ឆ្នាំ ២០២២ អ្នក​ទទួលរ​ងការ​ឈឺ​ចាប់​ផ្នែក​ស្មារតី​ខ្លាំង ហើយ​ឆ្នាំ​ថ្មី​នេះ ​អ្នក​កាន់​តែ​ស្ងប់​ស្ងាត់​និង​ស៊ី​ជម្រៅ​។ ​សម្រាប់​អ្នក សុទិដ្ឋិនិយម​គឺ​ជា​ឱសថ​ដ៏​ពិសិដ្ឋ​សម្រាប់​អ្នក។​

កាត C

យោង​តាម​កាត​នេះ ក្នុង​ឆ្នាំ២០២៣ អ្នក​នឹង​ក្លាយ​ជា​មនុស្ស​សកម្ម​ម្នាក់ ដោយ​ប្រើ​ប្រាស់​ពេល​វេលា​របស់​អ្នក​យ៉ាង​មាន​ប្រសិទ្ធភាព ​លែ​ង​ខ្ជះ​ខ្ជាយ​ដូច​មុន​ហើយ។ ​អ្នក​បូជា​គ្រប់​ថាមពល​ដើម្បី​ប្រឹង​ប្រែង​ធ្វើការ​យ៉ាង​លំបាក​ដើម្បី​ទទួល​បាន​លទ្ធផល​ដែល​អ្នក​ចង់​បាន​។ ​បើ​អ្នក​កំពុង​ស្វែង​រក​ការងារ​ធ្វើ​ទៀត ​ក៏​ជា​ឱកាស​ល្អ​មួយ​ដែរ។ ​​ម្យ៉ាង​ទៀត បើ​អ្នក​កំពុង​មាន​ការ​ងារ​ធ្វើ​ស្រាប់ ​​នោះ​នឹង​មាន​ឱកាស​ឡើង​ដំណែង។​​យ៉ាង​នេះ​ក្តី ​ទាំង​ស្មារតី​និង​ផ្លូវ​ចិត្ត​ក្នុង​ឆ្នាំ​​នេះ ​មិន​ទាន់​សូវ​ល្អ​ប៉ុន្មាន​ទេ ​តែ​វា​នៅ​តែ​សំខាន់​​ដើម្បី​បែង​ចែក​ពេល​វេលា​សម​សម្រប ​ការសម្រាក​សម​ហេតុ​ផល​គឺ​ចាំ​បាច់។

កាត D

ប្រសិន​បើ​អ្នក​​នៅ Single ​អ្នក​នឹង​មាន​ទំនាក់ទនងដ៏ពិសេសមួយ​ក្នុង​ឆ្នាំ​ថ្មី​នេះ​។ ​គ្រាន់​តែ​ជួប​គ្នា​ភ្លាម អ្នក​ទាំង​ពីរ​​លង់​ស្រលាញ់​គ្នា​តែ​ម្តង​។ ទំនាក់ទំនង​អ្នក​ទាំង​ពីរ​មិន​សូវ​ខឹង​គ្នា​ច្រើន​ទេ​ តែង​តែ​យល់​ពី​គ្នា​និង​ស្រលាញ់​គ្នា​ទៅ​វិញ​ទៅ​មក​ខ្លាំង​ឡើង​ៗ៕