រដ្ឋធានីអង់ការ៉ា (Ankara)៖ គ្រោះរញ្ជួយដី មានកម្លាំងខ្លាំង កម្រិត ៧,៨រ៉ិកទ័រ បានវាយប្រហារទៅលើតំបន់ភាគខាងត្បូង ប្រទេសតួកគី និង ភាគខាងជើង ប្រទេសស៊ីរី កាលពីថ្ងៃចន្ទ ទី៦ ខែកុម្ភៈ ដោយបានសម្លាប់មនុស្ស យ៉ាងតិច ៣ ៥០០នាក់ និង មនុស្សជាង ១៤ ៤០០នាក់ បានរងរបួស ហើយអ្នកស្រុក ជិត ៨ ០០០នាក់ ត្រូវបានសង្គ្រោះ ចេញពីគំនរអគារបាក់បែករាប់ពាន់ខ្នង។

សារព័ត៌មាន BBC បានចេញផ្សាយ កាលពីព្រឹក ថ្ងៃអង្គារ ទី៧ ខែកុម្ភៈ ថា លោក ហ៊្វូអាត អូខាយ (Fuat Otkay) អនុប្រធានាធិបតីតួកគី បានបញ្ជាក់ ថា មនុស្ស យ៉ាងតិច ២ ៣៧៩នាក់ ត្រូវបានសម្លាប់ និង ១៤ ៤៨៣នាក់ផ្សេងទៀត រងរបួស នៅក្នុងហេតុការណ៍រញ្ជួយដី នៅតួកគី។ ចំណែកអ្នកស្រុក ចំនួន ៧ ៨៤០នាក់ផ្សេងទៀត នៅរស់រានមានជីវិត ហើយត្រូវទាញចេញពីអគារដួលរលំ ចំនួន ៤ ៧៤៨ខ្នង។

ដោយឡែក មនុស្ស ចំនួន ១ ៤៤៤នាក់ផ្សេងទៀត រស់នៅក្នុងប្រទេសស៊ីរី ត្រូវបានរាយការណ៍ ថា ស្លាប់ នៅក្នុងគ្រោះធម្មជាតិដ៏កំណាចនេះដែរ។ នេះមានន័យថា គ្រោះរញ្ជួយដីដ៏មានកម្លាំងខ្លាំងនេះ បានធ្វើឲ្យមនុស្សស្លាប់សរុប កើនឡើង ដល់ជាង៣៥០០នាក់ ខណៈកិច្ចខិតខំប្រឹងប្រែងជួយសង្គ្រោះ កំពុងតែបន្ដនៅឡើយ។

ជាមួយគ្នានេះ អង្គការសុខភាពពិភពលោក (WHO) បានព្រមាន ថា ចំនួនអ្នកស្លាប់ អាចនឹងកើនឡើង លើសពីនេះបន្ថែមទៀត។

អាជ្ញាធរតួកគី បានបញ្ជាក់ ថា ប្រតិបត្ដិការជួយសង្គ្រោះ នៅតំបន់ភាគខាងត្បូង ប្រទេសតួកគី និង ភាគខាងជើង ប្រទេសស៊ីរី ដែលបានសម្លាប់មនុស្សយ៉ាងតិច ៣ ៥០០នាក់ កំពុងតែបន្ដរុករកអ្នកនៅរស់រានមានជីវិត។ គ្រោះរញ្ជួយដី មានកម្រិត 7.8 រ៉ិចទ័រនេះ បានវាយប្រហារ នៅជិតខេត្តហ្កាហ្ស៊ាទេប (Gaziantep) ប្រទេសតួកគី កាលពីរំលងអធ្រាត្រ ឈានចូល ថ្ងៃចន្ទ ទី៦ ខែកុម្ភៈ ខណៈមនុស្សកំពុងតែលង់លក់ នៅក្នុងដំណេក។

ទីភ្នាក់ងារគ្រប់គ្រងគ្រោះមហន្ដរាយរបស់តួកគី បានអះអាង ថា មនុស្ស ជាង ២ ៣០០នាក់បានស្លាប់ សម្រាប់តែនៅក្នុងប្រទេសតួកគី ក្រោយការរញ្ជួយដីលើកទី១ ហើយមនុស្ស ជាង ១៤ ០០០បានរងរបួស ខណៈមនុស្ស ជាង ១ ៤០០នាក់ផ្សេងទៀត បានស្លាប់ នៅក្នុងប្រទេសស៊ីរី។

ទន្ទឹមគ្នានេះដែរ បណ្ដាមេដឹកនាំនៅលើពិភពលោក បានសន្យា បញ្ជូនជំនួយមនុស្សធម៌ទៅជួយ ក្រោយពេលតួកគី បានចេញនូវការអំពាវនាវដល់អន្ដរជាតិ ដើម្បីជួយដល់ពួកគេ ដែលកំពុងតែប្រឈមមុខនឹងគ្រោះធម្មជាតិដ៏កំណាចនេះ។

សេតវិមាន បានបញ្ជាក់ ថា លោក ចូ បៃដិន (Joe Biden) ប្រធានាធិបតីសហរដ្ឋអាមេរិក ភា្លមៗនោះ នឹងនិយាយទៅកាន់សមភាគីតួកគី លោក រេសេប តាយយីប អេដូហ្គេន (Recep Tayyip Erdogan)។

លោកប្រធានាធិបតីសហរដ្ឋអាមេរិក បានបញ្ជាក់ ថា «គាត់មានការសោកស្ដាយយ៉ាងខ្លាំងចំពោះការបាត់បង់អាយុជីវិតរបស់មនុស្ស និង ការបំផ្លិចបំផ្លាញ បង្កឡើងដោយគ្រោះរញ្ជួយដី។ ខ្ញុំបានណែនាំដល់ក្រុមការងាររបស់ខ្ញុំ ឱ្យបន្តតាមដានយ៉ាងដិតដល់ទៅលើស្ថានភាពនេះ នៅក្នុងការសម្របសម្រួល ជាមួយនឹងប្រទេសតួកគី ហើយផ្តល់ជំនួយដែលត្រូវការចាំបាច់បំផុត»៕

អេហ្ស៉ីប គឺជាប្រទេសចំណាស់មួយ ដែលត្រូវបានរាប់បញ្ចូលក្នុងប្រទេសចំណាស់ទាំង១០ នៅលើពិភពលោក។ ប្រទេសមួយនេះ មានរឿងរ៉ាវជាច្រើន ដែលអ្នកគួរតែបានសិក្សា និងស្វែងយល់យល់អំពីវា។

ខាងក្រោមនេះជារឿង៣យ៉ាង ដែលអ្នកមិនបានដឹង ពីអេហ្សុីបនាសម័យព្រះចៅផារ៉ាអុង៖

១/ មិនមែនគ្រប់អ្នកស្លាប់ សុទ្ធតែអាចក្លាយជាសាកសពម៉ាំមីនោះទេ

សាកសពម៉ាំមី ត្រូវបានគេយកទៅសម្ងួត និងរុំដើម្បីបានក្លាយជាវត្ថុបុរាណនៅអេហ្សុីប។ ប៉ុន្តែការធ្វើមរណភាពបែបនេះ គឺមានតម្លៃថ្លៃ និងចំណាយពេលច្រើន ហើយភាគច្រើនគឺសម្រាប់អ្នកដែលមានវណ្ណៈខ្ពស់ ឬជាអ្នកមាននៅក្នុងសង្គម។ អ្នកស្លាប់ភាគច្រើននៅអេហ្សុីប ត្រូវបានគេកប់នៅក្នុងរណ្តៅដ៏សាមញ្ញនៅវាលខ្សាច់។

ហេតតុផលដែលអ្នកមានទ្រព្យសម្បត្តិសម្រេចធ្វើមរណកាលបែបនេះ ព្រោះពួកគេជឿជាក់ថា ពួកគេអាចនឹងមានជីវិតឡើងវិញ បន្ទាប់ពីស្លាប់ តែលុះត្រាតែរាងកាយរបស់ពួកគេនៅរក្សាទម្រង់ល្អដូចដើម។ ពួកគេជឿទៀតថា ការកប់នៅក្នុងដីខ្សាច់ នឹងធ្វើឲ្យសពពួកគេស្លាប់ មិនអាចរស់ឡើងវិញ។

២/ បុរសអេហ្សុីបអាចរៀបការជាមួយបងស្រីរបស់ពួកគេ

ស្តេចអេហ្ស៉ីបខ្លះ បានរៀបការជាមួយបងប្អូនស្រី ឬបងប្អូនស្រីរបស់ពួកគេ។ អាពាហ៍ពិពាហ៍មិនញញើតទាំងនេះ បានធានាថាព្រះមហាក្សត្រិយានីត្រូវបានបណ្តុះបណ្តាលក្នុងភារកិច្ចរបស់នាងតាំងពីកំណើតហើយថានាងនៅតែស្មោះត្រង់ចំពោះស្វាមីនិងកូនៗ របស់ពួកគេ។ ពួកគេបានផ្តល់ស្វាមីសមរម្យសម្រាប់ព្រះនាងដែលអាចមិនចង់បានខណៈពេលដែលការរឹតត្បិតចំនួនអ្នកទាមទារសក្តានុពលសម្រាប់រាជបល្ល័ង្ក។ ពួកគេថែមទាំងបានផ្តល់នូវការភ្ជាប់ទំនាក់ទំនងជាមួយព្រះដែលពួកគេមួយចំនួន (ដូចជាអ៊ីស៊ីសនិងអូសៀរីស) ចូលចិត្តសហជីពរួមរស់ជាមួយគ្នា។ ទោះយ៉ាងណា អាពាហ៍ពិពាហ៍ជាមួយបងប្រុសមិនដែលជាកាតព្វកិច្ចទេ ហើយមហាក្សត្រិយានីលេចធ្លោមួយចំនួនរបស់អេហ្ស៊ីប រួមទាំងណេហ្វឺធីទីរ មិនមានកំណើតពីរាជវង្សឡើយ។

៣/ ឆ្មា

ឆ្មាត្រូវបានគេចាត់ទុកថាជាសត្វពិសិដ្ឋដោយជនជាតិអេហ្ស៊ីបបុរាណ។ វាត្រូវបានគេគិតថា គ្រួសារភាគច្រើនដែលមានឆ្មាជាសត្វចិញ្ចឹម នោះពួកគេនឹងជួបតែសំណាងល្អ៕

ប្រភព៖  Wikipedia

សហរដ្ឋអាមេរិក ៖ អាមេរិកបានដាស់តឿនប្រទេសតួកគីពីការនាំចេញផលិតផលសំខាន់ជួយរុស្ស៊ី ដោយនិយាយថា អាមេរិកអាចនឹងដាក់ទោសក្រុមហ៊ុន ឬធនាគាររបស់តួកគី ដែលបានបំពានលើការដាក់ទណ្ឌកម្មរុស្ស៊ី ។

កាលពីថ្ងៃទី៤ ខែកុម្ភៈ មន្ត្រីជាន់ខ្ពស់នៃក្រសួងហិរញ្ញវត្ថុអាមេរិក លោក Brian Nelson បានដាស់តឿនតួកគីថា តួកគីបាននាំចេញសារធាតុគីមី microchip និងផលិតផលផ្សេងៗទៅកាន់រុស្ស៊ី ដើម្បីឱ្យរុស្ស៊ីអាចយកទៅប្រើជាប្រយោជន៍គាំទ្រប្រតិបត្តិការកងទ័ពនៅប្រទេសអ៊ុយក្រែន ។ លោក Brian Nelson បញ្ជាក់ថា អាមេរិកអាចនឹងឈានទៅដល់ការដាក់ទោសក្រុមហ៊ុន ឬធនាគាររបស់តួកគី ដែលបានបំពានលើការដាក់ទណ្ឌកម្មរុស្ស៊ី ។

លោក Brian Nelson បានធ្វើដំណើរទៅកាន់ប្រទេសតួកគី ដោយអំពាវនាវដល់ភ្នាក់ងាររដ្ឋាភិបាល និងឯកជនរបស់តួកគីរួមសហការជាមួយវិធានការដាក់ទណ្ឌកម្មរុស្ស៊ី និងរារាំងការនាំចេញផលិតផលទាំងនេះទៅកាន់រុស្ស៊ី ។ លោកបញ្ជាក់ថា ៖ «ការនាំចេញផលិតផលទៅកាន់រុស្ស៊ី នឹងធ្វើឱ្យតួកគីប្រឈមនឹងការដាក់ទណ្ឌកម្ម រួមទាំងគ្មានឱកាសចូលទៅកាន់ប្រទេសឧស្សាហកម្មកំពូលទាំង៧ (G7) ផងដែរ» ។

មុននេះ ប្រទេសតួកគីបានប្រឆាំងនឹងការដាក់ទណ្ឌកម្មរុស្ស៊ីជាផ្លូវការ ប៉ុន្តែបញ្ជាក់ថា នឹងគោរពតាមទណ្ឌកម្មរបស់ប្រទេសលោកខាងលិច ។ តួកគីបានអំពាវនាវឱ្យប្រទេសលោកខាងលិចបញ្ចេញភស្តុតាងមកបញ្ជាក់ថា តួកគីបានល្មើសនឹងវិធានការដាក់ទណ្ឌកម្មរុស្ស៊ី ៕

ប្រភព ៖ TNN World

ប្រទេសចិន ៖ កាលពីថ្ងៃទី៣ ខែកុម្ភៈ ក្រុមហ៊ុនកាហ្វេល្បីឈ្មោះមួយរបស់អាមេរិក Starbucks បានបង្ហើបថា ទីផ្សារប្រទេសចិនកំពុងតែងើបឡើងវិញដោយសាររដ្ឋាភិបាលចិនបើកប្រទេស បន្ទាប់ពីការរាតត្បាតនៃជំងឺកូវីដ-១៩ ។ ប្រទេសចិនមានអតិថិជនដ៏ច្រើនសន្ធឹកសន្ធាប់ ដែលជាឱកាសសម្រាប់ក្រុមហ៊ុនពង្រីកសាខាបន្ថែមទៀត ខណៈគិតមកដល់ដើមឆ្នាំ២០២៣នេះ ក្រុមហ៊ុន Starbucks មានសាខានៅប្រទេសចិនចំនួន៦.០៩០កន្លែង ។

យោងតាមរបាយការណ៍ហិរញ្ញវត្ថុ និងកិច្ចប្រជុំផ្នែកហិរញ្ញវត្ថុដែលពាក់ព័ន្ធប្រចាំត្រីមាសទី១ ឆ្នាំ២០២៣ បញ្ជាក់ថា Starbucks នៅតែបណ្តាក់ទុនវិនិយោគនៅទីផ្សារធំរបស់ចិន ដោយមានគម្រោងបើកសាខាថ្មីចំនួន៦៩កន្លែងទៀត ហើយដំណើរការអាជីវកម្មនៅទីក្រុងថ្មីៗចំនួន១០ ។

ក្រុមហ៊ុន Starbucks មានទំនុកចិត្តថា វិធានការទប់ស្កាត់ជំងឺកូវីដ-១៩ របស់ចិន នឹងនាំប្រទេសនេះ ព្រមទាំងការរស់នៅប្រចាំថ្ងៃរបស់ប្រជាពលរដ្ឋត្រឡប់មកសភាពធម្មតា ដោយស្តារឡើងវិញនូវកម្រិតការប្រើប្រាស់របស់អតិថិជន រួមទាំងការលូតលាស់ផ្នែកសង្គម និងសេដ្ឋកិច្ចផងដែរ ។

គួរបញ្ជាក់ថា កាលពីខែកញ្ញា ឆ្នាំ២០២២ កន្លងមក Starbucks បានបន្តដាក់ផែនការបើកសាខាថ្មីរបស់ខ្លួននៅប្រទេសចិនចំនួន៩.០០០សាខាត្រឹមឆ្នាំ២០២៥ និងមានគម្រោងជួលបុគ្គលិកបន្ថែមទៀតចំនួន៣ម៉ឺន៥ពាន់នាក់ ៕

ប្រភព ៖ New Paper Today

ទឹកជ្រោះឆាយយោងជាទឹកជ្រោះធម្មជាតិដ៏ធំស្រស់ប្រណិតមួយដែលស្ថិតនៅក្នុងព្រៃនៃទឹកដីអារ៉ែងដែលមានចំងាយផ្លូវប្រមាណជិត២០គីឡូម៉ែតពីសហគមន៍អារ៉ែង។

អ្នកទេសចរណ៍ត្រូវធ្វើរដំណើរដោយថ្មើជើងដែលមានចំងាយផ្លូវដ៏វែងឆ្ងាយមានទាំងជិះទូក​​​​ឆ្លងស្ទឹង​លុយទឹកលុយភក់ លូនក្រាបក្រោមព្រៃឬស្សីនឹងដើមឈើរលំ​​​ថែមទាំងមុសជាច្រើនខាំ ជាពិសេសមានទាំងសត្វទាកជាច្រើនតាមទាមជើង។​​​​តែអ្វីដែលសំខាន់ដើម្បីបានឃើញទិដ្ឋភាពដ៏ស្រស់ត្រកាលទាំងអស់នេះ ភ្ញៀវទេសចរណ៍ត្រូវខំជំនះគ្រប់ឧបសគ្គប្រឹងដើរទៅមុខឥតឈប់។

ភ្ញៀវទេសចរណ៍ត្រូវចំណាយរយះពេល៨ម៉ោងក្នុងចំងាយ១៥គីឡូម៉ែត ក៏ប៉ុន្តែការនឿយហត់ទាំងអស់បាននឹងរលាយមួយរំពេចពេលដែលអ្នកទាំងអស់គ្នាឈានជើងមកដល់មាត់ជ្រោះមួយដែលមានទឹកធ្លាក់ដ៏ធំដែលមានកំពស់ប្រមាណជាង៣០ម៉ែតសំលេងទឹកជ្រោះលឺសូរងំៗលាយឡំជាមួយខ្យល់ត្រជាក់បក់មកត្រសៀកៗហាក់បីដូចជាឋានសួគ៏ក្រោមមេឃដែលមានទេសភាពស្រស់ត្រកាលគយគន់មិនជិនណាយ។ប្រភព: រដ្ឋបាលខេត្តកោះកុង

ប្រទេសអ៊ុយក្រែន ៖ មហាវិទ្យាល័យមួយកន្លែងនៅទីក្រុងខាគីវរបស់អ៊ុយក្រែន ត្រូវបានរុស្ស៊ីបាញ់ដោយកាំជ្រួចកាលពីព្រឹកថ្ងៃទី៥ ខែកុម្ភៈ បណ្តាលឱ្យអគារនេះរងការខូចខាតយ៉ាងខ្លាំង ។ អភិបាលក្រុងខាគីវបង្ហើបថា រុស្ស៊ីបានបាញ់កាំជ្រួច២គ្រាប់ចំកណ្តាលក្រុងខាគីវ ដោយគ្រាប់ដំបូងបានបំផ្លាញអាផាតមិន និង១គ្រាប់ទៀតបំផ្លាញមហាវិទ្យាល័យធ្វើឱ្យមានអ្នករងរបួស៤នាក់ ។

នាយកមហាវិទ្យាល័យបង្ហាញថា ការបាញ់កាំជ្រួចនេះបណ្តាលឱ្យមហាវិទ្យាល័យរងការខូចខាតយ៉ាងខ្លាំង ។ នេះជាលើកទី៣ហើយដែលមហាវិទ្យាល័យរងការវាយប្រហារ តាំងពីបើកឆាកសង្គ្រាមក្នុងខែកុម្ភៈ ឆ្នាំ២០២២ ប៉ុន្តែលើកនេះត្រូវចំផ្នែកកណ្តាលនៃអគារ ធ្វើឱ្យអគារខូចខាតអស់៣ជាន់ដោយសារកាំជ្រួច S-300 ។

កន្លងមក ប្រទេសអ៊ុយក្រែនអះអាងថា ទីក្រុងខាគីវស្ថិតនៅចម្ងាយប្រមាណ៣៥គីឡូម៉ែត្រពីព្រំដែនភាគឦសានរបស់អ៊ុយក្រែន ដែលនៅជិតរុស្ស៊ី ត្រូវរងការវាយប្រហារដោយអាវុធ S-300 ជាច្រើនលើកពីតំបន់ Belgorod ប្រទេសរុស្ស៊ី ។

រដ្ឋមន្ត្រីការពារជាតិអ៊ុយក្រែន លោក Olexil Reznikov ថ្លែងថា រុស្ស៊ីនឹងមានការវាយប្រហារទ្រង់ទ្រាយធំក្នុងខែកុម្ភៈនេះ ប៉ុន្តែអ៊ុយក្រែនមានកម្លាំងគ្រប់គ្រាន់ដើម្បីទប់ទល់នឹងរុស្ស៊ី បើទោះជាអាវុធថ្មីដែលប្រទេសលោកខាងលិចសន្យាថានឹងផ្តល់ឱ្យ ហើយបញ្ជូនមកមិនទាន់ពេលក្តី ប៉ុន្តែអ៊ុយក្រែននឹងមិនប្រើអាវុធបាញ់ចម្ងាយឆ្ងាយរបស់អាមេរិកវាយប្រហារលើដែនដីរុស្ស៊ីទេ ប៉ុន្តែនឹងបំផ្លាញកងកម្លាំងរុស្ស៊ីក្នុងដែនដីរបស់អ៊ុយក្រែន ដែលរុស្ស៊ីធ្លាប់ដណ្តើមយកប៉ុណ្ណោះ ។

អាមេរិកបញ្ជាក់ថា នឹងបញ្ជូនរ៉ុក្កែតថ្មីមួយដែលអាចបាញ់បានឆ្ងាយជាងរបស់អ៊ុយក្រែន២ដង ដែលរួមបញ្ចូលក្នុងជំនួយយោធាជាង២.០០០លានដុល្លារអាមេរិក ។ ទោះយ៉ាងណា អាមេរិកបានបដិសេធការស្នើសុំរបស់អ៊ុយក្រែន ដែលត្រូវការកាំជ្រួចបាញ់បានចម្ងាយ៣០០គីឡូម៉ែត្រ ប៉ុន្តែអាមេរិកយល់ព្រមផ្តល់កាំជ្រួចបាញ់បានចម្ងាយ១៥០គីឡូម៉ែត្រវិញ ៕

ប្រភព ៖ Nation World News