ព្រលានយន្តហោះគឺជានិមិត្តរូបនៃវឌ្ឍនៈភាពសេដ្ឋកិច្ចនិងសង្គមជាតិទាំងមូល។ ព្រលានយន្តហោះដើរតួនាទីយ៉ាងសំខាន់ក្នុងមធ្យោបាយដឹកជញ្ជូនទៅក្រៅប្រទេសឬអាចឆ្លងទ្វីបផ្សេងៗបានទៀតផង។ នេះគឺជាគុណសម្បត្តិដែលពិភពលោករបស់យើងមិនអាចខ្វះបានក្នុងការផ្សារភ្ជាប់ទំនាក់ទំនងរវាងប្រទេសនីមួយៗ។ ផ្ទុយទៅវិញគេបានរកឃើញថាមានប្រទេសចំនួន៥ដែលគ្មានព្រលានយន្តហោះ ដូច្នេះហើយតើប្រទេសណាខ្លះដែលគ្មានព្រលានយន្តហោះ? ក្នុងនោះរួមមាន៖

១.Vatican៖ មានទីតាំងស្ថិតនៅជិតប្រទេសអ៊ីតាលី ដែលមានផ្ទៃដីត្រឹមតែ០,៤៤គីឡូម៉ែត្រការ៉េ និងមានប្រជាជនរស់នៅជាង៨០០នាក់ តែប៉ុណ្ណោះ។ ដោយសារតែប្រទេសនេះមានផ្ទៃដីតូច ដូច្នេះហើយមិនមានកន្លែងសម្រាប់សាងសងព្រលានយន្តហោះនោះទេ។ ប្រជាជនដែលរស់នៅក្នុងប្រទេសVaticanមិនមានរថយន្តអ្វីនោះទេ ភាគច្រើនគឺគេធ្វើដំណើរដោយថ្មើរជើង។

២.Monaco៖ មានទីតាំងស្ថិតនៅជិតប្រទេសបារាំង ដែលមានផ្ទៃដីត្រឹមតែ២,១ គីឡូម៉េត្រការ៉េ និងមានប្រជាជនរស់នៅជាង៤ម៉ឺននាក់។ ដោយសារប្រទេសនេះមានផ្ទៃដីតូច ដូច្នេះការសាងសង់អាកាសយានដ្ឋានបាននៅះទេ។៣.San Marino៖ មានទីតាំងស្ថិតនៅជិតប្រទេសVatican ដែលមានផ្ទៃដីត្រឹមតែ៤០គីឡូម៉ែត្រការ៉េ និងមានប្រជាជនរស់នៅជាង៣,៤ម៉ឺននាក់ ។ ដោយសារប្រទេសនេះនៅចំកណ្តាលទីក្រុង Rome និងរុំព័ទ្ធទៅដោយប្រទេសអ៊ីតាលី ដូច្នេះហើយមិនមានកន្លែងសម្រាប់សាងសង់ព្រលានយន្តហោះឡើយ។

៤.Liechtenstein៖ មានទីតាំងស្ថិតនៅប្រទេស Switzerland ដែលមានផ្ទៃដី១៦០គីឡូម៉ែត្រការ៉េ និងមានប្រជាជនរស់នៅជាង៤ម៉ឺននាក់។ ប្រទេសនេះមិនអាចសាងសង់ព្រលានយន្តហោះបានទេដោយសារប្រទេសនេះមានភ្នំច្រើន និងមានវាលទំនាបតូចព្រមទាំងហំុពទ្ធ័ទៅដោយប្រទេសអ៊ីតាលី។

៥.Andorra៖ មានទីតាំងស្ថិតនៅចន្លោះប្រទេសអេស្ប៉ាញនិងបារាំង ដែលមានផ្ទៃដី៤៦៨គីឡូម៉ែត្រការ៉េ និងមានប្រជាជនរស់នៅជាង៨ម៉ឺននាក់។ ដោយសារប្រទេសនេះមានសណ្ឋានដីនៅលើភ្នំ ដូច្នេះហើយមិនអាចសាងសង់ព្រលានយន្តហោះបានឡើយ៕

ប្រសិនបើអ្នកចូលចិត្តបរិយាកាសនៃវិមាន ដែលហ៊ុមព័ទ្ធដោយភាពស្ងប់ស្ងាត់ ទីក្រុងទាំង ៧ នេះ អាចជាកន្លែងក្ដីស្រមៃ នៃការផ្សងព្រេងរបស់អ្នកក៏ថាបាន។ ទីកន្លែងទាំងនេះ មានចាប់ពីកោះឧស្សាហកម្មដែលធ្លាប់តែរីកចម្រើន រហូតដល់ក្លាយជាគុកចាស់ដ៏គួរឱ្យភ័យខ្លាច។ ដូច្នេះហើយខាងក្រោមនេះគឺទីក្រុងធំៗទាំង៧លើពិភពលោកដែលត្រូវបានគេបោះបង់ចោល ដែលមានដូចជា៖

១.ទីក្រុង Varosha ប្រទេស Cyprus៖ នៅឆ្នាំ១៩៧០ដល់ដើមឆ្នាំ១៩៧៤ ទីក្រុងនេះគឺជាគោលដៅទេសចរណ៍ដល់ល្បីមួយនៅជុំវិញពិភពលោក។ ប៉ុន្តែនៅចុងឆ្នាំ១៩៧៤ ទីក្រុង Varosha ត្រូវរងការឈ្លានពានពីប្រទេសទួគី ដែលធ្វើឱ្យប្រជាជននៅទីនោះមានការភ័យខ្លាចយ៉ាងខ្លាំងនឹងនាំគ្នារត់គេចខ្លួន។ រហូតមកដល់បច្ចុប្បន្នទីក្រុងនេះបានបន្សល់នៅអាគារបាក់បែក នឹងគ្មានមនុស្សរស់នៅឡើយ។

២.ទីក្រុង Ordos ប្រទេសចិន៖ ទីក្រុងនេះត្រូវបានគេចាត់ទុកថាជាទីក្រុងខ្មោច ដែល មានសាលារៀន មានមន្ទីពេទ្យ អាគារខ្ពស់ៗ ខុនដូទំនើបៗសម្រាប់ឱ្យមនុស្សរាប់ម៉ឺនរាប់សែននាក់ស្នាក់នៅ ប៉ុន្តែតាមពិតទៅទីក្រុងនេះគ្មានមនុស្សស្នាក់នៅឡើយ។

៣.ទីក្រុង Craco ប្រទេសអ៊ីតាលី៖ ទីក្រុងនេះត្រូវបានបង្កើតឡើងនៅចុងសតវត្សទី០៨ ដែលស្ថិតនៅលើកំពូលភ្នំ។ ក្នុងប្រវត្តសាស្រ្ត១០០០ឆ្នាំរបស់ខ្លួន ទីក្រុងនេះបានប្រឈមនឹងភាពលំបាកវេទនាជាច្រើនដូចជា គ្រោះរាំងស្ងួត បាក់ដី ជម្លោះជាមួយរាជានិយម កងទ័ពនយោបាយ និងគ្រោះកាចផ្សេងៗទៀត ដែលធ្វើឱ្យប្រជាជនជាង១០០០នាក់នៅទីនោះរត់គេចខ្លួន ហើយទីក្រុងនេះក៏ក្លាយជាទីក្រុងខ្មោចរហូតមកដល់ពេលបច្ចុប្បន្ន។

៤.ទីក្រុង Pripyat ប្រទេសអ៊ុយក្រែន៖ មានការផ្ទុះរោងចក្រថាមពលនុយក្លេអ៊ែរ Chernobyl នៅថ្ងៃទី ២៦ ខែមេសា ឆ្នាំ ១៩៨៦ ត្រូវបានចូលទៅក្នុងការចងចាំរបស់ពិភពលោកទាំងមូល។ មនុស្សជិត ៥០,០០០ នាក់ត្រូវជម្លៀសចេញពីតំបន់នោះ រួមទាំងទីក្រុងជិតខាង Pariyat ដែលជាលទ្ធផលនៃឧប្បត្តិហេតុនេះ។ សព្វថ្ងៃ ទីក្រុងទាំងមូលបានក្លាយទៅជាទីក្រុងដែលគេបោះបង់ចោល ដែលមានសួនកុមារ មន្ទីរពេទ្យ ផ្ទះ និងសាលារៀន ដែលចាស់ៗ និងទ្រុឌទ្រោមតាមពេលវេលា។

៥.ទីក្រុង Auradu-sur-Glane ប្រទេសបារាំង៖ ទីក្រុងតូចមួយនេះ មានចម្ងាយប្រហែល ២០ គីឡូម៉ែត្រពី Limoges គឺជាឧក្រិដ្ឋកម្មសង្រ្គាមដ៏អាក្រក់បំផុតមួយរបស់ណាស៊ី នៅក្នុងប្រទេសបារាំង។ នៅពេលដែលកងទ័ពអាល្លឺម៉ង់បានចូល និងសម្លាប់មនុស្សចំនួន ៦៤២នាក់ រួមទាំងកុមារ ១៩៣ នាក់ មានតែស្ត្រីម្នាក់ និងបុរស ៥ នាក់ប៉ុណ្ណោះ ដែលនៅរស់រានមានជីវិតនៅថ្ងៃនោះ។ តាំងពីពេលនោះមក ទីក្រុងនេះមិនដែលមានអ្នកណារស់នៅឡើយរហូតដល់ពេលបច្ចុប្បន្ន។

៦.ភូមិ Houtouwan ប្រទេសចិន៖ ស្ថិតនៅចម្ងាយប្រហែល ៤០ ម៉ាយពីទីក្រុងសៀងហៃ វាធ្លាប់ជាភូមិនេសាទដ៏រីកចម្រើន និងស្រស់ស្អាតនៅពេលដែលអ្នកភូមិបានសាងសង់ផ្ទះតម្រង់ជួរភ្នំ។ វាអាចមើលឃើញឈូងសមុទ្រនៅខាងមុខ ប៉ុន្តែនៅទីបំផុតភូមិនេះត្រូវបានបោះបង់ចោល នៅពេលដែលប្រជាជនជាង ៣,០០០ នាក់បានផ្លាស់ទៅទីក្រុងកំពង់ផែធំជាង។ សព្វថ្ងៃនេះ ភូមិទាំងមូលត្រូវបានគ្របដណ្ដប់ដោយដើមវល្ល៍ខៀវស្រងាត់ វាបានក្លាយជាទិដ្ឋភាពដ៏ចម្លែក និងស្រស់ស្អាត ប៉ុន្តែលាក់បាំងយ៉ាងជ្រៅ ដែលពុំសូវមានអ្នកទៅដល់ឡើយ។

៧.កោះ Hashima នៅប្រទេសជប៉ុន៖ កោះ Hashima ត្រូវបានគេស្គាល់ថា ជា “កោះសមរភូមិ” ដោយសារតែវាស្រដៀងទៅនឹងនាវាចម្បាំង។ សាងសង់ក្នុងទស្សវត្សរ៍ឆ្នាំ ១៨០០ វាធ្លាប់ជាធ្យូងថ្មទឹកជ្រៅនៅឆ្នេរសមុទ្រណាហ្គាសាគី។ កោះនេះគឺជាកន្លែងរស់នៅរបស់កម្មករចំនួន ៥០០០ នាក់ ប៉ុន្តែសព្វថ្ងៃកោះHashimaត្រូវបានគេបោះបង់ចោលដែលមានអគារចាស់ទ្រុឌទ្រោម ព្រោះប្រជាជនត្រូវបានជម្លៀសចេញទាំងស្រុង នៅពេលដែលអណ្ដូងរ៉ែត្រូវបានបិទ៕

សក់ស្កូវជាពិសេសស្កូវមុនអាយុមិនត្រឹមតែធ្វើឱ្យយើងបាក់សម្រស់ទេ ថែមទាំងធ្វើឱ្យយើងអំពល់ទុក្ខ ខាតពេល និងអស់លុយដោយសារត្រូវលាបសក់ជាប្រចាំដើម្បីបិទបាំង។ ដូច្នេះហើយតោះមកដឹងពីតិចនិចការពារសក់ស្កូវទាំងអស់គ្នា៖

១.អាហារដែលមានជាតិកាល់ស្យូម៖ ការទទួលបានជាតិកាល់ស្យូមគ្រប់គ្រាន់មិនត្រឹមតែល្អសម្រាប់ឆ្អឹង និងសាច់ដុំប៉ុណ្ណោះទេ ប៉ុន្តែវាក៏ជួយរក្សាសារធាតុពណ៌សក់ឱ្យបានយូរផងដែរ។ ដូច្នេះហើយអាហារដែលសម្បូរទៅដោយកាល់ស្យូមច្រើនមានដូចជា ទឹកដោះគោ ទឹកសណ្តែក គ្រាប់អាល់ម៉ុង បន្លែបៃតង និងផ្លែក្រូចស្រស់…។

២.អាហារដែលមានជាតិដែក៖ ជាតិដែកជាសារធាតុរ៉ែដ៏សំខាន់ដែលជួយកោសិកាឈាមដឹកអុកស៊ីហ្សែនពេញរាងកាយ កង្វះជាតិដែកអាចនាំឱ្យសក់ពណ៌ប្រផេះឬសក់ស។ ដូច្នេះហើយអាហារដែលសម្បូរទៅដោយជាតិដែកមានដូចជា ស៊ុត ត្រី សាច់គោ គ្រាប់ធញ្ញជាតិ បន្លែបៃតង និងផ្លែទំពាំងបាយជូរ…។

៣.កាត់បន្ថយភាពតានតឹង៖ ការស្ថិតនៅក្រោមភាពតានតឹងថេរអាចប៉ះពាល់ដល់សុខភាពរបស់អ្នកតាមវិធីជាច្រើន។ បន្ថែមពីលើការធ្វើឱ្យបេះដូងលោតលឿន និងរំខានដល់ដំណេក ភាពតានតឹងអាចបណ្តាលឱ្យជ្រុះសក់។

៤.គេងឱ្យបានគ្រប់គ្រាន់៖ ការគេងគ្រប់គ្រាន់អាចកាត់បន្ថយភាពតានតឹង និងអនុញ្ញាតឱ្យរាងកាយជុសជុលខ្លួនឯង ព្រមទាំងកាត់បន្ថយការជ្រុះសក់។

៥.ម៉ាស្សាស្បែកក្បាល៖ ការម៉ាស្សាស្បែកក្បាលអាចបង្កើនចលនាឈាមទៅកាន់ឫសសក់ ដែលធ្វើឱ្យឫសសក់មានសុខភាពល្អ និងបង្កើនការផលិតសារធាតុពណ៌មេឡេនីន។ លើសពីនេះទៅទៀត ការម៉ាស្សាស្បែកក្បាលក៏អាចជួយឱ្យកាត់បន្ថយភាពតានតឹងរបស់យើងដែរ។ ប្រភព៖vnexpress

បញ្ហាភាគច្រើនដែលឪពុកម្តាយទាំងឡាយបានជួបប្រទះពេលកូនពេញវ័យ គឺពួកគេមិនព្រមស្តាប់បង្គាប់ និងធ្វើអ្វីតាមចិត្តខ្លួន ។ បើទោះជាឪពុកម្តាយនិយាយអ្វី ក៏ពួកគេមិនព្រមស្តាប់ដែរ ប៉ុន្តែយើងអាចដោះស្រាយបញ្ហានេះបាន ដោយការប្រើវិធីល្អៗក្នុងការបង្រៀនកូនតូចឱ្យយល់ និងស្តាប់តាមអ្វីដែលយើងត្រូវការ ហើយមិនចាំបាច់ដំឡើងសំឡេងដាក់កូន ឬប្រើធម៌ក្តៅទេ ។

១-បង្រៀនកូន និងធ្វើជាគំរូ ៖
កុមារអាយុពី៣-៦ឆ្នាំ ពួកគេចូលចិត្តរៀនសូត្រតាមអ្នកនៅក្បែរខ្លួនគេ ហើយពេលខ្លះមិនអាចបែងចែកថា តើវាគប្បី ឬមិនគប្បីទេ ។ ដូច្នេះ បើឪពុកម្តាយចង់ឱ្យកូនរៀនសូត្រតាមនូវទម្លាប់ល្អៗរបស់ខ្លួននោះ គឺត្រូវធ្វើជាគំរូឱ្យកូនឃើញជាញឹកញាប់ ។ ការអនុវត្តសកម្មភាពល្អៗជាប្រចាំអាចធ្វើឱ្យកូនចងចាំ និងយកទៅអនុវត្តតាមបានល្អផងដែរ ។

២-ប្រើពាក្យសុភាព និងផ្អែមល្ហែមក្នុងការបង្រៀន ៖
គេជឿថា កុមារគ្រប់រូបនឹងចង់តបតវិញនៅពេលឪពុកម្តាយពួកគេប្រើសម្តីមិនពិរោះ ឬស្រែកខ្លាំងៗពេលបង្រៀនកូន ដែលធ្វើឱ្យលទ្ធផលបង្រៀននោះមិនទៅតាមអ្វីដែលខ្លួនរំពឹងទុក ។ ដូច្នេះ វិធីល្អបំផុតក្នុងការបង្រៀនកូន គឺឪពុកម្តាយត្រូវនិយាយសុភាព ផ្អែមល្ហែម និងហៅឈ្មោះកូនគ្រប់ពេលវេលា មិនថាយើងបង្រៀនពីអ្វីទេ នឹងធ្វើឱ្យកូនងាកមកស្តាប់យើងជានិច្ច ។

៣-បង្រៀនកូនឱ្យចេះដោះស្រាយបញ្ហាដោយខ្លួនឯង ៖
ឪពុកម្តាយមួយចំនួនតែងហាមកូនមិនឱ្យធ្វើនេះ ធ្វើនោះជានិច្ច មិនថាកូននឹងធ្វើអ្វីក៏ដោយ គឺតែងហាមឃាត់គ្រប់ពេល ។ ដូច្នេះ ការធ្វើបែបនេះ នឹងធ្វើឱ្យកូនៗពួកគេខ្វះទំនុកចិត្ត ។ វិធីល្អក្នុងការបង្រៀនកូន គឺគួរអប់រំពួកគេឱ្យចេះគិត និងដោះស្រាយបញ្ហាដោយខ្លួនឯង ហើយមិនគួរហាមឃាត់ពួកគេគ្រប់យ៉ាងទេ ព្រោះនឹងធ្វើឱ្យពួកគេមិនអាចវិភាគដោយខ្លួនឯងបាន ។

៤-ស្តាប់កូនឱ្យបានច្រើន ៖
ចំណុចសំខាន់ក្នុងការបង្រៀនកូន គឺយើងត្រូវបើកឱកាសឱ្យកូនបាននិយាយផង មិនមែនយើងជាឪពុកម្តាយជាអ្នកត្រូវរហូតទេ ព្រោះពេលខ្លះ កុមារក៏មានគំនិតជារបស់ខ្លួនឯងដែរ ។ ដូច្នេះ គួរតែឱ្យកុមារបាននិយាយពីគំនិតរបស់ខ្លួន ទោះខុសឬត្រូវយ៉ាងណា ក៏យើងបានដឹងដែរ ។ គំនិតរបស់កូនអាចធ្វើឱ្យយើងអាចដោះស្រាយបញ្ហាបានល្អប្រសើរ ។

ឪពុកម្តាយទាំងអស់ដែលកំពុងជួបបញ្ហាកូនមិនស្តាប់បង្គាប់ គួរតែសាកល្បងផ្លាស់ប្តូរទម្លាប់បង្រៀនកូនជាថ្មី ដោយផ្តល់ឱ្យពួកគេនូវក្តីស្រឡាញ់ ភាពជិតស្និទ្ធ និងយល់ពីកូនឱ្យបានច្រើន ព្រោះយើងនឹងអាចដឹងពីបញ្ហាពិតប្រាកដដែលកើតឡើង និងដោះស្រាយវាបានល្អ ៕ ប្រភព ៖ sanook