កម្ពុជានឹងរៀបចំការបោះឆ្នោតជ្រើសតាំងតំណាងរាស្រ្ត នីតិកាលទី៧ ឆ្នាំ២០២៣ខាងមុខនេះ ដែលតម្រូវអោយបងប្អូនប្រជាពលរដ្ឋគ្រប់អាយុបោះឆ្នោត និងបានចុះឈ្មោះបោះឆ្នោត អាចទៅបោះបាន នៅតាមការិយាល័យរៀងខ្លួន ដោយត្រូវបានរៀបចំពីគណៈកម្មការជាតិរៀបចំការបោះឆ្នោត គ.ជ.ប។

ទន្ទឹមនឹងការពិបាករកការិយាល័យបោះឆ្នោត​ គ.ជ.ប បានចេញនៅគេហទំព័រ Voterlist ដែលអនុញ្ញាតអោយប្រជាពលរដ្ឋគ្រប់អាយុបោះឆ្នោត និងបានចុះឈ្មោះបោះឆ្នោត ងាយស្រួលក្នុងការស្វែងរកឈ្មោះ និងទិន្នន័យអ្នកបោះឆ្នោតក្នុងបញ្ជីបោះឆ្នោត ឱ្យអ្នកដែលបានចុះឈ្មោះនៅតាមឃុំសង្កាត់របស់ខ្លួន។

ជំហានដំបូងលោកអ្នកគ្រាន់តែ:

1. វាយឈ្មោះខេត្ត ឬរាជាធានី
2. បន្ទាប់មកឈ្មោះ ឃុំ-សង្កាត់
3. ចុងក្រោយឈ្មោះរបស់លោកអ្នក ជាការស្រេច

សូមបញ្ជាក់ផងដែរថាប្រមុខ​រដ្ឋាភិបាល​បាន​កំណត់​បាន​កាលបរិច្ឆេទ​នៃ​ការ​បោះ​ឆ្នោត​ជ្រើសតាំង​តំណាងរាស្ត្រ​នីតិកាល​ទី​៧ នៅ​អាទិត្យ ទី​២៣ ខែកក្កដា ឆ្នាំ​២០២៣៕

ថ្មីៗនេះ អជ្ញាធរនៃឧទ្យានជាតិព្រះជ័យវរ្ម័ននរោត្តម-ភ្នំគូលែន​ បានសាងសង់ផ្លូវថ្មើរជើងទេសចរណ៏ បែបឡើងភ្នំ Model Trail Line លើកដំបូងនៅភ្នំគូលែន ដើម្បីទាក់ទាញភ្ញៀវទេសចរណ៍ ឱ្យទទួលបានបទពិសោធន៍ថ្មីក្នុងការដើរឡើងភ្នំ។

ភាគច្រើនភ្ញៀវទេសចរណ៍ ដែលទៅកម្សាន្តនៅភ្នំគូលែន គឺធ្វើដំណើរដោយរថយន្ត និងលេងទឹកជ្រោះតែប៉ុណ្ណោះ​ ក៏ប៉ុន្តែ ក្រោយពីមានផ្លូវថ្មើរជើងទេសចរណ៏ បែបឡើងភ្នំនៅលើភ្នំគូលែន ភ្ញៀវទេសចរណ៍អាចដើរកម្សាន្តនទទួលយក អារម្មណ៏ប្លែក និងស្រស់ស្រាយជាមួយធម្មជាតិ។

លើសពីនេះទៅទៀត នៅលើឧទ្យានជាតិព្រះជ័យវរ្ម័ននរោត្តម-ភ្នំគូលែន មានប្រាសាទបុរាណ និងមានទឹកធ្លាក់ដែលត្រជាក់ដូចទឹកអម្រឹត ជាច្រើនបានលាក់ខ្លួននៅក្នុងព្រៃ  ដូច្នេះវាក៏ជាឱកាសល្អមួយសម្រាប់ភ្ញៀវទេសចរណ៍ជាតិ និងអន្តរជាតិ សាកល្បងដើររុករក ឬក៏អាចមានសំណាងប្រទះឃើញប្រាសាទដែលបានបាត់ខ្លួនជាយូរក៏ថាបាន។

សម្រាប់ការធ្វើដំណើរតាមផ្លូវថ្មើរជើងទេសចរណ៏ បែបឡើងភ្នំ Model Trail Line សូមភ្ញៀវទេសចរណ៍ទំនាក់ទំនងសហគមន៏តំបន់ការពារធម្មជាតិព្រៃធំអន្លង់ធំ តាមរយៈទូរស័ព្ទលេខ ០៨៥ ៤០៤ ៦៤០៕

ការមិនបោះបង់ ខំព្យាយាមរត់ឱ្យដល់ទី និងភាពលេចធ្លោនៃស្មារតីកីឡា ក្នុងអំឡុងការប្រកួតកីឡាស៊ីហ្គេមលើកទី៣២ បានជួយឱ្យ កីឡាការិនី បូ សំណាង ក្លាយជាម្ចាស់ជ័យលាភីមួយរូបក្នុងចំណោមជ័យលាភីទាំងបីនៃការប្រកួត “ការបំផុសគំនិតស៊ីហ្គេមលើកទី៣២” ដែលរៀបចំដោយកាសែត Tuoi Tre របស់យុវវ័យវៀតណាម។

លោក Huy Tho អគ្គនាយករងកាសែតយុវវ័យវៀតណាម (Tuoi Tre) បានប្រាប់ឱ្យដឹងថា៖” កីឡាការិនី បូ សំណាង ជាកីឡាការិនីបរទេសលើកដំបូងគេហើយ ដែលបានទទួលពានរង្វាន់នេះពីកាសែតយុវវ័យវៀតណាម (Tuoi Tre)។  ហើយការបង្កើតកម្មវិធីបំផុសគំនិតស៊ីហ្គេមនេះឡើង មិនមែនធ្វើរៀងរាល់ឆ្នាំនោះទេ គឺធ្វើឡើងនៅពេលណាកីឡាករ កីឡាការិនីណាដែលមានភាពទាក់ទាញ ហើយត្រូវបានចាប់អារម្មណ៍ពីមហាជន ទាំងក្នុងនិងក្រៅប្រទេស ដូចកីឡាការិនី បូ សំណាង ដែលធ្វើឱ្យមានការទាក់ទាញ និងចាប់អារម្មណ៍ពីមនុស្សយ៉ាងច្រើននៅជុំវិញពិភពលោក តាមរយៈទំព័រសារព័ត៌មានជាតិ និងអន្តរជាតិ ។លោក Huy Tho ក៏បានបញ្ជាក់ផងដែរថា ការផ្តល់ពានរង្វាន់នេះ រួមមានទឹកប្រាក់ផ្តល់ដោយកាសែតយុវវ័យវៀតណាម (Tuoi Tre) និងក្រុមហ៊ុន Herbalife Vietnam ចំនួន ២០លានដុង ប្រហាក់ប្រហែលនឹង ១ ០០០ ដុល្លារអាម៉េរិក ក្នុងម្នាក់ៗ និងឧបត្ថម្ភពីក្រុមហ៊ុនកៅស៊ូវៀតណាម ចំនួន ៥០០ដុល្លារថែមទៀត៕

ប្រភព៖ Vietnam Postsen 

នាព្រឹកថ្ងៃទី១៩ ខែមិថុនា ឆ្នាំ២០២៣ សម្តេចតេជោ ហ៊ុន សែនបានសម្ពោធដាក់ឱ្យប្រើប្រាស់ជាផ្លូវការរោងចក្រប្រព្រឹត្តកម្មទឹកស្អាតបាក់ខែងជំហានទី១ ដែលមានសមត្ថភាពគ្រប់គ្រងបញ្ហាកង្វះទឹកស្អាតប្រើប្រាស់នៅភ្នំពេញ។

រោងចក្រនេះ បានសាងសង់នៅលើផ្ទៃដី ១៥ហិកតា ស្ថិតក្នុងសង្កាត់បាក់ខែង ខណ្ឌជ្រោយចង្វារ ដែលមានសមត្ថភាពផលិតសរុប ១៩៥,០០០ម៉ែត្រគូបក្នុងមួយថ្ងៃ។រោងចក្រផលិតទឹកស្អាតនេះ គឺជាគម្រោងធំជាងគេជាប្រវត្តិសាស្ត្រក្នុងវិស័យអភិវឌ្ឍន៍ហេដ្ឋារចនាសម្ព័ន្ធទឹកស្អាតកម្ពុជា ដែលអនុវត្តការងារសាងសង់ដោយក្រុមហ៊ុន Vinci Construction Grands Projets មកពីប្រទេសបារាំង ស្ថិតក្រោមការត្រួតពិនិត្យរបស់រដ្ឋាករទឹកស្វយ័តរាជធានីភ្នំពេញ និងការជួយផ្តល់យោបល់ពីទីប្រឹក្សាបច្ចេកទេស SAFEGE Consulting Engineers មកពីប្រទេសបារាំង។រោងចក្រផលិតទឹកស្អាតបាក់ខែងជំហានទី១ ចំណាយថវិការសាងសង់សរុប២០០លានដុល្លារ ដែលមានសមត្ថភាពបន្ថែមលើការផលិតទឹកស្អាត ដែលមានស្រាប់ចំនួន ៦៤០.០០០ម៉ែត្រគូបក្នុងមួយថ្ងៃ នាំឱ្យរដ្ឋាករទឹកស្វយ័តក្រុងភ្នំពេញ មានសមត្ថភាពផលិត និងផ្គត់ផ្គង់ទឹកស្អាតសរុបបានប្រមាណ ៨៣៥,០០០ម៉ែត្រគូបក្នុងថ្ងៃ ព្រមទាំងបន្ថែមការផ្គត់ផ្គង់ជូនប្រជាពលរដ្ឋបានប្រមាណ ១៧០,០០០គ្រួសារ និងជួយដោះស្រាយបញ្ហាទឹកស្អាតរបស់ប្រជាជនរស់នៅតំបន់ជាយរាជធានីភ្នំពេញ និងសង្កាត់ចំនួន៣ នៅក្រុងតាខ្មៅ។ដោយឡែកររោងចក្រផលិតទឹកស្អាតបាក់ខែងជំហានទី២ រដ្ឋាករទឹកស្វយ័តក្រុងភ្នំពេញ មានសមត្ថភាពផលិត និងផ្គត់ផ្គង់ទឹកស្អាតសរុបបានជាង ១លានម៉ែត្រគូបក្នុងមួយថ្ងៃ ដែលបានចំណាយថវិការ១៨០លានដុល្លារ នឹងគ្រោងដាក់ឱ្យដំណើរការនៅឆ្នាំ២០២៤។សូមបញ្ជាក់ផងដែរថា ក្រោយរោងចក្រផលិតទឹកស្អាតបាក់ខែងទាំង២ជំហាន សាងសង់រួចជាស្ថាពរ នឹងធ្វើឱ្យប្រជាពលរដ្ឋដែលរស់នៅក្នុងរាជធានីភ្នំពេញ និងក្រុងតាខ្មៅ ជាពិសេសប្រជាពលរដ្ឋដែលរស់នៅជាយរាជធានីភ្នំពេញ ទទួលបានការផ្គត់ផ្គង់ទឹកស្អាតដែលធានាបាននូវសម្ពាធទឹកល្អប្រសើរ ព្រមទាំងបានបិទបញ្ចប់នូវទិន្នាការកង្វះខាតទឹកស្អាតក្នុងពេលបច្ចុប្បន្ន ត្រឹមដើមឆ្នាំ២០២៤៕

កោះខ្យង ស្ថិតនៅស្រុកស្រែអំបិល ខេត្តកោះកុង គឺជារមណីយដ្ឋានធម្មជាតិដ៏ស្រស់ត្រកាល មានដើមដូងដុះពាសពេញ និងដុំថ្មតូចធំតាមមាត់ឆ្នេរ នៃកោះ។

នៅលើកោះនេះ មានដើមដូងជាច្រើនបង្កើតបានជាផ្ទាំងទស្សនីយភាពមួយបែប និងមានឆ្នេរសមុទ្រដ៏ស្រស់ស្អាតគួរអោយចង់គុគន់។ អ្វីដែលកាន់ពិសេសជាងនេះទៅទៀតនេះ មានបរិយាកាសស្ងប់ស្ងាត់  ងាយស្រួលក្នុងការលំហែអារម្មណ៍។

កោះខ្យងនេះជាប់ឈ្មោះជាយូរណាស់មកហើយ​​ ពីព្រោះទីនេះមានទីតាំងជាប់សមុទ្រ និង​ កោះនាៗជាច្រើនទៀត ព្រមទាំងទីនេះ មានសណ្ឋានដីដូចជាកោះ និង សំបូរទៅដោយខ្យងផងនោះទើបទីនេះត្រូវបានគេដាក់ឈ្មោះថា កោះខ្យង។

កោះខ្យងគឺជាតំបន់ជំនួញតូចមួយ ប៉ុន្តែប្រជាជននៅទីនេះភាគច្រើនមានជីវភាពធូរធារដោយសារតែពួកគេសុទ្ធតែជាអ្នកជំនួញ។ ទីនេះមានប្រជាជនប្រហែលជា២៥០ទៅ៣០០គ្រួសារភាគច្រើនដូចជាអ្នក នេសាទ​ ជាអ្នកលក់ដូរ​​ និងបើកអាជីវកម្មផ្ទាល់ខ្លួន។

ដោយឡែកសម្រាប់ភ្ញៀវទេសចរណ៍ដែលទៅកម្សាន្តនៅទីនោះ អាចសម្រាកគេងបោះតង់នៅទីនោះ គយគន់មើលថ្ងៃលិច និងពេលរាត្រីយើងក៏អាចដុតភ្លើង អាំងសាច់ និងនិយាយរៀងក្នុងចិត្តជាមួយមនុស្សជាទីស្រលាញ់របស់យើង ដើម្បីធ្វើអោយបរិយាកាសកាន់តែរីករាយថែមទៀត៕

ថ្មីៗនេះនារីម្នាក់ដែលជាជនជាតិខ្មែរ និងកំពុងរស់នៅលើទឹកដីសហរដ្ឋអាម៉េរិក បានចេញវីដេអូទម្លាយរឿងដ៏សែនខ្មាសគេមួយព្រោះត្រូវជនជាតិបរទេសបានយកវីដេអូ ចែអំបិលម្ទេសមកសួរនាំ រហូតជនបរទេសថា »ញុំាខុសគេមួយប្រទេសអ៊ីចឹងតើម្នាក់ហ្នឹងជាបិសាចមែន?»

នៅលើផេកមួយមានឈ្មោះថា «Sok Reasey» ជាអ្នកបង្កើតមាតិកាមួយរូបទាក់ទងនឹងរបៀបរកលុយពីហ្វេកប៊ុក ហើយអ្នកនាងក៏ជាជនជាតិខ្មែរម្នាក់ដែលកំពុងតែរស់នៅជាមួយគ្រួសារនៅសហរដ្ឋអាម៉េរិក ដោយបានបង្ហោះវីដែអូព្រោះតែក្តីខ្មាសអៀនដោយសារចែអំបិលម្ទេសលក់មុខប្រទេសជាតិយ៉ាងខ្លាំងចំពោះការបង្កើតមាតិកាញុំារបស់ឆៅៗ ស្ទើរតែគ្រប់ប្រភេទទៅហើយមិនលើកលែងសូម្បី«ស្បែកជើង»។

ក្នុងវីដេអូដែលបានបង្ហោះនៅល្ងាចថ្ងៃទី១៧ ខែមិថុនា គណនីខាងលើបានរៀបរាប់ថា «តាំងពីមករស់នៅសហរដ្ឋអាម៉េរិក ខ្លួនមិនដែលខ្មាសគេប្រាប់គេថាជាជនជាតិខ្មែរ មកពីប្រទេសកម្ពុជាឡើយ ប៉ុន្តែលើកនេះត្រូវខ្មាសគេជាលើកទី១ដោយសារចែអំបិលម្ទេស លក់មុខប្រទេសជាតិមិនផ្សាយអ្វីដែលល្អ។ អ្នកនាងបានបន្តរៀបរាប់ថា ខ្លួនបានទៅលេងក្រុមការងារចាស់នៅកន្លែងធ្វើការដោយមានបាយឆា និងបង្អែមបាញ់ចានឿកយកទៅផ្ញើព្រោះពួកគេពិតជាចូលចិត្តម្ហូបខ្មែរណាស់។

អ្វីដែលធ្វើឱ្យខ្លួនគាំងស្ទើរនិយាយមិនចេញនោះ មានម្នាក់បានយកវីដេអូរបស់ចែអំបិលម្ទេស មកសួរខ្លួនថាជាភាសារបស់នាងឬមិនមែនព្រោះកន្លងមករូបនាងធ្លាប់បានបង្រៀនដល់ជនបរទេសខ្លះៗទាក់ទងនឹងភាសាខ្មែរទើបគេមកសួរបែបនេះ ខណៈដែលវីដេអូនោះជាជាវីដេអូចែអំបិលម្ទេសញុំាសួតឆៅ។ ជនបរទេសរូបនោះក៏បានចោទសួរគណនី Sok Reasey ថានាងញុំាដូចជានារីម្នាក់នោះទេឬ ដោយនាងបានឆ្លើយតបមិត្តបរទេសថា ប្រទេសទាំងមូលមានតែនារីម្នាក់ហ្នឹងទេដែលញុំាអ្វីស្មោគរោកបែបនេះ រហូតជនបរទេសនោះនិយាយទៀតថា ញុំាខុសគេមួយប្រទេសបែបនេះតើម្នាក់ហ្នឹងជាបិសាចមែន?។

ឮបែបនេះហើយអ្នកនាង Sok Reasey បានបង្ហាញអារម្មណ៍ដោយក្តីខ្មាសអៀនជាខ្លាំងព្រោះបុគ្គលតែម្នាក់ធ្វើឱ្យជនជាតិខ្មែរដទៃទៀតលក់មុខពេញប្រទេស ធ្វើឱ្យគេមើលងាយមកកាន់ប្រទេសកម្ពុជាទាំងមូល អ្វីដែលល្អៗមានច្រើនអនេកមិនព្រមបង្ហាញ បង្ហាញតែរឿងអាក្រក់ឱ្យមនុស្សជុំវិញពិភពលោកបានឃើញទៅវិញ៕