អនុវត្តតាមប្រសាសន៍ដឹកនាំដ៏ខ្ពង់ខ្ពស់បំផុតរបស់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្តី នៃព្រះរាជាណាចក្រកម្ពុជា រដ្ឋបាលរាជធានីភ្នំពេញ បានចេញសេចក្តីប្រកាសជូនដំណឹងដល់បងប្អូនកម្មករ-និយោជិត និង ប្រជាពលរដ្ឋទាំងអស់ ឱ្យបានជ្រាបថា៖” ដើម្បីជួយសម្រួលដល់ការធ្វើដំណើររបស់បងប្អូនកម្មករ-និយោជិត និង ប្រជាពលរដ្ឋទៅស្រុកកំណើត នៅថ្ងៃបោះឆ្នោតជ្រើសតាំងតំណាងរាស្ត្រ នីតិកាលទី៧ ថ្ងៃទី២៣ ខែកក្កដា ឆ្នាំ២០២៣ និងការផ្តល់សេវាដឹកជញ្ជូនសាធារណៈប្រចាំថ្ងៃជូនបងប្អូនប្រជាពលរដ្ឋនៅរាជធានីភ្នំពេញ រដ្ឋបាលរាជធានីភ្នំពេញ បានរៀបចំរថយន្តក្រុងចំនួន ៤៣០គ្រឿងសម្រាប់បម្រើសេវាដឹកជញ្ជូនសាធារណៈ ដោយចេញដំណើរពីរាជធានីភ្នំពេញ នៅថ្ងៃទី២២ ខែកក្កដា ឆ្នាំ២០២៣ និងធ្វើដំណើរត្រឡប់ពីខេត្តមករាជធានីភ្នំពេញវិញ នៅថ្ងៃទី២៤ ខែកក្កដា ឆ្នាំ២០២៣ ដោយមិនបង់ប្រាក់ និងមិនប្រកាន់និន្នាការនយោបាយណាមួយឡើយ។

• សម្រាប់សេវាស្ពឹកជញ្ជូនប្រជាពលរដ្ឋនៅក្នុងរាជធានីភ្នំពេញ ប្រើប្រាស់រថយន្តក្រុងចំនួន ៨០គ្រឿង
• សម្រាប់សេវាដឹកជពាំនបងប្អូនកម្មករ-និយោជិត និងប្រជាពលរដ្ឋ ដែលនឹងធ្វើដំណើរពីរាជធានីភ្នំពេញ ទៅតាមបណ្តាខេត្ត និងពីបណ្តាខេត្តត្រឡប់មករាជធានីភ្នំពេញវិញប្រើប្រាស់រថយន្តក្រុងចំនួន ៣៥០គ្រឿង ដែលមានគោលដៅ ទីតាំងដូចខាងក្រោម៖

យុទ្ធនាការឃោសនាបោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣​បានប្រព្រឹត្តទៅអស់រយៈពេល២សប្តាហ៍ជាងមកហើយ​ ដោយខណៈបក្សទាំង១៨ បានធ្វើការឃោសនាបោះឆ្នោត ស្របតាមច្បាប់របស់គ.ជ.ប។

ក្រោយធ្វើការឃោសនាបោះឆ្នោតប្រមាណជា២សប្តាហ៍ជាងមក នៅថ្ងៃទី២១ ខែកក្កដា ខាងមុខនេះ  គឺជាថ្ងៃចុងក្រោយនេះយុទ្ធនាការឃោសនា ដែលគ.ជ.ប អនុញ្ញាតឱ្យត្រឹមថ្ងៃទី២១ ខែកក្កដា វេលាម៉ោងដល់៩យប់តែប៉ុណ្ណោះ។

ទន្ទឹមគ្នានេះដែរ រដ្ឋបាលរាជធានីភ្នំពេញ សូមជម្រាបជូនដំណឹងដល់បងប្អូនប្រជាពលរដ្ឋទាំងអស់ក្នុងរាជធានីភ្នំពេញ ឱ្យបានជ្រាបថា នៅថ្ងៃទី២១ ខែកក្កដា ឆ្នាំ២០២៣ ជាថ្ងៃបិទយុទ្ធនាការឃោសនាបោះឆ្នោតជ្រើសតាំង តំណាងរាស្ត្រ នីតិកាលទី៧ របស់គណបក្សនយោបាយនានាដែលបានស្នើសុំទៅគណៈកម្មការរៀបចំការ បោះឆ្នោតរាជធានីភ្នំពេញ ដើម្បីធ្វើការជួបជុំសមាជិក សមាជិកា និងដង្ហែក្បួនឃោសនារកសម្លេងឆ្នោតក្នុង រាជធានីភ្នំពេញ ក្នុងនោះមានគណបក្សចំនួន០៣ ក្នុងចំណោមគណបក្សទាំង១៨ ដែលមានសកម្មភាព ដូចខាងក្រោម៖

ក្រោយពីបោះសម្តីថា «មានលុយប៉ុន្មានលានដុល្លារចង់ដើរក្តី» លោក យិន ហេង ហៅចំប៉ីខ្មៅ រងនូវពាក្យរិះគន់យ៉ាងខ្លាំងពីសំណាក់មហាជនអ្នកលេងបណ្តាញសង្គមហ្វេកប៊ុក ដោយពួកគេបានលើកឡើងថា សម្តីរបស់ចំប៉ីខ្មៅមិនសមជាអ្នករៀនច្បាប់សោះ ឆ្លើយភ្លាវមិនមានសីលធម៌នៅក្នុងខ្លួន។

នៅថ្ងៃទី១៩ ខែកក្កដា ចំប៉ីខ្មៅ បានបង្ហោះរូបភាពមួយសន្លឹកដែលជាសារឆ្លើយឆ្លងគ្នានៅលើហ្វេកប៊ុកដោយមានបុគ្គលម្នាក់បានឆាតសួរ ចំប៉ីខ្មៅថា «បងខ្ញុំចង់សួររឿងមួយបានអត់បង គេដើរនិយាយមិនល្អពីយើង យើងអាចមានសិទ្ធិប្ដឹងបានអត់បង?»។ ចំប៉ីខ្មៅបានតបវិញថា «ធ្វើខ្លួនឱ្យល្អគេលែងនិយាយដើមហើយ ហើយមានប៉ុន្មានលានដុល្លារក្នុងខ្លួនហ្នឹងចង់ដើរក្តី ?»។

ពាក្យសម្តីរបស់ ចំប៉ីខ្មៅ «មានប៉ុន្មានលានដុល្លារក្នុងខ្លួនហ្នឹងចង់ដើរក្តី ?» នេះបានធ្វើឱ្យមានការរិះគន់លោកយ៉ាងខ្លាំង។ អ្នកលេងបណ្តាញសង្គមបានសរសេរថា «សម្ដីដូចគ្មានសីលធម៌ គេសួរបែបស្រួលបួលឆ្លើយទៅគេមិនទំនង, The រៀនច្បាប់ but ខ្វះសីលធម៌ , ចឹងឱ្យតែបុគ្គលត្រូវគេនិយាយដើមសុទ្ធតែមិនល្អមែន? បាននិយាយឆ្លើយបែបនិងទៅគាត់?ហើយអ្នកដែលនិយាយពីគេសុទ្ធតែត្រូវទាំងអស់មែន? ,គួរតែចែករំលែកទៅបងគ្រាន់តែផ្តល់យោបល់ ឬចំណេះតិចតួចគាត់ប្រហែលទាល់ហើយ មិនចេះទើបគាត់សួរបងណាមួយគាត់ឃើញបងចេះច្បាប់ផង ពេលខ្លះអំពើល្អដែលបងធ្លាប់ធ្វើល្អដាក់គេច្បាស់ជាគេចងចាំបង»។

អ្នកផ្សេងទៀតបានលើកឡើងទៀតថា «មិនប្រាកដថាមនុស្សដែលត្រូវគេនិយាយដើមសុទ្ធតែធ្វើខ្លួនមិនល្អនោះទេបង ចឹងអ្នកនិយាយពីគេដឹងតែត្រូវមែន សួរឡើងសុទ្ធមានលុយប៉ុន្មានចង់ដើររឿងក្តីដូចបែបមើលងាយគេម៉េសបងនឹងមែនសម្តីអ្នករៀន ?, មិច idolឆ្លើយភ្លាវម៉េស ,យូរៗទៅកាន់តែភ្លាវម៉ងចេះឆ្លើយភ្លើចឹងកើត»។

ក្រៅពីអ្នកលេងបណ្តាញសង្គមដែលរិះគន់ ចំប៉ីខ្មៅ នោះមានអ្នកដែលយល់ដឹងផ្នែកច្បាប់ដែលមានគណនី Morno Morano បានចែករំលែកដែរថា «ខ្ញុំជាបេក្ខជនបណ្ឌិតច្បាប់ម្នាក់ និងមានបទពិសោធន៍ជំនួយការមេធាវី៤ឆ្នាំ ប៉ុន្តែខ្ញុំតែងតែមើលទៅលើឃើញ សិស្សមេធាវី សិស្សចៅក្រម សិស្សព្រះរាជអាជ្ញា ក្រឡាបញ្ជី សិស្សអាជ្ញាសាលា គេមិនដែលអំនួតលើបណ្តាញសង្គមសោះ។ បទល្មើសនេះអាចប្តឹងបាន យោងតាមមាត្រា៣១១នៃក្រមព្រហ្មទណ្ឌ“បទប្តឹងបរិហារបង្កាច់កេរ្ត៍” មាត្រា៣១២ ដាក់ពន្ធនាគារពី១ខែ ទៅ១ឆ្នាំ និងពិន័យជាប្រាក់ពី១សែនទៅ២លានរៀល។ បណ្តឹងអាជ្ញាបទល្មើសនេះផុតអាជ្ញាយុកាលក្នុងរយៈពេល១ឆ្នាំ។ ខ្ញុំរីករាយនិងប្រឹក្សាផ្នែកច្បាប់ បើរឿងខ្លះគួរគឺគួរ រឿងខ្លះប្តឹងមិនចំណេញ កុំខាតពេល។ គ្នាមិនចេះច្បាប់ រឿងល្មមៗឱ្យតែឮថាគេប្តឹងភ័យណាស់ ទាំងបទល្មើសខ្លះមិនតម្រូវឱ្យទទួលទណ្ឌកម្មព្រហ្មទណ្ឌ។ ដូច្នេះមានតែយើងអ្នកចេះនឹងហើយជួយណែនាំផ្លូវ»៕

ក្នុងជំនួបអ្នកគាំទ្ររបស់តារាចម្រៀង ជី ដេវីត នាពេលកន្លងមកនេះលោកបាននិយាយថានៅពេលប៉ះដៃគូប្រកួតប្រជែងជាជើងខ្លាំងលើវិស័យរ៉េប និងដើម្បីរក្សាប្រជាប្រិយភាពរបស់ខ្លួនគឺចាត់ទុកគូប្រជែងជើងខ្លាំងរូបនោះជាមិត្ត៨០%ហើយ២០%ជាសត្រូវប៉ុណ្ណោះ។

ដ្បិតជាតារាចម្រៀងឯករាជ្យមិនពឹងផលិតកម្មជ្រកកោនដូចមុនតែតារាចម្រៀង ជី ដេវីត នៅតែឈរជើងយ៉ាងរឹងមាំក្នុងវិស័យសិល្បៈជាតារាជើងខ្លាំងមួយរូបនៅកម្ពុជាដែលអាចបញ្ជាក់បានថា ភាពល្បីល្បាញរបស់គេដល់សព្វថ្ងៃនេះគឺដោយសារតែសមត្ថភាពរបស់ខ្លួនពិតប្រាកដ។ យ៉ាងណាមិញ ទន្ទឹមនឹងទទួលបានការគាំទ្រពីសំណាក់មហាជនយ៉ាងខ្លាំងក្លានោះ ជី ដេវីត ក៏រងនូវការរិះគន់ ព័ត៌មានអាស្រូវជាច្រើននៅលើវិថីនេះដូចគ្នា។

នាពេលបច្ចុប្បន្ននេះគេសង្កេតឃើញថា តារាចម្រៀងមានច្រើននៅក្នុងប្រទេសកម្ពុជាដែលទាមទារឱ្យពួកគេត្រូវមានអ្វីដែលថ្មី ខ្លាំង និងល្អ សម្រាប់អ្នកគាំទ្ររបស់ខ្លួនមិនដូច្នេះទេពិបាកនឹងរក្សាលំនឹងលើអាជីពនេះណាស់។ ជាមួយគ្នានេះដែរ ក្នុងកម្មវិធីជំនួបអ្នកគាំទ្ររបស់តារាចម្រៀង ជី ដេវីត កាលពីកន្លងមកថ្មីៗនេះ ជី ដេវីត បានផ្តល់ចម្លើយយ៉ាងល្អសម្រាប់អ្នកគាំទ្ររបស់ខ្លួនជុំវិញរក្សាប្រជាប្រិយភាពពេលប៉ះជើងខ្លាំងក្នុងវិស័យរ៉េបផងដែរ។

ជី ដេវីត ថាខ្លួនមិនផ្តោតលើការប្រកួតប្រជែងទាំងស្រុងនោះទេ ពោលមិនចាត់ទុកជាសត្រូវ១០០%ឡើយព្រោះពេលណាឱ្យនាមគេជាសត្រូវ១០០%ពេលមានឱកាសសម្លាប់គេចោលមិនខានដែលមានន័យថាបំបាក់ប្រជាប្រិយភាពតែម្តង។ ប៉ុន្តែមិនដូច្នេះទេ នៅពេលប៉ះជើងខ្លាំងលោកចាត់ទុកគេជាសត្រូវ២០% ប៉ុណ្ណោះ ហើយមិត្តភក្តិ៨០% ដោយផ្នែកលើទសពិធរាជធម៌ តែលោកមិនប្រាកដទេថាខ្លួនមិនសម្លាប់គេ តែគេអាចសម្លាប់វិញឬអត់គឺអាស្រ័យលើពេលវេលាជាក់ស្តែង។

ម្ចាស់បទ «មហានគរ» រូបនេះបន្តថា ចំណុចមួយទៀតបើចាត់ទុកគេជាមិត្តភក្តិទោះមិត្តភក្តិនោះក្បត់យើងយ៉ាងណាតែក៏មិនដល់ថ្នាក់សម្លាប់ដែរ យ៉ាងច្រើនអាចថាធ្វើជាមនុស្សមិនស្គាល់គ្នា តែបើជាសត្រូវនោះពេលមានឱកាសពិតជាសម្លាប់មិនខាន។ ជាមួយគ្នានេះដែរ ជី ដេវីត ក៏បានលើកឡើងថាកុំមើលគេក្នុងផ្លូវអវិជ្ជមានច្រើនពេកព្រោះកាលណាយើងគិតបែបនេះច្បាស់ជាលទ្ធផលបែបនោះ ប៉ុន្តែប្រសិនជាគិតភាពវិជ្ជមានប្រាកដជាចេញផ្លូវល្អមិនខាន។

ក្រោយពីស្តាប់ការរៀបរាប់របស់ តារាចម្រៀង ជី ដេវីត រួចហើយអ្នកគាំទ្រជាច្រើនពេញចិត្តយ៉ាងខ្លាំងចំពោះចម្លើយនេះដែលអាយដលរបស់ពួកគេតែងតែមានភាពវិជ្ជមានក្នុងចិត្តជានិច្ចបើទោះជាប្រឈមបញ្ហាច្រើនក៏ដោយនៅលើវិថីសិល្បៈនេះ៕