សមាគមឧកញ៉ា នៅកម្ពុជា ដែលមានអ្នកឧកញ្ញ៉ា លី យ៉ុងផាត់ ប្រធានសមាគមឧកញ៉ាកម្ពុជា បានដាក់សំណើសុំផ្ដល់សិទ្ធិដល់សមាគមឧកញ៉ាកម្ពុជា ក្នុងការធ្វើបច្ចុប្បន្នភាពបញ្ជីឈ្មោះអ្នកទទួល បានគោរមងារឧកញ៉ា និងរៀបចំចាត់ចែងឯកសណ្ឋានផ្លូវការរបស់អ្នកទទួលបានគោរមងារឧកញ៉ ទាំងអស់នៅកម្ពុជា។

យោងតាមលិខិតលេខ៩២២-៦២ សឧក ចុះថ្ងៃទី១៨ ខែកក្កដា ឆ្នាំ២០២៣ របស់អ្នកឧកញ៉ាប្រធានសមាគម ឧកញ៉ាកម្ពុជា -លិខិតលេខ៤៣៨ ខន/០២៣ សជណ ចុះថ្ងៃទី២១ ខែកក្កដា ឆ្នាំ២០២៣ របស់ខុទ្ទកាល័យសម្តេច អគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ចំណារដ៏ខ្ពង់ខ្ពស់បំផុតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្តី នៃព្រះរាជាណាចក្រកម្ពុជា ចុះថ្ងៃទី១៩ ខែកក្កដា ឆ្នាំ២០២៣។

សេចក្ដីដូចមានចែងក្នុងកម្មវត្ថុនិងយោងខាងលើ ទីស្ដីការគណៈរដ្ឋមន្ត្រីសូមជម្រាបជូនអ្នកឧកញ៉ា ជ្រាបថា រាជរដ្ឋាភិបាលយល់ព្រមជាគោលការណ៍ដូចខាងក្រោម៖

• ផ្តល់សិទ្ធិឱ្យសមាគមឧកញ៉ាកម្ពុជា ធ្វើបច្ចុប្បន្នភាពនូវបញ្ជីឈ្មោះ និងរៀបចំចាត់ចែងឯកសណ្ឋាន ផ្លូវការរបស់លោកអ្នកឧកញ៉ា អ្នកឧកញ៉ា នឹងឧកញ៉ាទាំងអស់នៅកម្ពុជា ដូចមានក្នុងសៀវភៅភ្ជាប់មក ជាមួយ
• ទីស្តីការគណៈរដ្ឋមន្ត្រី និងក្រសួងស្ថាប័នពាក់ព័ន្ធនានាត្រូវផ្ដល់នូវរាល់សេចក្តីចម្លងលើលិខិតឯកសារ ពាក់ព័ន្ធនឹងគោរមងារឧកញ៉ា ជាពិសេសនូវរាល់សេចក្តីចម្លងព្រះរាជក្រឹត្យផ្ដល់គោរមងារឧកញ៉ាឱ្យទៅ សមាគមឧកញ៉ាកម្ពុជា
• ឯកសណ្ឋានដូចមានក្នុងសៀវភៅភ្ជាប់មកជាមួយនេះ ត្រូវបញ្ចូលក្នុងព្រះរាជក្រឹត្យដែលបាននិងកំពុង តាក់តែង។ អាស្រ័យដូចបានជម្រាបជូនខាងលើសូម អ្នកឧកញ៉ាជ្រាបនិងចាត់ចែងអនុវត្ត៕

នារសៀលថ្ងៃទី២៦ ខែកក្កដា ឆ្នាំ២០២៣ សម្តេចតេជោ ហ៊ុន សែន បានប្រកាសថា៖”សម្តេចមិនបន្តតំណែងជានាយករដ្ឋមន្ត្រីក្នុងអាណត្តិអាណត្តិទី៧ នោះឡើយ ដោយសម្តេចនឹង​កាន់​តំណែង​ផ្សេង​ចំនួន ៣​ជា​ជំនួស​វិញ”។

ក្រោយ​លាលែង​តំណែង​នាយករដ្ឋមន្ត្រី នឹង​កាន់​តំណែង​ចំនួន ៣ ទី១ ប្រធាន​បក្ស​ប្រជាជនកម្ពុជា ទី២​ប្រធានព្រឹទ្ធសភា និង​ដើរតួនាទីជា​ប្រមុខរដ្ឋ​ស្ដី​ទី ករណី​ព្រះមហាក្សត្រ​ដែល​ជា​ប្រមុខរដ្ឋ មាន​ព្រះរាជ​កិច្ច​ត្រូវ​យាង​ចេញ​ពី​ប្រទេស ដោយ​ឡែក​ទី៣ សម្ដេចតេជោ នឹង​កាន់ជា​ប្រធាន​ឧត្តម​ក្រុម​ប្រឹក្សា​រាជសម្បត្តិផងដែរ។

សូមបញ្ជាក់ផងដែរថា ឯកឧត្តម​បណ្ឌិត ហ៊ុន ម៉ាណែត នឹង​ឡើង​កាន់​តំណែង​នាយករដ្ឋមន្ត្រី​បន្ត នៅថ្ងៃទី២២ ខែសីហា ដោយត្រូវចូល​ទៅ​ស្បថ​មុខ​ព្រះ​មហាក្សត្សនៅថ្ងៃទី២១ ខែសីហា ជាមុនសិន៕

បរទេស៖ ចាប់តាំងពីដើមទសវត្សរ៍ឆ្នាំ ១៩៧០ ត្រីកោណអាឡាស្កាបានក្លាយជាកន្លែងនៃការបាត់ខ្លួនដែលមិនអាចពន្យល់បានច្រើនជាងកន្លែងផ្សេងទៀតនៅក្នុងពិភពលោក។

ត្រីកោណអាឡាស្កា គឺជាតំបន់មួយនៅក្នុងរដ្ឋអាឡាស្កា ដែលស្ថិតនៅភាគខាងត្បូង នៃប្រទេសសហរដ្ឋអាមេរិក នឹងជាទីក្រុងដាច់ស្រយាលតូចមួយនៅឆ្នេរសមុទ្រភាគខាងជើង។ មនុស្សជាង ២០.០០០ នាក់ត្រូវបានប៉ាន់ប្រមាណថាបានបាត់ខ្លួននៅក្នុងទឹកដីដ៏ធំនេះចាប់តាំងពីដើមទសវត្សរ៍ឆ្នាំ ១៩៧០។ នៅទូទាំងរដ្ឋអាឡាស្កា ជាមធ្យមមានមនុស្សចំនួន ២,២៥០ នាក់បានបាត់ខ្លួនជារៀងរាល់ឆ្នាំ ដែលចំនួននេះកើនឡើងទ្វេដងនៃចំនួនមធ្យមជាតិ ហើយភាគច្រើនកើតឡើងនៅក្នុងតំបន់រាងត្រីកោណដ៏រដុបនេះ។

មនុស្សល្បីៗមួយចំនួនដែលបាត់ខ្លួននៅតំបន់ត្រីកោណអាឡាស្កា រួមមានលោក Sir Thomas Hale Boggs អតីតមេដឹកនាំភាគច្រើននៅក្នុងសភាតំណាងសហរដ្ឋអាមេរិក និងលោក Nick Begich សមាជិកសភាអាឡាស្កា។ អ្នកនយោបាយពីរនាក់បានបាត់ខ្លួននៅថ្ងៃទី ១៦ ខែតុលា ឆ្នាំ ១៩៧២ ពេលកំពុងហោះហើរក្នុងយន្តហោះតូចមួយពី Anchorage ទៅកាន់ Juneau ជាមួយនឹងជំនួយការ Begich Russell Brown និងអ្នកបើកយន្តហោះ Don Jonz ។ អាជ្ញាធរបានបើកកិច្ចខិតខំប្រឹងប្រែងទ្រង់ទ្រាយធំ ដើម្បីស្វែងរកអ្នកបាត់ខ្លួនទាំង ៤ នាក់ ប៉ុន្តែមិនបានរកឃើញសាកសព ឬបំណែកយន្តហោះនោះទេ។

បច្ចុប្បន្នត្រីកោណអាឡាស្កាគឺជារដ្ឋដែលមានប្រជាជនតិចជាងគេបំផុតនៅក្នុងសហរដ្ឋអាមេរិក ដោយសារតែប្រជាជនក្នុងរដ្ឋនេះតែងតែបាត់ខ្លួនជារៀងរាល់ឆ្នាំដោយមិនដឹងមូលហេតុ។ អ្នកស្រាវជ្រាវជាច្រើនបានចុះទៅស្វែងរកអាថ៌កំបាំងនៅទីនោះហើយក៏បានបាត់ខ្លួនដោយមិនដឹងមូលហេតុដូចគ្នា។ សព្វថ្ងៃត្រីកោណអាឡាស្កាគឺជាកន្លែងសម្រាប់សកម្មភាពម៉ាញេទិកមិនធម្មតា នឹងជាវាលរហោស្ថានដែលស្ងាត់ជ្រងំជាមួយនឹងភ្នំតូចៗ ផ្ទាំងទឹកកក អាកាសធាតុត្រជាក់ជូរចត់ រួមជាមួយបឹងរាប់លាន៕ ប្រភព៖vnexpress

ទង់ជាតិ គឺជានិមិត្តសញ្ញាមួយក្នុងចំណោមនិមិត្តសញ្ញាជាច្រើន ដែលអាចសម្គាល់បាននូវអត្តសញ្ញាណរបស់ប្រទេសមួយ។

ជាធម្មតា មនុស្សអាចដឹងថាទង់ជាតិមួយណាជាកម្មសិទ្ធិរបស់ប្រទេសណាបាន លុះត្រាតែ ប្រទេសនោះជាប្រទេសដែលលេចធ្លោនៅក្នុងព្រឹត្តិការណ៍កីឡាអន្តរជាតិ ឬក៏ជាប្រទេសមហាអំណាច ឬក៏ប្រទេសនោះមានវប្បធម៌ និងកន្លែងទេសចរណ៍កម្សាន្តគួរឱ្យទាក់ទាញជាដើម។

ក៏ប៉ុន្តែ បច្ចុប្បន្ន ក៏នៅមានការភាន់ច្រឡំមួយចំនួនផងដែរ រវាងទង់ជាតិប្រទេសមួយចំនួន ជាក់ស្តែងគឺប្រទេសឆាដ(Chad) និង រ៉ូម៉ានី (Romania)។

នៅលើលោកនេះ គ្មាន​ទង់ជាតិ​ណាមួយ​ មានភាពស្រដៀគ្នាខ្លាំង​ដូច​ទង់ជាតិ​ប្រទេសទាំងពីរ​នេះនោះ​ទេ។ ការរចនា និងទំហំរបស់ទង់ជាតិ ស្ទើរតែដូចគ្នាបេះបិទ សូម្បីតែឆ្នូតបញ្ឈរពណ៌ខៀវ លឿង និងក្រហមនៅលើទង់ជាតិក៏ដោយ។

ទង់ជាតិរ៉ូម៉ានី មានតាំងពីឆ្នាំ១៨៦១ ដោយឡែកទង់ជាតិនៃប្រទេសឆាដ ត្រូវបានប្រាក់ប្រាស់ជាលើកដំបូងក្នុងឆ្នាំ១៩៥៩ បន្ទាប់ពីប្រទេសនេះទទួលបានឯករាជ្យពីប្រទេសបារាំង។

កាលដើមឡើយទង់ជាតិរ៉ូម៉ានី ក៏ធ្លាប់ផ្លាស់ប្តូរម្តងដែរ ដោយបានបន្ថែមរូបភ្នំនៅចំកណ្តាល ដើម្បីកុំឱ្យច្រឡំជាមួយទង់ជាតិប្រទេសឆាដ តែដោយសារតែរូបទង់ជាតិចាស់របស់ប្រទេសរ៉ូម៉ានី ត្រូវបានគេទទួលស្គាល់នៅលើឆាកអន្តរជាតិរួចហើយនោះ ពួកគេក៏សម្រេចចិត្តប្រើប្រាស់ទង់ជាតិចាស់ដែលគ្មានរូបភ្នំវិញ។

ម៉្យាងវិញទៀត រ៉ូម៉ានី បានអះអាងថា៖” តាមប្រវត្តិសាស្ត្រពួកគេជាអ្នកដាក់ឱ្យប្រើប្រាស់រូបទង់ជាតិនេះមុន ហេតុដូច្នេះ អ្នកដែលគួរតែប្តូរគួរណាស់តែប្រទេសឆាដ”។

មកទល់នឹងបច្ចុប្បន្ននេះ ប្រទេសទាំងពីរនេះ ហាក់មិនមានការឈ្លោះប្រកែកអំពីទង់ជាតិនេះនោះទេ ដោយហេតុថាប្រទេសទាំងពីរគ្មានប្រវត្តិសាស្ត្រធ្លាប់មានសង្គ្រាមជាមួយគ្នា និងមិនមែនជាប្រទេសស្ថិតនៅក្នុងទ្វីបជាមួយគ្នាទៀត ដោយឆាដ នៅទ្វីអាហ្វ្រិក ខណៈរ៉ូម៉ានី នៅទ្វីបអឺរ៉ុប៕

ប្រភព៖ Britannica

កីឡាករ​ សៀង​ ចន្ធា បានធ្វើតេស្តសុខភាពជាប់ជាផ្លូវការហើយ ដោយរូបគេនឹងចូលរួមជាមួយក្លិប Al Shahaniya នៃលីគទី២ប្រទេសកាតា។

ការផ្លាស់ទៅលីគកាតា បានធ្វើឱ្យរូបគេ ក្លាយជា​កីឡាករ​បាល់ទាត់​កម្ពុជា​វ័យ​ក្មេង​ជាងគេ​ដែល​បាន​ផ្លាស់​ទៅ​ប្រកប​អាជីព​បាល់ទាត់​ក្រៅ​ប្រទេស ដោយមានវ័យត្រឹម២០ឆ្នាំ ដោយវ៉ាដាច់សិស្សច្បងកីឡាករឃឹម បុរី ដែលបានផ្លាស់ទៅលេងក្រុម SISAKET នៅក្នុងវ័យ២២ឆ្នាំ។

ជាមួយគ្នានេះដែរ បើតាមព័ត៌មានចចាមអារ៉ាម បានឱ្យដឹងថាខ្សែប្រយុទ្ធ សៀង ចន្ធា នឹងទទួលថ្លៃនឿយហត់ម្រមាណ៦ម៉ឺនដុល្លារក្នុង១រដូវកាល  នៅក្នុងលក្ខខណ្ឌខ្ចីជើងពីក្លិបបឹង កេត៕