ប្រសិនបើអ្នកសុបិន្តឃើញលាមកគឺវាមានអត្ថន័យខុសៗគ្នាទៅតាមប្រភេទនៃសុបិន្ត ដែលសុបិន្តខ្លះគឺល្អ ហើយខ្លះទៀតក៏អាក្រក់។ ដូច្នេះហើយខាងក្រោមនេះគឺជាអត្ថន័យនៃការសុបិន្តឃើញលាមក៖

១.សុបិន្តឃើញចាប់លាមក៖ ការសុបិន្តបែបនេះ ទំនាយទាយថាគឺអាក្រក់ណាស់ អ្នកនឹងត្រូវបានគេនិយាយដើម ហើយអ្នកនឹងអាប់ឱនកេរ្តិ៍ឈ្មោះ។

២.សុបិន្តឃើញចង់ញ៉ាំលាមក៖ ប្រសិនបើនរណាម្នាក់សុបិន្តចង់ញ៉ាំលាមក មានន័យថា សាច់ញាតិ ឬមនុស្សជុំវិញខ្លួន នឹងមានការខកចិត្តចំពោះអ្នក។

៣.សុបិន្តឃើញលាមកខ្លួនឯង៖ ការសុបិន្តបែបនេះ មានន័យថា អ្នកនឹងមានសំណាង ឬឱកាសល្អជិតមកដល់អ្នក។

៤.សុបិន្តឃើញលាមករបស់អ្នកដទៃ៖ ប្រសិនបើអ្នកសុបិន្តឃើញលាមករបស់អ្នកដទៃ មានន័យថា នឹងមានមនុស្សដែលនាំមកនូវសំណាងល្អក្នុងជីវិតរបស់អ្នក។

៥.សុបិន្តឃើញលាមកនៅក្នុងបន្ទប់ទឹក៖ ការសុបិន្តបែបនេះ មានន័យថា ក្នុងអំឡុងពេលនេះបើអ្នកគិតចង់ធ្វើអ្វីក៏បាន ប៉ុន្តែត្រូវតែអត់ធ្មត់បន្តិចទើបជោគជ័យ។

៦.សុបិន្តឃើញលាមកក្នុងបង្គន់៖ ប្រសិនបើអ្នកណាម្នាក់សុបិន្តឃើញលាមកនៅក្នុងបង្គន់ មានន័យថា អ្នកនឹងត្រូវបានគេចោតប្រកាន់អ្វីមួយ ឬនិយាយរឿងអាក្រក់ពីអ្នក ដែលអាចបំផ្លាញសុខភាពផ្លូវចិត្តរបស់អ្នក។

៧.សុបិន្តឃើញលាមកច្រើននៅលើឥដ្ឋ៖ បើសុបិន្តឃើញបែបនេះ មានន័យថា អ្នកនឹងទទួលបានកេរ្តិ៍ឈ្មោះ កិត្តយស សំណាងល្អ ឬមានទ្រពសម្បត្តិហូរហៀរជាដើម៕ ប្រភព៖sanook

ដោយមានការត្អូញត្អែរពីសំណាក់អ្នកប្រើប្រាស់ទូរស័ព្ទចល័តពាក់ព័ន្ធនឹងការដកហូតយកលេខទូរស័ព្ទ និយ័តករទូរគមនាគមន៍កម្ពុជា (ន.ទ.ក.) បានចេញសេចក្តីណែនាំនៅថ្ងៃទី១៤ សីហា ទៅប្រតិបត្តិករផ្តល់សេវាទូរស័ព្ទចល័តត្រូវកំណត់រយៈពេល នៃការបន្តបើកដំណើរការលេខទូរស័ព្ទ ចល័តរបស់អ្នកប្រើប្រាស់ ក្រោយពេលផុតសុពលភាពនៃទឹកប្រាក់ក្នុងគណនីគោល ដោយបែងចែកជាដំណាក់កាលដូចខាងក្រោម៖

ដំណាក់កាលទី១: ត្រូវកំណត់រយៈពេល ៦០ ( ហុកសិប) ថ្ងៃ សម្រាប់ផ្អាកជាបណ្តោះអាសន្ននូវការហៅទូរស័ព្ទចេញ ការផ្ញើសារខ្លី (SMS) ចេញ និងការប្រើប្រាស់ទិន្នន័យ។ អ្នកប្រើប្រាស់ អាចហៅទូរស័ព្ទចេញទៅកាន់លេខសង្គ្រោះបន្ទាន់ ១១៧ (នគរបាល) ១១៨ (រថយន្តពន្លត់អគ្គីភ័យ) និង ១១៩(រថយន្តសង្គ្រោះបន្ទាន់) ដោយឥតគិតថ្លៃ។

ដំណាក់កាលទី២ ត្រូវកំណត់រយៈពេល ៣០ (សាមសិប) ថ្ងៃ សម្រាប់ផ្អាកជាបណ្តោះអាសន្ននូវការហៅទូរស័ព្ទចេញនិងចូល ការផ្ញើសារខ្លី (SMS) ចេញនិងចូល និង ការប្រើប្រាស់ទិន្នន័យ។ អ្នកប្រើប្រាស់អាចហៅទូរស័ព្ទចេញទៅកាន់លេខ សង្គ្រោះបន្ទាន់ ១១៧ ( នគរបាល) ១១៨ (រថយន្តពន្លត់អគ្គិភ័យ) និង ១១៩ (រថយន្តសង្គ្រោះបន្ទាន់) ដោយឥតគិតថ្លៃ។
ដំណាក់កាលទី៣: ត្រូវបញ្ឈប់ដំណើរការនិងបន្តរក្សាទុកលេខទូរស័ព្ទចល័តរបស់អ្នកប្រើប្រាស់ ក្នុងរយៈពេល ៩០(កៅសិប) ថ្ងៃ។ ក្នុងរយៈពេលនេះ ម្ចាស់លេខទូរស័ព្ទចល័ត អាចស្នើសុំឱ្យប្រតិបត្តិករផ្តល់សេវាទូរស័ព្ទចល័ត បើកដំណើរការសាជាថ្មី។

ក. បន្ទាប់ពីដំណាក់កាលទី១ ដំណាក់កាលទី២ និងដំណាក់កាលទី៣ ខាងលើ ប្រតិបត្តិករផ្តល់ សេវាទូរស័ព្ទចល័តអាចដកហូតលេខទូរស័ព្ទចល័ត ដែលពុំមានការប្រើប្រាស់និងដាក់លក់ លេខទូរស័ព្ទនោះសាជាថ្មីឡើងវិញ។
ខ. ប្រតិបត្តិករផ្ដល់សេវាទូរស័ព្ទចល័ត ត្រូវមានកាតព្វកិច្ចរក្សាទុកកំណត់ត្រានៃអត្តសញ្ញាណ របស់គ្រប់អ្នកចុះឈ្មោះប្រើប្រាស់ទូរស័ព្ទចល័ត (ទាំងអ្នកចាស់និងអ្នកថ្មី) ព្រមទាំងត្រូវកំណត់ លក្ខខណ្ឌពាក់ព័ន្ធនឹងការណែនាំខាងលើនេះ ឱ្យបានច្បាស់លាស់ ក្នុងកិច្ចសន្យាជាវសេវា៕

ទំពាំងបារាំងជាដំណាំបន្លែមួយប្រភេទដែលមានអាយុកាលដាំដុះវែង អាចចាប់ផ្តើមប្រមូលផលក្រោយពីដាំដុះបាន ៥-៦ខែ ហើយអាចបន្តប្រមូលផលបានដល់អាយុ ១៥-២០ឆ្នាំ ប៉ុន្តែត្រូវទុកចន្លោះតែងដើមចាប់ពី ៣-៤ខែម្តង។ បន្លែទំពាំងបារាំង ភាគច្រើនមានដាំដុះនៅខេត្តមួយចំនួនដូចជា ប៉ៃលិន បាត់ដំបង ត្បូងឃ្មុំ កំពង់ឆ្នាំង និងខេត្តតាកែវ។

ដីដែលល្អសម្រាប់ការដាំដុះ ត្រូវតែជាដីដែលមិនជាំទឹក វាមិនត្រូវការសារធាតុចិញ្ចឹមច្រើនដូចដំណាំផ្សេងៗទៀតទេ ហើយធន់នឹងអាកាសធាតុរាំងស្ងួត ប៉ុន្តែវាទាមទារការថែទាំយកចិត្តទុកដាក់ខ្ពស់ ប្រើប្រាស់កម្លាំងពលកម្មច្រើនសម្រាប់សម្អាតស្មៅជាប្រចាំ ស្រោចស្រព និងការប្រមូលផលពន្លករៀងរាល់ថ្ងៃ មិនអាចទុកពន្លកទំពាំងឱ្យចាស់បានទេត្រូវដកចេញពីគុម្ព។ សម្រាប់ការដាំដុះលក្ខណៈអាជីវកម្ម ដំណាំនេះត្រូវការផ្ទៃដីដាំដុះធំជាងដំណាំបន្លែទូទៅ ព្រោះហេតុថាក្នុងមួយគុម្ពអាចប្រមូលផលបានត្រឹម ១-៥ដើមក្នុងមួយដង ហើយត្រូវចំណាយដើមទុនច្រើនសម្រាប់ការដាំដុះដំបូង។
កសិករដែលបានដាំដុះបន្លែទំពាំងបារាំង បានអះអាងថាកាលពីមុនដំបូងពេលគេមិនទាន់ស្គាល់រាងពិបាកលក់ តែមកដល់បច្ចុប្បន្នបន្លែទំពាំងមានទីផ្សារល្អ ងាយស្រួលលក់ និងមានតម្លៃថ្លៃ ទំពាំងមួយគីឡូក្រាមមានតម្លៃចាប់ពី ១១ ០០០ទៅ ១៣ ០០០រៀល អាស្រ័យទៅតាមរដូវកាល។

បើតាមបទពិសោធន៍ផ្ទាល់របស់កសិករនៅក្នុងខេត្តប៉ៃលិនអ្នកស្រី លឹម សុភាព បានឱ្យដឹងថាការចំណាយការដាំដុះទំពាំងបារាំងលើផ្ទៃដី ២ ៤០០ម៉ែតក្រឡា ត្រូវការដើមទុនប្រហែល ៩ ២១០ ០០០រៀល សម្រាប់ការចំណាយលើការរៀបប្រព័ន្ធស្រោចស្រព សម្ភារៈ កម្លាំងពលកម្ម និងជីជាដើម៕

ពលរដ្ឋរស់នៅស្រុកគាស់ក្រឡ ស្ថិតនៅក្នុងខេត្តបាត់ដំបូង ហាក់ត្អូញត្អែរអំពីកង្វះខាតប្រព័ន្ធធរាសាស្ត្រ ដែលធ្វើឱ្យប៉ះពាល់ដល់ការធ្វើកសិកម្មជាខ្លាំង។

យោងតាមគណនីហ្វេកប៊ុកឈ្មោះ Chantra Battambang បានបង្ហោះថា៖”

ស្រុកគាស់ក្រឡ ៖ (ពលរដ្ឋ ផ្ញើរូបភាពមកពី ភូមិស្ពាន ឃុំគាស់ក្រឡ) ហើយក៏មានពលរដ្ឋ ផ្ញើមកពី ភូមិដូនបា ឃុំដូនបា ដែរ និងប្រាប់មកថា “ស្រុកគាស់ក្រឡ មាន៦ឃុំ តែ៥ឃុំ ស្រូវកំពុងរងចាំជួយសង្គ្រោះពីទឹកភ្លៀង (ធ្វើស្រែប្រវះមេឃ)” ។
ថា៤ឃុំផ្សេងទៀត ដូចជា ឃុំ ដូនបា ឃុំហប់ ឃុំព្រះផុស និងឃុំឆ្នាល់មាន់ ឆ្ងាយពីប្រឡាយ សមនិងអត់ទឹក តែ ឃុំគាស់ក្រឡ ជាប់នឹងឃុំធិបតី សោះក៏អត់ទឹកដាក់ស្រែដែរ ដូចនេះ សូមជម្រាបជូនសំណូមពរ ប្រជាពលរដ្ឋនេះ ទៅកាន់ជំនាញពាក់ព័ន្ធ ខាងកសិកម្ម និង ធនធានទឹក ជ្រាបជាដំណឹង និងជាពិសេស ឯកឧត្តមអភិបាលខេត្ត សុខ លូ-Sok Louបានជ្រាបជាពត៌មាន។
រឿងនយោបាយទឹកនេះ ជារឿងសំខាន់ណាស់សម្រាប់វិស័យកសិកម្ម, អត់ភ្លៀងជារឿងមួយ អាចបន្ទោសមេឃ តែរឿងមានប្រឡាយហើយត្រូវធ្វើយ៉ាងម៉េច? មានប្រឡាយអត់ទឹកត្រូវធ្វើយ៉ាងម៉េច? អត់ប្រឡាយត្រូវធ្វើយ៉ាងម៉េច? នោះត្រូវបន្ទោសអ្នកណា? បើអត់ប្រឡាយ ត្រូវតែជីកប្រឡាយថែម សម័យនេះហើយ គ្រឿងចក្រទំនើបណាស់ មិនមែនប្រើចប និង បង្គី ដូចសម័យ ប៉ុល ពត ទៀតទេ ខ្ញុំចាំបានថា កាលប៉ុន្មានឆ្នាំមុន ពេលអភិបាលស្រុកគាស់ក្រឡចាស់នៅ លោកធ្លាប់ប្រើនយោបាយទឹក ដោយបូមទឹកបណ្តាក់ពីឃុំធិបតី ទៅកណ្តាលស្រុក បន្តទំលាក់ទៅអូរចំនួន២ ដើម្បីជួយសង្គ្រោះ ស្រូវក្នុងឃុំ ដែលឆ្ងាយពីតំបន់ទំនាប ដែលទឹកមិនអាចហូរទៅដល់នៅពេលមានគ្រោះរីងស្ងួត ចុះពេលនេះ ហេតុអី មិនបន្តនយោបាយទឹកបែបនេះទៀតទៅ ?
ទី១ ជីកប្រឡាយថែម
ទី២ ស្តារប្រឡាយចាស់ អោយជ្រៅជាងមុន
ទី៣ បូមបណ្តាក់ ជាដំណាក់ៗ…
នេះជាគំនិត យោបល់ តិចតួច របស់ខ្ញុំទេ បើ ជំនាញពាក់ព័ន្ធ ទទួលបានក៏ល្អ មិនទទួលក៏មិនអាក្រក់ដែរ តែ ជាង40ឆ្នាំហើយ ប្រឡាយ និងទឹក គួរអភិវឌ្ឍន៍ អោយបានដល់ចុងកាត់មាត់ញក ហើយ
១៥ សីហា ២០២៣

កម្លាំងនៃមជ្ឈមណ្ឌលសកម្មភាពកំចាត់មីនកម្ពុជា (ស៊ីម៉ាក់) បានរកឃើញយុទ្ធភណ្ឌមិនទាន់ផ្ទុះជាច្រើនពាន់គ្រាប់នៅក្នុងបរិវេណវិទ្យាល័យព្រះមហាក្សត្រយានីកុសមៈ ខេត្តក្រចេះ ហើយក៏បានសម្រេចបិទសាលា និងផ្អាកការសិក្សាមួយរយៈ រហូតដល់ថ្ងៃមន្ទីរអប់រំ យុវជន និងកីឡា ខេត្តក្រចេះ ផ្តល់ដំណឹងតាមក្រោយ។

នៅក្នុងបរិវេណវិទ្យាល័យនេះ គឺមានយុទ្ធភណ្ឌមិនទាន់ផ្ទុះសេសសល់ច្រើនពីសង្គ្រាម ដែលតាមការសន្និដ្ឋានជាបឋមរបស់ស៊ីម៉ាក់ វាអាចបន្សល់ទុកកាលពីសម័យប៉ុលពត ឬក្រោយសម័យប៉ុលពត ព្រោះគ្រាប់យុទ្ធភណ្ឌទាំងនោះ ត្រូវបានជីកកប់ទុកចោល ហើយបរិវេណវិទ្យាល័យនេះដែរ កាលពីមុនជាទីកន្លែងរបស់កងទ័ព។

ទាក់ទងនឹងបញ្ហានេះ លោក ឡាយ បូរ៉ា ប្រធានមន្ទីរអប់រំយុវជន និងកីឡា ខេត្តក្រចេះ បានលើកឡើងថា៖”ប្រសិនជាកម្លាំងស៊ីម៉ាក់បន្តរាវរកយូរទៀត នោះយើងនឹងអាចចាត់ចែងឱ្យសិស្សរៀនតាមអនឡាញដូចកាលយើងសម័យកូវីដ ១៩ សិន ឬក៏រៀនតាមបណ្ដុំ និងតាមកន្លែងណាមួយដែលយើងអាចរៀបចំទៅបាន ដើម្បីកុំឱ្យខាតការរៀនសូត្ររបស់សិស្សានុសិស្ស ព្រោះបើសិនយើងឱ្យគាត់ទៅរៀន ហើយមានបញ្ហាអ្វីមួយកើតឡើងដែលធ្វើឱ្យប៉ះពាល់ដល់អាយុជីវិត នោះវាជាបញ្ហាធំ”។

យោងតាមអង្គភាពស៊ីម៉ាក់ បានឱ្យដឹងថាគិតចាប់ពីថ្ងៃទី១១ ដល់ថ្ងៃទី១៣ ខែសីហា នៅក្នុងបរិវេណវិទ្យាល័យព្រះមហាក្សត្រយានីកុសុមៈ ខេត្តក្រចេះ កម្លាំងជំនាញបោសសម្អាតគ្រាប់សំណល់សង្គ្រាមនៃកងឯកភាពកម្ចាត់មីនទី ៥ បានបោសសម្អាតគ្រាប់យុទ្ធភណ្ឌមិនទាន់ផ្ទុះជាសំណល់សង្គ្រាម បានចំនួន ២ ១១៦គ្រាប់។

ក្នុងនោះមានប្រភេទគ្រាប់

• M៧៩ ចំនួន ២ ០៣៣ គ្រាប់
• គ្រាប់ DK៧៥ ចំនួន ៦៣ គ្រាប់
• M៤៨ ចំនួន ១៨ គ្រាប់
• គ្រាប់ B៤០ គ្រាប់ H១០៧ ចំនួន ១ គ្រាប់