ក្នុងចំណោមកិច្ចព្រមព្រៀមដែលបានចុះហត្ថលេខានាឱកាសនៃដំណើរទស្សនកិច្ចសម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា នៅសាធារណរដ្ឋប្រជាមានិតចិន ពីថ្ងៃទី១៤ដល់ថ្ងៃទី១៧ ខែកញ្ញា ឆ្នាំ២០២៣នេះ ក៏មានកិច្ចព្រមព្រៀងសម្បទានដែលរដ្ឋាភិបាលចិនផ្ដល់ប្រាក់កម្ចីឱ្យកម្ពុជា សម្រាប់គម្រោងសាងសង់ស្ពានចាក់អង្រែ ព្រែកប្រាផងដែរ។
គម្រោងសាងសង់ស្ពានឆ្លងកាត់ទន្លេបាក់សាក់ ព្រែកប្រា-ចាក់អង្រែ ត្រូវបានសិក្សាបិទបញ្ចប់គម្រោងតាំងពីថ្ងៃទី២៨ ខែមករា ឆ្នាំ២០២៣នេះមកម្ល៉េះ ដោយរងចាំតែថ្ងៃបើកការដ្ឋានប៉ុណ្ណោះ។
ស្ថានឆ្លងកាត់ទន្លេបាសាក់ព្រែកប្រា-ចាក់អង្រែ នឹងសាងសង់ឡើយដោយក្រុមហ៊ុនចិន ដោយសមិទ្ធិផលថ្មីនេះ នឹងសម្រួលស្ថានភាពចរាចចរណ៍ក្នុងភូមិសាស្រ្តខាងកើតភាគខាងត្បូងរាជធានីភ្នំពេញ ពិសេសរំដោះការធ្វើចរាចរណ៍នៅតំបន់ស្ពានអាកាស និងស្ពានភ្លោះព្រះមុនីវង្ស៕
