នៅលើបណ្តាញសង្គមមហាជនកំពុងតែចាប់អារម្មណ៍ស្រីស្អាតម្នាក់ដែលមានរូបសម្រស់ស្រស់ស្អាតមិនធម្មតា ជាពិសេសទទួលបានការកោតសរសើរយ៉ាងច្រើនពីសំណាក់អ្នកលេងបណ្តាញសង្គមក្រោយពីបង្ហើរសំឡេងក្នុងបទចម្រៀងមួយបទមានចំណងជើងថា «ចន្រ្ទារំពឹង»។ មិនចម្លែកនោះទេដែលនារីរូបនេះទទួលបានការសរសើរថាមានសម្រស់ស្រស់ស្អាតព្រោះនាងគឺជា ធីតាឯកសង្ក្រាន្ត២០២០។

ស្រីស្រស់ ប៊ុន្លឿម ពេជម្នី គឺជាម្ចាស់ជ័យលាភីលេខ២ក្នុងកម្មវិធី «ធីតាឯកសង្ក្រាន្ត២០២០» ជាអ្នកខេត្តសៀមរាប ដែលតារាម៉ូឌែល និងសម្តែង។ ដោយមានសម្រស់ស្រស់សោភានាងទទួលបានឱកាសការងារជាច្រើនទៅការថតសំអាងការ។

អ្វីដែលកាន់តែចាប់អារម្មណ៍មិនត្រឹមតែមានរូបសម្រស់ និងសមត្ថភាពខាងលើនោះទេ តែធីតាឯកសង្ក្រាន្ត២០២០រូបនេះកំពុងតែធ្វើឱ្យមហាជនកាន់តែចាប់អារម្មណ៍យ៉ាងខ្លាំងក្រោយពីបង្ហើរសំឡេងទៅលើបទចម្រៀងមានចំណងជើងថា «ចន្រ្ទារំពឹង» ដែលជាសំនៀងដើមរបស់តារាចម្រៀង ចេន សាយចៃ។

នៅលើគណនីទិកតុករបស់ ពេជម្នី មានឈ្មោះថា selinaa ក្រោយពីបង្ហោះរីដេអូដែលខ្លួនច្រៀងបទខាងលើនេះរួចត្រូវបានអ្នកលេងបណ្តាញសង្គមចាប់អារម្មណ៍យ៉ាងខ្លាំងដោយពោលសរសើររូបនាងថា ស្អាត ឆ្លាត ហើយថែមទាំងច្រៀងពីរោះទៀត រួមទាំងមតិយោបល់សរសើរនាងជាច្រើនទៀត។

គួរបញ្ជាក់ផងដែរថា កាលពីកន្លងទៅនេះ ពេជម្នី ក៏ទទួលបានការកោតសរសើរពីទឹកដមសំឡេងរបស់នាងដូចគ្នាក្រោយពីCOVERបទពីដើមមួយបទមានចំណងជើងថា «ផ្ការីកលើមេឃ»៕

MRI មានឈ្មោះពេញ Magnetic Resonance Imaging គឺជាម៉ាស៊ីនពិនិត្យ និងថតរូបភាពដោយម៉ាញេទិក។ ម៉ាស៊ីននេះ ត្រូវបានគេប្រើក្នុងការធ្វើរោគវិនិច្ឆ័យរបស់អ្នកជំងឺ ដើម្បីព្យាបាល និងតាមដានលទ្ធផលដោយផ្អែកលើលក្ខណៈសម្បត្តិម៉ាញ៉េទិចនៃអាតូមអ៊ីដ្រូសែន ដែលជាសមាសធាតុសំខាន់នៅក្នុងខ្លួនមនុស្សដូចជាម៉ូលេគុលទឹក (H2O) ជាដើម។

របៀបពិនិត្យ MRI ជាដំបូងអ្នកជំងឺត្រូវគេងក្នុងម៉ាស៊ីនរយៈពេល ៣០នាទី ឬច្រើនម៉ោងអាស្រ័យលើប្រព័ន្ធសរីរាង្គដែលត្រូវពិនិត្យ។ ម៉ាស៊ីននេះមានទទឹងប្រហែល ៦០ សង់ទីម៉ែត្រ ហើយនឹងមានឧបករណ៍ទទួលសញ្ញា។ នៅពេលដែលអ្នកជំងឺស្ថិតនៅក្រោមវាលអេឡិចត្រូ ឧបករណ៍នេះនឹងបញ្ចេញរលកវិទ្យុនៃប្រេកង់ជាក់លាក់មួយ ដើម្បីជំរុញប្រព័ន្ធសរីរាង្គដែលត្រូវពិនិត្យ បន្ទាប់មកបានបំប្លែងទៅជាសញ្ញារូបភាពនៅលើអេក្រង់។

MRI មានតួនាទីពិនិត្យសរីរាង្គកាយរបស់មនុស្សទាំងអស់ដូចជា ខួរក្បាល បេះដូង ពោះវៀន ក្រពះ និងសួតជាដើម-ល-។ ហើយអ្វីដែលពិសេស MRI អាចរកឃើញភាពមិនធម្មតានៅក្នុងខួរក្បាល ឬក្នុងតំបន់សុដន់ និងបេះដូង រួមជាមួយភាពមិនធម្មតានៃសរីរាង្គផ្សេងៗនៅក្នុងពោះ ស្បូន និងអូវែចំពោះស្ត្រី ឬក្រពេញប្រូស្តាតបុរស និងភាពមិនប្រក្រតីនៃខួរឆ្អឹងខ្នងជាដើម។

ដូច្នេះ MRI មានអត្ថប្រយោជន៍ជាច្រើនដូចជា៖
-អាចផ្តល់រូបភាពដែលបែងចែកយ៉ាងច្បាស់រវាងជាលិកាផ្សេងៗដោយត្រឹមត្រូវបំផុត

-អាចត្រូវបានប្រើដើម្បីពិនិត្យគ្រប់ប្រព័ន្ធនៃរាងកាយទាំងអស់ ជាពិសេសនៅក្នុងផ្នែកដែលមិនមែនជាឆ្អឹងដូចជាប្រព័ន្ធខួរក្បាល សរសៃប្រសាទនៅក្នុងខ្លួន សាច់ដុំ ឬសរសៃពួរជាដើម-ល-។

-មានបច្ចេកទេសពិនិត្យពិសេសជាច្រើន ដូចជាការពិនិត្យអ្នកជំងឺដែលមានជំងឺដាច់សរសៃឈាមខួរក្បាលស្រួចស្រាវ។ ការរកឃើញកម្រិតជីវគីមី ដើម្បីបែងចែកប្រភេទនៃដុំពក និងការពិនិត្យសរសៃឈាមនៅទូទាំងរាងកាយ-ល-។

-មិនបង្កឱ្យមានការឈឺចាប់ណាមួយដល់រាងកាយរបស់អ្នកជំងឺឡើយ រួមទាំងគ្មានគ្រោះថ្នាក់ពីវិទ្យុសកម្ម និង មានសុវត្ថិភាពខ្ពស់។

-មានប្រយោជន៍ណាស់ក្នុងការពិនិត្យមើលអ្នកជំងឺកុមារ ព្រោះមិនមានគ្រោះថ្នាក់ដោយវិទ្យុសកម្ម កើតឡើងពីការប្រើប្រាស់កាំរស្មីអ៊ិចនោះទេ៕
ប្រភព៖sanook

ជាមួយនឹងការសាងសង់រួចជាស្រេចនូវព្រលានយន្តហោះអន្តរជាតិ សៀមរាបអង្គរ ពេលនេះក្រសួងសាធាណការ និងដឹកជញ្ជូន បានបើកកិច្ចប្រជុំពិភាក្សានូវលទ្ធភាពក្នុងការសាងសង់ផ្លូវរថភ្លើងធុនស្រាល ដែលមានគោលដៅពីអាកាសយានដ្ឋានសៀមរាបអង្គរ មកកាន់ក្រុងសៀមរាប។

វិស្វករជាន់ខ្ពស់របស់ក្រុមហ៊ុន China Metro លោក ស៊ី សាវមីង  បានឱ្យដឹងថា៖”គម្រោងស្ថាបនាផ្លូវរថភ្លើងធុនស្រាលនេះ គឺមានពីរជម្រើស ដោយមួយស្ថិតនៅលើផ្លូវចាស់ និង មួយទៀតស្ថិតនៅលើផ្លូវថ្មី។ ម៉្យាងទៀត គម្រោងនេះ នៅពុំទាន់ច្បាស់លាស់នៅឡើយ ដោយក្រុមការងារបច្ចេកទេសនៅបន្តចុះធ្វើការសិក្សា ដើមី្បប្រមូលនូវទិន្នន័យផលប៉ះពាល់នានា ព្រោះការធ្វើសាងសង់នេះ ត្រូវឆ្លងកាត់តំបន់ការពារ ដែលគ្រប់គ្រោងយអជ្ញាធរជាតិអប្សរា”។

សូមបញ្ជាក់ផងដែរ ព្រលានយន្តហោះសៀមរាបថ្មី នឹងដាក់សម្ពោធជាផ្លូវការនៅខែតុលា ឆ្នាំ២០២៣ ខាងមុខនេះ៕

បឹងលំកុដ ​ជា​បឹង​ធម្ម​ជាតិ​​ដែល​មាត់​បឹង​នេះ​មាន​សណ្ឋាន​ដូច​រូប​បេះដូង​មនុស្ស ។ ​បឹង​នេះ​មាន​ទំហំ​​២៥​ហិកតា ​ជំរៅ​ប្រមាណ​ជា​៦០​ម៉ែត្រ ហើយ​មាន​លក្ខណៈ​អេកូឡូ​ហ្ស៊ីដូច​បឹង​យក្ស​ឡោម​ដែរ វា​កើត​​ឡើង​ពី​​បន្ទុះ​ភ្នំ​ភ្លើង​កាល​​​ពី​សម័យ​ដើម​ដូច​គ្នា ។

​ស្ថិត​នៅ​លើ​តំបន់​ខ្ពង់​រាប​​ និង​​ជួរ​ភ្នំ​ដែល​គ្រប​ដណ្តប់​ដោយ​ព្រៃ​ត្រូពិចពណ៌​បៃតង​​ជានិច្ច​​បឹង​លំកុដ​មាន​ដើម​ឈើ​ទ្រេត​ជា​ច្រើន ហាក់​បី​ដូច​ជា​ចង់​ដួល​រលំ​​ទៅ​លើ​ផ្ទៃ​ទឹក​បឹង​ដ៏​ថ្លា​ពណ៌​ខៀវ​ស្រងាត់ ហើយ​ជា​ធម្ម​តា​ទឹក​មាន​ភាព​ត្រជាក់​​ស្រេង​​ជាង​ទឹក​បឹង​ផ្សេងៗ។

​ហ៊ុម​ទ័ព្ធ​ជុំ​វិញ​ដោយ​ដុំ​ថ្ម​ក្រោម​​ម្លប់​នៃ​ដើម​ឈើ​ធំ​ៗ​ បឹង​ដែល​កើត​​ឡើង​ពី​បន្ទុះ​ភ្នំ​ភ្លើង​​បុរាណ​​នេះ បាន​ផ្តល់​ជា​​សំបុក​មច្ឆ​ជាតិ​តូច​ធំ​ជា​ច្រើន​​ប្រភេទ​រស់​នៅ​បន្ត​ពូជ​ពង្ស ហើយ​វា​ក៏​ជា​ធ្នាក់​​ទាក់​ទាញ​សត្វ​បក្សា​បក្សី​សុី​ត្រី​ជា​អាហារ និង​បក្សា​បក្សី​​ជា​ច្រើន​ទៀត​រស់​នៅ​​ជុំ​វិញ​មាត់​បឹង​នេះ​ជា​អចិ​ ន្ត្រៃយ៍។ នៅ​ឆ្ងាយ​បន្តិច​ពី​មាត់​បឹង​លំកុដ គឺ​​ជា​កន្លែង​​រស់​នៅ​​ដ៏​សុខ​សាន្ត​របស់​ជន​ជាតិ​ដើម​ភាគ​តិច​ទំពួន ព្នង និង​ជន​ជាតិ​ឡាវ ។

បឹង​លំកុដ ស្ថិត​នៅ​ក្នុង​ភូមិ​សាស្ត្រ​​ឃុំ​សេដា ស្រុក​លំផាត់ ដែល​អ្នក​ទេស​ចរ​​អាច​ទៅ​កាន់​​​​ទី​នោះ​តាម​​ផ្លូវ​ជាតិ​លេខ​៧៨A មាន​ចំងាយ​​ប្រហែល​៥៤​គីឡូ​ម៉ែត្រ ​ពី​ក្រុង​​បាន​លុង។ នៅ​រដូវ​ប្រាំង​ រថយន្ត​​ភាគ​​ច្រើន​​អាច​បើក​បរ​ទៅ​កាន់​ទី​នោះ​បាន ចំណែក​នៅ​រដូវ​វស្សា​វិញ មាន​តែ​រថយន្ត​ប្រភេទ​ខ្ពស់ៗ​ទេ ទើប​អាច​ទៅ​មក​បាន​ងាយ​ស្រួល៕

កំពតគឺជាខេត្តឆ្នេរសមុទ្រធំជាងគេទី៣ក្នុងប្រទេសកម្ពុជា និងល្បីល្បាញខ្លាំងលើម្រេចកំពត ដែលជាម្រេចមានគុណភាពល្អចំណាត់ថ្នាក់ពិភពលោក។

ខេត្តនេះមានរមណីយដ្ឋានធម្មជាតិនិងសំណង់អគារប្រវតិ្តសាស្ត្រសម័យអាណានិគមជាច្រើនសម្រាប់ភ្ញៀវទស្សនានិងស្វែងយល់។ ក្រៅពីឆ្នេរសមុទ្រដ៏ស្រស់ស្អាត ខេត្តនេះមានតំបន់ទេសចរណ៍ ដ៏មានសក្តានុពលជាច្រើនមិនថានៅក្នុងព្រៃ,សមុទ្រ,ភ្នំ ឬក៏ទឹកជ្រោះនោះ។

ខាងក្រោមនេះជាតំបន់ទេសចរណ៍៥កន្លែង ដែលលោកអ្នកមិនគួររំលងពេលទៅលេងកំពត៖

ភូមិក្តាត គឺជាទីកន្លែងមួយដែលមានសក្កដានុពលដ៏ច្រើនសំបូរបែប ដែលភូមិនេះស្ថិតនៅក្បែរសមុទ្រ មានទេសភាពភ្នំ និងទឹកធ្លាក់ដ៏ស្រស់ស្អាត រួមទាំងគ្រឿងសមុទ្រស្រស់ៗថែមទៀតផង។ ភូមិនេះគឺមានទីតាំងអំណោយផលល្អមែនទែន ដោយស្ថិតតាមបណ្តោយជួលភ្នំបូកគោដែលវាបានទាក់ទាញចិត្តភ្ញៀវទេសចរជាច្រើនទៅលេងទីនោះរៀងរាល់សប្តាហ៍។រមណីយដ្ឋានដូងទេរ ជារមណីយដ្ឋានមួយស្ថិតលើដងព្រែកទឹកឈូ ចម្ងាយប្រមាណ ៧គីឡូម៉ែត្រ ពីស្ពានកំពតថ្មីប្រមាណ ១០-១៥នាទី។ នៅទីនោះ មានដូងទេរយ៉ាងស្រស់ ស្អាតលយចូលទៅ ទឹកបឹងបង្អួតសម្រស់យ៉ាងត្រកាល។ទឹកធ្លាក់អន្លង់ខៀវ គឺជារមណីយដ្ឋានមួយកន្លែងដែលមានអាងទឹកធម្មជាតិ ដ៏ថ្លាឈ្វង់ ពណ៌ខៀវស្រងាត់ អាចអោយយើងលោតទឹកលេង និងហែលទឹកបាន។ វាស្ថិតនៅផ្នែកខាងលើនៃសហគមន៍ទេសចរណ៍ធម្មជាតិព្រែកត្នោត ឬអន្លង់ធំ ដោយធ្វើដំណើរចេញពីទីរួមខេត្តកំពត ឆ្ពោះទៅកាន់វាលរេញ ក្នុងចម្ងាយប្រមាណជិត ៣០ គីឡូម៉ែត្រ ប្រមាណ ៣៥ នាទី។ ភ្ញៀវទេសចរ ត្រូវមកដល់សហគមន៍ទេសចរណ៍ព្រែកត្នោត ឬ អន្លង់ធំ នេះសិន មុននឹងបន្តធ្វើដំណើរឡើងភ្នំ កាត់ព្រៃលើផ្លូវមានថ្មរដិបរដុបបន្តិចប្រមាណជា ១៥ នាទី ទើបបានទៅដល់ទីឋានរមនានោះ។សហគមន៍ទេសចរណ៍ត្រពាំងសង្កែរ អ្នកទេសចរអាចទស្សនាព្រៃកោងកាង, ដាំកូនកោងកាង, ជិះទូកលេងកម្សាន្ត និងមើលអំពិល អំពែកពេលរាត្រី។បឹងប្រទាក់ក្រឡា មានទីតាំងស្ថិតនៅ ឃុំកូនសត្វ ស្រុកទឹកឈូ ខេត្តកំពត និងមានចម្ងាយប្រហែល១៤គីឡូម៉ែត្រ ពីរង្វង់មូលធូរេន។ បឹងនេះស្ថិតនៅក្នុងប្រភេទរមណីយដ្ឋាន ទេសចរណ៍ធម្មជាតិ ដែលមានបឹងដ៏ធំអមជាមួយទេសភាពជើងភ្នំ ខ្យល់ត្រជាក់ ដែលអាចធ្វើ អោយភ្ញៀវទេសចរបាត់កង្វល់ និងមានអារម្មណ៍ស្រស់ស្រាយ៕