តារាចម្រៀង សាយ ដែលតែងតែកៀងគរថវិកាជួយទៅដល់មន្ទីរពេទ្យបានលើកឡើងថាការយកតម្លៃសេវាកម្មតាក់ស៊ីពី៣៥ ទៅ៤០ដុល្លារក្នុងមួយជើងទៅតាមប្រភេទរថយន្តនៅអាកាសយានដ្ឋានអន្តរជាតិសៀមរាបអង្គរ ខណៈលោកបញ្ជាក់ថាការនិយាយតម្លៃខាងថាថ្លៃនេះគឺក្នុងន័យស្ថាបនាព្រោះខ្លាចមិនមានភ្ញៀវមកលេង។

តាមលិខិតជូនដំណឹងពីសេវាកម្មរថយន្តដឹកអ្នកដំណើរនៅព្រលានយន្តហោះ អន្តរជាតិអង្គរ (Siem Reap Angkor International Airport (SAI) នាថ្ងៃទី១៤ ខែតុលា បានបញ្ជាក់ថា ដើម្បីធានាការធ្វើដំណើររបស់ភ្ញៀវទេសចរក្នុងគោលបំណងបំពេញតម្រូវការសំបូរបែបរបស់អ្នកដំណើរ អាកាសយានដ្ឋានអន្តរជាតិសៀមរាបអង្គរផ្ទេរសិទ្ធិឱ្យ Tourist Transport Association for Siem Reap International Airport (TTA) ធ្វើប្រតិបត្តិការសេវាកម្មតាក់ស៊ី។ ដើម្បីធ្វើប្រតិបត្តិការឱ្យបានល្អ TTA នឹងបញ្ជូនរថយន្តធុនតូចចំនួន២៦១គ្រឿង (តិចជាង៧កៅអី និងឡានក្រុងតូច៦៩គ្រឿង (មាន៨កៅអី ដល់១៥កៅអី ដើម្បីបំពេញតម្រូវការអ្នកដំណើរ ស្ដង់ដារការគិតប្រាក់សេវាតាក់ស៊ីរថយន្តធុនតូច៣៥ដុល្លារមួយជើង ឡានក្រុងតូច៤០ដុល្លារមួយជើង។

ក្នុងលិខិតនោះបានបញ្ជាក់ទៀតថា តាក់ស៊ីនៅអាកាសយានដ្ឋានអន្តរជាតិសៀមរាបអង្គរនឹងបើកដំណើរការនៅថ្ងៃទី១៦ ខែតុលា ឆ្នាំ២០២៣ ហើយតាក់ស៊ីនឹងផ្តល់សេវាកម្មប្រកបដោយជំនាញប្រសិទ្ធិភាពខ្ពស់ក្នុងអំឡុងពេលធ្វើប្រតិបត្តិការ។

ការបង្ហាញតួលេខពី៣៥ទៅ៤០ដុល្លារក្នុង១ជើងនេះ តារាចម្រៀង សាយ ដែលជាតារាម្នាក់តែងតែរត់ដើម្បីសប្បុរសធម៌បានលើកឡើងថាថ្លៃពេកហើយបើយកតម្លៃថ្លៃយ៉ាងនេះខ្លាចតែមិនមានភ្ញៀវមកលេង។ លោកបានលើកឡើងនៅថ្ងៃទី១៥ តុលា ថា «ថ្លៃពេកហើយ ខ្ញុំរត់រាប់ពាន់គីឡូខ្ញុំសុំគេតែម្នាក់ ១ដុល្លារ ទេ ខូចឈ្មោះ (SAI)អស់ គេខំជិះយន្តហោះមករាប់ពាន់គីឡូដើម្បីមកដើរលេងនៅស្រុកយើង ហើយគួរតែមានជាសេវាកម្មឡានក្រុងមួយទៀតខ្ញុំគិតថាគួរត្រឹម 5$ទៅ 10$ល្មមហើយ 35-40$ សេវាកម្មឡានក្រុងគេជិះឆ្លងប្រទេសបាន»។
តារាប្រុសរូបនេះបានបញ្ជាក់ទៀតថាលោកនិយាយថាថ្លៃនេះក្នុងន័យស្ថាបនាទេ ខ្លាចមិនមានភ្ញៀវគេមកលេង ប្រសិនបើលោកត្រូវជិះយន្តហោះពីភ្នំពេញមកសៀមរាបក៏លោកមិនជិះដែរបើតម្លៃtaxiដល់ថ្នាក់នេះ។

មិនត្រឹមតែលោក អួន បឋម ហៅសាយ លើកឡើងថាថ្លៃប៉ុណ្ណោះទេ តែប្រជាពលរដ្ឋផ្សេងទៀតក៏បានបញ្ចេញថាតម្លៃដែលក្រុមហ៊ុនដាក់មកគឺថ្លៃពេកហើយខណៈប្រទេសផ្សេងមិនថ្លៃដល់ថ្នាក់នេះនោះទេ៕

ចាប់តាំងពីដើមសតវត្សរ៍មកដល់បច្ចុប្បន្ន ខ្មែរយើងតែងតែបានផ្លាស់ប្ដូររាជធានីជាញឹកញាប់ ដែលជាហេតុធ្វើឱ្យមាន ការផ្លាស់ប្ដូរយុទ្ធសាស្ត្រនយោបាយដឹកនាំប្រទេសជាញឹកញាប់ផងដែរ។ ការផ្លាស់ប្ដូរនេះ អាចបណ្ដាលមកពីស្ថានភាពទីតាំងភូមិសាស្ត្រ អាកាសធាតុ ឥទ្ធិពលសាសនា សង្គ្រាម ឬបំណងរបស់ព្រះមហាក្សត្ ។ល។ រដែលជាចក្ខុវិស័យ និងទិសដៅអភិវឌ្ឍន៍របស់ព្រះមហាក្សត្រជំនាន់នោះ។

តាមឯកសារ និងសំណៅសិលាចារឹក បានបង្ហាញថា ទីតាំងនៃរាជធានីរបស់ខ្មែរយើងចាប់ពីសតវត្សរ៍ទី១ រហូតមកដល់បច្ចុប្បន្ន មានចំនួន ២៧ កន្លែង ដូចខាងក្រោម៖

១. រាជធានី វ្យាធបុរៈ
២. រាជធានី ស្រេស្ឋបុរៈ
៣. រាជធានី នរវរនគរ ឬណាហ្វូណា៤. រាជធានី ភវបុរៈ
៥. រាជធានី ឥសានបុរៈ
៦. រាជធានី សិវបុរៈ
៧. រាជធានី អនិន្ទិតបុរៈ
៨. រាជធានី សម្ភុបុរៈ
៩. រាជធានី ឥន្ទ្របុរៈ១០. រាជធានី គុទិស្វរៈ
១១. រាជធានី ហរិហរាល័យ
១២. រាជធានី អមរេន្ទ្របុរៈ
១៣. រាជធានី មហេន្ទ្របព៌ត
១៤. រាជធានី យសោធបុរៈ
១៥. រាជធានី កោះកេរ្ត៍១៦. រាជធានី ជយេន្ទ្រគិរី
១៧. រាជធានីអង្គរទី២
១៨. រាជធានី មហីធរបុរៈ
១៩. រាជធានី អង្គរទី៣
២០. រាជធានី ទួលបាសាន
២១. រាជធានី ចតុមុខ
២២. រាជធានី ស្រឡប់ពិជ័យព្រៃនគរ
២៣. រាធានី លង្វែក២៤. រាជធានី ស្លាកែត
២៥. រាជធានី ល្វាឯម
២៦. រាជធានី ឧដុង្គមានជ័យ
២៧. រាជធានី ភ្នំពេញ

អាកាសយានដ្ឋានអន្តរជាតិសៀមរាបអង្គរ នឹងបើកដំណើរការ ដោយទទួលជើងហោះហើយជាលើកដំបូងនៅថ្ងៃទី១៦ ខែតុលា ឆ្នាំ២០២៣។
នៅក្នុងនោះអាកាសយានដ្ឋានអន្តរជាតិសៀមរាបអង្គរ បានផ្ទេរសិទ្ធិឱ្យ Tourist Transport Association for Siem Reap International Airport (TTA) ធ្វើប្រតិបត្តិការសេវាកម្មតាក់ស៊ី ដែលបានយកតម្លៃ សេវាតាក់ស៊ីដូចខាងក្រោមនេះ៖

• រថយន្តធុនតូច៣៥ដុល្លារមួយជើង
• ឡានក្រុងតូច៤០ដុល្លារមួយជើង

តាក់ស៊ីនៅអាកាសយានដ្ឋានអន្តរជាតិសៀមរាបអង្គរនឹងបើកដំណើរការនៅថ្ងៃទី១៦ ខែតុលា ឆ្នាំ ២០២៣ តាក់ស៊ីនឹងផ្តល់សេវាកម្មប្រកបដោយជំនាញ ប្រសិទ្ធិភាពខ្ពស់ ការគួរសមឱ្យអ្នកដំណើរ។មបញ្ជាក់ផងដែរថា អាកាសយានដ្ឋាន នេះត្រូវបានទទួលសាងសង់ដោយក្រុមហ៊ុន Angkor International Airport Investment (Cambodia) Co.,Ltd (AIAI) ក្រោមទុនវិនិយោគប្រមាណ១ ១០០ លានដុល្លារអាមេរិក៕

ក្រោយពីដឹងដំណឹងសោកសៅនូវការបាត់បង់មនុស្សល្អម្នាក់ក្នុងសង្គមតារាចម្រៀង ពេជ្រ សូលីកា លើកឡើងថាជំងឺបាក់ទឹកចិត្តឬបញ្ហាផ្លូវចិត្តជាឃា.តករលាក់មុខព្រោះនាងយល់ច្បាស់ដោយសារតែខ្លួនកំពុងតែជួបផ្ទាល់។

ពេជ្រ សូលីកា ត្រូវបានគេសម្លឹងឃើញថានាងជាតារាចម្រៀងម្នាក់ដែលមានភាពលេចធ្លោ ប៉ុន្តែបើនិយាយពីវិបត្តិវិញគឺជួបប្រទះបញ្ហាធំៗណាស់នៅក្នុងជីវិតមិនថាជីវិតគូ សមាជិកគ្រួសារ មិត្តភក្តិ ជាដើម។ ទោះបីជាជួបប្រទះបញ្ហាលំបាកយ៉ាងណាក្តីតែ សូលីកា អាចឈរយ៉ាងរឹងមាំ មិនបានទន់ជ្រាយបាននោះទេ ខណៈតារាចម្រៀងរូបនេះធ្លាប់បាននិយាយថា ពេលជួបបញ្ហាក្នុងជីវិតនាងហត់ឬអត់ គឺប្រាកដជាហត់ដូចគ្នាតែយ៉ាងណានាងមិនអាចឈប់បាននោះទេគឺត្រូវតែរឹងមាំដើម្បីកូន ដើម្បីប្អូនស្រីជាគោលជំហរក្នុងគ្រួសារ។

ជាមួយគ្នានេះ ដោយដឹងដំណឹងសោកសៅចំពោះមរណភាពរបស់លោកឧកញ៉ា ឈាង រ័ត្ន កើតឡើងអាចមកពីវិបតិ្តគ្រួសារ ពេជ្រ សូលីកា បានបង្ហោះសារមួយថាជំងឺបាក់ទឹកចិត្តឬបញ្ហាផ្លូវចិត្តជាឃា.តករលាក់មុខ។ យប់ថ្ងៃទី១១ តុលា តារាចម្រៀងរូបនេះបង្ហោះថា «ជំងឺបាក់ទឹកចិត្ត ឬ បញ្ហាផ្លូវចិត្តវាជាឃាតករ លាក់មុខ នឹង អាចសម្លាប់យើងដោយស្ងៀមស្ងាត់បំផុត ថែរក្សាផ្លូវចិត្តខ្លួនឯងឱ្យបានល្អ ខ្ញុំយល់ពីវាច្បាស់ ព្រោះខ្ញុំកំពុងជួបវាផ្ទាល់»។

គួរបញ្ជាក់ថាកាលពីខែកក្កដា ឆ្នាំ២០២២ មហាជនមានការសោកស្តាយយ៉ាងខ្លាំងក្រោយពីលោកគឹម ហាន ប្រកាសចែកផ្លូវគ្នាជាមួយ ពេជ្រ សូលីកា ដោយបន្សល់ទុកចំណងដៃកូនប្រុសម្នាក់។ អ្វីដែលកត់សម្គាល់ដ្បិត ពេជ្រ សូលីកា មិនសូវទម្លាយពីភាពសោកសៅនៅតាមបណ្តាញសង្គមនឹងតែងបង្ហាញពីភាពរឹងមាំនៅក្នុងនាមជាអ្នកម្តាយ Single តែតារាស្រីរូបនេះក៏ធ្លាប់ទទួលស្គាល់ថានាងក៏មានវិបត្តិផ្លូវចិត្តធ្ងន់ធ្ងរដែរ។ មិនត្រឹមតែបែកបាក់ជីវិតគូប៉ុណ្ណោះទេ ពេជ្រ សូលីកា ជួបប្រទះបញ្ហាជាច្រើនទៀតនៅក្នុងជីវិតទោះបីមានមុខមាត់ក្នុងសង្គមក៏ដោយ៕

កីឡាករ ព្រំ សំណាង នឹងត្រូវប៉ះអ្នកប្រដាល់ភូមា Dave Leduc ក្នុងលក្ខណ:គុនខ្មែរ នៅថ្ងៃទី៥ ខែវិច្ឆិកា ឆ្នាំ២០២៣ ដោយប្រកួតរុំអំបោះឆៅវាយតែ ១ទឹក ៩នាទី នៅសង្វៀនថោន។

នៅក្នុងនោះ ព្រំ សំណាង ទទួលតម្លៃខ្លួនរហូតដល់ទៅ ១០០ លានរៀន ឬស្មើនឹង ២៥,០០០ ដុល្លារ នេះបើយោងតាមការបញ្ជាក់របស់ Boostrong។

មិនត្រឹមតែតម្លៃខ្លួនដ៏ច្រើនលើបលុបនេះនោះទេ ព្រំ សំណាង ក៏នឹងទទួលបាន៖

• ទទួលបានខុនដូស្នាក់នៅមួយ
• មានគ្រូបង្វឹកផ្ទាល់ខ្លួនចំនួន ១០ នាក់
• ទទួលបានថ្លៃហូបចុកទាំងស្រុង

ទឹកធ្លាក់ចំការក្រូច ស្ថិតនៅតំបន់ជ្រាវ មានព្រំប្រទល់ជាប់ខេត្តកំពង់ស្ពឺ និងខេត្តកំពង់ឆ្នាំង ជាតំប់ទេសចរណ៍បែបធម្មជាតិដ៏ស្រស់ត្រកាលមួយ ដែលហ៊ុំព័ទ្ធទៅដោយជួរភ្នំធំៗខៀវស្រងាត់ប្លែកភ្នែក។

ភ្ញៀវទេសចរណ៍អាចធ្វើដំណើរតាម ផ្លូវជាតិលេខ៥រហូតដល់ផ្សារឧត្តុង្គបត់ឆ្វេង ជិះត្រង់រហូតតាមផ្លូវជាតិ ១៣២ រហូតដល់ច្រមុះជ្រូកផ្សារអមលាំង កាច់ស្តាំហើយទៅត្រង់រហូតដល់ផ្លាកសញ្ញាទៅទឹកជ្រោះ។នៅតំបន់នេះក្រៅពីទឹកធ្លាក់ចម្ការក្រូច ចំការអំពៅនៅអមលាំង ទឹកធ្លាក់ជ្រាវ ទឹកធ្លាក់ចន្លុះ ថែមទៀតផងដែរ។ សំរាប់ទីតាំងទឹកធ្លាក់ចម្ការក្រូច ពិតជាអំណោយផលណាស់ ព្រោះស្ងាប់ស្ងាត់ល្អ ទេសភាពក៏ស្អាត ហើយមានប្រភពទឹក នៅជិតស្រាប់សំរាប់ប្រើប្រាស់។ក៏ប៉ុន្តែក្នុងការទៅលេងទឹកជ្រោះនេះ សូមភ្ញៀវទេសចរណ៍ប្រយ័ត្ន ព្រោះថ្មរអិល ប្រសិនបើមានមេឃភ្លៀង គួរណាស់សួរនាំពូប្រជាការពារជាមុន ព្រោះខ្លាចទឹកបុកមកខ្លាំងដោយសារវាមានប្រភពមកពីភ្នំ៕