ែ ចាន់កេសី បានធ្វើឱ្យអ្នកគាំទ្រវិស័យបវរកញ្ញាមានភាពរំជួលចិត្តជាខ្លាំងបន្ទាប់ពីទទួលបានមកុដលំដាប់រងទី១ក្នុងកម្មវិធី Mrs. International 2023 Ambassador ពីប្រទេសម៉ាឡេស៊ី អ្នកនាងបានទៅក្រាបសំពះបំពាក់មកុដជូនអ្នកមានគុណដោយបង្ហាញកាយវិការគួរឱ្យសរសើរ។ នេះជាក្តីស្រមៃរបស់តារាម៉ូដែលរូបនេះតាំងពីយូរហើយពេលនេះបានក្លាយជាការពិតសម្រេចជូនអ្នកមានគុណបានឃើញផ្ទាល់ភ្នែក។

នៅយប់ថ្ងៃទី១០ តុលា កែ ចាន់កេសី បានបង្ហោះថា «មានតែពាក្យមួយមាត់ថា អរគុណ ៗៗ និងពាក្យថា សូមខមាទោសរាល់កំហុសនេះគឺ ជាក្តីស្រមៃមួយដែលកូនធ្លាប់ស្រមៃ ឥលូវ ម៉ែបានឃើញហើយ តែស្តាយពុក មិននៅ តែសង្ឃឹមពុកបានឃើញដែរចុះ។ សំរាប់អ្នកដែល មិនធ្លាប់ស្រមៃ គឺអារម្មណ៍ខុសគ្នា»។

ក្នុងរូបភាព និងវីដេអូ ដែលតារាម៉ូដែលសប្បុរស្រអែមរូបនេះបានបង្ហាញកាយវិការដ៏គួរឱ្យកោតសរសើរដោយបានក្រាបសំពះនិងបំពាក់មកុដដែលទទួលបានពីកម្មវិធីប្រកួតជូនអ្នកម្តាយដោយអារម្មណ៍រំភើបចិត្តទោះបីជាស្ថិតក្នុងគេហដ្ឋានមិនធំខ្ពង់ខ្ពស់ប្រណីតដូចបវរកញ្ញាផ្សេងទៀតតែពោរពេញដោយសុភមង្គល។

គួរបញ្ជាក់ថាបន្ថែមពីជាប់លំដាប់រងទី១ អ្នកនាង កែ ចាន់កេសី ក៏ទទួលបានពានរង្វាន់ PHOTOGENIC ខណៈម្ចាស់ជ័យលាភីឯកបានទៅលើប្រទេសហ្វីលីពីន។ កែ ចាន់កេសី គឺជាម្ចាស់ជ័យលាភីលេខ២ ក្នុងការប្រកួតកម្មវិធី «Cambodia Next Top Model » រដូវកាលទី១ ដែលបច្ចុប្បន្នអ្នកនាងគឺជាតារាម៉ូដែលនិងជាគ្រូបង្វឹកដើរម៉ូតផងដែរ ខណៈនេះជាលើកទី១សម្រាប់ កេសី ក្នុងការចូលរួមប្រកួតសម្រស់អន្តរជាតិនេះ៕

ក្នុងឱកាសពិធីបុណ្យភ្ជុំបិណ្ឌក្រសួងពាណិជ្ជកម្មបានប្រកាសដំណឹងល្អដោយតម្លៃប្រេងនៅប្រទេសកម្ពុជាបានចុះថ្លៃបន្តិចបើធៀបនឹងតម្លៃចាស់តម្លៃប្រេងសាំងចុះថ្លៃ២៥០រៀលក្នុង១លីត្រនិងម៉ាស៊ូតបានចុះថ្លៃ២០០រៀលក្នុងមួយលីត្រ។ នេះបើតាមសេចក្តីជូនដំណឹងនៅថ្ងៃទី១១ តុលា។

តម្លៃប្រេងសាំងធម្មតាក្នុង១លីត្រ គឺកំណតើថ្លៃ ៤ ៣០០រៀល និងប្រេងម៉ាស៊ូតថ្លៃ ៤ ៦៥០រៀលក្នុង១លីត្រ ដែលគ្រប់ស្ថានីយ៍ប្រេងឥន្ធនៈត្រូវអនុវត្តចាប់ពីថ្ងៃទី១១-២០ ខែតុលា ឆ្នាំ២០២៣។

គូសបញ្ជាក់ថា តម្លៃប្រេងខាងលើនេះគឺផ្អែកទៅលើទីផ្សារអន្តរជាតិ ក្នុងនោះរាជរដ្ឋាភិបាលបានសម្រេចបញ្ចុះតម្លៃលក់រាយប្រេងឥន្ទនៈនេះចំនួន៦,៥ សេនដុល្លារ ក្នុងមួយលីត្រ ដើម្បីជួយសម្រួលដល់ជីវភាពរបស់ប្រជាពលរដ្ឋ៕

ស្ពានទ័ព ឬស្ពានអូរជីក មានទីតាំងស្ថិតនៅភូមិជើងទៀន ឃុំជើងទៀន ស្រុកចុងកាល់ ខេត្តឧត្តរមានជ័យ ដែលមានទីតាំងជាប់នឹងព្រំប្រទល់នៃខេត្តសៀមរាប។

ស្ពាននេះ ត្រូវបានបន្សល់ទុកតាំងពីសម័យចក្រភពអង្គរ ប៉ុន្តែមិនសូវទទួលបានការទាក់ទាញខ្លាំងដូចស្ពានកំពង់ក្តី។ស្ពានទ័ព ឬស្ពានអូរជីកនេះមានបណ្តោយប្រវែងប្រមាណជា១៤៩ម៉ែត្រ រ កម្ពស់ប្រហែល១០ម៉ែត្រពីផ្ទៃដី និងរន្ធបង្ហូរទឹកចំនួន៣៥ ដែលបានកសាងឡើងក្នុងរជ្ជកាលព្រះបាទជ័យវរ័ន្មទី៧ ក្នុងចន្លោះសតវត្សទី១២ និងទី១៣ នៃគ.ស។ស្ពាននេះ ក៏សាងពីថ្មបាយក្រៀមស្ទើរតែទាំងអស់ លើកលែងតែបង្កាន់ដៃនាគ និងជើងទម្រប៉ុណ្ណោះដែលធ្វើពីថ្មភក់។ ស្ពានទ័ព ត្រូវបានចាត់ទុកថាមានប្រវែងវែងជាងគេបង្អស់ នៅក្នុងចំណោមស្ពានបុរាណនានាជាង១០០ដែលគេបានស្រាវជ្រាវរកឃើញនៅក្នុងប្រទេសកម្ពុជា។បច្ចុប្បន្នស្ពានទ័ព ឬស្ពានអូរជីកនេះ ហាក់មានសភាពមិនសូវល្អ ដោយបង្កាន់ដៃនាគ និងជើងទម្រមានការខូចខាតខ្លាំង និងសរសរជើងស្ពានវិញ ទទួលការសឹករិចរឹលខ្លាំង៕

ដូចប្រិយមិត្តជ្រាបមកហើយថាកញ្ញា ឡូរីន គូស្នេហ៍របស់តារារ៉េបល្បីឈ្មោះ វណ្ណដា មិនត្រឹមតែមានសម្រស់ស្រស់ស្អាតប៉ុណ្ណោះទេ តែនាងក៏ពូកែធ្វើម្ហូបដូចគ្នានាំឱ្យអ្នកគាំទ្រពោលសរសើរមិនដាច់ពីមាត់។ មិនត្រឹមតែពូកែធ្វើម្ហូបប៉ុណ្ណោះទេ ឡូរីន ថែមទាំងក្លាហានបង្ហើរសំនៀងលើឆាកក្នុងកម្មវិធីមួយជាភាសាអង់គ្លេសទៀតផងដែលនាំឱ្យមានការជជែកវែកញែកយ៉ាងច្រើន។

តាមរយៈវីដេអូខ្លីមួយចែកចាយលើបណ្តាញសង្គមទិកតុកកញ្ញា ឡូរីន បានបកស្រាយបទចម្រៀងមានចំណងជើងថា «Wonderful tonight»។ ការបង្ហោះវីដេអូខ្លីនេះដែរអ្នកលេងបណ្តាញសង្គមបានបញ្ចេញមតិវែកញែកយ៉ាងច្រើនដោយមានទាំងអ្នកសរសើរ មានទាំងអ្នកបន្តុះបង្អាប់ ខណៈនេះជាលើកទី១ហើយដែលអ្នកគាំទ្របានស្តាប់សំឡេងស្រីស្អាត ឡូរីន បកស្រាយបទចម្រៀងបែបនេះ។

អ្នកប្រើប្រាស់បណ្តាញសង្គមបានបញ្ចេញមតិថា« សំឡេងគាត់ពីរោះណាស់ធ្ងន់ល្អ ទឹកដមចូលតួបានល្អ ,ស្ដាប់មិនបានផងបង ,អត់ពីរោះផង,ខ្ញុំស្ដាប់អត់យល់រឺមកពីខ្ញុំមិនចេះភាសា, ស្តាប់អត់បានទេ»។ អ្នកខ្លះទៀតបានលើកឡើងថា អ្នកស្តាប់មិនបានខ្លួនឯង English ស្ទើរៗនឹងទៅស្តាប់អីបានយី, អ្នកស្អប់នៅតែស្អប់រហូតដល់ថ្ងៃស្លាប់…»។

គេចាំបានដែរថា កន្លងមកថ្មីៗនេះ ឡូរីន ធ្លាប់បានបង្ហោះសារពន្លះអ្នករិះគន់ខ្លួនដូចគ្នាក្រោយពេលនាងបានផ្លាស់ប្តូរស្ទាយសក់ និងចិញ្ចើមថ្មី ត្រូវអ្នកមួយចំនួនបញ្ចេញមតិរិះគន់។ អ្នកខ្លះក៏បានលើកឡើងដែរថា ឡូរីន មានសង្សារជាតារាល្បីឈ្មោះគឺប្រឈមនឹងបញ្ហាទាំងនេះហើយ មានអ្នកតាមដានគ្រប់ជំហាន ព្រមទាំងមានការស្រលាញ់និងមិនចូលចិត្តដើរទន្ទឹមគ្នា៕

https://www.tiktok.com/@moonnaaily/video/7288334017550716178

ដើម្បីបានចូលទៅកាន់ក្រុងអង្គរធំរ ភ្ញៀវទេសចរណ៍តែងតែត្រូវឆ្លងកាត់ខ្លោងទ្វារស័ក្កសិទ្ធជាមុនសិន ដែលប្រជាជននៅទីនោះតែងតែគោរព្ធប្រតិបត្តិជាយូរលង់ណាស់មកហើយ។

នៅក្នុងផ្លូវចូលក្រុងអង្គរធំ មានខ្លោងទ្វាររហូតដល់ទៅ៥ ដែលក្នុងនោះរួមមាន៖

• ខ្លោងទ្វារខាងកើតមួយ ស្ថិតនៅចំផ្លូវខាងមុខព្រះពន្លាកិត្តិយសនៃព្រះលានជល់ដំរី បានប្រើសប្រាស់សម្រាប់ចេញចូលដោយព្រះមហាក្សត្រ និងកងទ័ពបន្ទាប់ពីបានទទួលនូវជោគជ័យលើខ្មាំងសត្រូវ ដូច្មេះខ្លោងទ្វារនោះត្រូវបានគេហៅថា ខ្លោងទ្វារជ័យ• ខ្លោងទ្វារខាងកើតមួយផ្សេងទៀត ស្ថិតនៅចំផ្លូវខាងមុខប្រាសាទបាយ័នមានមុខងារសម្រាប់ដង្ហែរសាកសពរបស់អ្នកដែលរស់នៅខាងក្នុងបរិវេណអង្គរធំ ដើម្បីយកទៅបូជា ឬចោលទៅក្នុងទឹកស្ទឹងនៅបរិវេណផ្នែកខាងក្រៅនៃទីក្រុង។ ខ្លោងទ្វារនោះត្រូវបានគេដាក់ឈ្មោះថា ខ្លោងទ្វារខ្មោច• ខ្លោងទ្វារខាងត្បូងត្រូវបានប្រើប្រាស់សម្រាប់មនុស្សគ្រប់ស្រទាប់វណ្ណៈ ទាំងវណ្ណៈក្សត្រ ទាំងវណ្ណៈនម៉ឺនសព្វមុខមន្ត្រីរហូតដល់ប្រជារាស្រ្តសាមញ្ញ ដែលអាចចេញចូលបានគ្រប់ពេលវេលាតាំងពីព្រលឹម(ថ្ងៃរះ) ទល់ព្រលប់(ថ្ងៃលិច) ក្នុងគោលបំណងកិច្ចការរដ្ឋបាល សាសនា និងរកស៊ីជួញដូរ ដូច្នេះវាជាខ្លោងទ្វារដែលមមាញឹកជាងគេ។ បច្ចុប្បន្នខ្លោងទ្វារនេះត្រូវបានគេហៅថា ខ្លោងទ្វារទន្លេអ៊ុំ• ខ្លោងទ្វារខាងលិចត្រូវបានគេប្រើប្រាស់សម្រាប់ប្រហារជីវិត។ នៅពេលមានជនណាម្នាក់បានព្រឹត្តនូវបទល្មើសធ្ងន់ធ្ងរ មិនអាចលើកលែងទោសបាន ជននោះត្រូវបានគេនាំយកទៅប្រហារជីវិតនៅខាងក្រៅបរិវេណនៃខ្លោងទ្វារដោយជីករណ្តៅកប់និងយកដីឬថ្មកប់កគ្របពីលើ(ឯកសារ ជីវ តាក្វាន់) បច្ចុប្បន្នខ្លោងទ្វារនេះត្រូវបានខ្លោងទ្វារតាកែវ
• ខ្លោងទ្វារខាងជើង ជាខ្លោងទ្វារដីឆ្នាំង ត្រូវបានគេប្រើសប្រាស់សម្រាប់ក្រុមបព្វជិតមកពីទីជិតឆ្ងាយដង្ហែរក្បួន ព្យុហយាត្រាចូលមករាជធានី ដើម្បីគាល់ព្រះមហាក្សត្រ ក្នុងគោលបំណងសូមសេចក្តីប្រទានទោស ប្រោសដល់អ្នកមានកំហុសបន្តិចបន្តួច ដែលកំពុងជាប់ឃុំឃាំងនៅក្នុងបរិវេណរាជធានី ដើម្បីនាំយកពួកគេទៅអប់រំសារជាថ្មីឡើងវិញ៕