ទឹកគឺជាធាតុសំខាន់បំផុតដែលស្មើនឹង ៧០ ភាគរយនៃទំងន់រាងកាយរបស់មនុស្ស បរិមាណទឹកដែលរាងកាយត្រូវការគឺអាស្រ័យទៅលើកត្តាជាច្រើនដូចជា ភេទ អាយុ សកម្មភាព និងលក្ខខណ្ឌអាកាសធាតុជាដើម…។ ប៉ុន្តែទោះជាយ៉ាងណាក៏ដោយមានមនុស្សមួយចំនួននៅតែយល់ខុសអំពីការផឹកទឹកដូចជា៖
១.ផឹកទឹកមុនពេលចូលគេង៖ ការផឹកទឹកមុនពេលចូលគេងអាចបណ្តាលឱ្យអ្នកក្រោកពីដំណេកញឹកញាប់នៅពេលយប់ ដែលជាហេតុធ្វើឱ្យសុខភាពរាងកាយរបស់អ្នកចុះខ្សោយ។
២.ផឹកទឹកត្រជាក់ជួយឱ្យមានអារម្មណ៍ស្រស់ស្រាយ៖ ទឹកត្រជាក់អាចធ្វើឱ្យស្រស់ស្រាយក្នុងរយៈពេលខ្លីប៉ុណ្ណោះ ដូច្នេះប្រសិនបើអ្នកផឹកទឹកត្រជាក់ច្រើនពេក អាចធ្វើឱ្យរាងកាយបាត់បង់តុល្យភាពសីតុណ្ហភាព ហើយអាចមានផលប៉ះពាល់អវិជ្ជមានដល់សុខភាពដូចជា ឈឺក្បាល និងរាគជាដើម។
៣.ត្រូវផឹកទឹក ៨ កែវក្នុងមួយថ្ងៃ៖ ការយល់ដឹងបែបនេះមិនមែនជាការពិតនោះទេ ព្រោះបរិមាណទឹកដែលរាងកាយត្រូវការគឺអាស្រ័យលើកត្តាជាច្រើនដូចជា ភេទ អាយុ សកម្មភាព លក្ខខណ្ឌអាកាសធាតុ។ ដូច្នេះមនុស្សពេញវ័យគួរផឹកទឹកប្រហែល ២ លីត្រក្នុងមួយថ្ងៃ ឬ ៨ កែវ ប៉ុន្តែប្រសិនបើអ្នកហាត់ប្រាណ ឬធ្វើការខ្លាំង អ្នកគួរតែផឹកទឹកឱ្យបានច្រើនជាងនេះដើម្បីជំនួសទឹកដែលបាត់បង់។
៤.ផឹកទឹកច្រើនពេកបណ្តាលឱ្យខ្សោយតម្រងនោម៖ នេះគឺជាការគិតខុសរបស់មនុស្សមួយចំនួន ផ្ទុយទៅវិញការផឹកទឹកច្រើនអាចធ្វើឱ្យក្រលៀនរបស់អ្នកធ្វើការកាន់តែខ្លាំងទៅវិញទេ។
៥.យកល្អគួរតែផឹកទឹកធម្មតា៖ ទឹកគឺជាភេសជ្ជៈដ៏ល្អបំផុតសម្រាប់រាងកាយ ប៉ុន្តែទឹកផ្លែឈើ ទំពាំងបាយជូរ និងតែរុក្ខជាតិផ្សេងៗទៀតក៏មានប្រយោជន៍ដល់សុខភាពរបស់យើងផងដែរ៕
ប្រភព៖sanook
