បុរសជនជាតិថៃម្នាក់បានបាត់បង់លុយរាប់លានក្នុងរយៈពេលប៉ុន្មានឆ្នាំមកនេះ ដោយបន្ទោសអតីតគូស្នេហ៍ចំពោះការធ្លាក់ចុះផ្នែកហិរញ្ញវត្ថុ។ អតីតមហាសេដ្ឋីវ័យ៧០ ឆ្នាំរូបនេះបានអះអាងថានាងបានបោកបញ្ឆោតលោកឱ្យលក់ទ្រព្យសម្បត្តិប្រណីតរួមទាំងរថយន្តប្រណីតៗផងដែរ។ នេះបើយោងតាមការចុះផ្សាយសារព័ត៌មាន koreaboo កាលពីពេលថ្មីៗនេះ។

តាមប្រភពដដែលបានបញ្ជាក់ថា ស្ត្រីនោះបច្ចុប្បន្នមានអាយុ៤៥ឆ្នាំ ហើយអ្នកទាំងពីរបានជួបគ្នាតាមរយៈមិត្តភ័ក្តិកាលពី១៨ឆ្នាំមុន។ មហាសេដ្ឋីរូបនេះដឹងច្បាស់ថាពេលនោះស្រ្តីរូបនោះកំពុងធ្វើការជានារីបំរើសេវាកម្មផ្លូវភេទ។ ទោះជាយ៉ាងណា មហាសេដ្ឋីរូបនេះនិងនារីនោះបានស្រលាញ់គ្នាហើយសន្យាថានឹងមើលថែនាង ប្រសិនបើនាងឈប់ទាក់ទងជាមួយបុរសផ្សេងទៀត។

ជិតពីរទស្សវត្សរ៍នៃការរស់នៅយ៉ាងឡូយឆាយបានកន្លងផុតទៅហើយ អ្វីដែលមហាសេដ្ឋីថៃនិយាយគឺធ្វើតាមការសន្យារបស់ខ្លួន ដោយបានផ្តល់ប្រាក់ឧបត្ថម្ភប្រចាំខែដល់ស្រ្តីនោះពី ៥០,០០០ ទៅ ១០០,០០០ បាត (ប្រហែល១,៣០០-២,៧០០ដុល្លារ)។ លើសពីនេះ មហាសេដ្ឋីដែលមិនគេមិនបញ្ចេញអត្តសញ្ញាណនេះបានផ្តល់លុយដល់គូស្នេហ៍ជាប្រចាំចំនួន ១០ លានបាត ប្រហែល ២៧០,០០០ ដុល្លារតាមសំណើដោយចំណាយលើថ្លៃមន្ទីរពេទ្យថ្លៃៗរបស់ឪពុកនាងផងដែររួមទាំងបានទិញរថយន្តទំនើបដូចជា Audi, BMW, និង Mercedes-Benz ជូននាងទៀត។ ស្ត្រីរូបនេះបានបញ្ចុះបញ្ចូលមហាសេដ្ឋីចំណាស់នេះឱ្យលក់របស់ថ្លៃៗរាប់ចាប់ពីគ្រឿងអលង្ការ BVLGARI រហូតដល់នាឡិកាដែលមានតម្លៃរាប់សិបលានបាត។

បន្ទាប់ពីទ្រព្យសម្បត្តិរបស់គាត់បានធ្លាក់ចុះពីរាប់ពាន់លានដុល្លារមកត្រឹមតែក្រោម ១០លានបាតមហាសេដ្ឋីថៃរូបនោះបានរាយការណ៍ករណីនេះទៅប៉ូលីសដោយសង្ឃឹមថានឹងយកទ្រព្យសម្បត្តិរបស់ខ្លួនមកវិញ ព្រមទាំងបញ្ជាក់ថាលោកមិនខ្លាចការរិះគន់ណាមួយដែលអាចកើតមាននោះទេ៕

ប្រទេសថៃ ៖ ក្រសួងការបរទេសថៃព្យាយាមទំនាក់ទំនងតាមរយៈស្ថានទូតរបស់បណ្តាប្រទេសដែលមានទំនាក់ទំនងជាមួយក្រុមហាម៉ាស់ ដើម្បីឱ្យដោះលែងពលករថៃដែលត្រូវបានក្រុមហាម៉ាស់ចាប់ខ្លួនធ្វើជាចំណាប់ខ្មាំង ព្រោះជនជាតិថៃមិនមែនជាជាតិសាសន៍មានទំនាស់ជាមួយក្រុមហាម៉ាស់ទេ ។ ចំណែកកូនសិស្សថៃចំនួន៨០នាក់ទៀតបញ្ជាក់ថា ពួកគេមានសុវត្ថិភាព ។

ក្រសួងការបរទេសថៃនឹងទទួលទូរស័ព្ទ២៤ម៉ោងសម្រាប់ទូរស័ព្ទចំនួន៦០ខ្សែពីសាច់ញាតិ និងក្រុមគ្រួសារដែលចង់ទំនាក់ទំនងមកកាន់ក្រសួង ដើម្បីសួរនាំពីពលករថៃ ។ ក្រៅពីនេះ ក៏មានភ្នាក់ងារជួយសង្គ្រោះជនជាតិថៃ ដែលរស់នៅប្រទេសអ៊ីស្រាអែលផងដែរ ។

ពលករជាង៥.០០០នាក់ដែលរស់នៅជិតតំបន់ប្រយុទ្ធគ្នា ត្រូវបានអាជ្ញាធរជួយជម្លៀសចេញមួយចំនួនកាលពីយប់ថ្ងៃទី៩ ខែតុលា ឆ្នាំ២០២៣ ។ ចំណែកសាកស.ពជាច្រើនទៀតត្រូវរង់ចាំឱ្យអាជ្ញាធរអ៊ីស្រាអែលសម្អាតតំបន់ជាមុនសិន ព្រោះតំបន់ទាំងនោះកំពុងប្រយុទ្ធគ្នានៅឡើយ ។

លោក ចក្រាផុង ស៊ែងម៉ានី រដ្ឋមន្ត្រីក្រសួងការបរទេសថៃ ទទួលស្គាល់ថា ការទំនាក់ទំនងជាមួយជនជាតិថៃក្នុងតំបន់ពិតជាពិបាកខ្លាំង ព្រោះបណ្តាញទំនាក់ទំនងត្រូវគេកាត់ផ្តាច់ ។ លោកថ្លែងថា ៖ «យើងរង់ចាំឱ្យពួកគេសម្អាតតំបន់ជាមុនសិន ព្រោះតំបន់ទាំងនោះកំពុងប្រយុទ្ធគ្នានៅឡើយ ដែលធ្វើឱ្យប្រទេសថៃពិបាកជួយសង្គ្រោះពលកររបស់ខ្លួន ។ ប៉ុន្តែយើងត្រូវតែជួយពួកគេឱ្យបាន» ។

ចំណែកអ្នកនាង ផាន់ណាផា ច័ន្ទថារ៉ារុំ ឯកអគ្គរាជទូតថៃប្រចាំទីក្រុងអាវីស បញ្ជាក់ថា មន្ត្រីស្ថានទូតថៃ ក៏ត្រូវរត់គេចពីតំបន់គ្រោះថ្នាក់ផងដែរ ៕ ប្រភព ៖ Thai PBS

បរទេស៖ ក្រុមហ៊ុនបារាំង SP80 បានបង្កើតគំរូទូកក្ដោងពណ៌ស ជាមួយនឹងស៊ុមស្ដើង ក្នុងគោលបំណងបង្កើតកំណត់ត្រាលឿនបំផុតរបស់ពិភពលោកជាមួយល្បឿន ១៤៨ គីឡូម៉ែត្រក្នុងមួយម៉ោង។

យោងតាមប្រភពព័ត៌មាន Business Insider ដែលបានរាយការណ៍កាលពីថ្ងៃទី ៧ ខែតុលាថា គំរូទូកក្ដោង SP80 ថ្មីនេះមានប្រវែង ១០.៤ ម៉ែត្រ ទទឹង ៧.៦ ម៉ែត្រ និងទម្ងន់ប្រហែល ១៥០ គីឡូក្រាម។ ដោយនៅខាងមុខមានកាប៊ីនសម្រាប់មនុស្សពីរនាក់ ម្នាក់គ្រប់គ្រងខ្លែង និងម្នាក់ទៀតបើកទូក ដូច្នេះអ្នកជិះទាំងពីរត្រូវបានបំពាក់ដោយខ្សែក្រវ៉ាត់សុវត្ថិភាព មួកសុវត្ថិភាព រួមទាំងរបាំងអុកស៊ីហ្សែនសង្គ្រោះបន្ទាន់។

ទូកនេះក៏ត្រូវបានផលិតចេញពីជាតិសរសៃកាបោនដែលពង្រឹងដោយ Kevlar សម្រាប់ការការពារបន្ថែមក្នុងករណីមានការប៉ះទង្គិចផងដែរ ដោយខាងក្រោមទូកគឺជាអ៊ីដ្រូហ្វូលតែមួយគត់ដែលវាជួយរក្សាទូកនៅក្នុងទឹកនៅពេលដែលខ្លែងខាងលើទាញវាក្នុងល្បឿនកំពូល។

បច្ចុប្បន្នក្រុមហ៊ុនគ្រោងនឹងយកទូកទៅភាគខាងត្បូងនៃប្រទេសបារាំងសម្រាប់ការសាកល្បងបន្ថែមទៀត ហើយសង្ឃឹមថានឹងបង្កើតកំណត់ត្រាពិភពលោកនៅឆ្នាំ ២០២៤។ លោក Laura Manon អ្នកនាំពាក្យ SP80 បាននិយាយថា ក្រុមការងារគ្រោងនឹងភ្ជាប់ខ្លែងឱ្យតូចជាងមុន ដោយដំបូលជាមួយនឹងទូក បន្ទាប់មកបង្កើនល្បឿនជាមួយខ្លែងធំដើម្បីជួយឱ្យអ្នកជិះចាប់ផ្តើមមានអារម្មណ៍ស្រួល ។ គោលដៅដំបូងគឺបំបែកកំណត់ត្រា ១២១ គីឡូម៉ែត្រក្នុងមួយម៉ោង បន្ទាប់មកបន្តបង្កើនល្បឿនដល់ ១៤៨ គីឡូម៉ែត្រក្នុងមួយម៉ោង៕

យោងតាមសារព័ត៌មានThe Value ក្នុងសម័យប្រជុំឧទ្ទិសដល់ស្នាដៃរបស់ Chang Dai-chien ដែលរៀបចំដោយ Sotheby’s Hong Kong កាលពីថ្ងៃទី ៨ ខែតុលា កន្លងទៅផ្ទាំងគំនូរ Ha Son Phi Thuy បានឡើងដល់តម្លៃខ្ពស់បំផុត។ គំនូរចម្រុះពណ៌ស្នាដៃរបស់វិចិត្រករជនជាតិចិនរូបនេះត្រូវបានដាក់ឱ្យដេញថ្លៃក្នុងតម្លៃ ១១ លានដុល្លារ។ ក្នុងការដេញថ្លៃលើកនេះផ្ទាំងគំនូរចំនួន២០១ ត្រូវបានលក់ដោយជោគជ័យក្នុងតម្លៃសរុប ៣៨.៣ លានដុល្លារ។

គំនូរ Ha Son Phi Thuy ត្រូវបានគូរឡើងនៅឆ្នាំ ១៩៦៨ នៅពេលដែលវិចិត្រកររស់នៅក្នុងប្រទេសប្រេស៊ីល ដោយបានពិសោធជាមួយនឹងប្រភេទនៃការចាក់ពណ៌លើក្រដាស។ ការងារនេះត្រូវបានបិទភ្ជាប់នៅលើស៊ុមឈើជាមួយនឹងប្រធានបទនៃភាពរឹងមាំនៃភ្នំនៅរដូវក្តៅ។ វិចិត្រកររូបនេះបង្ហាញពីជួរថ្មពណ៌បៃតង និងខៀវដែលមិនចេះចប់ ហើយអ័ព្ទគ្របដណ្ដប់លើប្រាសាទ ស្ពាន និងទឹកហូរ។ ផ្ទាំងគំនូរនេះមានរចនាបថភ្នំអរូបី បង្ហាញពីអាថ៌កំបាំងបូព៌ា។
វិចិត្រករ Chang Dai-chien មានជំនាញខាងគូររូបសត្វនិងភ្នំ ទឹក និងផ្កា ព្រមទាំងបានបន្សល់ទុកនូវស្នាដៃដ៏ច្រើនសន្ធឹកសន្ធាប់ព្រោះជារៀងរាល់ឆ្នាំគាត់បានបង្កើតគំនូរប្រមាណ៥០០ផ្ទាំង។ ទោះបីជាគាត់រស់នៅក្រៅប្រទេសក៏ដោយ ប៉ុន្តែលោក Chang Dai-chien តែងតែនិយាយថាស្នាដៃរបស់ខ្លួនមានប្រភពចេញពីសិល្បៈប្រពៃណីនៅស្រុកកំណើត។

ចាប់ពីទសវត្សរ៍ឆ្នាំ ១៩២០ រហូតមកដល់បច្ចុប្បន្ន ស្នាដៃរបស់វិចិត្រ Chang Dai-chien ត្រូវបានស្វែងរកកាន់តែខ្លាំងឡើង។ យោងតាមស្ថិតិរបស់ Artprice (បារាំង) ក្នុងឆ្នាំ២០១៦ តម្លៃសរុបនៃស្នាដៃដេញថ្លៃរបស់វិចិត្រករ Chang Dai-chien ឈានដល់ ៣៥០ លានដុល្លារដែលខ្ពស់ជាងគំនូររបស់លោក Picasso ក្នុងឆ្នាំនោះ។ ពីឆ្នាំ ១៩៩៣ ដល់ឆ្នាំ ២០១៩ ស្នាដៃលក់របស់វិចិត្រករ Chang Dai-chien ឈានដល់តម្លៃសរុបជាង ២.៦ ពាន់លានដុល្លារអាម៉េរិក។

វិចិត្រករ Chang Dai-chien កើតនៅឆ្នាំ ១៨៩៩ នៅខេត្ត Sichuan នៅចុងរាជវង្ស Qing ។ កាលនៅក្មេងគាត់បានរៀនគូររូបពីម្តាយ និងបងប្រុសរបស់គាត់ដែលជាវិចិត្រករដែលមានជំនាញគូររូបខ្លា។ កាលនៅក្មេង វិចិត្រកររូបនេះបានទៅសិក្សានៅប្រទេសជប៉ុន បន្ទាប់មកបានធ្វើដំណើរទៅកាន់ប្រទេសជាច្រើន។ លោក Chang Dai-chien ត្រូវបានគេហៅថាជាវិចិត្រករនៃការធ្វើដំណើរ ដោយហេតុផលជាច្រើនក្នុងពាក់កណ្តាលជីវិតចុងក្រោយរបស់គាត់ គាត់មិនបានត្រឡប់ទៅស្រុកកំណើតរបស់ខ្លួនទេ។ វិចិត្រកររូបនេះរស់នៅក្នុងប្រទេស និងដែនដីជាច្រើនដូចជា អាហ្សង់ទីន ប្រេស៊ីល អាម៉េរិក បារាំង និងតៃវ៉ាន់៕

កីឡាករ Dave Leduc ដែលត្រូវបានគេចាត់ទុកថាជា “ស្តេចប្រដាល់” ប្រចាំនៅប្រទេសមីយ៉ាន់ម៉ា បានបង្ហោះសាររៀបរាប់អំពី “សាក់យ័ន្ត” និងទទួលស្គាលថាយ័ន្តមានដើមកំណើតមកពីខ្មែរ។Dave Leduc បានបង្ហោះរូបភាព និងបានអមជាមួយរូបភាពមួយចំនួនថា៖”សាក់យ័ន្ត គឺជាទម្រង់នៃការសាក់ដោយប្រើរូបរាងយ័ន្តរបស់ឥណ្ឌាដែលត្រូវបានគេជឿថាផ្តល់នូវការការពារ ធ្វើឱ្យមានសំណាងល្អ និងមានកម្លាំងខ្លាំង។ អស់រយៈពេលជាច្រើនសតវត្សរ៍មកហើយ ទំនៀមទម្លាប់នេះបានរីករាលដាលដល់ប្រទេសកម្ពុជា ឡាវ ថៃ និងមីយ៉ាន់ម៉ា។ មនុស្សភាគច្រើន គិតថាទាំងនេះគឺជាការសាក់បែបថៃប៉ុន្តែវាមិនមែនជាការសាក់បែបថៃនោះទេ។ គេប្រើស្គ្រីប/អក្សរខ្មែរបុរាណ (ភាសាខ្មែរ) នៃអាណាចក្រខ្មែរ។ខ្ញុំកំពុងរៀនអំពីប្រទេសកម្ពុជា នៅពេលដែលខ្ញុំបានសាក់រូបនៅប្រទេសថៃ នោះហើយជាមូលហេតុដែលខ្ញុំជ្រើសរើសគ្រូដែលអាចអានអក្សរខ្មែរបុរាណបាន ដូច្នេះខ្ញុំអាចមានការសាក់យ័ន្តពិតប្រាកដ។ វាជារឿងធម្មតាណាស់សម្រាប់ព្រះសង្ឃក្នុងការបោះពុម្ពរូបសាក់បញ្ច្រាសលើសៀវភៅ ដូច្នេះអ្នកទេសចរដែលមិនដឹងអី គឺមិនទទួលបានអំណាចវេទមន្តពិតប្រាកដទេ។”Dave Leduc បានសង្កត់ធ្ងន់ថា៖”រឿងដែលគួរឱ្យអស់សំណើចបំផុតនោះគឺ អ្នកប្រដាល់មួយថៃត្រូវបានគេសាក់ជាភាសាខ្មែរនៅលើដងខ្លួនរបស់ពួកគេ ហើយមនុស្សម្នាគិតថា នោះជាភាសា “ថៃ” របស់គេទៅវិញ… វាមិនមែនជាភាសាថៃទេ! ជារបស់ខ្មែរ។ ច្បាស់ណាស់សម្រាប់ខ្ញុំថា ប្រទេសថៃបានលួចទិដ្ឋភាពជាច្រើននៃវប្បធម៌ខ្មែរ។ ហេតុនេះហើយបានជាមីយ៉ាន់ម៉ា និងកម្ពុជាចុះសម្រុងគ្នា ព្រោះយើងមានបទពិសោធស្រដៀងគ្នា។ មីយ៉ាន់ម៉ា និងកម្ពុជា បានស្ថិតក្នុងស្រមោលពិភពលោកជាច្រើនឆ្នាំ ដោយសារកត្តាភូមិសាស្ត្រនយោបាយ និងសេដ្ឋកិច្ច ហើយក្នុងអំឡុងពេលនេះ ប្រទេសថៃបានសរសេរប្រវត្តិសាស្ត្ររបស់ខ្លួនឡើងវិញ និងលួចយកទិដ្ឋភាពនៃវប្បធម៌អាស៊ានជាច្រើនផ្សេងទៀត។ នឹកស្មានមិនដល់ថា 10 ឆ្នាំក្រោយខ្ញុំបានសាក់យ័ន្តខ្មែរ ពេលនេះខ្ញុំនឹងទៅកម្ពុជានៅថ្ងៃទី 5 ខែវិច្ឆិកា ដើម្បីប្រយុទ្ធនឹងជើងឯកប្រចាំប្រទេស។ ខ្ញុំត្រូវបានអញ្ជើញដោយនាយករដ្ឋមន្ត្រីនៃព្រះរាជាណាចក្រកម្ពុជា ដើម្បីមកជួបសម្តែងការគួរសមមុនការប្រកួត។ ខ្ញុំគិតថា «សាក់យ័ន្ត» របស់ខ្ញុំពិតជាផ្តល់សំណាងល្អដល់ខ្ញុំមិត្តភាពរវាងមីយ៉ាន់ម៉ា និងកម្ពុជា។ សូមអរគុណអ្នកទាំងអស់គ្នានៅក្នុងប្រទេសមីយ៉ាន់ម៉ា និងកម្ពុជាសម្រាប់ការគាំទ្រដ៏អស្ចារ្យ! ខ្ញុំស្រលាញ់អ្នកទាំងអស់គ្នា។”

សូមបញ្ជាក់ផងដែរថា បើតាមដំណឹងលេចឮមកថា Dave Leduc នឹងត្រូវជួបខ្លាចាស់ព្រំ សំណាង នាខែក្រោយនេះ នៅក្នុងការប្រកួតដ៏សំខាន់មួយ៕

ប្រភព៖ Dave Leduc

ថ្មីៗនេះ ក្រុមហាម៉ាស់ (Hamas) ប៉ាឡេស្ទីន បានបើកការវាយប្រហារទៅលើអុីស្រាអែល ដោយបានបាញ់មីសុីលស្រោចដូចទឹកចំនួន៥០០០គ្រាប់ បណ្តាឱ្យមនុស្សជាង១ពាន់នាក់ បានបាត់បង់ជីវិត និងច្រើនមុឺននាក់ទៀតបានចាកចេញពីគេហដ្ឋាន ស្វែងរកកន្លែងសុវត្ថិភាព។ក្រុមហាម៉ាស់ (Hamas) ត្រូវបានបង្កើតឡើងដំបូងនៅឆ្នាំ ១៩៨៧ ដោយលោក Sheikh Ahmed Yassin នៅក្នុងការបះបោរមួយរបស់ជនជាតិប៉ាឡេស្ទីន។ ក្រុមនេះទទួលបានការគាំទ្រពេញទំហឺងពីអ៊ីរ៉ង់ និងជាពិសេសបណ្តាប្រទេសកាន់សាសនាអុីស្លាម នៅក្នុងតំបន់អារ៉ាប់។លោក Sheikh Ahmed Yassin បានបង្កើតក្រុមនេះឡើង ដើម្បីធ្វើការតស៊ូរើបម្រាស់ពីការគ្រប់គ្រង និងទាមទារយកទឹកដីរបស់ខ្លួនវិញ ពីប្រទេសអុីស្រាអែល។ ដោយគ្រានោះក្រុមហាម៉ាស់ (Hamas) បានបដិសេធទទួលស្គាល់រដ្ឋអុីស្រាអែល និងបានជំទាស់ដោយហិង្សា ចំពោះកិច្ចព្រមព្រៀងសន្តិភាពទីក្រុងអូស្លូ នៅក្នុងឆ្នាំ១៩៩០។ប្រជាជនប៉ាឡេស្ទីនយល់ឃើញថាទឹកដីអុីស្រាអែលជារបស់ខ្លួន និងគួរណាស់តែគោរពប្រតិបត្តិសាសនាអុីស្លាម ស្របពេលដែលពលរដ្ឋអុីស្រាអែល ជាគ្រីស្ទបរិស័ទ ពួកគេយល់ឃើញថា ព្រះយេស៊ូគ្រិស្ត បានចាប់កំណើតនៅលើទឹកដីខ្លួន។ប្រទេសជាច្រើនដូចជា អុីស្រាអែល សហរដ្ឋអាមេរិក សហភាពអឺរ៉ុប កាណាដា និងជប៉ុន ចាត់ទុកក្រុមហាម៉ាស់ (Hamas) ជាអង្គការភេវរកម្ម។

ខណៈដែល មានតែប្រទេសចិន រុស្សុី និងសហភាពអារ៉ាប់ តែប៉ុណ្ណោះ ដែលប្រកាន់ជំហរឈរខាងប៉ាឡេស្ទីននៅក្នុងការធ្វើសង្គ្រាមទាមទារទឹកដីរបស់ខ្លួនមកវិញ៕

ប្រភព: CFR

កាលពីដើមឆ្នាំនេះប្រទេសចិនត្រូវបានគេរាយការណ៍ថាបានដាក់បម្រាមយ៉ាងតឹងរ៉ឹងលើការផ្សាយមាតិការឿងភាគកូរ៉េ។ យោងតាមប្រព័ន្ធផ្សព្វផ្សាយ វិធានការនេះត្រូវបានអនុម័តដើម្បីរារាំងលំហូរចូលនៃរឿងភាគកូរ៉េ និងហ្គេមក្នុងខែមីនា និងខែមេសាឆ្នាំ២០២៣។ ព័ត៌មាននេះត្រូវបានបង្ហាញនៅថ្ងៃទី៦ ខែតុលាដោយសារព័ត៌មាន Chosun Ilbo ដោយដកស្រង់របាយការណ៍ពីគណៈកម្មាធិការកិច្ចការបរទេស និងបង្រួបបង្រួមរបស់ប្រទេសកូរ៉េខាងត្បូង។

កាលពីមុន ប្រទេសចិនបានអនុញ្ញាតឱ្យចាក់ផ្សាយរឿងភាគកូរ៉េក្នុងអំឡុងពេលពីរខែដំបូងនៃឆ្នាំ២០២២ មានដូចជារឿង «What’s Wrong with Secretary Kim» ,«Hospital Playlist» និង រឿង Hometown Cha-Cha-Cha ។ យ៉ាងណាក៏ដោយ នៅខែមិថុនា ឆ្នាំ២០២៣ ការប្រមូលផ្ដុំពីការចរចានៅតែជាប់គាំងបើទោះបីជាប្រព័ន្ធផ្សព្វផ្សាយធំរបស់កូរ៉េខាងត្បូង ព្យាយាមធានាកិច្ចសន្យាក៏ដោយ។ ជាងនេះទៅទៀត ក្រសួងវប្បធម៌ កីឡា និងទេសចរណ៍កូរ៉េខាងត្បូង បានគូសបញ្ជាក់ថា ចាប់តាំងពីការចេញផ្សាយរឿង «Oh! My Gran» ក្នុងឆ្នាំ២០២១ ភាពយន្តកូរ៉េថ្មីៗមិនមានតំណាងនៅក្នុងរោងកុនចិនទេ។

លើសពីនេះទៅ សមាជិករដ្ឋសភាបានទទួលស្គាល់ថា ការហាមប្រាមរបស់ប្រទេសចិនលើខ្លឹមសាររឿងភាគកូរ៉េមិនមានភាពប្រសើរឡើងគួរឱ្យកត់សម្គាល់នោះទេចាប់តាំងពីច្បាប់«ប្រឆាំងនឹងពិភពភាពយន្តកូរ៉េ» (anti-hallyu’)ដែលបានចាប់ផ្តើមនៅក្នុងខែតុលា ឆ្នាំ២០១៦ និងបានបន្តនៅក្នុងឆ្នាំ ២០១៧ ជាផ្នែកនៃ «សកម្មភាពប្រឆាំង THAAD »៕