ក្រោយពីដឹកដៃកូនក្រមុំ អ្នកនាង ឡៅ ដាណេ ចូលពិធីអាពាហ៍ពិពាហ៍ នៅខេត្តសៀមរាម លោកគ្រូសាន សុជា គ្រោងនឹងបរិច្ចាកថវិការទាំងអស់ ដែលមកពីញាតិមិត្តចងដៃ ទៅកាន់កន្លែងជាច្រើនផ្សេងៗគ្នា។នៅក្នុងនោះលោកគ្រូ នឹងបរិច្ចាកទៅកាន់៖

១. ឧបត្ថម្ភមន្ទីរពេទ្យគន្ធរបុប្ផា ១០លានរៀល
២. ឧបត្ថម្ភមន្ទីរពេទ្យកុមារអង្គរ ១០លានរៀល
៣. ឧបត្ថម្ភគ្រូបង្រៀនវត្តមណីរតនារាម ១០០០$ (មួយពាន់ ដុល្លារ)
៤. ឧបត្ថម្ភអង្គការកុមាកម្ពុជាអូស្ត្រាលី ៥០០$ (ប្រាំរយដុល្លារ)
៥. ឧបត្ថម្ភមេភូមិចាក់ដីធ្វើផ្លូវ ៣០០$ (បីរយដុល្លារ)
៦. ឧបត្ថម្ភសាលាហ៊ុនសែនប្រាសាទបាគងសម្រាប់ទិញ ទូរទស្សន៍បញ្ចាំង slide ៨០០$(ប្រាំបីរយដុល្លារ)
៧. ឧបត្ថម្ភកុមារកំព្រា ៥០០$ (ប្រាំរយដុល្លារ)
៨. ឧបត្ថម្ភសាលាឃុំមានជ័យ ៥០០$ (ប្រាំរយដុល្លារ) សម្រា ទិញComputer

គួរបញ្ជាក់ផងដែរថា បន្ទាប់ពីស្ថិតនៅក្នុងភាពជាបព្វជិតអស់ ៣១ឆ្នាំមក លោកគ្រូ សាន សុជា បានឮលាចាកសិក្ខាបទ កាលពីថ្ងៃទី២១ ខែឧសភា ក្រោយបានភ្ជាប់ពាក្យកាលពីថ្ងៃទី៣០ ខែកក្កដា និងបានរៀបអាពាហ៍ពិពាហ៍កាលពីថ្ងៃទី៤-៥ វិច្ឆិកា ឆ្នាំ២០២៣កន្លងទៅ៕

នៅក្នុងវេទិកាកម្រិតខ្ពស់នៃធនាគារខួរក្បាលចិន-កម្ពុជា ដែលបានធ្វើនៅថ្ងៃទី១ ខែវិច្ឆិកា ឆ្នាំ២០២៣ នៅរដ្ឋធានីប៉េកាំង ប្រទេសចិន លោក លោក ពុយ គា ប្រធានក្លឹបអ្នកកាសែតកម្ពុជា បានអញ្ជើញអ្នកផលិតខ្សែភាពយន្ត “No More Bets” មកថតរឿងវគ្គ២ ដើម្បីស្ដារវិស័យទេសចរណ៍របស់កម្ពុជា ជាពិសេស កេរ្តិ៍ឈ្មោះនៃខេត្តព្រះសីហនុ។
ការស្នើបែបនេះ ក៏ដើម្បីស្តារកេរ្តិ៍ឈ្មោះខេត្តព្រះសីហនុឡើងវិញ ក្រោយពីភាពយន្ត “No More Bets” វគ្គ១ បានធ្វើឱ្យប៉ះពាល់វិស័យទេចរណ៍កម្ពុជា ដោយនៅក្នុងភាពយន្តនេះ កម្ពុជាត្រូវបានគេបង្ហាញដោយប្រយោលថាជាប្រទេសដ៏មានគ្រោះថ្នាក់មួយ។

ភាពយន្តរឿង No More Bets អាចមកផលិតវគ្គ២នៅកម្ពុជាដោយថតនៅខេត្តព្រះសីហនុ ដើម្បីមើលឃើញពីស្ថានភាពជាក់ស្តែងរបស់ខេត្ត ជៀសវាងផ្សាយដោយគ្មានមូលដ្ឋានច្បាស់លាស់៕

ត្រី គឺជាអាហារដែលមនុស្សជាច្រើនគ្រួសារនិយមចូលចិត្ត ប៉ុន្តែទោះជាយ៉ាងណាក៏ដោយ ត្រីគឺមានក្លិនអាក្រក់ខ្លាំងណាស់។ ដូច្នេះ ដើម្បីបំបាត់ក្លិនយ៉ាងឆាប់រហ័ស និងមានប្រសិទ្ធភាពបំផុតនោះ យើងសូមណែនាំគន្លឹះលាងសម្អាតត្រីមួយចំនួនដូចខាងក្រោម៖

១.លាងត្រីជាមួយខ្ញី និងទឹកខ្មេះ៖ ជាដំបូងត្រូវលាងសម្អាតត្រីជាមួយទឹកធម្មតាសិន បន្ទាប់ពីត្រីត្រូវបានសម្អាតរួច ចាក់ខ្ញីបុក និងទឹកខ្មេះលាយឱ្យស្មើគ្នាលើដងខ្លួនត្រី បន្ទាប់មកលាងជម្រែះជាមួយទឹកម្តងទៀតជាការស្រេច។

២.ប្រើទឹកអង្ករ៖ យកត្រីទៅត្រាំក្នុងទឹកអង្ករប្រហែល ១៥ នាទី រួចលាងជាមួយនឹងទឹកស្អាត១ ឬ ២ដង ត្រូវប្រាកដថាត្រីនឹងបាត់បង់ក្លិនដោយមិនបាត់បង់សារធាតុចិញ្ចឹម។

៣.ប្រើក្រូចឆ្មារស្រស់៖ ក្រូចឆ្មារគឺជាផ្លែឈើដ៏ពេញនិយមមួយប្រភេទដែលតែងតែមានជាប្រចាំនៅក្នុងផ្ទះ។ ក្រូចឆ្មាស្រស់មានប្រសិទ្ធភាពបំផុតក្នុងការបំបាត់ក្លិនត្រី និងជាវិធីសម្អាតត្រីយ៉ាងរហ័សផងដែរ ដោយអ្នកត្រូវច្របាច់ទឹកក្រូចឆ្មារលាយក្នុងទឹកក្តៅឧណ្ណៗ រួចយកត្រីទៅត្រាំប្រហែល ៣-៥ នាទី បន្ទាប់មកលាងជាមួយទឹកធម្មតាឱ្យស្អាតជាការស្រេច។

៤.ប្រើទឹកដោះគោស្រស់៖ នេះជាវិធីបំបាត់ក្លិនត្រី ដែលមនុស្សតិចណាស់ដឹង ដោយដំបូងអ្នកត្រូវប្រើទឹកដោះគោស្រស់ត្រាំជាមួយត្រី ចំណាំថាទឹកដោះគោគឺមិនត្រូវមានជាតិផ្អែមឡើយ ដើម្បីកុំឱ្យត្រីឆេះនៅពេលកែច្នៃ៕

ក្រោយពីអាជ្ញាធរចុះបង្រ្កាបក្លិបកម្សាន្តមួយឃាត់បានមនុស្សប្រុសស្រីប្រមាណជាង១០០នាក់សង្ស័យជាប់ពាក់ព័ន្ធការប្រើប្រាស់ HAPPY BALLON (ប៉ោងប៉ោង រីករាយ) តារាសម្តែងរូបសង្ហា ប្រុស ខួច បានបញ្ចេញមតិលើបណ្តាញសង្គមរបស់ខ្លួនថាម្ចាស់ក្លិបជាអ្នកបើកលក់តែពេលចាប់ទៅចាប់អ្នកប្រើ។ លោកបានលើកឡើងទៀតថាប្រទេសវៀតណាម ជាប្រទេសតឹងតែងណាស់រឿងគ្រឿងញៀនដល់ថ្នាក់សម្លាប់ចោល បើរបស់នេះញៀន មែនគេមិនឱ្យប្រជាជនគេលក់តាមផ្លូវទេ។

នៅរសៀលថ្ងៃទី ៤ វិច្ឆិកា នេះតារាសម្តែង ប្រុស ខួច បានសរសេរបញ្ចេញមតិលើបណ្តាញសង្គមថា «កំពុងតែឆ្ងល់ថាម្ចាស់clubអ្នកបើកលក់តែពេលចាប់ទៅចាប់អ្នកប្រើ, ហើយអ្នកចូលខ្លះក៏ គេមិនមែនប្រើប្រាស់ទាំងអស់នោះទេ (ដូចខ្ញុំចូលដែលតែមិនបានលេងទេ បានត្រឹមតែ មើលគេមើលឯងទេ, ខ្ញុំជឿថាអ្នកខ្លះក៏ដូចគ្នាដែល, ហើយខ្ញុំក៏មិនជឿថា នៅសុខៗម្ចាស់ club បើកលក់ដែរបើដឹងថាវាខុសច្បាប់, ហើយបើដឹងថាខុសច្បាប់ហើយមិចក៏បើកលក់ទៀត?»។

លោកបន្តទៀតថា « Clubមិនមែនជាកន្លែងលាក់បាំអីទេ អ្នកណាចូលក៏បាន (របស់ដែលខុសច្បាប់គេមិនដែលបើកលក់នៅតាមកន្លែងកម្សាន្តដែលមានមនុស្សច្រើនចឹងទេ គឺគេលាក់លៀមហើយបើគេលក់នោះ)។ មួយទៀតមិនគួរថតរូបគេផុសចឹងទេ ជាចុងក្រោយក៏សូមទោសផងបើខ្ញុំនិយាយទៅខុសដោយសារខ្ញុំឆ្ងល់»។
ប្រុស ខួច លើកហេតុផលទៀតថា «ប្រទេសវៀតណាមគេតឹងតែងណាស់រឿងគ្រឿងញៀនណាស់ដល់ថ្នាក់សម្លាប់ចោល តែត្រឹមតែខ្យល់សប្បាយហ្នឹង វាដូច
មិនជាអ្វីទេ បើវាញៀនមែន វៀតណាមគេមិនឱ្យប្រជាជនគេលក់តាមផ្លូវទេ។ ខ្ញុំនិយាយ
នេះមិនមែនគាំទ្រឱ្យប្រើប្រាស់គ្រឿងញៀនទេគ្រាន់តែឆ្ងល់ ហើយបើធ្វើចឹងៗ នរណាហ៊ានទៅដើរលេងទៀតគឺប្រហែលជាទៅលេងប្រទេសជិតខាងហើយ បានអត់មានហានិភ័យ»។

គួរបញ្ជាក់ថា អាជ្ញាធរនៃមន្ទីរប្រឆាំងបទល្មើសគ្រឿងញៀន បានចុះបង្ក្រាបក្លិបកម្សាន្តមួយកន្លែងនៅខណ្ឌចំការមនកាលពីវេលាម៉ោង២រំលងអាធ្រាត្រឈានចូលថ្ងៃទី៤ ខែវិច្ឆិកា ដោយបានឃាត់មនុស្សប្រុសស្រីប្រមាណ១០៣នាក់ មានទាំងជនបរទេសផងដោយសង្ស័យជាប់ពាក់ព័ន្ធការប្រើប្រាស់ HAPPY BALLON ( ប៉ោងប៉ោងរីករាយ)៕

នៅថ្ងៃទី៤ ខែវិច្ឆិកា ឆ្នាំ២០២៣នេះ លោកគ្រូ សាន សុជា នឹងដឹកដៃកូនក្រមុំ អ្នកនាង ឡៅ ដាណេ ចូលពិធីអាពាហ៍ពិពាហ៍ នៅខេត្តសៀមរាម។

នៅក្នុងពិធីនេះ ធ្វើរយៈពេលពីថ្ងៃ ពីថ្ងៃទី៤-៥ ដោយថ្ងៃទីមួយពេលរសៀល នឹងមានពិធី កាត់សក់ និងកាត់ខានស្លា។ លុះដល់ថ្ងៃទី៥ នឹងពិធីហែនជំនូន ពិធីចងដៃ និងទទួលទានអាហារជាដើម។ថវិការដែលទទួលបាន ពីពិធីអាពាហ៍ពិពាហ៍នេះលោកសាន សុជា និង អ្នកនាង ឡៅ ដាណេ នឹងបរិច្ចាកទៅកាន់មន្ទីពេទ្យកុមារអង្គរ។

ក្នុងពិធីអាពាហ៍ពិពាហ៍នេះ ក៏ឃើញនៅវត្តមានសង្ឃល្បីៗនៅក្នុងប្រទេសចូលរួមយ៉ាងច្រើនកុះករផងដែរ។

គួរបញ្ជាក់ផងដែរថា បន្ទាប់ពីស្ថិតនៅក្នុងភាពជាបព្វជិតអស់ ៣១ឆ្នាំមក លោកគ្រូ សាន សុជា បានឮលាចាកសិក្ខាបទ កាលពីថ្ងៃទី២១ ខែឧសភា និងបានភ្ជាប់ពាក្យកាលពីថ្ងៃទី៣០ ខែកក្កដាកន្លងទៅ៕

ចំប៉ាសក្តិ ជាខេត្តមួយនៅភាគខាងត្បូងប្រទេសឡាវ ដែលមានព្រំប្រទល់ជាប់នឹងខេត្តស្ទឹងត្រែង និងខេត្តព្រះវិហាររបស់ប្រទេសកម្ពុជា នៅភាគខាងត្បូង។
ខេត្តនេះ ជាអតីតទឹកដីរបស់ខ្មែរ ចាប់ពីពាក់កណ្ដាលសតវត្សទី ១ ដល់ទី ៩ គ.ស នៃនគរភ្នំ និងបន្ទាប់មកនគរចេនឡា។ លុះដល់ចន្លោះសតវត្សទី ១០ និងទី ១៣ ខេត្តនេះត្រូវបានស្តេចខ្មែរ ចាត់ទុកជាដែនដីស្ថិតនៅក្រោមការគ្រប់គ្រងរបស់ចក្រភពខ្មែរ។ខេត្តចំប៉ាសក្តិ គ្របដណ្តប់លើផ្ទៃដី ១៥៤១៥ គីឡូម៉ែត្រការ៉េ ដែលមានទន្លេមេគង្គ ជាប្រភពទឹកដ៏សំខាន់មិនអាចខ្វះបាន របស់អ្នកខេត្តនេះ។

នៅក្នុងខេត្តនេះមានកន្លែងទេសចណ៍ជាច្រើន មិនចាញ់ខេត្តហ្លួងព្រះបាងប៉ុន្មាននោះទេ ដោយមានទឹកជ្រោះ ហូរចាក់ចុះមកទឹកជ្រោះសុភ័ក្រមិត្ត នៃខេត្តស្ទឹងត្រែងថែមទៀតផងដែរ។
ក្រៅពីនេះ ប្រសិនបើប្រជាជនកម្ពុជាចង់ទៅកម្សាន្តនៅខេត្តចំប៉ាសក្តិ ហាមដាច់មិនគួរំលងការទៅទស្សនាប្រាសាទវត្តភូ ដែលធ្លប់ជាប្រាសាទមួយរបស់ខ្មែរ កំពុងអណ្តែតខ្លួនលើភ្នំមួយនៅប្រទសឡាវនោះទេ៕