ក្រសួងយុត្តិធម៌ នឹងមានរៀបចំកិច្ចប្រជុំពិនិត្យរបស់គណៈកម្មការថ្នាក់ជាតិពិនិត្យ និងវាយតម្លៃបញ្ជីឈ្មោះទណ្ឌិតស្នើសុំបន្ធូរបន្ថយទោស និងលើកលែងទោស ដើម្បីពិនិត្យលើសំណើរសុំបន្ធូរបន្ថយទោស និងលើកលែងទោសសម្រាប់ឱកាសនៃពិធីបុណ្យឯករាជ្យជាតិ និងព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក។

គណៈកម្មការជាតិ បានទទួលសំណើរពីគណៈកម្មការរាជធានី-ខេត្ត  និងពីគណៈកម្មការក្រសួងមហាផ្ទៃ  ស្នើសុំបន្ធូរបន្ថយទោស និងលើកលែងទោសដល់ទណ្ឌិតនៃពិធីបុណ្យទាំងពីរនេះ សរុបចំនួន ៩០២នាក់ រួមមានដូចខាងក្រោម៖

• ពិធីបុណ្យឯករាជ្យជាតិ (០៩ វិច្ឆិកា) បញ្ជីទណ្ឌិតចំនួន ៤៦៤នាក់ (ស្រី ៣៤នាក់) ដោយស្នើសុំបន្ធូរបន្ថយទោស ចំនួន ៤៣២ នាក់ (ស្រី ២៩នាក់) និងស្នើសុំលើកលែងទោស ចំនួន ៣២នាក់ (ស្រី ០៥នាក់)
• ព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក បញ្ជីទណ្ឌិតចំនួន ៤៣៨ នាក់ (ស្រី ២៧ នាក់) ដោយស្នើសុំបន្ធូរបន្ថយទោស ចំនួន ៤១៨នាក់ (ស្រី ២៦នាក់) និងស្នើសុំលើកលែងទោស ចំនួន ២០នាក់ (ស្រី ០១នាក់)៕

លោក ហួត ហេង ហៅ Bro Kh គឺជា YouTuber ល្បីឈ្មោះមួយរូបបានទម្លាយពីហេតុផលដែលលោកបានប្រកាសលក់ផេករបស់ខ្លួនកាលពីកន្លងទៅព្រមទាំងបានបាត់មុខពីបណ្តាញសង្គម។ ក្នុងនោះ Bro Kh ក៏បានបញ្ជាក់ដែរថារូបរាងធាត់របស់លោកមិនមែនកើតឡើងដោយសារតែខូចចិត្តរឿងស្នេហានោះទេ គឺកើតឡើងដោយសារតែការគេងមិនលក់។

នៅក្នុងបទសម្ភាសកម្មវិធី អ្នកជិតខាង ដែលបានចាក់ផ្សាយកាលពីពេលថ្មីៗនេះ Bro Kh ដែលគេស្គាល់ថាជាអ្នកបង្កើតមាតិកាល្បីឈ្មោះមួយរូប បានចេញមុខរៀបរាប់ពីក្រោយការប្រកាសលក់ផេករបស់ខ្លួននិងមូលហេតុដែលបណ្តាលឱ្យរូបរាងរបស់លោកមានការប្រែប្រួលយ៉ាងខ្លាំង។

Bro Kh បាននិយាយថា ការដែលលោកប្រកាសលក់ផេករបស់លោកកាលពីមុនដោយសារតែលោកមានជំងឺហើយត្រូវការថវិកាក្នុងការព្យាបាល ដែលជំងឺនោះគឺការគេងមិនលក់រហូតរយៈពេល៤៨ម៉ោងលោកមិនងងុយទាល់តែសោះ។ លោកខិតខំរកវិធីព្យាបាលជាច្រើនពេទ្យរួមទាំងទៅប្រទេសថៃផងប៉ុន្តែនៅមិនដឹងមូលហេតុពិតប្រាកដ ទាំងការព្យាបាលបែបសម័យថ្មី និងតាមបែបអបិយជំនឿ លោកនៅតែពិបាកក្នុងការគេងដដែល។

Bro Kh បានចែករំលែកទៀតថា ប្រសិនជាអ្នកមានអាការៈដូចជាលោកអាចប្រឹក្សាយោបល់ព្យាបាលជាមួយគ្រូពេទ្យចិត្តសាស្រ្តបានព្រោះលោកទទួលបានការព្យាបាលធ្វើឱ្យស្ថានភាពរបស់លោកពេលនេះបានធូរស្បើយអាចគេងលក់វិញបាន សូម្បីពេលថ្ងៃក៏លោកអាចគេងបានដែរ។ Content Creator រូបនេះបានបញ្ជាក់ថា ការធាត់ហើយនិងបាត់មុខពីរឆ្នាំរបស់លោកមិនមែនការខូចចិត្តងប់ងល់ដោយសារស្នេហាទេ ចំពោះរឿងស្នេហាលោកប្រើពេលតែ១ខែប៉ុណ្ណោះក្នុងការកាត់ចិត្តអាចត្រលប់មកវិញហើយប៉ុន្តែដោយសារជំងឺខាងលើនេះទើបធ្វើឱ្យខ្លួនមានការប្រែរូបរាងខ្លាំង ខណៈការគេងមិនលក់របស់លោកបានចាប់ផ្តើមមុនមានរឿងបែកបាក់ស្នេហាម្ល៉េះដែលវាបានកើតឡើងពេលមានជំងឺរាតត្បាត។

គួរបញ្ជាក់ផងដែរថា ពេលនេះ Bro Kh បានវិលមកធ្វើវីដេអូកំប្លែងៗវិញបានខ្លះៗហើយ ប៉ុន្តែលោកនៅមិនទាន់សម្រុកទទួលការងារច្រើននោះទេព្រោះខ្លាចបំពេញការងារឱ្យគេមិនបានល្អនិងខ្លាចការរើឡើងវិញនៃជំងឺគេងមិនលក់នេះ៕

ព្រះធម្មវនវាសី ចន្ទមុនី មានសង្ឃដីកាទៅពុទ្ធបរិស័ទថាបទ Time To Rise ដែលមានអ្នកចម្រៀងវ័យក្មេងបច្ចុប្បន្ន(វណ្ណដា) និងលោកតា គង់ ណៃ ដោយបានបញ្ចូលប្រពៃណីនៅក្នុងចម្រៀងនេះទោះ១០០ឆ្នាំទៀតព្រះអង្គគិតថានៅរស់ដដែល។

បទ «Time To Rise» ដែលជាបទដ៏ល្បីល្បាញរបស់តារាចម្រៀងរ៉េប ម៉ាន់ វណ្ណដា រួមជាមួយព្រឹទ្ធាចារ្យចាប៉ីដងវែងលោកតា គង់ ណៃ មានការទទួលស្គាល់ទាំងជាតិនិងអន្តរជាតិធ្វើឱ្យកេរ្ត៍ឈ្មោះរបស់តារាចម្រៀងរូបនេះកាន់តែល្បីរន្ទឺ។ មួយបទនេះបានរំលេចអំពីទំនើបភាពនៃសិល្បៈកម្ពុជា ដោយបូកបញ្ចូលសិល្បៈវប្បធម៌បុរាណជាមួយសម័យ។

ជាមួយគ្នានេះដែរ វីដេអូមួយដែលមានការចែករំលែកនៅលើបណ្តាញសង្គមទិកតុកពីសង្ឃដីការបស់ព្រះអង្គ ចន្ទមុនី ដោយអត្ថន័យរបស់ព្រះអង្គចង់សម្តៅថា បទ «Time To Rise» របស់ វណ្ណដា និងលោកតា គង់ ណៃ ទោះ១០០ឆ្នាំទៀតបទនេះនៅតែរស់មិនសាបសូន្យនោះទេ ព្រោះមួយបទនេះបានបញ្ចូលប្រពៃណីបុរាណនៅក្នុងហ្នឹង។ ព្រះអង្គមានសង្ឃដីកាទៀតថា សម័យកុំភ្លេចបុរាណ បើបញ្ចូលបុរាណនៅក្នុងសម័យនឹងមានភាពយូរអង្វែង។

ព្រះអង្គ ចន្ទមុនី មានសង្ឃដីកាបន្ថែមទៀតថា ព្រះអង្គមិនដែលស្តាប់បទចម្រៀងនោះទេតែបទដែលមានលោកតា គង់ ណៃ (សម្តៅដល់បទ Time To Rise) ពេលព្រះអង្គគង់នៅប្រទេសថៃ បទនេះផ្ទុះការគាំទ្រខ្លាំងណាស់។
គួរបញ្ជាក់ថា បទ «Time To Rise» ក្នុងរយៈពេលជាង២ឆ្នាំមកនេះមានអ្នកទស្សនាជាង១១៧លានដងនៅលើឆាណែលយូធូបរបស់ វណ្ណដា ។ មួយបទនេះទៀតសោតមាន subtitle ចំនួន១២ភាសា រួមមាន៖ ចិន បារាំង អង់គ្លេស ឥណ្ឌូនេស៊ី ជប៉ុន ខ្មែរ កូរ៉េ ឡាវ ម៉ាឡេស៊ី អេស្ប៉ាញ ថៃ និង វៀតណាម។

តាមរយៈស្នាដៃដ៏អស្ចារ្យនេះជំរុញឱ្យសិល្បករ វណ្ណដា មានសារព័ត៌មានអន្តរជាតិជាច្រើនចុះផ្សាយពីលោកដូចជាទស្សនាវដ្តីដ៏ល្បី Forbes បានចេញផ្សាយថាតារាចម្រៀងរ៉េប វណ្ណដា ជាតារាវ័យក្មេងអាយុក្រោម៣០ឆ្នាំមានឥទ្ធិពលបំផុតនៅអាស៊ីប៉ាស៊ីហ្វិកឆ្នាំ ២០២៣ក្នុងចំណោមតារាផ្សេងទៀត។ លើសពីនេះ វណ្ណដា បានបំបែកប្រវត្តិសាស្រ្តក្លាយជាសិល្បករខ្មែរដំបូងដែលមានអ្នកទស្សនា១០០០លានដងនៅលើឆាណែលផ្ទាល់ខ្លួន៕

នាថ្ងៃទី៧ ខែវិច្ឆិកា ឆ្នាំ២០២៣នេះ​ ជាថ្ងៃចុងក្រោយនៃការប្រឡងសញ្ញាប័ត្រមធ្យមសិក្សាទុតិយភូមិ បេក្ខជនពីររូបសម្តែងការខកចិត្ត ដោយមិនបានចូលមណ្ឌលប្រឡង ក្រោយមកដល់មណ្ឌលយឺត៣០នាទី។

យោងតាមការបង្ហោះរបស់គណនីហ្វេកប៊ុកឈ្មោះ Be Vorawat Big Bike SHOP បានឱ្យដឹងថា៖”អាណិតណាស់មកយឺតពេលតែ30នាទី ត្រូវ គ្រូអត់អោយចូលប្រឡងខ្ញុំនាំគ្នាទៅជួយសុំដែរ.. តែ នៅតែមិនអាចសុំបាន មិនដឹងជាឳពុកម្តាយខកចិត្តប៉ុនណា ទេខំរៀនអស់រយះ 12 ឆ្នាំ ប្រែគ្មានន័យ ព្រោះមិនបាន ចូលប្រលង (មូលហេតុមកយឺត ដោយសារ: ផ្ទះនៅដំបន់ដាច់ស្រយាលឆ្ងាយហើយបែកកង់ម៉ូតូ)។

ជុំវិញករណីនេះ ម្ចាស់គណនីហ្វេកប៊ុក មិនបានបញ្ជាក់ថាបេក្ខជននេះ ត្រូវប្រឡងនៅមណ្ឌលណានោះទេ៕

សត្វចិញ្ចឹនៅក្នុងផ្ទះដូចជា ឆ្កែ និងឆ្មាជាដើម គឺមិនត្រូវឱ្យពួកវាបរិភោគអាហារទាំងនេះនោះទេ ព្រោះអាចមានគ្រោះថ្នាក់ធ្ងន់ធ្ងរដល់ជីវិត និងមិនមានសុវត្ថិភាពសម្រាប់សត្វចិញ្ចឹមរបស់អ្នកឡើយ។ ដូច្នេះ ខាងក្រោមនេះគឺជាបន្លែ និងផ្លែឈើ ដែលអ្នកមិនគួរឱ្យសត្វឆ្កែ ឬឆ្មាបរិភោគទេ៖

១.ប្រភេទផ្លែឈើដែលមិនសមស្របសម្រាប់សត្វចិញ្ចឹមមានដូចជា៖
-ផ្លែ Cherry: ដើម និងស្លឹក Cherry មានផ្ទុកសារធាតុ Cyanide ដែលមានជាតិពុល ហើយអាចបណ្តាលឱ្យស្លាប់ ប្រសិនបើសត្វឆ្កែ ឬឆ្មា បរិភោគក្នុងបរិមាណច្រើន ដោយគ្រាប់ពូជ Cherry នឹងជាប់គាំងនៅក្នុងពោះវៀនរបស់សត្វ ដែលអាចបណ្តាលឱ្យស្ទះខ្យល់ស្លាប់។-ទំពាំងបាយជូ: ទំពាំងបាយជូមានជាតិពុលខ្លាំងចំពោះសត្វ ហើយអាចបណ្តាលឱ្យខូចតម្រងនោមធ្ងន់ធ្ងរ ដែលនាំឱ្យខ្សោយតម្រងនោមស្រួចស្រាវ នឹងអាចបណ្តាលឱ្យសត្វស្លាប់ទៀតផង។-ផ្លែប៊ឺរីព្រៃ: ត្រូវប្រុងប្រយ័ត្នជានិច្ច នេះគឺដោយសារតែផ្លែប៊ឺរីព្រៃជាច្រើនមានជាតិពុលដល់សត្វ។-ក្រូចឆ្មារ: ក្រូចឆ្មា និងកំបោរអាចរំខានដល់ប្រព័ន្ធរំលាយអាហាររបស់សត្វ ដូច្នេះគួរចៀសវាង។

២.បន្លែដែលមិនសមរម្យសម្រាប់សត្វចិញ្ចឹមមានដូចជា៖
-ខ្ទឹមស ខ្ទឹមបារាំង ខ្ទឹមក្រហម និងជីវ៉ាន់ស៊ុយ: បន្លែទាំងនេះមានសារជាតិ flavonoid ដែលអាចបំផ្លាញកោសិកាឈាមក្រហមរបស់សត្វ ក៏ដូចជាបណ្តាលឱ្យសត្វមានភាពស្លេកស្លាំងផងដែរ។-ផ្សិតព្រៃ: ផ្សិតព្រៃគឺមានជាតិពុលខ្លាំង ប្រសិនបើសត្វរបស់អ្នកបរិភោគវា នឹងមានរោគសញ្ញាដូចជា ក្អួត រាគ រួមទាំងចង្វាក់បេះដូងមិនទៀងទាត់ ក៏ដូចជាបណ្តាលឱ្យខូចសរីរាង្គសត្វ ប្រកាច់ និងបាត់បង់ស្មារតីក្នុងករណីធ្ងន់ធ្ងរបំផុត។– Celery: Celery គឺជាបន្លែបៃតងដែលធ្វើឱ្យប្រព័ន្ធសរសៃប្រសាទ និងប្រព័ន្ធរំលាយអាហារ ក៏ដូចជាតម្រងនោមរបស់សត្វមានបញ្ហា រួមទាំងប្រឈមនឹងបញ្ហាសុខភាពផ្សេងៗទៀត៕