ប្រទេសអាហ្សង់ទីន ៖ លោក Pablo Novak អាយុ៩៣ឆ្នាំ ត្រូវបានគេស្គាល់ថា ជាបុរសឯកោបំផុតនៅលើពិភពលោក បន្ទាប់ពីលោកបានរស់នៅទីក្រុង Epecuen ឬទីក្រុងខ្មោច ប្រទេសអាហ្សង់ទីន អស់រយៈពេល២៥ឆ្នាំ ។ កាលពី៤០ឆ្នាំមុន ទឹកជំនន់បានលិចទីក្រុងនេះយ៉ាងខ្លាំងអស់រយៈពេលយ៉ាងយូរ ហើយធ្វើឱ្យមនុស្សម្នានាំគ្នាផ្លាស់ប្តូរទីលំនៅទៅរស់នៅទីក្រុងផ្សេងវិញ ។

ក្នុងបទសម្ភាសន៍មួយកាលពីឆ្នាំ២០១៥ លោក Pablo Novak និយាយថា ភរិយារបស់លោកមិនបានមករស់នៅទីក្រុងនេះជាមួយលោកទេ ហើយនាង និងកូនៗបានរស់នៅទីក្រុងជិតនេះ ។ លោកបន្តថា ផ្ទះរបស់លោកមានទំហំតូច និងសុទ្ធតែធូលី ហើយកៅអីអង្គុយវិញមានសភាពចាស់ទ្រុឌទ្រោម ។ លោកមានកាសែតចាស់ៗសម្រាប់អាន ហើយផ្ទះលោកគ្មានភ្លើងអគ្គិសនីទេ ។ លោកមានទម្លាប់រស់នៅម្នាក់ឯងបែបនេះ ហើយជារៀងរាល់ថ្ងៃ លោកបានដើរទៅបរិវេណក្បែរៗទីក្រុងជាមួយឆ្កែរបស់លោក ។

លោក Pablo Novak និយាយថា ៖ «ខ្ញុំត្រឡប់មករស់នៅទីនេះ ដើម្បីរស់នៅជាមួយហ្វូងសត្វរបស់ខ្ញុំ ហើយខ្ញុំមិនធ្លាប់ចេញទៅណាទេ ដោយខ្ញុំរស់នៅម្នាក់ឯងពេញ១ថ្ងៃ ។ ខ្ញុំរីករាយក្នុងជីវិត ដោយការដើរឆ្លងកាត់អគារបាក់បែកក្នុងទីក្រុង Epecuen » ។

ទីក្រុង Epecuen ស្ថិតនៅទិសនិរតីនៃទីក្រុង Buenos Aires របស់ប្រទេសអាហ្សង់ទីន ។ កាលពីមុន ទីក្រុងនេះធ្លាប់មានមនុស្សរស់នៅចំនួន២.០០០នាក់ ហើយវាជារមណីយដ្ឋានមាត់បឹងដ៏ពេញនិយមមួយដែលបានទាក់ទាញភ្ញៀវទេសចរមកលេងទឹកដ៏ថ្លានៅទីនេះ ចំនួន២ម៉ឺននាក់ក្នុង១ឆ្នាំ ។ អ្នកខ្លះជឿថា ពេលមកទីនេះ ធ្វើឱ្យពួកគេជាសះស្បើយពីជំងឺផ្សេងៗ ។

នៅខែវិច្ឆិកា ឆ្នាំ១៩៨៥ ទីក្រុងនេះបានជួបនឹងគ្រោះមហន្តរាយដ៏ខ្លាំងក្លា គឺមានភ្លៀងធ្លាក់ខ្លាំងបណ្តាលឱ្យបាក់ទំនប់ ហើយក្នុងរយៈពេលត្រឹមតែ២សប្តាហ៍ប៉ុណ្ណោះ ទឹកជំនន់ក៏បានជន់លិចទីក្រុងទាំងមូលឱ្យនៅក្រោមទឹក ។ ហេតុនេះ អ្នកស្រុកទាំងអស់បាននាំគ្នាជម្លៀសចេញទៅរស់នៅទីក្រុងផ្សេង ហើយមិនត្រឡប់មករស់នៅទីនេះទៀតទេ ។ ប៉ុន្តែលោក Pablo Novak បានត្រឡប់មករស់នៅទីនេះម្តងទៀត កាលពី២៥ឆ្នាំមុន ។

លោក Pablo Novak បានរស់នៅក្នុងផ្ទះមួយដែលគេបោះបង់ចោល និងមានស្មៅដុះជុំវិញ ។ ហេតុនេះ លោកបានក្លាយជាពលរដ្ឋតែម្នាក់គត់ដែលរស់នៅទីក្រុង Epecuen ។ លោកប្រាប់ថា ៖ «ខ្ញុំធ្លាប់ឃើញការរីកចម្រើនរបស់ទីក្រុងនេះ ហើយខ្ញុំក៏បានឃើញទីក្រុងនេះក្លាយជាទីក្រុងខ្មោច និងមានសភាពស្ងាត់ជ្រងំ ។ ការរស់នៅទីនេះស្ងប់ស្ងាត់ និងគ្មានអ្វីមករំខានខ្ញុំទេ» ៕

អ្នកមិនចូលចិត្តបោសសម្អាតផ្ទះដោយខ្លួនឯង ឬត្រូវបំពេញការងារពេញ១ថ្ងៃ រហូតដល់គ្មានពេលវេលាសម្អាតផ្ទះ ពួកគេនឹងចូលចិត្តមនុស្សយន្តប្រភេទនេះមិនខាន ។ ក្រុមហ៊ុនមួយនៅប្រទេសដាណឺម៉ាក បានផលិតមនុស្សមេផ្ទះដើម្បីជួយសម្អាតផ្ទះ និងធ្វើការងារផ្ទះផ្សេងៗឱ្យយើងបានយ៉ាងស្ទាត់ជំនាញ និងរហ័សរហួន ។ ហេតុនេះ យើងពុំចាំបាច់ហត់នឿយដោយសារការងារផ្ទះបន្តទៀតទេ ។

ក្រុមហ៊ុនបានផលិតមនុស្សយន្ត Anna ដែលមានសមត្ថភាពអាចធ្វើការផ្ទះបានជាច្រើនមុខ និងមានប្រព័ន្ធបញ្ជាពាក់កណ្តាលស្វ័យប្រវត្តិ ។ មនុស្សយន្តនេះមានភាពស្រដៀងគ្នានឹងមនុស្សពាក់កណ្តាល ហើយវាមានកម្ពស់ប្រមាណ១៣០សង់ទីម៉ែត្រ និងមានទទឹង៧០សង់ទីម៉ែត្រ ។ នៅចំណុចកណ្តាលនៃខ្លួនមនុស្សយន្ត គេអាចពង្រីកឡើងទៅលើបាន ដើម្បីឱ្យវាអាចចាប់យកវត្ថុនៅទីខ្ពស់ ឬធ្វើការនៅកន្លែងខ្ពស់ ។

ចំណែកទម្ងន់មនុស្សយន្តវិញ គឺស្មើប្រមាណពី៥០គីឡូក្រាម ទៅ៧០គីឡូក្រាម ។ គេបានបំពាក់នូវកាមេរ៉ានៅលើដើមទ្រូងរបស់វា និងបំពាក់ឧបករណ៍ត្រួតពិនិត្យបរិស្ថានជុំវិញ ។ ជំហានដំបូង មនុស្សយន្តនឹងដំណើរការពាក់កណ្តាលស្វ័យប្រវត្តិ តាមរយៈការបញ្ជាពីចម្ងាយរបស់បុគ្គលិកក្រុមហ៊ុន ។ ហេតុនេះ បុគ្គលិកក្រុមហ៊ុនមានតួនាទីបង្រៀនការងារដល់មនុស្សយន្ត តាមរយៈឧបករណ៍បញ្ជាពីចម្ងាយ ។

មុខមាត់របស់មនុស្សយន្តនេះមានប្រព័ន្ធបញ្ជាសម្រាប់ចាប់សញ្ញាការធ្វើចលនារបស់មនុស្ស និងបញ្ជូនមកកាន់មនុស្សយន្តឱ្យរៀនធ្វើការងារផ្សេងៗ ។ ហេតុនេះ វានឹងរៀនសូត្រតាមមនុស្ស រហូតដល់វាអាចបំពេញការងារដោយស្វ័យប្រវត្តិ ។

ក្រុមហ៊ុនផលិតមនុស្សយន្តយល់ឃើញថា នៅថ្ងៃអនាគត មនុស្សយន្តនឹងអាចរៀនសូត្រពីការងារផ្សេងៗ ហើយវានឹងជួយធ្វើការងារផ្ទះឱ្យយើង ។ វាអាចធ្វើការបានច្រើនមុខ ដូចជា ៖ ជួយលាងចាន, តម្រៀបចានក្នុងទូរ, ជញ្ជូនរបស់របរដាក់ទូរ, បូមធូលីលើកម្រាល និងលាងបន្ទប់ទឹក ជាដើម ។

ទោះយ៉ាងណា មនុស្សយន្ត Anna ទទួលបានការឆ្លើយតបផ្សេងៗគ្នាពីបណ្តាញសង្គម ក្នុងនោះមនុស្សខ្លះសប្បាយចិត្ត និងចង់ឃើញមនុស្សយន្តថ្មីៗមកជួយធ្វើការងារផ្ទះ ។ ប៉ុន្តែអ្នកខ្លះទៀតគិតថា មនុស្សយន្តនេះត្រូវការឱ្យបុគ្គលិកក្រុមហ៊ុនគ្រប់គ្រង និងបញ្ជាពីចម្ងាយ មើលទៅ វាមិនងាយស្រួលប៉ុន្មានទេ ។ ពួកគេបារម្ភពីសុវត្ថិភាព ដោយសារអ្នកបញ្ជាមនុស្សយន្ត នឹងមើលឃើញបរិវេណក្នុងផ្ទះរបស់ពួកគេ ។

មនុស្សយន្ត Anna ត្រូវបានរចនាម៉ូត និងផលិតដោយក្រុមហ៊ុន AnnaOne ApS ដែលជាក្រុមហ៊ុនមនុស្សយន្ត និងធ្វើការពាក់ព័ន្ធនឹង Computer Hardware នៅប្រទេសដាណឺម៉ាក ។ បច្ចុប្បន្ន ក្រុមហ៊ុននេះស្ថិតក្នុងដំណាក់កាលអភិវឌ្ឍន៍មនុស្សយន្តបន្ថែមទៀត ហើយក្រុមហ៊ុនពុំទាន់បានរៀបចំគម្រោងដាក់លក់ជាផ្លូវការ ឬកំណត់តម្លៃលក់នៅឡើយទេ ៕

ស្ត្រីម្នាក់ឈ្មោះ Jocelyn Cubales អាយុ ៦៩ ឆ្នាំ បានក្លាយជាបេក្ខនារីដែលមានវ័យចំណាស់ជាងគេក្នុងការប្រលងបវរកញ្ញាចក្រវាលហ្វីលីពីនប្រចាំទីក្រុង Quezon មុនការប្រកួតធំជ្រើសរើសម្ចាស់មកុដប្រចាំប្រទេស Miss Universe Philippines 2024 ។ ការបង្ហាញខ្លួនរបស់ស្រ្តីវ័យ៦៩ឆ្នាំរូបនេះបានធ្វើឱ្យអ្នកគាំទ្រវិស័យបវរកញ្ញាទាំងក្នុងនិងក្រៅប្រទេសមានការភ្ញាក់ផ្អើលយ៉ាងខ្លាំង។

ដូចដែលអ្នកតាមដានកម្មវិធី Miss Universe ជ្រាបមកហើយថា កាលពីខែកញ្ញា ឆ្នាំ២០២៣ ស្ថាប័ននៃកម្មវិធីប្រកួតបវរកញ្ញាចក្រវាលបានប្រកាសតាមរយៈរឿង Instagram ដែលត្រូវបានផ្សព្វផ្សាយនៅលើ Profile ផ្លូវការរបស់ខ្លួនលែងកំណត់អាយុដើម្បីប្រកួតប្រជែងដណ្តើមមកុដ ខណៈកាលពីមុនបេក្ខភាពត្រូវមានអាយុពី១៨ ទៅ២៨ ឆ្នាំប៉ុណ្ណោះទើបអាចចូលរួមបាន។ ការផ្លាស់ប្តូរនេះនឹងអនុវត្តចំពោះបវរកញ្ញាទាំងអស់នៅទូទាំងពិភពលោក ចាប់ពីឆ្នាំ ២០២៤។ស្របពេលដែលមានគោលការណ៍ថ្មីរបស់កម្មវិធី Miss Universe មិនកំណត់អាយុ ស្រី្តមានកូន ស្រ្តីកែភេទ អាចចូលប្រកួតបាន ស្រ្តីអាយុ៦៩ឆ្នាំម្នាក់មានឈ្មោះថា Jocelyn Cubales (ចូសេលីន គូបាលេស) បានសម្រេចចិត្តចូលប្រលងនៅប្រទេសរបស់ខ្លួនដើម្បីប្រាថ្នាចង់ក្លាយជាបេក្ខភាពម្នាក់ដោយមិនខ្វល់ពីការរិះគន់ទៅលើអាយុរបស់ខ្លួនឡើយ។
Jocelyn Cubales គឺជាម្តាយដែលមានកូនពីរនាក់ និងមានចៅពីរនាក់។ ស្រ្តីរូបនេះបានបញ្ជាក់ថា ការសម្រេចចិត្តចូលរួមក្នុងកម្មវិធីប្រកួត Miss Universe Philippines Quezon City ដើម្បីជំរុញចិត្តស្ត្រីគ្រប់វ័យ ឱ្យបន្តក្ដីសុបិនរបស់ខ្លួន។ ស្រ្តីរូបនេះបានគូសបញ្ជាក់ថា៖ «ខ្ញុំចង់បង្ហាញពិភពលោកថាគ្មានអាយុណាដើម្បីបន្តក្តីសុបិនរបស់អ្នកទេ ស្ត្រីគ្រប់វ័យគឺស្អាត ឆ្លាត និងខ្លាំង»។បេក្ខភាព MUPH-Quezon City រូបនេះជាម្ចាស់ក្រុមហ៊ុនធ្វើម្ហូបមួយ ហើយក៏ស្ម័គ្រចិត្តជាមួយអង្គការដែលជួយកុមារដែលខ្វះខាត។ អ្នកស្រីបាននិយាយថា «ខ្ញុំពិតជារំភើបណាស់ដែលបានចូលរួមក្នុងការប្រលងបវរកញ្ញាចក្រវាលហ្វីលីពីនទីក្រុង Quezon។ វាគឺជាឱកាសមួយដើម្បីធ្វើឱ្យខ្លួនខ្ញុំស្គាល់ពិភពលោក និងលើកទឹកចិត្តដល់ស្ត្រីដទៃទៀត»។

គួរបញ្ជាក់ថា Jocelyn Cubales គឺជាបេក្ខនារីជើងចាស់ ដោយបានឈ្នះពានសម្រស់ចំនួន ៥ មានដូចជា Mrs. Philippines Germany 2000, Mrs. Philippines for Mrs, Asia International 2014, Mrs. Asia International 2014, Mrs.Asia International Global 2014 និង Mrs. Ecotourism 2014។ នៅឆ្នាំ ២០១៧ នៅអាយុ ៦៣ ឆ្នាំអ្នកស្រីបានប្រកួតប្រជែងក្នុងកម្មវិធី Mrs. Mother of the Universe ខណៈដែលគូប្រជែងរបស់ខ្លួនមានអាយុពី ២៥ ទៅ ៤៥ឆ្នាំប៉ុណ្ណោះ៕

កាលពីពេលថ្មីៗនេះ សារព័ត៌មានប្រទេសថៃបានរាយការណ៍ថា ប៉ូលីសថៃគឺបានរកឃើញភស្តុតាងនិងចោទប្រកាន់ប្តីប្រពន្ធ១គូរ រស់នៅក្នុងខេត្ត Nonthaburi ប្រទេសថៃ ពីបទលាក់បាំងសាក.សពរបស់ក្មេងប្រុសទើបចេះដើរតេះតះ នៅក្នុងទូទឹកកក។

កាលពីថ្ងៃទី៧ ខែមករានេះ កាសែត Bangkok Post បានចុះផ្សាយថា មានប្តីប្រពន្ធជនជាតិថៃ១គូរ ដែលប្តីមានឈ្មោះថា Harnnarong Praiphanom និង ប្រពន្ធ Marisa Thong-iam ដោយអ្នកទាំង២មិនបានរាយការណ៍អំពីការស្លា.ប់របស់កុមារទៅកាន់ប៉ូលីសនោះទេ។

តាមការចុះផ្សាយក៏បានឲ្យដឹងទៀតថា ប្តីប្រពន្ធមួយគូនេះមិនមែនជាឪពុកម្តាយបង្កើតរបស់កុមារ២ខួបនេះទេ ដោយពួកគេបានយកក្មេងនោះមកចិញ្ចឹមព្រោះថាឪពុកម្តាយបង្កើតរបស់ក្មេងត្រូវជាមិត្តភក្តិខ្លួន ហើយថែមជាអ្នកញៀនថ្នាំទៀតផង ទើបពួកគាត់សម្រេចចិត្តយកមកចិញ្ចឹមជំនួស។

ប្ដីប្រពន្ធមួយគូរនេះបាននិយាយថា ក្មេងប្រុសស្លា.ប់ដោយសារតែស្លាក់បាយដំណើប ធ្វើឲ្យស្អិតស្ទះបំពង់ខ្យល់។ ការអះអាងនេះក៏ត្រូវបានស្របជាមួយនឹងការបញ្ជាក់ដោយលទ្ធផលធ្វើកោសល្យវិច័យកាលពីថ្ងៃទី ៧ ខែមករាផងដែរ។

ទោះជាយ៉ាងណាក៏ដោយ ម្តាយមីងម្នាក់ទៀតរបស់ក្មេងប្រុសបាននិយាយថា នាងមិនជឿថាក្មួយខ្លួនស្លា.ប់ព្រោះតែស្លាក់បាយដំណើបនោះទេ ដោយហេតុថាបានប្រទះឃើញមានស្នាមជាំជាច្រើននៅលើដៃ និងជើងរបស់ក្មេងប្រុស។

Marisa ដែលត្រូវជាម្តាយចិញ្ចឹមនោះបានរៀបរាប់ថា កាលពីថ្ងៃទី២ មករា នាងនិងកូនបានដេកនៅក្បែរគ្នា ខណៈពេលនោះនាងបានឃើញថា ដៃនិងមាត់របស់កូនពោរពេញដោយបាយដំណើបទៅហើយ។

បន្ទាប់ពីក្មេងប្រុសនោះបានបាត់បង់ជី.វិតហើយ ប្តីប្រពន្ធមួយគូនេះបានសម្រេចចិត្តដាក់កូននៅក្នុងថង់មួយ ដោយសារតែពួកគេខ្លាចមិនហ៊ានសារភាពទៅកាន់ប៉ូលីស។ ជាចុងក្រោយក៏បានយកសាកសពក្មេងប្រុសទៅដាក់ក្នុងទូរទឹកកកបែបនេះតែម្តងទៅ៕

បរទេស៖ ប្រធានាធិបតីបារាំងលោក Macron បានតែងតាំងរដ្ឋមន្ត្រីអប់រំ Gabriel Attal ជានាយករដ្ឋមន្ត្រីថ្មីរបស់ប្រទេស ដោយគាត់បានក្លាយជានាយករដ្ឋមន្ត្រីក្មេងបំផុតក្នុងប្រវត្តិសាស្ត្របារាំងនៅអាយុ ៣៤ ឆ្នាំ។
នៅថ្ងៃទី៩ ខែមករា ទីភ្នាក់ងារសារព័ត៌មាន BBC បានរាយការណ៍ថា លោក Gabriel Attal ត្រូវបានតែងតាំងជានាយករដ្ឋមន្ត្រីថ្មីរបស់ប្រទេសបារាំង ជំនួសឱ្យលោកស្រី Elisabeth Bourne ដែលជានាយករដ្ឋមន្ត្រីបារាំងកាលពីមុនបានលាលែងពីតំណែង។

លោក Gabriel Attal កាលពីមុនគឺជារដ្ឋមន្ត្រីក្រសួងអប់រំ ត្រូវបានមនុស្សជុំវិញពិភពលោកចាប់អារម្មណ៍គាត់ ដោយសារគាត់មានអាយុត្រឹមតែ ៣៤ ឆ្នាំ ដោយគេចាត់ទុកថាគាត់ជានាយករដ្ឋមន្ត្រីក្មេងបំផុតក្នុងប្រវត្តិសាស្ត្របារាំង ហើយក៏ជានាយករដ្ឋមន្ត្រីបារាំងដំបូងគេដែលហ៊ានចេញមុខប្រាប់មហាជនថាគាត់ជាមនុស្សស្រលាញ់ភេទដូចគ្នាដោយបើកចំហផងដែរ។

ក្នុងពេលកាន់តំណែងនេះលោក Attal គឺមានប្រជាប្រិយភាពខ្លាំងក្នុងចំណោមប្រជាជន រួមទាំងអ្នកប្រឆាំងផងដែរ។ ទោះជាយ៉ាងណាក៏ដោយ លោក Attal នឹងមានកិច្ចការដ៏លំបាកមួយនៅចំពោះមុខគាត់ ដូចជាការដឹកនាំរដ្ឋាភិបាលបារាំងក្នុងការបោះឆ្នោតក្រុមប្រឹក្សាអឺរ៉ុបក្នុងខែមិថុនា។

គួរបញ្ជាក់ដែរថា មុនពេលគាត់ឡើងធ្វើជានាយករដ្ឋមន្ត្រី ក៏ត្រូវបានពលរដ្ឋមួយចំនួនរិះគន់ផងដែរ ដោយសារកាលពីមុនគាត់គឺជារដ្ឋមន្ត្រីក្រសួងអប់រំ បានចេញបទប្បញ្ញត្តិហាមឃាត់សិស្សមិនឱ្យស្លៀកសម្លៀកបំពាក់អាបាយ៉ា ចូលក្នុងសាលារៀន ដែលជាសំលៀកបំពាក់ដែលស្ត្រីមូស្លីមតែងតែពាក់។ បន្ទាប់ពីការហាមឃាត់នេះ មានភាពចម្រូងចម្រាសខ្លាំង ភាពលេចធ្លោក្នុងឆាកនយោបាយរបស់លោក Attal ក៏កាន់តែមានប្រជាប្រិយភាពផងដែរ៕