ប្រទេសថៃ ៖ នៅថ្ងៃទី៩ ខែធ្នូ ឆ្នាំ២០២៣ គណៈកម្មការអប់រំមូលដ្ឋានប្រទេសថៃបានប្រកាសអំពីគោលការណ៍ដាក់កិច្ចការផ្ទះឱ្យសិស្ស ស្របតាមគោលនយោបាយកាត់បន្ថយបន្ទុករបស់គ្រូបង្រៀន និងបុគ្គលិកផ្នែកអប់រំ ក៏ដូចជាកាត់បន្ថយបន្ទុកកូនសិស្ស និងអាណាព្យាបាលផងដែរ ។ ហេតុនេះ កូនសិស្សនឹងមានពេលវេលាសិក្សា និងស្រាវជ្រាវលើអ្វីតាមចំណង់ចំណូលចិត្តពួកគេ ។

នេះជាគោលការណ៍របស់រដ្ឋមន្ត្រីក្រសួងអប់រំថៃ លោក Permpoon Chidchob ដែលបានប្រកាសសេចក្តីណែនាំអំពីការដាក់កិច្ចការផ្ទះឱ្យសិស្ស ស្របតាមគោលការណ៍ «កាត់បន្ថយលំហាត់សិស្ស និងបង្កើនការរៀនសូត្រ» ។ គោលការណ៍នេះមានគោលបំណងឱ្យកូនសិស្សអាចរៀនសូត្រដោយរីករាយ រីឯគ្រូដាក់កិច្ចការផ្ទះឱ្យសិស្សសម្រាប់ជាឧបករណ៍អភិវឌ្ឍន៍ ជំរុញ និងវាយតម្លៃការរៀនសូត្ររបស់សិស្ស ។

គោលការណ៍ «កាត់បន្ថយលំហាត់សិស្ស និងបង្កើនការរៀនសូត្រ» គឺសំដៅឱ្យគ្រូបង្រៀនកាត់បន្ថយចំនួនកិច្ចការផ្ទះ ដែលសិស្សត្រូវធ្វើក្រៅពីពេលវេលារៀនសូត្រ ប៉ុន្តែគ្រូអាចដាក់កិច្ចការផ្ទះសម្រាប់មុខវិជ្ជាសំខាន់ៗប៉ុណ្ណោះ ដើម្បីឱ្យសិស្សចេះអាន, សរសេរ និងគិតលេខ ។ ដូច្នេះ សិស្សនឹងមានពេលវេលាគ្រប់គ្រាន់ដើម្បីសិក្សា និងស្រាវជ្រាវលើអ្វីតាមចំណង់ចំណូលចិត្តពួកគេ ។

គណៈកម្មការអប់រំមូលដ្ឋានថៃបញ្ជាក់ថា គោលការណ៍ «កាត់បន្ថយលំហាត់សិស្ស និងបង្កើនការរៀនសូត្រ» គឺដើម្បីឱ្យគ្រូបង្រៀន ព្រមទាំងឪពុក-ម្តាយសិស្សយល់ថា ការដាក់កិច្ចការផ្ទះឱ្យសិស្សធ្វើ គឺចង់ឱ្យពួកគេបានរំលឹកឡើងវិញនូវមេរៀនដែលបានរៀន ហើយពួកគេអាចហ្វឹកហាត់ធ្វើលំហាត់ឡើងវិញរហូតដល់មានជំនាញ ។ កូនសិស្សម្នាក់ៗត្រូវការពេលវេលាមិនដូចគ្នាទេ ដើម្បីយល់នូវមេរៀន ។

ហេតុនេះ ការដាក់លំហាត់ឱ្យសិស្សធ្វើ មិនគួរពិបាកពេក មិនស្រួលពេក និងមិនចំណាយពេលវេលាច្រើនពេក ។ គ្រូត្រូវពិនិត្យកិច្ចការផ្ទះរបស់សិស្ស រួចហើយប្រាប់ទៅពួកគេឱ្យច្បាស់ថា ចំណុចណាគួរកែលម្អ ។ នេះហើយ គឺជាការអភិវឌ្ឍសមត្ថកិច្ចកូនសិស្សយ៉ាងពិតប្រាកដ ។

ភាពរីករាយដែលកើតឡើងពីការកាត់បន្ថយចំនួនកិច្ចការផ្ទះ ប៉ុន្តែបង្កើនគុណភាពរបស់កិច្ចការផ្ទះ ដូចជា ពេលសិស្សធ្វើកិច្ចការផ្ទះរួច ត្រូវបញ្ជូនឱ្យគ្រូដើម្បីវាស់វែងលទ្ធផលសិក្សារបស់ពួកគេ ។ ហេតុនេះ វានឹងបង្កើតសេចក្តីសុខដល់កូនសិស្ស, ឪពុក-ម្តាយ ព្រមទាំងគ្រូបង្រៀនខ្លួនឯង ។ យើងជឿជាក់ថា វានឹងធ្វើឱ្យសិស្សថៃរៀនបានល្អ និងរីករាយក្នុងការរៀន ស្របតាមការលើកឡើងរបស់រដ្ឋមន្ត្រីក្រសួងអប់រំ ។ នេះបើតាមការបញ្ជាក់របស់គណៈកម្មការអប់រំមូលដ្ឋាន ៕ ប្រភព ៖ daily news

លោក Chukiat Opaswongse ប្រធានកិត្តិយសនៃសមាគមអ្នកនាំចេញអង្ករថៃ (TREA) បាននិយាយកាលពីពីថ្ងៃទី៨ ខែធ្នូ ឆ្នាំ២០២៣នេះថា ប្រទេសថៃមិនបានចូលរួមក្នុងការប្រកួតអង្ករល្អបំផុតរបស់ពិភពលោកឆ្នាំ ២០២៣នោះទេ ដែលកម្មវិធីប្រកួតនេះបានរៀបចំឡើងដោយគណៈកម្មការអង្ករពិភពលោកអន្តរជាតិនោឯប្រទេសហ្វីលីពីន។

ការប្រកាសរបស់លោកបានធ្វើឡើងមួយថ្ងៃ បន្ទាប់ពីពូជស្រូវ ST25 របស់វៀតណាម ត្រូវបានបោះឆ្នោតជ្រើសរើសជាពូជស្រូវល្អបំផុតក្នុងចំណោមពូជមកពីប្រទេសទាំង៣០។ មិនត្រឹមតែប៉ុណ្ណោះគឺមានតែពូជស្រូវដែលមកពីប្រទេសចំនួន៣ប៉ុណ្ណោះគឺ ប្រទេសវៀតណាម ឥណ្ឌា និងកម្ពុជា ដែលឈានដល់ជុំចុងក្រោយនៃការប្រកួត។

ក្នុងចំណោមការប្រកួតចំនួន១៤ដង ពូជស្រូវថៃត្រូវបានបោះឆ្នោតជាអង្ករល្អបំផុតរបស់ពិភពលោកក្នុងរយៈពេល៧ដងគឺស្មើនឹង៧ឆ្នាំរួចទៅហើយដែរ រាប់បញ្ចូលទាំងឆ្នាំ ២០២០ និង ២០២១ផងដែរ ដែលពូជ Hom Mali 105 របស់ថៃ ត្រូវបានបោះឆ្នោតជ្រើសរើសជាអង្ករល្អបំផុតក្នុងរយៈពេល ២ ឆ្នាំជាប់គ្នា។ ប៉ុន្តែសម្រាប់នៅឆ្នាំ ២០២៣នេះ អង្ករក្រអូបផ្ការំដួលរបស់កម្ពុជាបានឈ្នះពានរង្វាន់កំពូលជំនួសវិញ។

បើនិយាយពូជអង្ករ ST25 របស់វៀតណាមវិញគឺជាការលាយបញ្ចូលគ្នានៃពូជអង្ករចំនួនបីគឺ Thai Hom Mali, basmati របស់ឥណ្ឌា និងអង្ករជប៉ុន។ លោក Chukiat បាននិយាយថា អង្ករវៀតណាមប្រភេទនេះ“វាមានគ្រាប់វែង ក្រអូប ស្អិត និងទន់បន្ទាប់ពីចម្អិនរួច” ហើយ ST25 ក៏មានគុណសម្បត្តិផ្សេងទៀត រួមទាំងតម្លៃថោកជាង Thai Hom Mali។

សាស្ត្រាចារ្យរង Somporn Isvilanonda អ្នកស្រាវជ្រាវជាន់ខ្ពស់នៅវិទ្យាស្ថាន Knowledge Network នៃប្រទេសថៃ បាននិយាយថា រដ្ឋាភិបាលថៃចំណាយពី 400 ទៅ 500 ពាន់លានបាតក្នុងមួយឆ្នាំៗដើម្បីឧបត្ថម្ភដល់កសិករស្រូវ ប៉ុន្តែចំណាយត្រឹមតែ 200 លានបាតប៉ុណ្ណោះទៅលើការស្រាវជ្រាវ និងអភិវឌ្ឍន៍ពូជស្រូវ។ ប៉ុន្តែបើធៀបនឹង ប្រទេសវៀតណាមនិងកម្ពុជាវិញបានចំណាយថវិកាច្រើនជាងថៃទៅលើការស្រាវជ្រាវនិងអភិវឌ្ឍន៍។

លើសពីនេះ លោកបានអះអាងថា វៀតណាមមានអ្នកស្រាវជ្រាវអង្ករកាន់តែច្រើន រួមទាំងអ្នកស្រាវជ្រាវបរទេសជំនាន់ថ្មី ដើម្បីជួយដល់ឧស្សាហកម្មអង្ករ ដែលចាត់ទុកថាជាចំណុចខ្លាំងរបស់វៀតណាម៕

តារាសម្ដែងចិន Dylan Wang តួឯកប្រុសក្នុងរឿង Only For Love ជាមួយតួឯកស្រី Bailu បានរងមតិរិះចំពោះស្ទីលម៉ូតសក់របស់ខ្លួនក្នុងកម្មវិធីបង្ហាញម៉ូត Louis Vuitton ក្នុងទីក្រុងហុងកុង។ តារាប្រុសរូបនេះត្រូវអ្នកលេងបណ្តាញសង្គមថាការធ្វើម៉ូតសក់ក្រងតូចៗដូចនេះដូចជាមិនគោរពដល់វប្បធម៌ជនជាតិស្បែកខ្មៅ។

Dylan Wang ស្ថិតក្នុងចំណោមបញ្ជីតារាកិត្តិយសរបស់ A-listers ដែលបានប្រមូលផ្តុំគ្នាក្នុងកម្មវិធីបង្ហាញម៉ូតដំបូងបង្អស់របស់ Louis Vuitton ក្នុងទីក្រុងហុងកុងដែលមានការចូលរួមប្រមាណ ១,២០០នាក់ រួមទាំង Dylan Wang ក្នុងនាមជាទូតសុឆន្ទៈ Louis Vuitton ខណៈតារាសម្តែង Song Joong Ki និង Felix សមាជិក Stray Kids ក៏មានវត្តមានក្នុងកម្មវិធីនេះដូចគ្នា។

តារាសម្តែងចិនរូបនេះ បានបង្ហោះរូបថត និងវីដេអូរបស់ខ្លួនពីព្រឹត្តិការណ៍នេះនៅលើ Instagram និង Weibo ខណៈពេលដែលអ្នកគាំទ្រមួយចំនួនចូលចិត្តរូបរាងរបស់តួឯកវ័យ២៤ឆ្នាំរូបនេះ ចំណែកអ្នកខ្លះទៀតបានរិះគន់ចំពោះម៉ូតសក់របស់ Dylan Wang ដោយសារតែរូបគេលេងស្ទីលក្រងសក់តូចៗដែលត្រូវធ្វើឱ្យលោករងការចោទប្រកាន់ថាមិនគោរពវប្បធម៌របស់ជនជាតិស្បែកខ្មៅ។ នេះមិនមែនជាលើកទីមួយទេតារាសម្តែងចិនរូបនេះត្រូវបានចោទប្រកាន់ក្នុងរឿងនេះ។

ទោះបីជាទទួលបានការរិះគន់ជាច្រើនអំពីស្ទីលម៉ូតសក់អ្នកគាំទ្ររបស់បានអះអាងថា ចេតនារបស់តារាសម្តែងរូបនេះគឺដើម្បីគោរពដល់ Pharrell Williams សិល្បករអាម៉េរិកដែលជាជានាយកច្នៃប្រឌិតបុរសថ្មីរបស់LV។

ដោយសារតែមានបញ្ហាចម្រូងចម្រាស់លើរឿងនេះ Dylan ក្លាយជាតារាតែម្នាក់គត់ដែលមិនត្រូវបានបង្ហាញនៅលើទំព័រប្រព័ន្ធផ្សព្វផ្សាយសង្គមរបស់ LV បន្ទាប់ពីការបង្ហាញម៉ូតក្នុងព្រឹត្តិការណ៍ខាងលើនេះ។

Dylan Wang មានឈ្មោះពិតថា Wang Hedi កើតឆ្នាំ១៩៩៨ ជាអតីតជើងឯកក្នុងកម្មវិធី Super Idol នៅឆ្នាំ២០១៧ បន្ទាប់មកបានក្លាយជាតារាសម្តែងចិនដ៏ល្បីល្បាញបន្ទាប់ពីសម្តែងក្នុងរឿង Meteor Garden ឆ្នាំ២០១៨ ៕

កូរ៉េខាងត្បូង៖ ប្រទេសកូរ៉េខាងត្បូងបានអនុវត្តផែនការដ៏ទូលំទូលាយមួយដើម្បីផ្តល់សេវាពិនិត្យសុខភាពផ្លូវចិត្តរៀងរាល់ពីរឆ្នាំម្តងសម្រាប់យុវជនដែលមានអាយុចន្លោះពី ២០ ទៅ ៣៤ ឆ្នាំ ដោយសារតែអត្រាធ្វើអត្តឃាតកើនឡើងជាបន្តបន្ទាប់។

យោងតាមប្រភពព័ត៌មាន vnexpress ដែលបានចុះផ្សាយនៅថ្ងៃទី៩ ខែធ្នូថ្មីៗនេះថា កម្មវិធីពិនិត្យសុខភាពរបស់កូរ៉េខាងត្បូងនឹងចាប់ផ្តើមពីថ្ងៃនេះតទៅ ដើម្បីដោះស្រាយបញ្ហាសុខភាពផ្លូវចិត្តដ៏ធ្ងន់ធ្ងរ ក៏ដូចជាជួយបុគ្គលដែលមានបញ្ហាផ្លូវចិត្តឆាប់ជាសះស្បើយ។

បច្ចុប្បន្ននេះ រដ្ឋបានផ្តល់សេវាពិនិត្យសុខភាពផ្លូវចិត្តសម្រាប់មនុស្សដែលមានអាយុពី ២០ ទៅ ៣៤ ឆ្នាំរៀងរាល់ ២ ឆ្នាំម្តង ដោយគេរំពឹងថានៅឆ្នាំ ២០២៤ មនុស្សប្រហែល ៨០,០០០ នាក់នឹងទទួលបានការប្រឹក្សាផ្លូវចិត្ត ដែលចំនួននេះនឹងកើនឡើងដល់ប្រហែលមួយលាននាក់នៅឆ្នាំ ២០២៧។ ដូច្នេះ ក្រុមអាយុដែលទទួលបានការពិនិត្យសុខភាពជាទៀងទាត់ក៏នឹងពង្រីកផងដែរ ប្រសិនបើមានសញ្ញានៃហានិភ័យត្រូវបានរកឃើញ។

បន្ថែមពីលើនេះ កូរ៉េខាងត្បូងក៏មានគម្រោងពិចារណាអនុវត្តការណែនាំអំពីចិត្តសាស្ត្រ Advance Psychiatric Directive ដែលជាឧបករណ៍ផ្លូវច្បាប់អាចឱ្យអ្នកជំងឺបញ្ជាក់ពីបំណងប្រាថ្នារបស់ពួកគេសម្រាប់ការព្យាបាលមុនពេលមានវិបត្តិកើតឡើង។ ដើម្បីធ្វើកិច្ចការទាំងនេះ ប្រទេសកូរ៉េបានស្វែងរកការពង្រីកមជ្ឈមណ្ឌលវេជ្ជសាស្ត្រ និងសង្គ្រោះបន្ទាន់ក្នុងតំបន់សម្រាប់អ្នកជំងឺផ្លូវចិត្ត ធានានូវគ្រែមន្ទីរពេទ្យបន្ថែមទៀត និងបង្កើនការចែករំលែកព័ត៌មានសុខភាពរវាងអ្នកជំងឺ និងអ្នកជំនាញផ្នែកវេជ្ជសាស្ត្រសរីរាង្គ។

ហេតុនេះហើយ ចាប់ពីខែកក្កដា ឆ្នាំ ២០២៤ កូរ៉េខាងត្បូងនឹងផ្តល់ការបណ្តុះបណ្តាលការពារការធ្វើអត្តឃាតសម្រាប់មនុស្ស ១៦ លាននាក់។ ប្រទេសនេះក៏នឹងផ្តល់ “កញ្ចប់ឧបករណ៍ការពារការធ្វើអត្តឃាត” ដោយលើកទឹកចិត្តយុវជនឱ្យប្រយុទ្ធនឹងគំនិតអវិជ្ជមាន និងរៀនទទួលស្គាល់សញ្ញាព្រមាន។

យោងតាមប្រធានាធិបតី Yoon Suk-yeol បាននិយាយថា លោកនឹងបង្កើតគណៈកម្មាធិការថ្មីមួយដើម្បីរៀបចំផែនការវិនិយោគនឹងកែលម្អហេដ្ឋារចនាសម្ព័ន្ធ។ លោកបានបន្តទៀតថា ឥឡូវនេះជាពេលដែលប្រទេសត្រូវចាត់វិធានការយ៉ាងសកម្មដើម្បីធានាសុខភាពផ្លូវចិត្តរបស់ប្រជាជន។ នេះមិនមែនជាបញ្ហាដែលបុគ្គលអាចដោះស្រាយបានដោយខ្លួនឯងទេ យើងត្រូវធ្វើឱ្យវាក្លាយជារបៀបវារៈសំខាន់ និងស្វែងរកដំណោះស្រាយ។

គួរបញ្ជាក់ដែរថា កូរ៉េខាងត្បូងបានកត់ត្រាអត្រាធ្វើអត្តឃាតខ្ពស់បំផុត ដោយមានប្រជាជនកូរ៉េជិត ៤០,០០០ នាក់បានធ្វើអត្តឃាតក្នុងរយៈពេល ៣ ឆ្នាំចុងក្រោយនេះ ជាមួយនឹងអត្រាកើនឡើងក្នុងចំណោមមនុស្សវ័យក្មេង នេះបើយោងតាមទិន្នន័យពីក្រសួងសុខាភិបាល និងសុខុមាលភាព និងទីភ្នាក់ងារគ្រប់គ្រង និងបង្ការជំងឺកូរ៉េ៕

បរទេស៖ ស្ត្រីវ័យក្មេងជនជាតិអេស្ប៉ាញម្នាក់អាយុ ២១ឆ្នាំ ត្រូវបានសង្គ្រោះបន្ទាន់បន្ទាប់ពីនាងបានលេបច្រាសដុះធ្មេញប្រវែង ២០ សង់ទីម៉ែត្រចូលទៅក្នុងពោះ។

យោងតាមប្រភពព័ត៌មាន kormedi ដែលបានរាយការណ៍នៅថ្ងៃទី៩ ខែធ្នូថា ស្ត្រីវ័យក្មេងជនជាតិអេស្ប៉ាញម្នាក់ឈ្មោះ Ibarreche អាយុ ២១ ឆ្នាំបានជាប់សាច់នៅក្នុងបំពង់ករបស់នាង ខណៈពេលដែលកំពុងញ៉ាំនំប៉័ងទួរគីនៅក្នុងផ្ទះ បន្ទាប់មកនាងបានយកច្រាសដុសធ្មេញប្រវែង ២០ សង់ទីម៉ែត្រ ទៅញ៉ុកចូលក្នុងបំពង់កដើម្បីឱ្យសាច់ទាំងនោះធ្លាក់ចូលពោះ មិនយូរប៉ុន្មានសាច់ក៏ធ្លាក់ ហើយនាងក៏ច្រឡំលេបច្រាសដុះធ្មេញនោះចូលទៅក្នុងពោះតែម្តង។

ទាក់ទិននឹងស្ថានភាពនេះ Ivareche បាននិយាយថា “នៅពេលនោះគ្មាននរណាម្នាក់នៅក្បែនាងទេ ហើយស្ថានភាពកាន់តែអាក្រក់ទៅៗ ដូច្នេះនាងត្រូវចេញទៅក្រៅផ្ទះ ដើម្បីសុំឱ្យគេជួយ។ បន្ទាប់មក Ivareche ក៏ត្រូវបានបញ្ជូនទៅមន្ទីរពេទ្យភ្លាមៗ ដោយបុគ្គលិកពេទ្យបានធ្វើការវះកាត់ជាបន្ទាន់ដែលចំណាយពេលប្រហែល ៤០ នាទី។ បន្ទាប់ពីដកច្រាសដុសធ្មេញចេញពីបំពង់កដោយសុវត្ថិភាព Ivareche បាននិយាយថា “នាងពិតជាសប្បាយចិត្តខ្លាំងណាស់ដែលអាចដកដង្ហើមបានម្តងទៀត”។ ដូច្នេះហើយ តើអ្នកគួរធ្វើយ៉ាងណានៅពេលដែលសាច់ ឬវត្ថុអ្វីមួយជាប់ក្នុងបំពង់កដូចស្ត្រីខាងលើនេះ?

វិធីទីមួយគឺអ្នកត្រូវខលទៅមន្ទីពេទ្យជាបន្ទាន់ វិធីទីពីប្រសិនបើជនរងគ្រោះបានលេបវត្ថុតូចជាងច្រាសដុសធ្មេញ អ្នកត្រូវក្អកដើម្បីឱ្យវត្ថុទាំងនោះធ្លាក់ចេញពីបំពង់ក វិធីទីបីប្រសិនបើអ្នកនៅម្នាក់ឯង គឺធ្វើដូចគ្នាដោយពត់ខ្លួន ហើយក្អកឱ្យខ្លាំង។ ទោះជាយ៉ាងណាក៏ដោយ ប្រសិនបើអ្នកលេបវត្ថុអ្វីមួយតូចៗចូលក្នុងពោះ ជាទូទៅវានឹងលេចឡើងក្នុងលាមករយៈពេលពីរបីថ្ងៃ។ ប៉ុន្តែប្រសិនបើវត្ថុទាំងនោះមានប្រវែងធំ ហើយវែងដូចជាច្រាស់ដុសធ្មេញ នោះអ្នកត្រូវទៅមន្ទីពេទ្យជាបន្ទាន់៕