ពិធីមង្គលការរបស់តារាសម្តែងជើងចាស់ដ៏ល្បីឈ្មោះអ្នកនាង លី ម៉ារីណា និងកូនកំលោះវរៈសេនីយ៍ឯក ទៀង ច័ន្ទសារ អធិការនគរបាលខណ្ឌដូនពេញគឺជារោងការចុងក្រោយរបស់លោកជំទាវហ៊ុន ស៊ីណាត ធ្វើជាអ្នកដឹកដៃមុនលោកជំទាវចូលនិវត្តន៍។ កន្លងមកនេះលោកជំទាវ ធ្លាប់បានបញ្ជាក់រួចមកហើយថាលោកជំទាវមិនមែនជាអ្នកស៊ីឈ្នួលដឹកដៃកូនកំលោះ កូនក្រមុំទេ ប៉ុន្តែជាការផ្តល់កិត្តិយសនិងតបតាមការអញ្ជើញតាមម្ចាស់ដើមការ បន្ទាប់ពីមានអ្នកផ្លែផ្កាឱ្យលោកជំទាវធ្វើជាអ្នកដឹកដៃមួយរោងបានខ្ទង់ម៉ឺនដុល្លារ។

នៅថ្ងៃទី១២ ខែមករា នេះពិធីមង្គលការតារាសម្តែងជើងចាស់ដ៏ស្រស់សោភា លី ម៉ារីណា បានប្រព្រឹត្តយ៉ាងអធិកអធមដោយមានកូនកំដរសុទ្ធតែជាតារាលំដាប់ក្នុងប្រទេសដូចជាជំទាវ ចន ច័ន្ទលក្ខណា ប្រធានសមាគមសិល្បករខ្មែរ, តារាសម្តែង កែវ ពេជ្រពិសី និង តារាសម្តែង សារ៉ាយ សក្កណា។ នេះគឺជាការរៀបការលើកទី២របស់តារាសម្តែងកំពូលរាជនីសម្រស់ លី ម៉ារីណា បន្ទាប់ពីផ្តាច់ទំនាក់ទំនងជាមួយអតីតស្វាមីលោក សាត ចាន់ថន ដោយផ្តើមចេញពីការរស់នៅមិនចុះសម្រុងជាមួយគ្នាដោយបន្សល់នូវចំណងដៃកូនប្រុសម្នាក់។

បន្ទាប់ពីមានរឿងមិនល្អកើតឡើងចំពោះខ្លួនពេលនេះអ្នកនាង ម៉ារីណា បានទទួលភាពកក់ក្តៅជាមួយគូជីវិតជាមួយលោកវរៈសេនីយ៍ឯក ទៀង ច័ន្ទសារ អធិការនគរបាលខណ្ឌដូនពេញដោយអ្នកទាំងពីរដឹកដៃគ្នាចូលរោងការតាមប្រពៃណីខ្មែរព្រមទាំងទទួលបានកិត្តិយសជាពិសេសមានលោកជំទាវ ហ៊ុន ស៊ីណាត ធ្វើជាអ្នកដឹកដៃថែមទាំងទៀតផង។ រឹតតែពិសេសនោះពិធីមង្គលការរបស់ លី ម៉ារីណា គឺជារោងការចុងក្រោយរបស់លោកជំទាវដែលធ្វើជាអ្នកដឹកដៃមុនលោកចូលនិវត្តន៍។

លោកជំទាវ មានប្រសាសន៍នៅលើបណ្តាញសង្គមថា «នេះគូបង្ហើយចូលនិវត្តន៍មែនទែនហើយមិត្តរួមហ្វេសប៊ុកអើយ ក្នុងកម្មវិធីសិរីមង្គលអាពាហ៍ពិពាហ៍ ក្មួយប្រុស ទៀង ច័ន្ទសារ និងក្មួយស្រី លី ម៉ារីណា សូមជូនពរដល់ក្មួយទាំងពីរឱ្យជីវិគូនេះស្រឡាញ់គ្នាដល់ចាស់ព្រេងចាស់ព្រឹទ្ធ»។

គេចាំបានថាលោកជំទាវ ហ៊ុន ស៊ីណាត ធ្លាប់ចេញមកប្រតិកម្ម និងបានបញ្ជាក់ថាលោកជំទាវមិនមែនជាអ្នកស៊ីឈ្នួលដឹកដៃកូនកំលោះក្រមុំក្នុងថ្ងៃរៀបអាពាហ៍ពិពាហ៍នោះទេ ប៉ុន្តែការដែលលោកជំទាវធ្វើជាអ្នកដឹកដៃនេះគឺដើម្បីផ្តល់កិត្តិយសទៅម្ចាស់កម្មវិធីដែលបានអញ្ជើញប៉ុណ្ណោះ។ ការដែលលោកជំទាវ ហ៊ុន ស៊ីណាត ចេញមកបញ្ជាក់នេះបន្ទាប់ពីមានអ្នកលើកឡើងថាលោកជំទាវ ដឹកដៃកូនកំលោះ កូនក្រមុំម្តងបានចំនួន៤ទៅ៥ម៉ឺនដុល្លារ។

កន្លងមកនេះលោកជំទាវ ធ្លាប់បានដឹកដៃកូនកំលោះ កូនក្រមុំជាច្រើនគូហើយសុទ្ធសឹងតែជាបុគ្គលមានមុខមាត់ក្នុងសង្គម ដោយរយៈពេលចុងក្រោយនេះមានដូចជាពិធីមង្គលការលោកស្រី ទ្រី ដាណា លោក ឌួង ឆាយ តារាចម្រៀង ឃុន វុត្ថា និងតារាសម្តែង លី ម៉ារីណា ដែលជារោងការចុងក្រោយរបស់លោកជំទាវនេះឯង៕

លោក ខេង យ័ន អភិបាលក្រុងកែប និងនាយករដ្ឋបាលក្រុងកែប ត្រូវបានសម្តេចធិបតី ហ៊ុន ម៉ាណែត​បញ្ចប់មុខតំណែងភ្លាមៗ ក្រោយពីការស៊ើបអង្កេតរបស់អង្គភាពប្រឆាំងអំពើពុករលួយ។

អភិបាលក្រុងកែបនេះ រងការចោទប្រកាន់ ដោយបានប្រើប្រាស់អំណាចនៃតួនាទីរបស់ខ្លួនប្រព្រឹត្តអំពើដែលនាំឱ្យប៉ះពាល់ដល់ផលប្រយោជន៍រដ្ឋ និងផលប្រយោជន៍របស់ប្រជាពលរដ្ឋជាច្រើន។សូមបញ្ជាក់ថា ការពីដើមឆ្នាំកន្លងទៅពោលគឺនៅថ្ងៃទី២ ខែមករាឆ្នាំ ២០២៤ វេលាម៉ោងប្រមាណ ១១ព្រឹក លោក ខេង យ័ន អភិបាលក្រុងកែប និងនាយករដ្ឋបាលក្រុងកែប ត្រូវបានអង្គភាពប្រឆាំងអំពើពុករលួយ (ACU) ឃាត់ខ្លួនរួចម្តងមកហើយ ក៏ប៉ុន្តែត្រូវបានដោះលែងវិញនៅថ្ងៃដដែល៕

ក្នុងសង្គមយើងបច្ចុប្បន្ន សិក្សានុសិស្សមួយចំនួនធំមិនថារៀនកម្រិតបឋមសិក្សា ឬក៏វិទ្យាល័យនោះទេ ភាគច្រើនឪពុកម្តាយតែងតែឱ្យកូនធ្វើដំណើរដោយខ្លួនឯងតាមរយៈការជិះម៉ូតូ ឬជិះកង់ជាដើម។

នៅក្នុងការធ្វើដំណើរដោយខ្លួនឯង ដោយម៉ូតូ គឺជាការខុសច្បាប់យ៉ាងធ្ងន់ធ្ងរចំពោះសិក្សានុសិស្សដែលកំពុងសិក្សាថ្នាក់កម្រិតបឋមសិក្សា ព្រោះតាមច្បាប់អ្នកបើកបរម៉ូតូត្រូវមានអាយុយ៉ាងតិច១៥ឡើងទៅ។

យោងច្បាប់ក្នុងប្រទេសកម្ពុជាយើង បានចែងយ៉ាងច្បាស់ថាគ្រប់អ្នកបើកបរយានយន្តគ្រប់ប្រភេទ ចាំបាច់ត្រូវមានបណ្ណបើកបរចំពោះអ្នកបើកបរ រថយន្តគ្រប់ប្រភេទ ទោចក្រយានយន្តសណ្តោងរ៉ឺម៉ក និងត្រីចក្រយានយន្ត យានយន្តដែលមានទំហំស៊ីឡាំងលើសពី១២៥ (មួយរយម្ភៃប្រាំ)សង់ទីម៉ែត្រគូប ឡើងទៅ ឬមានថាមពលអគ្គិសនីលើសពី១១ (ដប់មួយ)គីឡូវ៉ាត់។

ដោយឡែក ចំពោះយានយន្ត ដែលមានទំហំស៊ីឡាំងចាប់ពី១២៥ (មួយរយម្ភៃប្រាំ) សង់ទីម៉ែត្រគូបចុះក្រោម ឬមានថាមពលអគ្គិសនីចាប់ពី១១ (ដប់មួយ)គីឡូវ៉ាត់ចុះក្រោម អ្នកបើក បរមិនតម្រូវឱ្យមានបណ្ណបើកបរឡើយ។

ថ្វីបើមិនតម្រូវឱ្យមានបណ្ណបើកបរ ក៏ប៉ុន្តែចាំបាច់អ្នកបើកបរត្រូវមានអាយុយ៉ាងតិច១៥ (ដប់ប្រាំ)ឆ្នាំ ឡើងទៅ ដោយមានអត្តសញ្ញាណបណ្ណសញ្ជាតិខ្មែរ ឬឯកសារបញ្ជាក់អត្តសញ្ញាណណាមួយទើបអាចមានសិទ្ធបើកបរនៅក្នុងប្រទេសកម្ពុជា៕

ដោយមានការចង្អុលបង្ហាញ និងការយកចិត្តទុកដាក់ខ្ពស់ពី សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា លើកង្វល់របស់បងប្អូនប្រជាពលរដ្ឋក្នុងការប្រើប្រាស់ផ្លូវចូល-ចេញ អាកាសយានដ្ឋានអន្តរជាតិសៀមរាប-អង្គរ និងតម្លៃចំណតយានយន្ត សម្តេចធិបតីនាយករដ្ឋមន្ត្រី បាន ណែនាំឱ្យបង្កើតគណៈកម្មការចំពោះកិច្ចជាបន្ទាន់មួយ ដឹកនាំដោយ ឯកឧត្តមឧបនាយករដ្ឋមន្ត្រី ស៊ុន ចាន់ថុល ដើម្បីចុះទៅពិនិត្យ និងដោះស្រាយបញ្ហានេះជាបន្ទាន់ជូនបង ប្អូនប្រជាពលរដ្ឋ។

បន្ទាប់ពីបានចុះទៅពិនិត្យស្ថានភាពនៅទីតាំងជាក់ស្តែង និងប្រជុំជាមួយក្រុមហ៊ុនវិនិយោគដែលបាន បណ្តាក់ទុនវិនិយោគជាប្រភេទ BOT ទាំងអាកាសយានដ្ឋាន និងផ្លូវ ក្រុមការងារចំពោះកិច្ចបានធ្វើការពិភាក្សា ចរចាបន្ថែម កាលពីព្រឹកថ្ងៃទី១១ ខែមករា ឆ្នាំ២០២៤ លើអ្វីដែលបានឯកភាពកាលពីពេលមុន ហើយទទួលបាន លទ្ធផល ដូចខាងក្រោម៖

១. ក្រុមហ៊ុនបានឯកភាពមិនយកថ្លៃចំណតសម្រាប់ ការចូលទៅក្នុងអាកាសយានដ្ឋានអន្តរជាតិ អង្គរ ក្រោមរយៈពេល ១៥នាទី សម្រាប់រថយន្តធុនតូចមិនលើសពកៅអី និង៣០នាទី សម្រាប់ប្រភេទរថយន្តផ្សេងៗទៀត។

២. ក្រុមហ៊ុនបានយល់ព្រមបញ្ចុះតម្លៃបន្ថែមទៀត ក្នុងការប្រើប្រាស់ផ្លូវសម្រាប់គ្រប់ប្រភេទយានយន្ត ដែលមានព័ត៌មានលម្អិតដូចមានគោរពជូនភ្ជាប់ក្នុងតារាងខាងក្រោមនេះ សម្រាប់រយៈពេលពីរឆ្នាំ (ឆ្នាំ២០២៤ និងឆ្នាំ២០២៥)។ ចំពោះតម្លៃថ្មីនេះនឹងត្រូវអនុវត្តចាប់ពីថ្ងៃទី១៥ មករា ២០២៤ តទៅ។

តារាងតម្លៃថ្មីសម្រាប់សេវាប្រើប្រាស់ផ្លូវចូល-ចេញអាកាសយានដ្ឋានអន្តរជាតិសៀមរាប-អង្គរ និងតម្លៃចំណតយានយន្ត៖