ក្រុមហ៊ុន AstraZeneca កំពុងប្រឈមមុខនឹងការទាមទារសំណងរាប់រយលានដុល្លារពីជនរងគ្រោះដែលបានចោទប្រកាន់ថាមានមនុស្សចំនួន៣៥បានជួបនូវផលវិបាក និង៨១នាក់បានស្លាប់ ក្រោយពីបានចាក់វ៉ាក់សាំងនេះរួចមក។

យោងតាមប្រភពសារព័ត៌មាន Daily Mail បានឲ្យដឹងថា ក្រុមហ៊ុនឱសថយក្ស AstraZeneca ដែលបានចាប់ដៃគូជាមួយសាកលវិទ្យាល័យ Oxford ក្នុងការផលិតវ៉ាក់សាំងកូវីដ១៩កាលពីពេលកន្លងទៅ ខណៈពេលនេះគឺកំពុងតែប្រឈមមុខនឹងការដោះស្រាយនៅតុលាការជុំវិញករណីវ៉ាក់សាំងនេះបានរកឃើញថា “មានភាពខុសប្រក្រតី” ។ តាមលទ្ធផលពិសោធន៍ថ្មីគឺបានរកឃើញថាវ៉ាក់សាំងប្រភេទនេះគឺបានផ្សារភ្ជាប់ជាមួយបរិបទថ្មី ដែលបណ្តាលឱ្យមានការកកឈាម។

យ៉ាងហោចណាស់មនុស្ស ៨១ នាក់បានស្លាប់ដោយសារតែផលប៉ះពាល់ដ៏កម្រនៃវ៉ាក់សាំងប្រភេទនេះ ដែលមិនគាំទ្រនៅក្នុងសារពាង្គកាយមួយចំនួន និងជាលទ្ធផលមានមនុស្សរាប់រយនាក់បានទទួលរងនូវជំងឺផ្សេងៗ។

បើយោងតាមសារព័ត៌មាន The Telegraph បានឲ្យដឹងទៀតថា ក្រុមហ៊ុនផលិតវ៉ាក់សាំងអាចប្រឈមមុខនឹងការសងជំងឺចិត្តដល់ទៅជាង១០០លានដុល្លារជុំវិញករណីនេះ ។ ចំណែករដ្ឋាភិបាលវិញក៏ត្រូវបានរួមចំណែកផ្តល់សំណងដល់ក្រុមហ៊ុន AstraZeneca និងក្រុមហ៊ុនផលិតវ៉ាក់សាំងផ្សេងទៀតដូចគ្នា ព្រោះបានជំរុញឲ្យមានចាក់វ៉ាក់សាំងក្នុងអំឡុងពេលជំងឺរាតត្បាត។

ទោះជាយ៉ាងណា ក្រុមហ៊ុន AstraZeneca កំពុងតែច្រានចោលនូវការចោទប្រកាន់ទាំងអស់ ថាពួកគេមានការ “យល់ច្រឡំ ” មកលើក្រុមហ៊ុនខ្លួន។ ក្រុមហ៊ុនក៏បានចង្អុលបង្ហាញថា វ៉ាក់សាំងខ្លួនក៏ធ្លាប់បានជួយជីវិតមនុស្សរាប់លាននាក់ កាលពីខ្លួនបានផលិតចេញឲ្យសាធារណៈជនប្រើប្រាស់អំឡុងជំងឺរាតត្បាតដែរ។

វ៉ាក់សាំង AstraZeneca នេះទៀតសោតក៏មិនមានការលើកទឹកចិត្តពីចក្រភពអង់គ្លេសឲ្យប្រជាជនខ្លួនស្ម័គ្រចិត្តចាក់នោះទេ ព្រោះថាអ្នកជំនាញបានណែនាំថា វ៉ាក់សាំង mRNA ដូចជា Pfizer ឬ Moderna jabs គួរតែមានប្រសិទ្ធិភាពជាង។

គួរបញ្ជាក់ថា ផលវិបាកផ្សេងៗនៃវ៉ាក់សាំង AstraZeneca ក៏ត្រូវបានគេកត់ត្រាទុកផងដែរ ដោយមាន វេជ្ជបណ្ឌិត Stephen Wright អាយុ ៣២ ឆ្នាំបានស្លាប់ដោយកើតមានកំណកឈាមក្នុងខួរក្បាល ១០ ថ្ងៃបន្ទាប់ពីការចាក់វ៉ាក់សាំង AstraZeneca ដំបូងរបស់គាត់ក្នុងខែមករាឆ្នាំ ២០២១ ។ រីឯករណីមួយទៀត គឺតន្ត្រីកររ៉ុកម្នាក់ដែលគេស្គាល់ថាជា Lord Zion បានឈឺក្បាលយ៉ាងធ្ងន់ធ្ងរ ហើយត្រូវបានបញ្ជូនទៅមន្ទីរពេទ្យបន្ទាប់ពីបានចាក់វ៉ាក់សាំងរួច។ ស្ថានភាពរបស់គាត់កាន់តែយ៉ាប់យ៉ឺនពីមួយថ្ងៃទៅមួយថ្ងៃ ហើយលោកក៏បានលាចាកលោកនៅត្រឹមតែរយៈពេលប៉ុន្មានថ្ងៃបន្ទាប់។ សំបុត្រមរណៈភាពបឋមរបស់លោកក៏បានបញ្ជាក់យ៉ាងច្បាស់ថា មានកំណកឈាមក្នុងខួរក្បាលដែលបណ្តាលមកពីផលវិបាកនៃវ៉ាក់សាំងនេះឯង។

ទោះជាយ៉ាងណា ទាំងនេះគឺជាផលប៉ះពាល់ដ៏កម្រ មិនមែនមនុស្សគ្រប់គ្នាដែលចាក់វ៉ាក់សាំងនេះសុទ្ធតែប្រឈមនឹងបញ្ហាណាមួយនោះទេ៕

ប្រទេសកាណាដា ៖ សុវត្ថិភាព គឺជាកត្តាសំខាន់ដែលភ្ញៀវទេសចរបានគិតជាចម្បង មុននឹងពួកគេសម្រេចចិត្តទៅដើរកម្សាន្តនៅប្រទេសណាមួយ ។ នៅដើមឆ្នាំ២០២៤ នេះ ប្រទេសកាណាដាទើបតែទទួលបានការចាត់ចំណាត់ថ្នាក់ជាប្រទេសមានសុវត្ថិភាពបំផុតសម្រាប់ភ្ញៀវទេសចរ ប្រចាំឆ្នាំ២០២៤ ។

វាជាការចាត់ចំណាត់ថ្នាក់របស់ក្រុមហ៊ុនធានារ៉ាប់រងការធ្វើដំណើរមួយឈ្មោះ Berkshire Hathaway ។ ក្រុមហ៊ុននេះលើកហេតុផលថា កាណាដា គឺជាប្រទេសដែលមានដង់ស៊ីតេពលរដ្ឋតិចតួច និងអត្រាឧក្រិដ្ឋកម្មទាប ជាពិសេស ការប្រើប្រាស់កាំភ្លើងបង្កហិង្សាស្ទើរតែមិនកើតឡើងឡើយ ។ ការប្រើប្រាស់អំពើហិង្សានៅប្រទេសនេះស្ទើរតែគ្មាន និងគ្មានជំងឺឆ្លងទេ ។

ក្រៅពីនេះ ប្រទេសកាណាដាមិនរើសអើងជាតិសាសន៍ផ្សេង, ពណ៌សម្បុរ, ភេទ ឬរើសអើងសាសនាទេ ។ ហេតុនេះ ធ្វើឱ្យកាណាដាទទួលបានការចាត់ចំណាត់ថ្នាក់ជាប្រទេសមានសុវត្ថិភាពបំផុតសម្រាប់ភ្ញៀវទេសចរប្រចាំឆ្នាំ២០២៤ ខណៈនៅឆ្នាំ២០២៣ កាណាដាបានជាប់ចំណាត់ថ្នាក់ទី៦ ។

ទោះយ៉ាងណា គ្រោះថ្នាក់មួយដែលអាចកើតឡើងនៅប្រទេសកាណាដា គឺភ្លើងឆេះព្រៃ ដោយសារកាណាដាមានផ្ទៃដីព្រៃឈើលាតសន្ធឹងធំទូលាយ ។ ដូច្នេះ វាធ្វើឱ្យកាណាដាប្រឈមនឹងការកើតភ្លើងឆេះព្រៃ និងធ្វើឱ្យគុណភាពអាកាសធាតុកាន់តែអាក្រក់ ។ លើសពីនេះ ភ្លើងឆេះព្រៃនឹងប៉ះពាល់ដល់អ្នកមានបញ្ហាផ្លូវដង្ហើមទៀតផង ។

បើទោះជាប្រទេសកាណាដាមានព្រំដែនជាប់អាមេរិក ដែលអាមេរិកមានអត្រាឧក្រិដ្ឋកម្មខ្ពស់ ប៉ុន្តែកាណាដាបែរជាមានសុវត្ថិភាពគួរឱ្យភ្ញាក់ផ្អើល ដោយសារកាណាដាមានច្បាប់គ្រប់គ្រងកាំភ្លើងយ៉ាងតឹងរ៉ឹង, សមត្ថកិច្ចរក្សាសណ្តាប់ធ្នាប់ និងសន្តិសុខបានល្អ ។

ចំណុចសំខាន់ កាណាដាមានស្ថិរភាពសេដ្ឋកិច្ច, ស្ថិរភាពនយោបាយ, រដ្ឋាភិបាលថែរក្សាពលរដ្ឋបានល្អ ហើយពលរដ្ឋគ្មានការដាក់សម្ពាធក្នុងការរស់នៅទេ បើទោះជាពួកគេគ្មានការងារធ្វើក្តី ក៏ពួកគេមានគុណភាពជីវិតល្អប្រសើរដែរ ។ ហេតុនេះ ពលរដ្ឋកាណាដាពុំចាំបាច់ដើរឆក់ប្លន់ ឬប្រើអំពើហិង្សាលើអ្នកដទៃឡើយ ។

នេះជាចំណាត់ថ្នាក់ប្រទេសមានសុវត្ថិភាពបំផុតសម្រាប់ភ្ញៀវទេសចរ ប្រចាំឆ្នាំ២០២៤ រួមមាន ៖
-ចំណាត់ថ្នាក់ទី១ ប្រទេសកាណាដា
-ចំណាត់ថ្នាក់ទី២ ប្រទេសស្វីស
-ចំណាត់ថ្នាក់ទី៣ ប្រទេសន័រវេស
-ចំណាត់ថ្នាក់ទី៤ ប្រទេសអៀរឡង់ និង
-ចំណាត់ថ្នាក់ទី៥ ប្រទេសហូឡង់

រីឯប្រទេសមានសុវត្ថិភាពបំផុតសម្រាប់ភ្ញៀវទេសចរនៅតំបន់អាស៊ី គឺប្រទេសជប៉ុន ទទួលបានចំណាត់ថ្នាក់ទី១២ ៕

បរទេស៖ Britney Church អាយុ ៣៥ ឆ្នាំដែលជាម្តាយវ័យក្មេងមកពីរដ្ឋ Kansas សហរដ្ឋអាមេរិក បានបង្ហោះឃ្លីបមួយនៅលើគណនី TikTok របស់នាង ដោយបង្ហាញពីអាថ៌កំបាំងនៃការមានកូនតាំងពីតូច និងត្រៀមខ្លួនឆ្លើយសំណួររបស់អ្នកលេងអ៊ីនធឺណិត។

កាលពីថ្ងៃទី២១ ខែមករា ឆ្នាំ២០២៤ Britney Church បានឆ្លើយសំណួររបស់អ្នកលេងអ៊ីនធឺណិតនៅលើអាខោន TikTok របស់នាង ដែលពួកគេបានសួរនាងថា តើអ្នកមានអាយុប៉ុន្មានពេលចាប់ផ្ដើមមានកូនដំបូង? ម្តាយអាយុ ៣៥ ឆ្នាំរូបនេះបាននិយាយថា នាងបានពពោះកូនដំបូងនៅអាយុ ១៥ ឆ្នាំ ហើយសម្រាលបានកូនដំបូងនៅអាយុ ១៦ ឆ្នាំ ។

បន្ទាប់មក នាងបានបន្តបង្កើតកូននៅអាយុ ១៧ ឆ្នាំរហូតដល់ ៣២ ឆ្នាំ មានន័យថានាងបានព្យាយាមបង្កើតកូនជារៀងរាល់ឆ្នាំរហូតដល់កូនរបស់នាងមានចំនួន ១២ នាក់។ ទោះជាយ៉ាងណាក៏ដោយ នៅពេលដែលនាងមានអាយុ ១៨ ឆ្នាំ និងមានកូនបីនាក់ នាងតែងតែត្រូវបានអតីតស្វាមីធ្វើបាបជាប្រចាំ ប៉ុន្តែនាងបានអត់ធ្មត់ដើម្បីកូន ហើយបង្កើតបានកូនបីនាក់ទៀត។

ក្រោយមក នៅពេលដែលការអត់ធ្មត់របស់នាងឈានដល់កម្រិតកំណត់ Britney បានជ្រើសរើសលែងលះជាមួយអតីតស្វាមី ហើយកូនៗរបស់នាងក៏បានជ្រើសរើសធ្វើតាមម្តាយរបស់ពួកគេផងដែរ។ រហូតមកដល់អាយុ ២៥ ឆ្នាំនាងបានជួបប្តីបច្ចុប្បន្ន ហើយសម្រាលបានកូន ៦ នាក់ទៀត ដោយបច្ចុប្បន្នពួកគេមានសមាជិកទាំងអស់ ១៤ នាក់នៅក្នុងគ្រួសារនេះ។

នៅពេលដែលឃ្លីបនេះត្រូវបានផ្សព្វផ្សាយ អ្នកនិយមលេងអ៊ីនធឺណិតជាច្រើនបានសរសើរគ្រួសារ Britney ជាគ្រួសារដ៏គួរឱ្យស្រឡាញ់ និងកក់ក្ដៅបំផុត។ ប៉ុន្តែទោះជាយ៉ាងណា អ្នកលេងអ៊ីនធឺណិតមួយចំនួនក៏បានបញ្ចេញមតិរិះគន់យ៉ាងដូច្នេះថា នាងគឺជាមនុស្សអាត្មានិយម គិតតែចង់បានកូនច្រើន មិនមានហេតុផល។ អ្នកខ្លះទៀតក៏ខំមិនថា ការមានកូនច្រើនគឺមិនល្អនោះទេ៕

នៅដើមឆ្នាំក្រោយ វៀតណាមនឹងបាញ់បង្ហោះផ្កាយរណបរ៉ាដា តាមដានអាកាសធាតុដំបូងបំផុតរបស់ខ្លួន ដើម្បីផ្តល់ការព្រមានជាមុនប្រឆាំងនឹងគ្រោះមហន្តរាយធម្មជាតិ។

ផ្កាយរណបនេះមានឈ្មោះថា “LOTUSat-1” ត្រូវបានបង្កើតឡើងដោយជនជាតិវៀតណាមផ្ទាល់ ដោយមានជំនួយពីវិស្វករជប៉ុន។

LOTUSat-1 គឺជាផ្នែកមួយនៃគម្រោងការពារគ្រោះមហន្តរាយធម្មជាតិ និងការប្រែប្រួលអាកាសធាតុ ដែលធ្វើឡើងដោយមជ្ឈមណ្ឌលអវកាសជាតិវៀតណាម ។ការផលិតផ្កាយរណបបានចាប់ផ្តើមកាលពីខែកញ្ញា ឆ្នាំ ២០១២ នៅមជ្ឈមណ្ឌលដែលស្ថិតនៅឧទ្យាន Hoa Lac Hi-tech ក្នុងទីក្រុងហាណូយ។

ផ្កាយរណបនឹងប្រើឧបករណ៍ចាប់សញ្ញាប្រើរលកវិទ្យុដើម្បីសង្កេតមើលផែនដី ហើយដូច្នេះដំណើរការដោយឯករាជ្យពីប្រភពពន្លឺ នោះមានន័យថា អាចដំណើរការបាន ២៤ ម៉ោងក្នុងមួយថ្ងៃ និង ៧ ថ្ងៃក្នុងមួយសប្តាហ៍ ដែលជាអត្ថប្រយោជន៍ច្បាស់លាស់ជាងផ្កាយរណបប្រើឧបករណ៍ចាប់សញ្ញាអុបទិក ដែលអាចដំណើរការបានតែពេលថ្ងៃប៉ុណ្ណោះ។

បើមិនមានការប្រែប្រួលនោះទេ ផ្កាយ​រណបនេះ នឹងបង្ហោះចូលទៅកាន់តារាវិថីនាឆ្នាំក្រោយ៕