បរទេស៖ កាលពីពេលថ្មីៗនេះ រដ្ឋបាលចំណីអាហារ និងឱសថអាមេរិក (FDA) បាននិយាយថា ការប្រើនាឡិកាឆ្លាតវៃ ឬចិញ្ចៀនឆ្លាតវៃដើម្បីវាស់ជាតិស្ករក្នុងឈាមគឺមិនត្រឹមត្រូវនោះទេ ព្រោះការប្រើប្រាស់ឧបករណ៍ទាំងនេះអាចនាំឱ្យមានការវាស់វែងមិនត្រឹមត្រូវនៃជាតិស្ករក្នុងឈាម និងកំហុសក្នុងការគ្រប់គ្រងជំងឺទឹកនោមផ្អែមដែលអាចគំរាមកំហែងដល់អាយុជីវិត នេះបើយោងតាម CNN ដែលបានចុះផ្សាយនៅថ្ងៃទី២៣ ខែកុម្ភៈ ឆ្នាំ២០២៤។/bnn/media/media_files/5d375bf9733ffe97af768cefa2f2e5a37ae3f5c87d2ab9d4b6868fc9c1da4415.jpg)
នៅក្នុងការដាស់តឿនសុវត្ថិភាព FDA បាននិយាយថា ឧបករណ៍ពាក់ឆ្លាតវៃដែលត្រូវបានផ្សព្វផ្សាយថាអាចធ្វើតេស្តកម្រិតជាតិស្ករក្នុងឈាមដោយមិនជ្រាបចូលស្បែកអាចនាំឱ្យមានកំហុសក្នុងការគ្រប់គ្រងជំងឺទឹកនោមផ្អែម។ ប្រសិនបើអ្នកប្រើប្រាស់ជឿ ពួកគេអាចនឹងប្រើថ្នាំច្រើនពេក ឬតិចពេក ដែលនាំឱ្យប៉ះពាល់ដល់រាងកាយ។ FDA បានបន្តទៀតថា មានឧបករណ៍មួយចំនួនដែលមិនទាន់មានការអនុញ្ញាតត្រឹមត្រូវ ហើយអ្នកលក់នាឡិកាឆ្លាតវៃ និងចិញ្ចៀនឆ្លាតវៃទាំងនេះ បានផ្សាយពាណិជ្ជកម្មមិនពិតគឺខុសពីកម្មវិធីនាឡិកាឆ្លាតវៃផ្សេងទៀតដែលបង្ហាញទិន្នន័យពីឧបករណ៍ត្រួតពិនិត្យជាតិស្ករមិនត្រឹមត្រូវតាមស្តង់ដារ។
បន្ទាប់ពីទទួលបានរបាយការណ៍ពី FDA ហើយ ក្រុមហ៊ុនផលិតនាឡិកាឆ្លាតវៃ ខ្សែដៃ និងចិញ្ចៀនជាច្រើនឥឡូវនេះក៏បានអះអាងថា មុខងារវាស់ជាតិស្ករក្នុងឈាមដែលមិនត្រឹមត្រូវតាមស្តង់ដារ ភាគច្រើនមកពីប្រទេសចិនដូចជា Pkvitality, Ptsygantl, Sacosding, Swl Technology ជាដើម។ ផលិតផលទាំងនេះមិនត្រូវបានអនុញ្ញាតដោយ FDA ទេ ហើយកំពុងស្ថិតក្នុងដំណើរការអនុម័ត ពួកវាក៏មិនត្រូវបានគេបង្ហាញថាមានភាពត្រឹមត្រូវដូចឧបករណ៍វាស់ស្ទង់ឯកទេសផ្សេងទៀតឡើយ។
ទោះជាយ៉ាងណាក៏ដោយ ទីភ្នាក់ងារនេះបច្ចុប្បន្នក៏បានណែនាំអ្នកផ្តល់សេវាថែទាំសុខភាពឱ្យពិភាក្សាអំពីហានិភ័យនៃការប្រើប្រាស់ឧបករណ៍វាស់ជាតិស្ករក្នុងឈាមដែលមិនមានការអនុញ្ញាតជាមួយអ្នកជំងឺរបស់ពួកគេ និងដើម្បីជួយពួកគេជ្រើសរើសឧបករណ៍ដែលមានការអនុញ្ញាតសមរម្យសម្រាប់តម្រូវការរបស់ពួកគេ។ FDA ក៏កំពុងធ្វើការដើម្បីធានាថាក្រុមហ៊ុនផលិត អ្នកចែកចាយ និងអ្នកលក់មិនធ្វើទីផ្សារដោយខុសច្បាប់នូវឧបករណ៍ឌីជីថលបែបនេះទៀតទេ៕
