ជារឿងគួរឱ្យរំភើបសម្រាប់ទឹកចិត្តពលរដ្ឋខ្មែរដែលរស់នៅសហរដ្ឋអាម៉េរិកដោយបានបង្ហាញទំហំក្តីស្រលាញ់និងជួយគាំទ្រសិល្បករកម្ពុជាមានដូចជា វណ្ណដា វណ្ណថាន និង កៅ សុហ្វៀ ដែលត្រៀមទៅសម្តែងលើទឹកដីសហរដ្ឋអាម៉េរិកនាពេលខាងមុខ។ ទឹកចិត្តនិងការស្រលាញ់នេះបានធ្វើឱ្យអ្នកគាំទ្ររំភើបចិត្តជាខ្លាំងដែលឃើញបងប្អូនខ្មែរនៅទីនោះបិទផ្ទាំងផ្សព្វផ្សាយការសម្តែងរបស់អ្នកទាំងបីជាច្រើនកន្លែង។  គេចាំបានថាកាលពីខែតុលា ឆ្នាំ២០២៣ តារារ៉េប ម៉ាន់ វណ្ណដា បានបង្ហាញអារម្មណ៍រំភើបចិត្តជាខ្លាំងដែលលោកមានឱកាសសម្តែងលើទឹកដីសហរដ្ឋអាម៉េរិកជាលើកដំបូងដើម្បីជួបអ្នកគាំទ្រខ្មែរដែលរស់នៅទីនោះ។ មិនត្រឹមតែមានវត្តមានរបស់សិល្បករខ្មែរតែ វណ្ណដា ប៉ុណ្ណោះទេ តែមានសិល្បករពីររូបទៀតគឺកញ្ញា កៅ សុហ្វៀ រួមជាមួយលោក វណ្ណថាន ក៏នឹងមានវត្តមានដូចគ្នា ជាហេតុធ្វើឱ្យហ្វេនៗរំភើបចិត្តជាខ្លាំង។ ក្នុងនោះលោក វណ្ណថាន បានបង្ហាញអារម្មណ៍ចិត្តយ៉ាងខ្លាំងដូចគ្នាព្រោះក្តីស្រមៃដ៏ធំមួយទៀតបានសម្រេចនិង ជាកិត្តិយសណាស់ដែលលោកមានឱកាសចេញទៅសម្តែងតំណាងឱ្យតន្ត្រី និងវប្បធម៌ ខ្មែរនៅក្រៅប្រទេស។

អ្វីដែលកាន់តែធ្វើឱ្យអ្នកគាំទ្រក្នុងស្រុកកាន់តែរំភើបចិត្តនោះ នាពេលថ្មីៗនេះពលរដ្ឋខ្មែរដែលរស់នៅទីនោះបានចាប់ផ្តើមចូលរួមផ្សព្វផ្សាយពីការចូលរួមរបស់ វណ្ណដា វណ្ណថាន និង កៅ សុហ្វៀ ក្នុងការប្រគំតន្រ្តី Sabaidee Fest ។ ពលរដ្ឋនៅទីនោះបានបិទផ្ទាំងរូបភាពអ្នកទាំង៣យ៉ាងគគ្រឹងគគ្រេងមិនថានៅតាមផ្ទះ ផ្សារ រមណីយដ្ឋាន រួមទាំងទីតាំងជាច្រើនកន្លែងទៀត។ ទំហំនៃក្តីស្រលាញ់របស់ពលរដ្ឋខ្មែរឬជនបរទេសរស់នៅទឹកដីអាម៉េរិកពិតជាគួរឱ្យសរសើរណាស់ដែលជួយគាំទ្រស្រលាញ់សិល្បករកម្ពុជាដូចនេះពិតជារកពាក្យអ្វីមកបរិយាយមិនបាន។

គួរបញ្ជាក់ថា ការប្រគំតន្រ្ដី Sabaidee Fest នឹងធ្វើឡើងនៅឯទីក្រុង Chino, Southern California នាថ្ងៃទី១៤-១៦ ខែមិថុនា ឆ្នាំ២០២៤ ខាងមុខនេះ។ Sabaidee Fest គឺជាមហោស្រពតន្ត្រី និងវប្បធម៌អាស៊ីអាគ្នេយ៍ (SEA) ប្រចាំឆ្នាំដំបូង និងធំជាងគេនៅសហរដ្ឋអាម៉េរិកដែលមានការលក់សំបុត្រដើម្បីចូលរួមទស្សនាចាប់ពី៤៩ដុល្លារដល់៦៧៩ដុល្លារ៕

ដូចមហាជនមួយចំនួនធំជា្របមកហើយថាតារាក្នុងចង្កោមសិល្បៈមួយចំនួនបានផុងខ្លួនជំពាក់បំណុលរាប់សែនដុល្លារដូចជាតារាពហុជំនាញ ខាត់ សុឃីម តារាកំប្លែងស្រីខ្ញុង ម៉ាដូណា និងអ្នកមួយចំនួនទៀតដោយវិធីសាស្ត្រនៃការដោះបំណុលផ្សេងៗគ្នា។ អ្វីដែលមហាជនកោតសរសើរគឺការដោះបំណុលរបស់អ្នកនាង ខាត់ សុឃីម គឺសងគេអស់ដោយស្ងៀមស្ងាត់និងល្អបំផុតស្ទើរតែគ្មានអ្នកដឹងនាពេលនោះថាតារាពហុជំនាញរូបនេះជំពាក់ប្រាក់គេដល់ទៅ៩០ម៉ឺនដុល្លារ។

ជាមួយបទពិសោធផ្ទាល់ខ្លួនអ្នកនាង ខាត់ សុឃីម បានបង្កើតវីដេអូចែករំលែកបទពិសោធផ្ទាល់ខ្លួននាពេលថ្មីៗនេះដើម្បីជាគន្លឹះរើខ្លួនឱ្យរួចផុតពីបំណុលដល់អ្នកដែលកំពុងប្រឈមនឹងបញ្ហាបំណុល។ តាមរយៈវីដេអូនោះ អ្នកនាង ខាត់ សុឃីម បានចែករំលែកថាការដោះបំណុលរបស់ខ្លួនមិនមែនជាការងាយនោះទេ។ អ្នកនាង ថាខ្លួននិងស្វាមី នាំទាំងគ្រួសាររកស៊ីដាក់ទុនប៉ុន្តែការទុកចិត្តលើមនុស្សខុសធ្វើឱ្យមានការស្តាយក្រោយនិងឈឺចាប់យ៉ាងខ្លាំងក្នុងអំឡុងឆ្នាំ២០២០ ដែលជួបទុក្ខផ្ទួនៗ បាត់បង់ទាំងលុយកាក់ បាត់បង់ទាំងឪពុក។

អ្នកនាង ខាត់ សុឃីម បន្តថា ខ្លួននិងស្វាមីជាមេគ្រួសារដូច្នេះមិនសូវជាបញ្ចេញសកម្មភាពទន់ជ្រាយឱ្យសមាជិកគ្រួសារផ្សេងទៀតឃើញនោះទេព្រោះអាចនាំឱ្យសមាជិកផ្សេងទៀតបាក់កម្លាំងចិត្តដោយកត្តាចម្បងយើងត្រូវមើលថែខ្លួនឯងសិន។ ចំណុចនេះអ្នកនាង ខាត់ សុឃីម ពន្យល់ថា ពេលមានបំណុលយើងកុំព្យាយាមនៅម្នាក់ឯងគួរដើរចេញទៅក្រៅ និងសម្លឹងទៅមើលអ្នកដែលលំបាកជាងយើងមានច្រើនណាស់មិនត្រូវអស់សង្ឃឹមឡើយ។

ចំណុចទី២ យើងត្រូវទៅហាត់ប្រាណ ព្យាយាមធ្វើយ៉ាងណាត្រូវហាត់ប្រាណដើម្បីជាជំនួយដល់ស្មារតីយើង។ ចំណុចទី៣ អ្នកនាង ខាត់ សុឃីម ថាយើងត្រូវរកអ្នកចេះណែនាំ ពន្យល់យើងមានភាពវិជ្ជមានក្នុងខ្លួនសុំជំនួយស្មារតីដើម្បីឱ្យខ្លួនឯងមានអារម្មណ៍កក់ក្តៅមានមនុស្សនៅខាងយើងច្រើន។ នៅពេលយើងមានស្មារតីចាំយើងគិតរកដំណោះស្រាយមួយទៀត និងកុំបោះបង់គ្រួសារខ្លួនឯងចោល។

អ្នកនាង ខាត់ សុឃីម រៀបរាប់ថា គ្រួសារជាកត្តាសំខាន់បើយើងយកចិត្តទុកដាក់ជាមួយគ្រួសារយើងនឹងដឹងថាគ្រួសារមានសារៈសំខាន់ប៉ុណ្ណា ហើយមិនត្រូវជាន់បន្ថែមបន្ទោសគ្នាទៅវិញទៅមកទេប្តីប្រពន្ធត្រូវរួមសុខទុក្ខជាមួយគ្នា បើលែងដៃគ្នាពេលមានអាសន្ន រួមសុខមិនអាចរួមទុក្ខមិនមែនស្នេហាជាប្តីប្រពន្ធពិតប្រាកដនោះទេ។

តារាស្រីរូបនេះថា យើងត្រូវចេញទៅធ្វើការលុយមិនមែនមកអង្គុយបាក់ទឹកចិត្ត ហើយកុំខ្លាចបាក់មុខលើការងារដែលគិតថាខ្លួនឯងអន់ បើសិនជាមានគំនិតបែបនេះយើងមិនអាចរកចំណូលមកជួយខ្លួនឯង និងគ្រួសារ រួមទាំងការសងគេ។ ចំណុចសំខាន់មួយទៀតអ្នកនាង ខាត់ សុឃីម ថាយើងត្រូវចចារជាមួយម្ចាស់បំណុលហើយត្រូចច្បាស់លាស់ពេលវេលាជាមួយម្ចាស់បំណុល។ អ្នកនាង ថាយើងជាកូនបំណុលមិនត្រូវបិទលេខទូរសព្ទ Block បណ្តាញសង្គមទេ ដើម្បីឱ្យម្ចាស់បំណុលតាមដានសកម្មភាពយើងដឹងថាយើងកំពុងពិបាក និងកំពុងរកលុយសងគាត់ជាដើម។ ប៉ុន្តែបើយើងជំពាក់បំណុលគេតែប្រើជីវិតឡូយឆាយហ៊ឺហា គឺច្បាស់ណាស់ម្ចាស់បំណុលប្រាកដជាខឹងគ្មានការលើកលែងជាមួយយើងទេ។

អ្នកនាង ខាត់ សុឃីម បានបន្ថែមថា ចំពោះការចចារសងបំណុលធំគឺងាយស្រួលនោះទេដោយសារយើងមានទ្រព្យបញ្ចាំង យើងអាចនិយាយជាមួយគេឱ្យគេជួយចាត់ចែងតែម្តងប្រសិនជាយើងគ្មានសមត្ថភាពបើយើងមានសមត្ថភាពដែរ យើងដាក់លក់បណ្តើរៗ។ អ្នកនាង បានចែករំលែកសម្រាប់បទពិសោធផ្ទាល់ខ្លួនទៀតថា ខ្លួនបានចចារជាមួយធនាគារឱ្យពន្យារពេលការប្រាក់បង់ហើយខាងធនាគារក៏ព្រមរយៈពេល៦ខែ ដែលពេលវេលានេះអាចឱ្យយើងដកដង្ហើមអាចរកលុយបន្តទៀត។ អ្នកនាង ម្ចាស់បំណុលណាក៏ដោយគឺគេតែងទុកឱកាសឱ្យយើងសងលុយគេណាស់ គេមិនចង់ឱ្យយើងជាប់គុកនោះទេគឺចង់ឱ្យនៅមានជីវិតមានការងារធ្វើដើម្បីសងលុយគេណាស់ព្រោះគេចង់បានតែលុយទេ លើកឡើងតែគេអស់ជម្រើសបានជាគេប្តឹង។ ចំពោះសមាជិកគ្រួសារដែលរស់នៅពឹងផ្អែកលើយើងត្រូវនាំគ្នាចេញរកការងារធ្វើដើម្បីជួយទំនុកបំរុងគ្រួសារ។

អ្នកនាង ខាត់ សុឃីម បានលើកឡើងទៀតថា នៅពេលយើងជំពាក់បំណុលខ្លួនយើងគិតអ្វីមិនចេញទេដែលធ្វើឱ្យមានការអូសទាញផ្សេងៗដែលអាចចាញ់បោកគេជាលើកទី២បាន។ អ្នកនាងថា ការដោះបំណុលយើងត្រូវសងអាតូចៗមុនដោយសារតែជាពេលវេលាលំបាកយើងគ្មានសមត្ថភាពសងការជំពាក់ធំនោះទេ និងកុំឱ្យមានមាត់កជាមួយម្ចាស់បំណុលកាលណាមានពាក្យសម្តីជាមួយគ្នាមិនមែនជាផលល្អនោះទេទោះយើងជំពាក់គេតិចឬច្រើនក៏គេជាអ្នកមានគុណជួយដោះទ័លយើងដែរ។ អ្នកនាងថា យើងត្រូវចចារជាមួយម្ចាស់បំណុល បើសិនជាមានផ្ទះ ឡាន ដី របស់ដែលអាចលក់បានលក់ទៅទោះបីជាមិនបានថ្លៃក៏ដោយ។ ការសងគេនេះអាចបញ្ជាក់ទៅកាន់ម្ចាស់បំណុលផ្សេងទៀតពីទំនួលខុសត្រូវរបស់យើងក្នុងការសងគេមិនគេចវេសទៅណានោះទេនិងព្យាយាមទំនាក់ទំនងទៅម្ចាស់បំណុលកុំឱ្យដាច់។

អ្នកនាង ខាត់ សុឃីម ថាត្រូវប្រុងប្រយ័ត្នបំផុតគឺកុំយកបំណុលដោះបំណុល កុំយកពីអ្នកនេះដោះអ្នកនោះដែលជាហេតុធ្វើឱ្យកាន់តែកើនបំណុលថែម។ ចំណុចមួយទៀតថា ជំពាក់បំណុលយើងមិនត្រូវលាក់ប្តីប្រពន្ធគ្នាឯងទេ ត្រូវជួយគ្នាគិតរកដំណោះស្រាយ និងកុំចង់បានរបស់ផ្សេងៗទាំងខ្លួនឯងកំពុងមានបំណុល ត្រូវទទួលស្គាល់ថាខ្លួនឯងនៅចំណុចណា៕

អ្នកគាំទ្រវិស័យចម្រៀងរ៉េបមានការភ្ញាក់ផ្អើលរួមជាមួយនឹងការមិនពេញចិត្ត ព្រមទាំងទាមទាររកយុត្តិធម៌ពីផលិតកម្មបារមីជូន ហ្សេដេស បន្ទាប់ពីគេឃើញនៅក្នុងពិធីចុះហត្ថលេខាកិច្ចព្រមព្រៀងមួយអវត្តមានរបស់ ហ្សេដេស បេក្ខជន TOP3 The Rapper Cambodia ដោយឃើញតែ យូហៃ Goofy និង Roxy ទៅវិញ។ ស្របពេលរឿងនេះផ្ទុះឡើង ហ្សេដេស បានត្រឹមបង្ហោះសារខ្លីមួយយ៉ាងកំសត់។

នៅរសៀលថ្ងៃទី១ កុម្ភៈ អ្នកគាំទ្របានបង្ហាញភាពភ្ញាក់ផ្អើលមិនតិចនោះទេ បន្ទាប់ពីមានវីដេអូផ្សព្វផ្សាយនៅលើបណ្តាញសង្គមទិកតុកនៃការចុះកិច្ចព្រមព្រៀងជាផ្លូវការតារាតំណាងផលិតផលរួមមានម្ចាស់ជ័យលាភី The Rapper Cambodia យូហៃ Goofy បេក្ខជនជាប់ TOP3 និង Roxy ម្ចាស់ពាន Fan Favorite។ អ្នកគាំទ្របានបង្ហាញការងឿងឆ្ងល់យ៉ាងខ្លាំងដោយសារតែមិនឃើញវត្តមានរបស់ ហ្សេដេស ដែលជាបេក្ខជន TOP3 នៅក្នុងកម្មវិធី។

បេក្ខភាព TOP3 មាន៣នាក់ប៉ុន្តែបែរជាបាត់ម្នាក់នេះដែរបានធ្វើឱ្យមានការចាប់អារម្មណ៍យ៉ាងខ្លាំងព្រមទាំងមានការជជែកវែកញែកយ៉ាងច្រើន ខណៈហ្វេនៗបានរំអុកទាមទារយុត្តិធម៌ពីផលិតកម្មបារមីគួរតែផ្តល់តម្លៃទៅដល់ ហ្សេដេស ផងដែលខិតខំប្រឹងប្រែងក្នុងការប្រកួតនាពេលកន្លងមកបែរជាមើលរំលង ហេ្សដេស ទៅវិញ។

ទន្ទឹមនឹងរឿងនេះផ្ទុះកក្រើក ងាកទៅកាន់ ហ្សេដេស វិញបានត្រឹមតែបង្ហោះសំណេរយ៉ាងខ្លីថា « Thank for everything» ដែលមានអត្ថន័យថា អរគុណអ្វីៗគ្រប់យ៉ាង ដោយលោកបានទាំងបញ្ជាក់យ៉ាងច្បាស់នូវកាលបរិច្ឆត ថ្ងៃទី១ ខែកុម្ភៈ ឆ្នាំ២០២៤ នេះ។

អ្នកគាំទ្របានបញ្ចេញមតិថា « Yuhai ម្ចាស់ពានរង្វាន់ The rapper មានសិទ្ធិចូលផលិតកម្ម , Roxy ជាប់ fan favorite មានសិទ្ធិចូលផលិតកម្ម ចំណែក goofy និង zedes នៅក្នុង top 3 ដូចគ្នា ប៉ុន្តែហេតុអ្វីមានតែ goofy បានចូលផលិតកម្ម ចុះ zedes ?, កុំលម្អៀងខ្លាំងពេក, Top3 នៅស្ទើរជាង Fan favourite មែន , ហេតុអ្វីមើលរំលងគាត់បែបនេះ» រួមព្រមទាំងមតិយោបល់ជាច្រើនទៀត។ តាមការយល់ឃើញរបស់ហ្វេនៗមួយផ្នែកទៀតបានលើកឡើងថា នេះជាការចុះហត្ថលេខាលើតំណាងផលិតផលប៉ុណ្ណោះគឺអាស្រ័យទៅលើម្ចាស់ផលិតផលពេញចិត្តអ្នកណានោះទេ។

រឿងនេះបានធ្វើឱ្យអ្នកគាំទ្រលើវិស័យចម្រៀងរ៉េបមានការមិនពេញចិត្តយ៉ាងខ្លាំងរួមទាំងបានចោទប្រកាន់ថាមានភាពលម្អៀងទៅលើ ហ្សេដេស ។ ជាមួយគ្នានេះ អ្នកគាំទ្រក៏រង់ចាំការពន្យល់បកស្រាយពីផលិតកម្មបារមីដូចគ្នាទៅលើករណីខាងលើនេះ៕