មកជាក្រុមតែម្ដងពេលនេះ! អតីតមហាអំណាចអាណានិគមទាំងបី គឺបារាំង អាល្លឺម៉ង់ និងចក្រភពអង់គ្លេស បានប្រកាសជាផ្លូវការថាពួកគេនឹងផ្ដល់កិច្ចសហការលើវិស័យយោធាសម្រាប់សហរដ្ឋអាមេរិក ក្នុងការទប់ស្កាត់ និងបញ្ឈប់ការវា.យប្រ.ហាររបស់អ៊ីរ៉ង់ទៅលើប្រទេសនានានៅក្នុងតំបន់ រួមទាំងប្រទេសដែលមិនពាក់ព័ន្ធនៅក្នុងជម្លោះ។

យោងតាមរបាយការណ៍របស់សារព័ត៌មាន France 24 របស់បារាំងនាថ្ងៃចន្ទទី២ ខែមីនា នេះបានបញ្ចេញនូវសេចក្តីថ្លែងការណ៍រួមរបស់មេដឹកនាំនៃប្រទេសបារាំង អាល្លឺម៉ង់ និងចក្រភពអង់គ្លេស ដែលជារឿយៗត្រូវបានគេហៅថា E3 បានចេញសេចក្តីថ្លែងការណ៍រួមដ៏រឹងមាំថ្កោលទោសការវាយប្រហារដោយមីស៊ីល និងយន្តហោះគ្មានមនុស្សបើកថ្មីៗនេះដោយអ៊ីរ៉ង់ ដែលបានកំណត់គោលដៅប្រទេសជាច្រើន និងកងកម្លាំងអាមេរិកនៅក្នុងតំបន់។ ពួកគេបានពិពណ៌នាអំពីការសងសឹករបស់អ៊ីរ៉ង់ថា “មិនប្រុងប្រយ័ត្ន” ហើយបានព្រ.មានថា វានឹងធ្វើឱ្យបុគ្គលិកយោធា និងជនស៊ីវិលនៅទូទាំងមជ្ឈិមបូព៌ាប្រឈមនឹងគ្រោះថ្នាក់។

នៅក្នុងសេចក្តីថ្លែងការណ៍របស់ពួកគេ ប្រទេសទាំងបីបាននិយាយថា ពួកគេត្រៀមខ្លួនរួចជាស្រេចដើម្បីចាត់វិធានការការពារចាំបាច់ និងសមាមាត្រ” ដើម្បីការពារផលប្រយោជន៍ផ្ទាល់ខ្លួន និងផលប្រយោជន៍របស់សម្ព័ន្ធមិត្តរបស់ពួកគេ រួមទាំងសកម្មភាពដែលអាចធ្វើទៅបានដើម្បីបំផ្លាញសមត្ថភាពរបស់អ៊ីរ៉ង់ក្នុងការបាញ់មីស៊ីល និងយន្តហោះគ្មានមនុស្សបើកទៅកាន់ប្រភពរបស់ពួកគេ។ នេះគឺជា កំពុងត្រូវបានពិភាក្សាសម្របសម្រួលជាមួយសហរដ្ឋអាមេរិក និងដៃគូក្នុងតំបន់ ទោះបីជាព័ត៌មានលម្អិតនៃផែនការជាក់លាក់មិនត្រូវបានបង្ហាញក៏ដោយ។

ទន្ទឹមនឹងនេះ នាយករដ្ឋមន្ត្រីអង់គ្លេស លោក Keir Starmer បានបញ្ជាក់ថា ចក្រភពអង់គ្លេសបានយល់ព្រមអនុញ្ញាតឱ្យសហរដ្ឋអាមេរិកប្រើប្រាស់មូលដ្ឋានយោធាអង់គ្លេសសម្រាប់ “ការវាយប្រហារការពារ” មានកំណត់ ដែលមានគោលបំណងធ្វើឱ្យសមត្ថភាពមីស៊ីលអ៊ីរ៉ង់ចុះខ្សោយ។ Starmer បានកំណត់រឿងនេះថាជាចលនាមួយដើម្បីការពារបុគ្គលិកអង់គ្លេស និងសម្ព័ន្ធមិត្តជាជាងចូលរួមក្នុងប្រតិបត្តិការវាយលុក។

ក្នុងពេលជាមួយគ្នានេះ រដ្ឋាភិបាលទាំងបីនៅតែបន្តអំពាវនាវឱ្យអ៊ីរ៉ង់បញ្ឈប់ការវាយប្រហាររបស់ខ្លួន និងវិលត្រឡប់ទៅរកការទូតវិញ ដោយជំរុញឱ្យមានការអត់ធ្មត់ និងគាំទ្រដំណោះស្រាយដែលបានចរចា ដើម្បីទប់ស្កាត់ការកើនឡើងបន្ថែមទៀត៕

មិនរង់ចាំយូរ! ក្រោយការស្លា.ប់របស់លោក អាលី ខាមេណី ដែលបង្កឡើងដោយការវា.យប្រហារពីសំណាក់អាម៉េរិក និងអ៊ីស្រាអែលកាលពីថ្ងៃទី២៨ ខែកុម្ភៈ ឥឡូវនេះប្រទេសអ៊ីរ៉ង់បានជ្រើសតាំងបុព្វជិតជាន់ខ្ពស់ម្នាក់ឲ្យឡើងកាន់តំណែងជាមេដឹកនាំកំពូលថ្មីភ្លាមៗ ដើម្បីអនុវត្តភារកិច្ចជាបណ្ដោះអាសន្នរួមជាមួយប្រធាធិបតិ នឹង ប្រធានតុលាការកំពូល។

យោងតាមការចុះផ្សាយរបស់សារព័ត៌មានអន្តរជាតិ The Times of Israel នៅថ្ងៃទី១ ខែមីនា បានឲ្យដឹងថា លោកអាចារ្យ Ayatollah Arafi ត្រូវបានជ្រើសតាំងជាសមាជិកនៃក្រុមប្រឹក្សាភាពជាអ្នកដឹកនាំបណ្ដោះអាសន្ន ដែលនឹងដឹកនាំប្រទេសក្នុងអំឡុងពេលនៃអន្តរកាល បន្ទាប់ពីលោក Ali Khamenei ដែលត្រូវបានគេសម្លា.ប់នៅក្នុងការវាយប្រហា.រដោយយោធា។។

តាមសេចក្ដីរាយការណ៍ពីប្រភពព័ត៌មានក្នុងស្រុកអ៊ីរ៉ង់បានបង្ហាញថា លោក Alireza Arafi គឺជាមនុស្សម្នាក់មិនសូវមានគេស្គាល់ តែលោកជាបុគ្គលម្នាក់ដែលលោក Khamenei ទុកចិត្ត ហើយបច្ចុប្បន្នកំពុងកាន់តំណែងជាអនុប្រធានសភានៃក្រុមអ្នកជំនាញ និងធ្លាប់ជាសមាជិកម្នាក់នៃក្រុមប្រឹក្សាអាណាព្យាបាលអ៊ីរ៉ង់ (Guardian Council) ជាស្ថាប័នដ៏មានឥទ្ធិពលមួយមានតួនាទីត្រួតពិនិត្យបេក្ខជនឈរឈ្មោះបោះឆ្នោត និងច្បាប់ដែលរដ្ឋសភាអនុម័ត និងជាប្រធានក្រុមកងជីវពលស្ម័គ្រចិត្ត Basij ក្រោមចំណុះកងឆ្នាំបដិវត្តន៍អ៊ីរ៉ង់។

ក្នុងវ័យ ៦៧ឆ្នាំ លោក Alireza នឹងត្រូវបំពេញតួនាទីដ៏សំខាន់នៅក្នុងក្រុមប្រឹក្សាបណ្ដោះអាសន្នរបស់ប្រទេសអ៊ីរ៉ង់ ខណៈលោកត្រូវបានដាក់ឲ្យនៅចំចំណុចកណ្តាលនៃភាពជាអ្នកដឹកនាំរបស់អ៊ីរ៉ង់ក្នុងអំឡុងពេលដ៏តានតឹង ជាមួយនឹងភាពមិនប្រាកដប្រជាសម្រាប់សាធារណរដ្ឋអ៊ីស្លាម។

ការរៀបចំបណ្ដោះអាសន្ននេះត្រូវបានគេមើលឃើញថាជាចន្លោះប្រហោងរដ្ឋធម្មនុញ្ញដែលមានបំណងរក្សានិរន្តរភាពក្នុងការគ្រប់គ្រង និងអំណាចសាសនា ខណៈពេលដែលអ៊ីរ៉ង់កំពុងឆ្ពោះទៅរកការជ្រើសរើសមេដឹកនាំកំពូលថ្មីដ៏មានឥទ្ធិពលនាពេលអនាគត៕

ឮ​ហើយក៏ហួសចិត្ត បែបជំងឺឆ្កែឆ្កួ.ត ឆ្លងរីករាលដាលពេញប្រទេសថៃហើយទេដឹង បានជាឱ្យ​តែមានបញ្ហានៅខាងដីថៃ តែងរកលេសចោទប្រកាន់ លាបពណ៌មកកម្ពុជាមិនដែលខាន ទោះបីរឿងណឹងវាមិនអាចកើតដោយសារមនុស្ស ក៏និយាយទៅរួច រាប់តាំងពីទឹកជំនន់ ដីស្រុត ភ្លើងឆេះព្រៃ ខ្យល់ព្យុះ ។ល។ រករឿងខ្មែរដូចមិនចេះហត់សោះ។ បើថានៅកៀកគ្នាទៅមិនថាទេ តែនេះឆេះនៅលើទឹកដីអ្នកឯងសោះ ក៏ចេះរកលេសចោទបានទៀត សូមសរសើរហើយថៃ គឺល្បីខាងបោកកុហក ផ្សាយព័ត៌មានបំភ្លៃ ទឹកដីនៃស្នាមញញឹមពេញដោយពិសពុល គឺថៃនេះឯង ជាអ្នកជំងឺនៅអាស៊ី ឆ្នាំ២០២៦នេះ ។

ថៃពូកែខាងចោទប្រកាន់ ពូកែសង្ស័យណាស់! ការផ្ទុះឆេះឃ្លាំងគ្រា.ប់រំសេវនៅខេត្តសុរិន្ទ ពាក់ព័ន្ធអ្វីនឹងកម្ពុជា ទើបពលរដ្ឋថៃនៅព្រំដែនចោទប្រកាន់កម្ពុជាបង្ហោះដ្រូន និងសង្ស័យដ្រូនកម្ពុជាពាក់ព័ន្ធនឹងការផ្ទុះឆេះឃ្លាំងគ្រា.ប់រំសេវស្ថិតក្នុងទឹកដីថៃទៅវិញ និយាយរួម ឱ្យតែមានហេតុការណ៍អ្វីកើតឡើងតែងតែចោទប្រកាន់មកលើប្រទេសជិតខាងរហូត ។ បន្តិចទៀត ពេលមានគ្រោះរញ្ជួយដី ឬទឹកជំនន់កើតឡើងនៅថៃ ចោទប្រកាន់កម្ពុជាដែរហើយ ។

កាលពីល្ងាចថ្ងៃទី២៤ ខែកុម្ភៈ ឆ្នាំ២០២៦ កងទ័ពថៃរាយការណ៍ថា មានករណីផ្ទុះឆេះឃ្លាំងគ្រាប់រំសេវរបស់អង្គភាពនគរបាលព្រំដែនថៃ លេខ២១ (BPP21) នៅស្រុកមឿង ខេត្តសុរិន្ទ បង្កឱ្យមានការភ័យឆោឡោ និងជម្លៀសពលរដ្ឋនៅក្បែរកន្លែងកើតហេតុជាបន្ទាន់ ខណៈអាជ្ញាធរបានពង្រាយកម្លាំងជួយសង្គ្រោះ និងមានរថយន្តពន្លត់អគ្គិភ័យជាច្រើនគ្រឿងមកជួយអន្តរាគមន៍ ប៉ុន្តែ ទម្រាំគ្រប់គ្រងស្ថានការណ៍បាន ឃ្លាំងនេះរងការបំផ្លិចបំផ្លាញយ៉ាងធ្ងន់ធ្ងរ ។

ជំហ៊ានដំបូង មនុស្សមួយចំនួនសង្ស័យថា ហេតុការណ៍នេះអាចជាអំពើបំផ្លិចបំផ្លាញដោយចេតនា ឬមានអ្នកលួចដុត បន្ទាប់មក ក៏មានសេចក្តីរាយការណ៍ថា ការផ្ទុះឆេះឃ្លាំងគ្រាប់រំសេវនៅខេត្តសុរិន្ទ គឺបណ្តាលមកពីអាកាសធាតុក្តៅខ្លាំងពេក ។ ប៉ុន្តែពលរដ្ឋថៃនៅព្រំដែនមិនជឿឃ្លាំងឆេះដោយសារអាកាសធាតុក្តៅទេ និងចោទប្រកាន់កម្ពុជាបបង្ហោះដ្រូននៅព្រំដែន ពេលនេះ ពលរដ្ឋថៃត្រៀមខ្លួនជម្លៀសចេញពីលំនៅឋាន ។

តាមការចុះផ្សាយរបស់សារព័ត៌មាន Matichon Online ហេតុការណ៍ផ្ទុះឆេះឃ្លាំងគ្រាប់រំសេវបានកើតឡើងកាលពីវេលាម៉ោង៧ និង៣០នាទីល្ងាច ថ្ងៃទី២៤ ខែកុម្ភៈ បណ្តាលឱ្យមនុស្សរងរបួសស្រាលម្នាក់ ហើយមតិភាគច្រើនដាក់ការសង្ស័យថា តើហេតុការណ៍នេះពាក់ព័ន្ធនឹងកងទ័ពកម្ពុជាដែរឬទេ ដោយសារឃ្លាំងនៅក្បែរព្រំដែនកម្ពុជា? បើទោះជាមានសេចក្តីរាយការណ៍ថា ការផ្ទុះឆេះឃ្លាំងគ្រាប់រំសេវមិនពាក់ព័ន្ធនឹងកងទ័ពកម្ពុជាទេ គឺដោយសារអាកាសធាតុក្តៅខ្លាំង ពីព្រោះប្រទេសថៃមានករណីផ្ទុះឆេះជាច្រើនលើក ។

ពលរដ្ឋថៃនៅឃុំចាន់ថប់ពេជ្រ ស្រុកបានក្រួច ខេត្តបុរីរាំ បានចោទប្រកាន់កម្ពុជាបង្ហោះដ្រូនក្បែរព្រំដែន និងសង្ស័យដ្រូនរបស់កម្ពុជាពាក់ព័ន្ធនឹងការផ្ទុះឆេះឃ្លាំងគ្រាប់រំសេវខេត្តសុរិន្ទ ពួកគេមិនជឿថា ការឆេះបណ្តាលមកពីអាកាសធាតុក្តៅទេ ។

ពេលនេះ ពលរដ្ឋថៃនៅព្រំដែនបានត្រៀមខ្លួនជម្លៀសចេញពីលំនៅឋាន ជាលើកទី៣ ព្រមទាំងចោទប្រកាន់កងទ័ពកម្ពុជាដុតព្រៃនៅព្រំដែន និងចោទប្រកាន់ថា ជាភាគីផ្ទុះអាវុធមុនកាលពីព្រឹកថ្ងៃដដែល (ថ្ងៃទី២៤ ខែកុម្ភៈ) ស្ថិតនៅភូមិសាស្ត្រទល់មុខខេត្តព្រះវិហារ ។

គួរបញ្ជាក់ថា កាលពីថ្ងៃទី២៤ ខែកុម្ភៈ ក្រសួងការពារជាតិកម្ពុជាបានបដិសេធចំពោះការចុះផ្សាយរបស់ផេកផ្លូវការកងទ័ព និងសារព័ត៌មានថៃមួយចំនួន ដែលថាកម្ពុជាប្រើប្រាស់អាវុធបាញ់គ្រាប់បែកខ្នាត៤០មីលីម៉ែត្រ បាញ់ចូលមកតំបន់ក្បែរចំណុចល្បាតរបស់ភាគីថៃ ចំនួន ១គ្រាប់ នៅវេលាម៉ោង៨ និង៥០នាទីព្រឹក នៅទល់មុខភូមិសាស្រ្តគោលប្រាំបី ចាក់ច្រែង ក្នុងខេត្តព្រះវិហារ ។ ក្រសួងការពារជាតិកម្ពុជាចាត់ទុកនេះជាការចោទប្រកាន់ និងអំពាវនាវឱ្យថៃបញ្ឈប់ការចុះផ្សាយព័ត៌មានមិនពិត ដែលអាចបង្កឱ្យយល់ច្រឡំ និងកើនឡើងនូវភាពតានតឹង ៕